Ke Aloha Aina, Volume VI, Number 49, 8 December 1900 — Page 3

KE ALOHA AINA

 

KE KENETURIA IWAKALUA.

 

            Mahope o ka noonoo akahele ana e na poe naauao, ua ike ia iho la, aole kakou i komo iloko e ke kenaturia iwakalua a o keia makahiki 1900, o ke koena no ia e ke kenetaria mikumaiwa, no ka mea, ma ka noonoo pono a ia poe naauao aole ka hoomaka ana o ka hua helu me ka 0, aka, me ka 1, nolaila, o ka makahiki 1901 e hookokoke mai nei oia ke keneturia iwakalua.

            E lilo ana ka po hope o keia makahiki, Dec. 31, 1900, i po nui loa, ka po hoi e nalo aku ai keia keneturia umikumamaiwa no ka wa mau loa, a komo mai ke keneturia hou ma kona hakahaka.

            O ko kakou ike ana i ke kaawale ana aku o kekahi keneturia a komo hou mai kekahi keneturia he mea nui ia. No ka mea, ua hala aku ia kekahi poe o kakou i ka make i keia mau la e @ aku nei e komo iloko o ke keneturia hou.

            No kakou ka poe e ike aku ana ia po he mea kupono no no kakou ka hauoli ana ia po ma ka mea kupono me ka haawi pu ae hoi i na kahoahoa ana ia Iehova, ke Akua Kiekie Loa, no kona malama ana mai ia kakou a ike ia la ano nui. No ka mea, aole kakou e ike hou ana he keneturia mahope aku ona a hiki i ko kakou hooluolu ana aku iloko o ke kakou mau lua kupapau.

            Me na aupuni naauao a pani ka hoona nei e hoolilo ana lakou i ua po la i po ano nui, a e wehe hamame ia ana hoi na luakini ia po no ka malama ana i na anaina haipule. O ka makou e manao nei he mea pono no hoi i na luakini maanei o kakou e malama like i na anaina haipule ma ia po.

 

HOPU IA NO KE KOMOHEWA.

 

            Ma ka auina la Poakollu nei, ua loaa aku la ia Abram Kekai he eono mau Iapana e lawe ana he elua niau eke i piha me ka amaama mai ka loko mai i hoolimalima ia eia. Ua koi aku o Kekai e haawi ia mai keia mau ia'u, aka, ua hoole mai ia nae @ Iapana.

            Ua kipaku oia ia lakou mailuna aku o ka aina, aka, aole nae lakou i hooko aku. Ua kokua ia aku o Kekai e kekahi kanaka okoa a ho@ aku la e kaili mai i na eke i'a mai na Iapana mai, a ua hoomaka mai la lakou e hoolei i na ai a ka oi. He ewalu ka nui o na Iapana i kue mai i na kanaka Haawaii i keia wa, me ka malama ia he hakaka ma ke alanui o Kalihi.

            No kekahi manawa ka hakaka ana ua lilo ae la na eke i na kanaka Hawaii a hele mai la laua no Honolulu nei no ka hoopii ana. Ua hoomau mai na Iapana i ka hakaka ana, aka, i ko lakou ike ana ua ne@ lakou me ka ikaika, ua holo mai la he elua o lakou i ka halewai e hoopii ai no ka aihue o keia mau kanaka.

            I ka wa i hoea aku ai o Kekai a me kona kokoolua i ka halewai e waiho mai ana he mau palapala hopu no laua, aka, mahope nae o ka hoakaka ana a Kekai i na mea a pau, ua hoopuka hou ia mai la he mau palapala hopu no na Iapana no ke komohewa.

 

KA HUAKAI A KEOKI KAAKA.

 

            Nu Havena, Nov. 26. Me he mea la o ka huakai loihi i hele a mai nei no ka makaikai hookuku peku popo, oia no ka Geo Carter (Keoki Kaaka) a me kana wahine, i hele mai mai ka hapalua mai o ka moana Pakipika, a holo mai la no keia aoao o ka aina no ka maikai ana i ka haule ana o Harvard i ke Yale.

            O Carter kekahi o na lala kahiko o ka Yale, a e huli hoi aku ana oia me kana wahine no ko laua home ma Hawaii i ka la 27 o Novemaba. O ka manao o ko laua kipa ana mai i keia kulanakauhale oia no ka makaikai ana i ka hookuku peku popo nui. Ua hoaa mai lana i anei mahope o ka holo ana mai nei mai ka Pakikipa mai a Kapalakiko, a maluna mai hoi o na kaaahi holo loa. E haalele iho ana o Carter a me kana wahine ianei i keia po.

            O ka olelo keia a ka nupepa Honua o Nu Havena no ka huakai a Senatea Keoki Kaaka i holo pupuehulu aku nei i Amerika Huipuia, aka, malia he mau hoonalonalo wale no keia no kana huakai, no ka mea, owai o kakou ka mea i ike aku.

 

KA NOEAU O MARCONI.

 

            Ladana, Nov. 28. O Signor Marconi, ua lanakila oia maluna o kana hana paakiki e huli nei, wahi a kekahi o na hoahana o Marconi i ka nupepa Daily Express. Ma na hoomaopopo ia ana, wahi ana i pakui hou mai ai. E hoohui aku ana makou ia Amerika Huipuia a me Beritania iloko o na launa kukai ana mamua o ke Karisimaka mua o ke keneturia hou. O keia hana he mea huna ia iloko o Marconi, aka, ua olelo ia nae ua hiki iaia ke hoomalu i na ea o ka lewa, a e hookauwa aku hoi la lakou e lawe i na @ mai kahiaono @ kahi aoao o ka honua iloko o ka imo ana o ka maka. Ina e holopono ana keia mau hoolala ana he hapahaneri ka emi mai o kona hoolilo i ka @ telegarapa moana, a e lilo ana hoi ua @ telegarapa ia @ mea waiwai ole m@ keia mua aku.

 

ALOHA NO IA HAWAII.

 

            Me ka minamina makou e hoike aku nei no ka haalele ana mai ia o Daniela Kaleikoa i keia oia ana ma kona home ma Honuakaha, ma ka hora 6 @ ke kakahiaka Poalima, Dec. 8, mahope o kona kaa mai ana no kekahi mau la loihi.

            He kanaka oia i kamaaina nui i ko Honolulu nei. He oluolu a he heahea, a mamuli oia haawina maemae i loaa iaia ua nui kona mau hoaloha. He lala kahiko oia no ka puali puhi ohe aupuni mai ka au mai o na aupuni moi a hiki i keia aupuni hou a kakou e ike nei. He aloha aina oiaio a hiki i kona wa i hooluolu aku la i ka moe kapu o Niolopua. O keia Daniela Kaleikona kekahi o na puukani kaulana ma ka himeni i ike nui ia ma Hawaii nei, a i hoea aku ma kekahi mau kulanakauhale nui o Amerika Huipuia ne na manawa lehulehu.

            Oiai, kona kino wailua e waiho ana moloko o ka home o kona pokii Mr. Kapalikapu Kaleikona, ma ka po Poalima nei, me kona ohana e akoakoa ana, no kipa aku ia kona mau hoaloha e ike hope iaia, a iwaena o lakou ka hui himeni Kawaihau, a nana i haawi mai i na mele hoalohaloha no ka mea i make, i kokua e kekahi mau lede a hiki i ka pili e ke ao.

            Ua hanauia o Daniela Kalei koa ma Wahiawa, Oahu nei, he 38 makahiki i hala ae nei. Ua haalele iho la oia he wahine me na keiki eha he mau kaikuamahine ekolu a me hookahi pokii a me ka ohana e paiauma aku ana nona. I ka hora 10 o keia kakahiaka Poaono e nalo ai oia ma ka ilina o Kawaiahao malalo o ka hoo hanohano ana a ka hana aupuni ana i noho loihi ai no iwakalua a oi makahiki.

            Ke komo  pu aku nei KE ALOHA AINA ma ke kumakena pu ana me ka ohana o ka mea i hala. Luuluu wale.

 

HALA MALALO O KE KAU OHA PUPUAHULU.

 

            Vitoria, B. C. Nov. 22. Malalo o kekahi kauoha pupuahulu i haalele iho ai ka mokukana Beritania Phessant i keia kakahiaka a holo aku la no Panama me ka mama nui i loaa iaia, ua loaa pu mai la ke kauoha i ka mokukana Pheton no ka ukali ana mahope ona no ka malama ana i ke ola a me na waiwai @ @ kupa Beritania ma Panama. Ua loaa mai nei he hoike i ka oihana kaua moana maanei mai ke Kanikela Beritania mai e hai mai ana aia na waiwai o na Beritania iloko o ke kulana kupilikii mamuli o ke pihoihoi no ka ulu ana ae o ka haunaele.

            Ua olelo ia ae o Kapena Kamika o ka Phessant ua hookohu komisina ia aku ia oia no @ koi aua i ua p@ o ka hope ia @ o ka mokuahi Beritania T@ e na poe@ Colombia. Eia ke heopiha awiwi @ ka Pheton me na lako a ua @ he manawa haalele wale iho no nona ia anei no Panama.

 

Nuhou Kuloko.

 

            Eia kekahi mau komita wahine o ka hoomana Moramona ke @ nei e @ dala no ka paina @ nui e haawi ia ana aia @ ma keia pule aku.

            He nui ka lealea o ka halekeaka Ofiuma i keia mau po i ka hui keaka hou i hoea mai nei maluna o ka mokuahi Mari@ Nolaila, e naeu ae malaila

            Ma ka aha fea o Sana A@ i malama ia ma ka Poaono @ @ ike ia ka holopono o na @ malaila pu ae ka Moiwahine Liliuokalani kahi i hoohanohano ai i ua fea la.

            Ua hookolokolo hou ia o P@ no kekahi hihia kuai rama @ no, a ua hoopai ia oia he $500 me @ mahina hoopaahao. A ua @ aku la kona loio Enoka Johnston i kana hoopii imua o ka Aha Kaapuni.

            Ma keia ia 4 o Dekema@, i piha ai na makahiki he 75 @ @ komo ana o ka Hooilina Moi Kaahumanu he hoahanau no @ ekalesia o Kawaihao, kekahi @ o na pou hana ikaika ma ke @ ana i na ekalesia la.

            Mamua ae o kou hele ano aku a kuai i kau mea i makemake ai e alawa ae i na hoolaha @ o ka puka ia KE ALOHA AINA. malaila e loaa ai ia oukou na halekuai e malama nei i na kuai hoemi nui.

            Ua hopu ia kekahi kanaka nona ka inoa o John Maielui @ ka hoeha ia Kapena Makai Fox, mahope o ka lawe ia ana @ o kona hihia e hoolohe ia e ke Aha Apana, ua waiho loa ia aku la ia imua o ka Aha Kaapuni @ e hookau mai i ka hoopai kupono maluna ona.

            Ua malamaia ae ke puhiohe @awaho o Maki Ailana e ka @ane aupuni iloko o ka pouli a ua olelo ia ae mamuli o ka uku oia ana e ke aupuni i ka Hui Kukui Uwila pela ka hana i hoohoka ia ai i ke kukui ole. Ua puhi ae ka puali puhiehe i na mele i peanaau ia lakou a huli hoi mai la no ke taona.

            He poe poke kuonoono o ke kulanakauhale nei kai honu ia e Challingworth ma ka po Poaono nei, ma ka hale maluna o See Wo ma ke ulanui Nuuanu, ua pii aku oia ma ka pou telepona a komo aku la @oko o ka kumi kahi o ka piliwaiwai e malama ia ana ma ka puka aniani ua hoohikilele ia na nako @ kunawai i ka wa i ike mai ai @ Hope Makai Nui.