Ke Aloha Aina, Volume VI, Number 40, 6 October 1900 — KUE NA MOHO KUOKOA O HAWAII. [ARTICLE]

KUE NA MOHO KUOKOA O HAWAII.

Mai Hawaii a hiki mai ai ka lono, ua mahae ka aoao Kuokoa, a ke hele la na hoa i koho ia i moho no ka Aoao Kuokoa. Wahi a ka lono, ua noi ia aku o H. West kekahi o na keiki papa o Hilo, a he aloha aina oiaio mai mua loa mai, e haalele i kona holo ana he moho no ka Ahaolelo mai ka Aoao Kuokoa mai a o Kauka Russell he holo balota ma kona wahi. No keia kumu ua ui aku oia ia Mr. Ewaliko a me John Brown kona mau hoa holo balota no keia mea, a ua lokahi lakou e hoole i ka Mr. Wilikoki mau alakai ana. Ua kohoia keia poe e na kuokoa o Hawaii, a aole lakou e ae e kaukolo ia lakou a hookikina ia e kekahi mea. Ua hooholo o Mr. West e hooikaika ponoi oia nona iho me ke kue ia Mr. Wilikoki. Wehe ka pili @[la?] e na hoa. Aloha no.