Ke Aloha Aina, Volume VI, Number 48, 1 December 1900 — Page 1

KE ALOHA AINA

HONOLULU. POAONO, DEKEMABA 1, 1900

 

NUHOU KUWAHO_

 

PO@O @OU NO KEIA MOKU LAWEKOA AMERIKA.

 

        Manila, Nov. 17. O ka moku lawakea Indiana i piha me na lako ai a e lawe aa ne pauli o ka regimana 22, ua ili aku la oia ma na puu pohaku ma ka aoao hikina o ka mokupuni Islade Polillo. E hoouna ia ana keia mau koa no ke kiai ana ia Baler. Ua hoouna ia ka moku lawekoa Penesalevania no ka haawi ana i na kokua i ka moku poino.

        Ua manao ia e pakele ana no ka Indiana. Ua haalele aku ka Indiana ia Kapalakiko no Manila ma ka la 27 o Febernari me ka piha ukana.

@E HUAKAI POPILIKIA.

        Ladana, Nov. 20. Ua hoopuka ae ka nupepa Daily Express i keia muau hoike mai Odessa mai:

        He puulu o kanakolu poe Tureke kai makemake e haalele iho ia Rusia me ka malu, a holo aku la iloko o ka pouli mai Taehurusku aku no kekehi aoao o ke Kai Eleele. Ua halawai lakou me ka ino ma ka moana nana i hoopiha aku i ka moku me ke kai. Ua kiola mua ia aku na ukana no loko o ke kai, a mahope aku na keiki, a o na wahine aku, aka, aole nae ia he mea e pakale ai ka moku mai ke piholo ana, a ua make lakou a pau a koe he hookahi keiki e paa ana i ke kia o ka moku, ua lawe ia aku oia e na ale no uka o ka aina.

        HE HOOPAI WELIWELI.

        Limon, Col. Nov. 16. Na ke ahi i hooku aku la i ka uku hoopai o ka make ana o Louise Frost. O Preston Porter Jr., ka paele limakoko, ua halawai oia me kekahi make weliweli ma keia po maluna o kekahi puu ahi, i hoopaa ia aku i kekahi pou hao me na kaulahao. Ma ka hora 6:23 ua hoa aku la ka makuakana nana ke kaikamahine i make i ka puu ahi. He ehiku minute mahope iho ua maule o Porter, a i ka hala ana he iwakalua minute he kino papaa kona e waiho ana. O kahi i lawelawe ai o keia hana weliweli maluna o Porter ma kahi ponoi no ia ana i pepehi ai a make i ke kaikamahine a Mr. Frost hona na makahiki he 11 i kona wa e huli hoi mai ana mai ke kula mai. He haneri a oi poe i hoea malaila no ka hooko ana i keia uku hoopai weliweli maluna o ka paele.

OEHUEHU NO KE KULANA O NA PILI PINE.

        Manila, Nov. 18. Ma kela pule aku nei, ua ike ia ka pii mahuahua ana o ke kulana ikaika o na Pilipine me na Amerika. He nui na kaua liilii i malama ia ma ka akau a me ka hema o Luzon, aka na ka ua nae i hoomaha i keia mau hakaka ana.

        Aia na Amerika ke hoonee la no ka hoopio ana i na Piline malalo o Kenerala Lubkan, ka puali Pilipine hoi nana e hoomalu la i ka mokupuni o Samar, a koe wale no he ekolu taona e paa ia ana e na Amerika, e hoomalu pakahi ia ana e elua puali o ka regimana 29 me kekahi mahele koa pukaa.

        Ua hoomau mai na Pilipine i ke ki ana a ua hiki ole i na koa Amerika ke haawi aku i na kue ikaika ana mamuli o ke uuku loa o ko lakou heluna. Aia ka oihana kalepa ma Samar ke ku malie la. Ua hoea aku la o Kenerala Hare me 250 kanaka. E lawe pu mai ana oia he ewalu puali o ka regimana 2 mai ka mokupuni o Marinduque no ka opa ana ia Kenerala Lubkan, me ke kiai pu o na mokukaua ma kona mau kapakai i wahi e hiki ole ai i ke alakai Pilipine ke mahuku. Aia pu me Lubkan he ekolu mau io o ka regimana 43.

        O ka hakaka ano nui o ka pule i hala aku la, ma ka nee mua ana aku no ia o Kenerala Grant me na kiu Amerika a me Mae oibebe maluna o kekahi kulana ikaika e paa ia ana e na enemi ma kahi o 200, he 35 mile ma ka akau aku o Manila. Mahope o ka hakaka ana no kekahi hapa o ka la me ka po, ua lilo pio aku la ke kulana i na Amerika. O na piono o na Pilipine he 50 i make a he lehulehu wale i hoeha ia O na poino o Amerikka he 11 ko a me 1 alii i hoehaia a me 1 Maoeabebe i make.

        Ua hoonua nai la o Lutanela Frederick W. Alataeer o na koa eneginia i hopu pio ia maloko o Luzon e na Pilipina ma ka mahina aku nei o Sepatemaba, ma ka ae ana a kona mau enemi, he leta i Manila e noi ana i ai, dala a me ka lole, a e lawe ia aku ia e kekahi elele Pilipine. he nawaliwali kona kulana a he ma@elana kona no ka hookuu ia mai.

HOAO E HOOPOINO I KE OLA.

        Breslau Nov. 16. O ka Emepera William ua hoao ia ae e hoopoino kona ola i keia la, aka, aole nae i hookoia. Oiai, oia e holo ana maluna o kekahi kaa hamama no ka halekoa i ukali ia e ke Keikielee o Saxemeiningen, ka hooilina alii, ua nou ia mai la e kekahi wahine iloko o ke anaina makaikai he koi maluna o ke alii. Ua hookui mai ua koi la i ke kaa, aka, mamuli nae o ka ikaika o ka nae ana o ke kaa ua pakele iho la ke ola o ua mau alii nei. Ua hopu koke ia ua wahine nei, a ua manao ia ua pupule oia.

        O ka inoa o keia wahine oia no o Selma Schuaphe. Ua lawe ae oia he kulana mamua loa o ka laina makaikai, ma ka aoao o ka Emepera. O na poe i ike i ka hana lokoino a keia wahine i lawelawe ai, na lele aku la lakou me ka manao ana e hoopoino aku iaia, aka, ua pakele nae oia ma o ke komo koke ana mai o na makai e keakea i na manao hae o ka lahui nona.

PULE I HOOILINA ALII KANE.

        Paria. Nov. 15. He nui ua wahino opio i hoea aku ma Limogas no ke noi ana aku ia Sana Leonard e hanau mai ka Za wahine Rusia i hooilina kane no ka nohoalii oia aupuni. @e nui na pule oia ana i malama ia ae maloko o Farani a me kekahi mau halepule lehulehu maloko o Rusia.

KUPILIKII KE KULANA O KA ZA O RUSIA.

        St. Peteroboro, Nov. 14. O ka Za o Rusia eia oia ke waiho nei iloko o ke kulana nawaliwali loa. O na hoike aupuni i loaa mai he ma'i fiva taifuda, ka ma'i e hoomailo la iaia. He nui ka pioo o Rusia holookoa no keia pilikia o ke Za. O na ohana alii a pau i kaawale aku ma na aupuni e, aia lakou ke hoi awiwi mai la no kona wahi moe. O na kauka a pau o ka halealii aia lakou ke hoopuka mau ia i na hoike i ke kulana o ka Za.

        O keia nuhou o ka ma'i nawaliwali loa o ka Moi, na hoohikilele ae ia ia St. Peteroboro. He kanaka opio wale no oia nona na makahiki he 32, a ua lawe i ka inoa Za he eono makahiki wale no i hala ae nei, maloko o Novemaba, 1894. I ka wa o kona makuakane Moi i make ai i ka la 1 o Novemaba, 1894. O kona hoahanau Micheal ka hooilina i ka no hoalii i kona wa e make ai, a o kona hoea ana mai oia ka ka lahui e kali aku nei me ka manao nui.

MAKAUKAU O TUAN NO KA HOOPAKELE ANA I KONA POO.

        Sanahai, Nov. 14. O ke Keikialii Tuan a me Kenerala Tung Fuh Siang, ua @oala ae laua i ka haunaele ma ka apana o Kansu, mamua o ka ae ana aku ee oka ia ko laua poo, elike me ke koi a na mana nui. Ua hooulu ae la laua i kekahi haunaele, i like me ua apana Hema a i oi loa ae hoi mamua o na Boxer. Aia ke hopohopo ia la ke ola o na Kaiolika e noho la maloko oia mau apana.

 

        Ua hopu ia ae kekahi kanaka kuai wai momona no ke kuai waiona, ma ka huipu ana i ka waiona a me ka wai momona iloko o ke k@h@@a kuai mai la no ke 25 keneta o ke kiaha.