Ke Aloha Aina, Volume VI, Number 38, 22 September 1900 — E IKE A E HOOMANAO. [ARTICLE]

E IKE A E HOOMANAO.

(Kakauia no KE ALOHA AINA.) Eia hoi kekahi poe aloha aina oiaio iloko o ka poai Aoao Demokarata, he poe i hoomaewaewa ia a he poe i moe iluna o ka papahele pohaka huihui o Kawa, mamuli o ke aloha i ko lakou one hanau. Iwaena o keia poe kakou e hoomanao ai a e wae ai, i mau wahaolelo no kakou, oiai, owai e aku ka mea hilinai ia, ina aole o ka mea i ku i ka maka o ka ihe, a i ai i ka ai o ka la pilikia he pohaku. He nui no ia poe, a he poe Hawaii no kekahi o lakou, i hiki ke malama i ka pono a me ka wiwo ole. Eia kekahi moho kaulana o ka makee lahui a aloha aina, e ola ai kakou Hawaii, oia hoi ka mea nana i kokua ke noi o Baraina a me Stevenson na moho mua a hope o ka noho Peresidena o na Repubalika, oia hoi o JOHN H. WISE. Ua maopopo loa o Mr. Wise aku ana ka leo mana o ka aoao o na Hawaii, imua o Peresidena Baraina, i keia koho ana, a iwaena o na Demokarata, a he maopopo loa, o kana noi ia lakou e ae ia ana, —a he hookahi no noi waiwai—oia e lilo he Mokuaina o Hawaii—ke lilo o Hawaii he mokuaina, alaila, aia hou aku he mana e lilo ana i ka hapanui o ka poe koho balota. A owai ia poe—Haina ka puana i lohe— o oe no ia e Hawaii.