Ke Aloha Aina, Volume VI, Number 44, 3 November 1900 — Page 6

KE ALOHA AINA, POAONO, NOVEMABA 3, 1900, page 6

 

HE KAAO KAILI PUUWAI NO KA UI MINEWA A ME NA

Kaikunane Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakau@ano KE ALOHA AINA.

            A he mea oiaio, na keia mau hua olelo a ko lakou kaikuahine aloha i hoomama ae i na manao kaumaha e lauwili ana i ko lakou mau puuwai.

            Mahope o ko lakou puili home ana ae, ua mawehe ae la na mea a pau i ka pili a hoi aku la kela a me keia no ko lakou mau keena iho e haawi ai i manawa no ko lakou mau lihilihi e hoomaha ai.

            Aka, no Minewa aole oia i hoi aku no ke keena mehameha a kana aloha e kali mai ana, aka, aua hele aku la oia a ma kahi o ka puka aniani e haliu pono ana i ka lewa i noho iho ai oia me ka manao aloha no kona mau kaikunane i ka hoomanao ae ina e mau ana no ke ia mau kino eepa maluna o lakou he mea pololei loa aole lakou e noho pu ana me ia, aka, e hoauwana mau ia aku ana lakou i kela a me keia la.

            A na keia mau kuko like ole a me na halia aloha e nape malie ana iloko o kona puuwai i kono mai iaia e hoohelelei iho i mau waimaka no kona mau kaikunane iloko o ka inea e auamo ana hoi i na hoopai koikoi i hookau ia maluna o lakou e ko lakou makuahine kolea lokoino.

            Oiai no ua Minewa nei e noho u ana no kona mau kaikunane, aia hoi, ua hoohikileleia ae la oia i kekahi lima i ka paa ana iho ma kona poohiwi akau me ka puana iho me ka leo nahenahe.

            E ka ui o na ui, ka mea hookahi hoi a kuu puuwai i poni ai i maiwahine no na paia laahia o kuu kakeia nei, aole anei ou maluhiluhi i ke ala hookahi, no ka mea, ua hala aku la ke kulu aumoe a @ia hoi oe i na hora o ka pili o ke ao e aia nei nolaila, e ku ae a hoi aku e hooluolu i kou mau lihilihi.

            Leha koke ae la na maka o ka wahine opio me na waimaka e kiheahea ana a ike ae la o Duro no ka kana ipo, a ia wa i owaka ae ai kona waha a pane mai la.

            E hookuu mai fa’u, e noho hookahi, no ka mea, he hana nui ka’u e noonoo nei.

            A i ka ike ana iho o ua moi opio nei i na helehelena kaumaha e hekau ana maluna o ka@a aloha, ua hoopihoihoi koke ia ae la ko ia noonoo a ninau koke aku ia.

            Heaha keia mau helehelena kaumaha a’u e ike aku nei maluna ou a me kela mau kulu waimaka e kiheahea nei maluna o kou mau papalina?  Ua hana hewa aku anei au ia oe?  E pane mai ano, no ka mea, e hoehaeha mai no oe i ko’u puuwai ke noho hamau mai kou mau lehelehe mai ka ekemu ole @ai i ko’u leo.

            Aole o Minewa i pane koke aku, aka, na ike ia aku la kona poo i ke kulou ana iho, a liuliu aea ae la oia a pane mai la.

            E hoolohe mai e kuu aloha i ke kumu o keia mau waimaka e hoopulu nei i ko’u mau lihilihi, a e pane mai hoi, ua hiki anei ia oe ke hooluolu mai i ko’u mau manao kaumaha.

            O kela mau opio i ukali pu mai nei me a’u no loko nei o kou home kakela, aole lakou he kino kanaka i na wa a pau, aka, e loli ana no ia ma kekahi mau manawa i mau kino manu.

            He hoopai lokoino i hookau ia mai maluna o lakou e ko makou makuahine kolea.  A no ia haawina ehaeha a lakou e auamo nei ko’u mau kulu waimaka e helelei nei, i ka hoomanao ae, e noho ana au iloko o ka hauoli, ana, no lakou he oia mau lakou iloko o ke kulana popilikia.

            Nolaila, e pane mai ua hiki anei ia oe ke hoopakele ia lakou mai ko lakou noho mau ana iloko o ka mea a e hookaawale aku hoi i keia hoopai koikoi mai a lakou aku?

            He mea hiki ole ia ia’u ke pane aku, aka, e launa mua ae au me kou hoaloha mamua o ko’u pane ana aku i kau ninau.

            A ia wa no i huli ae ai ua Duro nei a kauoha aku la i kekahi o na koa kiai no ke kii ana aku i ka luahine kilokilo Ronio.

            A iloko o ka manawa pokole wale no o ka nalo ana aku o ua koa kiai nei, aia hoi, ua oili hou mai la oia me ka ukali pu ana mai o ke kilokilo Ronio.

            A imua o ke alo o kona haku opio i kulou haahaa iho ai oia a pane mai la me ka leo malie.

            E kuu haku heaha ka manao nui o ke kii ia ana ae nei o kau wahi kauwa nei i keia mau hora o ka pili o ke ao, he hoohalua anei ua hiki mai i ko kaua kakela alii nei?  E pane mai a ua makaukau au e hooaku no ke ola o me ka make @e ka manao kanalua ole.

            Aole he kipi i hoea mai ma ko kaua kakela nei e kuu hoaloha maikai, aka, he haawina kaumaha nae ke pahola nei maluna o ka’u mea i aloha ai, a no ia kumu i hoouna aku nei au i@ oe no ka ninau ana aku ia oe ua hiki anei ia oe ke hoomama mai i na manao kaumaha e haakokohi nei maluna o kona puuwai?

            Aka nae, mamua o ka hiki ana ia’u ke pane aku i keia ninau, e oluolu ana anei kuu haku opio heaha keia kaumaha nui o kau alii wahine? Wahi a ke kilokilo me ka leo kuoo.

            A @aanei i hoike aku ai o Duro i na mea a pau e pili ana i ko Mimewa kaumaha no kona mai kaikunane mai ka mua a hiki i ka hope a ia wa i poha hou mai ai ka leo o ua Ronio nei i ka i ana mai.

            E kuu haku opio o kau mea e kamailio mai nei, aole ia he mea nui ma ko’u manao, a e kuu haku opio, ma ka oili ana mai o na kuku na maiamaiama o ka la ma ka la apopo e oia mau ana no ke kino o keia mau opio, aole hoi lakou e lilo ana i mau kino ee@a.

            A ia wa i lalau ino ai oia iloko o kona poli a unuhi ae la he pahikaua aniani a me keia mau huaolelo i hoomau hou mai ai oia.

            Eia ka hoopakele o na opio a ma kona mana e kaawale aku ai kela mau kino manu mai a lakou aku.

 

LAHUI KANAKA UKULII.

 

            Ua hoike ae o Prof. Morazta, ua loaa mai nei ma ke awawa o Rebas, Gerona, ma kekahi aoao o Pyrenees Hikina, he lahui kanaka i kapa ia he Nanos e na lahui kanaka e ae, he poe ukulii lakou nona ke kiekie aole i oi ae maluna o eha kapuai ke kiekie.  He maikai ko lakou oiwi kino, he liilii na lima a me na wawae, he laula nae ko lakou poohiwi a me na kekala.  He ano e loa ko lakou nanina, he ulaula ko lakou lauoho, he laula ko lakou helehelena ma ka p@kii o ka ihu.  O ko lakou mau maka he lilio elike me ka pake.  He like lua ka nanaina o na kane a me na wahine, a mamuli wale no o ka lakou aahu ana i ike ia ai ko lakou ano.  O na Nano@, he poe lakou e noho ana no lakou iho ma Rebas.

            Aole lakou he mare i na lahui e aku, a pela i loli ole ai ko lakou ano.  He poe lakou i nele me na ike hoonaauao.  He maopopo loa no ia lakou ko lakou mau inoa, aka, no ko lakou mau makua aole o lakou hoomaopopo.

 

KA MANAWA KOHO BALOTA.

 

            Ua hoike ae nei o Kuhina Kupa o na manawa o ke koho balota e malama ia ai mawaena no ia o na hora 8 o ke kakahiaka a hiki i ka hora 5 o ke ahiahi, aka, i na he mau kanaka koho balota kekahi e kali ana ma kahi koho no ka hookomo ana i ko lakou mau balota ua hiki no ke hoohakali@ ia ka paa ana o ka pahu balota a hiki i ko lakou wa e pau pono ai i ka hookomo.  A no na wahi i pau mua na poe i ka hookomo i ko lakou mau balota, ua hiki no ka pahu ke pani ia mamua o ka manawa a ke kanawai i kauoha ai.

 

E KOHO I KA PAA BALOTA DEMOKARATA.

 

NUHOU KULOKO.

E KOHO POLOLEI I KA BALOTA ALII.

Mai poina, e koho i ke Keikialii Kawananakoa, he pua’lii mai ka po mai.

 

E koho i ke Keikialii

 

            E lokahi i ka lahui mai Hawaii a Kauai e koho i ke Keikialii Kawananakoa i elele no Wakinekona.

            He makau maoli ko n Aoao Repubalika o pau lakou mai na oihana aupuni mai ke puka ke Demokalaka.

            E koho e na makaainana aloha alii i ka paa balota Demokalaka mai Hawaii a Kauai, a ma ko lakou puka ana e loli ai na hooponopono aupuni kuloko.

            He koko hapa o Wilikoki a me Sam. Paka, a he koko Hawaii piha hoi ke Keikialii Kawananakoa.  Nolaila, ma ke koko piha kakou e ike mua ai a mahona hoi na koko hapa.

E KOHO POLOLEI I KA BALOTA DEMOKARATA.

D. KAWANANAKOA

 

            Ua hoopuka ia ae la e ka Aoao Demokarata he r bine hou me na huaolelo “Kawananakoa” a me na hoailona kapu alii ma na aoao.  He nani kona kiokiona ke ike aku.

            Eia o Wilikoki ke hoinoino nei i na Repubalika i ka aihue aina, aka, o ka mea kupanaha nae oia pu no kekahi I kakoo i keia mau hana aihue aina i na la mua o ka hookahua ia ana mai.

            Ua hemolele ke Keikealii mailuna a lalo aole i hawawa na lima i ke kokua hoohuiaina elike la me Welekoki a me Wsam Paka.  Nolaila, e koho e ka lahui i ka mea maemae o ka @@@@ aole hoi i ka mea i kau ia e ke kiko eleele.

            Aohe he inoa haumia maloko o ka p@a balota a ka Aoao Demokarata, aka, aia ma ka aoao Repubalika a me Kuokoa Home Rula, he nui wale, a he poe no hoi kekani i ahewa ia no na hana anuka.  Nolaila, e ola anei kakou ka lahui ke kakoo e keia mau aoao kalalaina?  Aole @oa.

            Ma ka hoike a na hoahele o ka Keikialii Kawananakoa, he nui ke @@ohia ia o ka lakou huakai i kaapuni aku nei i@ Oahu.  O kekahi poe kakoo Repubalika a me Kuokoa Home Rula, ua wehe lakou i ko lakou mau kuka o keia mau aoao kalaiaina ae la elua, a aahu iho la i ke kuka Demodarata.

 

O ka Elele ia ola ka Lahui.

            Ua o@@@ ae o R. W. Wilikoki he aloha alii, a aloha aina oia, i mea @ oiaio ai keia mau olelo ana, he mea pono nona e hook@u mai i kona ku@@@@ no ke Keikialii Kawananakoa.  Oiwi, ua like @o a like ko laua naauao ma na mea pili kalaiaina.  He kanaka i pau@ ele ole ka lima ia mea he hoehuiaina.

            Ua olelo ia e na haole he lahui aloha alii a aloha aina oiaio ka lahui Hawaii mai kahiko loa mai o ko lakou hooku m@ ia ana.  He oiaio loa ia mau olelo, a na haole i hoopuka ai, aka, e haalele anei lakou i ko kakou aloha alii i hookahua ia mai mai na kupuna a nana aku kakou ia Wilikoki a e S. Paka.  Aole, aole loa, aka,

O ke alii wale no ka’u makemake,

O ka l@hi o mana me ia nei,

O ka makou lealea no ia.

Ua-i-ke-a.