Ke Aloha Aina, Volume VI, Number 41, 13 October 1900 — Page 6

KE ALOHA AINA, POAONO, OKATOBA 13, 1900

 

HE KAAO KAILI PUUWAI

NO KA

UI MINEWA

A ME NA

Kaikunane Eiwa

I Hooliloia i mau Manu Nene Ahiu

a i ole na Keiki i Hoehaehaia

Kakauia no KE ALOHA AINA.

            A he mau hora pokole wale no mahope iho, aia hoi kau aku ia lakou iluna o na puu pohaku ma na lae kahakai o ua mokupuni la a ka moi opio Duro e noho pio ana me ka haawi ana iho i manawa no lakou e hoomaha ai.

            I ke kuu ana iho o ko lakou nae, ua haliu like aku la lakou no kahi a ke kakela o ku kilakila mai ana me ka hiehie nui, ma kahi he elima mile mai a lakou aku, e kau ana hoi maluna o kekahi kakai pali laumania kiekie loa e hiki ole ai i kekahi mea kino kanaka ke hiki aku ilaila. No ka mea, he nihinihi loa ke alahele e hiki aku ai, a ua kiai paa ia hoi o na koa kakaikahi o ka moi Duro i lawe pu ia mai me ia e ka mana o ka luahine kilokilo me ka haawi ia o kekahi kauoho paa ia lakou, aole he mea kino ola e komo aku iloko o ko lakou ihikapu @ ke ao a i ole i ka po, a o ka mea e kue ana i keia e haawi ia ka uku hoopai o ka make.

            I ka maha ana iho o ka nae o ua mau manu nei, oia no ko lakou wa i haalele iho ai i na puu pohaku a lakou e kau ana, a lele aku la no kahi a ke kakela nani nona na puoa kiekie e oni haaheo ana iloko o ke aouli.

            A he mea oiaio, iloko o ka wa pokole loa ua hoea aku la lakou me ka maalahi i ka pahu hopu o ka lakou huakai. Lele pohai ae la lakou ma na ipuka ani ani o ua home kapu nei o ka ipo a ko lakou kaikuahine i haule ai i ka hewa, e huli ana hoi iaia me ka hoomaha ole no ka haawi ana aku i ka leta i haawi ia mai ia lakou. Aka, aole nae oia ma kahi a lakou i ike mau ai iaia e noho ai i na la mamua aku, a nolaila, ua komo iho la na manao hopohopo iloko o lakou nona.

            I ko lakou hoonele ia ana ua @@maha iho la lakou maluna o na puoa o ua kakela nei, me ka malama ana he aha kukakuka no ka mea e pili ana i ka hoonele ia ana o ka lakou huakai a me ka lakou hana pono e lawelawe ai.

            Iloko o keia mau kuka ana, @a ku ae la ko lakou wahi muli loa a waiho aku la i kona mau manao no ke komo maoli ana aku iloko o na paia o ke kakela e huli ai i ka mea a lakou e imi nei me ka nana ole ae pehea la ka nui o na poino e loaa ana iaia.

            Mahope hoi o na noonoo akahele ana ua ae ia aku la keia mau manao wiwo ole o ko lakou muli loa, nolaila, ua haawi ia aku la ka leta a ko lakou kaikuahine iaia no ka lawe ana aku e haawi i ka haku o ua kakela nei.

            Ma keia wahi ua haawi ae la oia i kona aloha hope i kona mau kaikuaana me na waimaka e haloiloi ana ma kona mau onohi maka i ka hoomanao ana iho, o keia alahele ana e hooko aku ai aia ia iloko o ka make, a mai na lani wale mai no ke kokua e hiki ai ke loaa iaia ka pale kana, no ka mea, ua paa na wahi a pau o ke kakela i ke kiai ia e na koa me ka makaala loa, a he make wale no ka uku hoopai o ke komohewa.

            I keia wa i hookuu ae ai ko lakou mau puili aloha ana, oia no ka manawa o ua wahi pokii nei o lakou i lele aku ai me ka puuwai wiwoole a komo pololei aku la ma ka ipuka aniani a lakou i ike mau ai i ke kanaka opio i ka noho i na la i kaahope ae, a nalo aku la hoi iloko o ke sekona hookahi mai na maka aku o kona mau hanau mua e nana aku ana me na manao pihoihoi.

            Me ka mama lua ole i loaa i ua wahi manu la ua lele kaapuni ae la oia maloko o na paia o ua kakela nei, e alo ana hoi i kela a me keia manawa mai ka ikeia ana mai e ka maka o na koa e kiai ana i ua ka kela nei.

            E kilohi ana i ka nani oloko o kona mau paia, me ka manaolana mau ana e ike lihi aku ana oia i ka mea a kona puuwai e huli nei, aka, no kekahi manawa kona halo ana mao a maanei, a i ka wa o kona puuwai e hookaumaha ia ana no ka hoonele ia ana mai o kana huakai, ua ike aku la oia i ka oili ana mai o kekahi luahine mailoko mai o kekahi rumi e haliu ana i ka hikina me na helehelena kaumaha.

            Na ia mea i hookomo mai ina manaoio iloko ona, aia iloko o kela rumi kana mea e huli nei, nolaila, me ka mama i loaa iaia lele pololei aku la oia no loko o ua rumi la, me ka nana ole heaha la ka poino e halawai mai ana me ia.

            Ua ike koke mai la ka luahine a hoomaka mai la e paa iaia, aka, mamuli nae o kona piha eleu ua pakele aku la oia ma ka apua, a komo aku la iloko o ka rumi, a ike aku la i kana mea e imi nei e waiho ana iluna o kahi m@e iloko o ke kulana nawaliwali loa, me na waimaka hoi e hoopulu mau ana i kona mau lihilihi.

            A maluna pono o ke poo o ka moi opio i hookuu iho ai ua wahi manu la i ka leta e paa ana ma kona nuku a huli ae la me ka manao e hoi aku no waho kahi a kona mau hanau mua o kali mai ana nona.

            Aka, ia manawa no ua hookapalili ia ae la kona puuwai i ka ike an@ aku, aia hoi, ua paa ka puka i k@ pani ia kona alahele e hiki aku ai iwaho, a aia ka luahine a me kekahi mau koa kiai maloko o ua keena la e hoao ana e hopu iaia i pio.

            Lele ae la oia mao a maanei me ka huli ana i wahi nona e pakele ai mailoko aku o ua rumi la, aka, ua hoonele ia mai la oia ma na ano a pau.

            A no kekahi mau minute kona alualu ia ana e kona mau enemi, ua paa iho la oia i ka hopu ia, a lilo iho la hoi he pio no loko o ua kakela nei.

            Aka, ia wa no i loheia aku ai ka leo nawaliwali o ka moi Duro i ka hooho ana mai.

            E akahele e kuu mau kauwa a mai hoopoino i ke ola o kela manu.

            Elike me ka leo kauoha a ua moi Duro nei, pela na kauwa i hooko aku ai a hamohamo iho la hoi i kona mau hulu nani me ka hooho ana ae.

            He keu maoli keia o kahi manu nani, a ua kupono loa hoi ia noloko o ka pahu aniani hoikeike.

            Na keia mau huaolelo i hookaumaha iho i ka manao o ua wahi manu nei i kona hoomanao ana ae ua hoea mai la oia i ka hopena o na la o kona noho lanakila ana, a e lilo ana hoi oia i pio no nae oia i kona hoomanao ana ae, o kana hana i hooko ai he hana wiwo ole ia i hana ole ia e kona mau hanau mua.

            Ma keia wahi i wehe ae ai ua moi opio nei i ka leta a heluhelu iho la a ia wa koke no i ike ia aku ai ka loli ana ae o ka helehelena o ua Duro nei, me ka hio@o ana iho o kona mau waimaka.

            I ka pau ana o kona heluhelu ana oia no kona wa i ala koke mai ai a kahea aku la i ka luahine me ka leo pihoihoi.

            E Ronio, e kuu hoaloha hookahi wale iho no, ua loaa mai la ia'u he leta mai ka mea a kuu puuwai e hoomanao mau nei i ke ao a me ka po, ka mea hookahi a kuu puuwai @ lia mau nei, e hoike mai ana ia'u aia oia iloko o ke kulana kupilikii maluna o kekahi mokupuui mehameha, a i kauoha mai la ia'u e kii aku.

            Nolaila, e kuu hoaloha maikai heaha ka kaua hana pono e hooko aku ai, e hookuu anei kaua iaia maluna o kela mokupuni mehameha e make i ka pololi. O aole, aole loa, e hele koke aku kaua e haawi i @a kokua ana iaia.

            A ma keia wahi i kulou iho ai ke poo o ka luahine a noonoo iho la i ka laua hana pono @ hooko aku ai no keia wahine i hoohaeha ia, a l@uliu kona kulou ana, ua ikeia aku la kona mau waimaka @ hiolo makawalu ana me ka aea ana ae o kona poo a pane mai la.

            He olalo e kuu haku moi ua halawai k@la wahine opio me na haawina ehaeha, ma o k@ kaua mau hana lapuwale maluna ona, a nolaila, he hookahi wale no hana pono na kaua e hooko aku ai oia no ke kii ana aku aku e hoopakele mai iaia, oia, ua haalele mai la ka hoi ka ona nona ia waiwai.

            Ku ae la ua moi Duro nei a hele holoholo ae la me ka puuwai hauoli no ka mea, akahi no a loaa iaia he lohe mai kana ipo mai, aka, o ka mea nae nana i hooi loa aku i kona hauoli oia no ke kauoha ana mai o kana aloha iaia a kii aku iaia.

            Nolaila ku ae la oia iluna a kahiko iho la iaia me kona aahu nani, me ka lalau ana aku i kahi manu lawe leta a paa ae la iaia me ka hamohamo ana iho i kona hulu nani a puana ae la me ka leo pihoihoi.

            Nou e keia wahi manu hulu nani ko'u aie nui i ka hooko pono ana mai i ke kauoha a kou haku.

            Nolaila, eia au ke hookuu aku nei ia oe e hoi a hoike aku i kou haku wahine e hiki aku ana au i ona la ma ka hora 12 ponoi o keia po, no ka hoopakele ana ae iaia mailoko mai o kona kulana poino, a lawe mai hoi iaia i moiwahine no kuu kakela ihikapu nei.

            Ma keia wahi i lawe aku ai ua moi Duro nei i kahi manu ma ke alahele ana i komo mai ai, a hoi aku la ma ka puka aniani, a mahope o ka haawi ana mai o kahi manu he mau kunou haahaa ana, ua huli ae la oia no waho o ke kakela me ka puuwai hauoli no kona lanakila.

MANAOIO NA DEMOKARATA NA BRYAN KA LANAKILA.

            Kikako, Oct. 4. Ua hoopuka ae la na keena o ka Aoao Demokarata Lahui i ka lakou wanana mua loa no keia kau koho e hiki mai ana. O J.G. Johnson o Kansas, ka lunahoomalu o ke Komite Hooko Lahui, wa hoouluolu ae oia i keia hua helu a hoike mai la, "o na balota i manaoia no Bryan he 320; na balota no Makinile he 94; na balota kanalua, he 33.

            O na mokuaiua i manaoia @ kakoo ana ia Makinile oia o Oregona, Iowa, Penesalevania, Vireginia Komohana a me na mokuaina Nu Enelani. O na mokuaina kanalua oia o Mikikana, Minesota a me Nu Iereai. O ke koena iho o na mokuaina no Bryan wale no.

HALAWAI MAKAAINANA NUI

A KA

Aoao Demokarata

            E malamaia ana ma ka hale keaka Ohuma ma ke ahiahi Poakahi, Okatoba 15, 1900, hora 7:30 he Halawai Makaainana Nui no ka hoapono ana i ka paa balota a @a DEMOKARATA. E haiolelo ana na moho a me kekahi poe e aku. E hele mai e hoo@o@@.