Ke Aloha Aina, Volume VI, Number 48, 1 December 1900 — HE HOOHENO NO WILIKOKI [ARTICLE]

HE HOOHENO NO WILIKOKI

He wehi hooheno no Wilikoki No ka moho kaulana a ka lahui, Ua hui Hawaii Nui a Keawe, A hiki i ka mole olu o Lehua, Ua koho ia oe me ka lokahi, Lanakila kamahao mailuna mai, O ka hokuloa kou kokua, O ka mana kahikolu kou alakai, Lilo ai mea ole na enemi, Na maka keleawe mai k Kahiki, A hiki aku ai Wakinekona, A e na'i oe i ka pono kaulike, I mau ke ola i kou lahui, Ma ka aekai o ka Pakipika, Kipa aku oe i ka Hale Keokeo Lulu lima pu me Makinile, Ike piha ia mai kou hookohu, A he wahaolelo no ka lahui, Hea aku no au o mai oe, Wilikoki e ka moho ola Hawaii. Hakuia e JAMES KEAWEAMAHI. Kapalama, Noy. 29,1900.