Ke Aloha Aina, Volume VI, Number 50, 15 December 1900 — Page 1

KE ALOHA AINA

 

LA IUBILE O NA MORAMONA

-------

WEHEIA NA HANA MA KA HALEKEAKA OFIUMA.

--------

Loheia ka Leo o Keoki Pukuniahi Malamaia na Hana me ka Maluhia.

--------

 

 

            Ma ka hora 10 o ke kakahiaka Poakolu Dec. 12, i malama ia ai na hana iubile o kaekaleaia Moramona, ka piha pono ana hoi he 50 makahiki o kona kukuluia ana ma keia mau paemoku. ua hoopiha ia ka halekeaka Ofiuma me na hoahanau oia ekalesia a me na poe makaikai he lehulehu wale i iini e ike i na hana iubile e malama ia ana maloko ona e ia ekalesisa kaulana, ka Hoomana o na La Hope.

            Malaila pu ae ka hana aupuni no ke kokua ana i na hana iubile a pela pu hoi me na lede ppuukani. Maluna o ka awai na papa himeni o ia hoomana, ko Laie a me ko Honolulu nei.

            He nani na leo mele i mele ia mai e na papa himeni imua o ke anaina i akoakoa aku. A o keia iho ka papa kuhikuhi o na hana oia kakakahiaka.

           

PAPA KUHIKUHI

1. Himeni Hoonani "E Hoomaikai i ka Haku" Papa Himeni Hui. Pule Wehe Iubile

2. Himeni Hoonani "Ka mele o na mea i hoolaia" Papa Himeni o Honolulu

3. Haiolelo Hookipa, Peres. Wooley

4. Himeni Pualu "Ka Iosepa Kamika Pule mua." Lanihuli Club

5. Moolelo pokole no na mea e ola nei i bapetizo ia e Keoki Pukuniahi na, Kalalakoa.

6. Soprano Solo, kokua ia e ka Orchestra, Miss Keliiaa.

7. Himeni Pawalu, "Utah We Love Thee."

8. Haiolelo, Keoki Pukuniahi

9. Himeni Paha. "Aleluia Anthem"

10. Baritone SOlo, "Queen of the Earth, Frd Beesley.

11. Na Haiolelo Kuikawa.

12. Contraito Solo, kokua ia e ka Orchestra, Mrs. J. Alapai.

13. Himeni Pualu, "Me he ahi ke a nei ko ke Akua Uhane." Pule Hookuu.

 

            Mawaena o na hana hoolealea oia kakahiaka, i hoolauna ia mai ai o Peresidena Woolley o Keoki Pukuniahi ke kanaka mua nana i kauu iho i na anoano o ka pono oia ekalesia ma keia mau paemoku he 50 makahiki i hala ae nei, a e ulu nei me ka mohaha a hiki i keia la.

            Mahope iho o kona hoolauna ia ana, ua haawi mai la oia i kona aloha i ke anaina me kekahi mau huaolel pokole me kona noi mai i ke anaina e huikale aku iaia, oiai, mamuli e kona kaawale loihi ana na anu hemahema oia i ka olelo Hawaii, nolaila, na haiolelo mai oia ma ka olelo Enelani a na Peresidena Woolley i mahele mai ma ka olelo Hawaii i ka moolelo o ke kukulu ia ana o keia ekalesia maanei.

            He umi ko makou nui i hoouna ia mai ai i Hawaii nei no ka haiolelo ana imua o na haole a owau hoi o makou ka mea opiopio loa no'u na makahiki he 22 wale no. Ua mahele ia makou i ko makou hiki ana maanei, a owau kai hoouna ia aku no Maui I ka ike ana o ko'u mau hoa aole he nui o na haole maanei, ua hooholo iho la lakou e hoi hou no ka home, no ka mea, aole a lakou hana maanei. Ua hooikaika aku au ia lakou e noho mai, aka, he eha wale no o lakou i ae mai e noho me a'u a o ke koena iho ua pau aku lakou i ka hoi no ka home. Ua loaa ia'u he moeuhane a ua hoike mai ke Akua ia'u e nui ana na wahi e kukulu ia ai keia hoomana.

            Mamuli o ko'u opiopio a me ka nui o na hoomaau ia mai, ua aloha na kanaka ia'u. Ua nui na poe i komo mai.

            Ua a'o aku au i na kanaka i ka euanelio kahiko, a ua apo mai lakou, a hele aku la me ka wehewehe ana i ka euanelio, ka hoola ana i na mea'i no ka mea, ua hanini mai ka uhane o Iesu Karsto maluna o lakou. He nui na poe a'u i bapetizo ai, oiai, au he keiki wale no. He aloha au i keia lahui a pela lakou ia'u I ka nana aku keia mau makahiki he kanalima he nui no na loli ana, aka, o ka euanelia he ola mau no ia.

            Ia'u ma Maui na nui ko'u mau hooikaika no keia ekalesia, ma Lahaina, Kula, Wailuku a me Keanae. Ma Keanae mai ka auina la Poakolu a'u i hiki ai ilaila a hiki i ka La Pule, he 150 kanaka i bapetizo ia e a'u He mau Isaraela no oukou e hahai ana i na a'o ana a Aberehama ma. Ua lohe au eia keia lahui ke holomoku nei i ka make. Ke hoike aku nei au ia oukou ma kela ao aia he mau miliona o oukou. O na luna kahiko i hala aku i ka make ai, aole e hiki ia'u ke hoakaka aku i ko'u manao hauoli no ko kakou launa hou ana, a ke hooki nei au maanei me ka pule e i ke Akua a aloha mai eia ia oukou. Amene.

            Mahope iho o ka pau ana o na hana oia kakahiaka na kono ma o Lunakahiko Aberahama Fernandez i ke anaina holookoa e naue aku i ka halekoa, a e paina i na mea i loaa malaila ma ka hora 2.

            I ka hore 2 o ia auina la i malamaia ai ka paina luau ma ka halekoa, a ua ai na me a pau me ka hoohalahala ole.

            Ma i po iho ua malama ia he mau hana hoolele kii maloko o ka Ofiuma o na kii o Uta, Hawaii nei a me kona wahi e ae. He nani na me a a pau i hanaia mai, a ua hoopiha hou ia ka Ofiunia.

 

HE AIHUE KEIKI

------

 

            Eia ka oihana makai ke noii nei i kekahi hihia aihue keiki. O ka mea i aihueia he kaikamahine opio nona na makahiki he umi i olelo ia ae ua lawe malu la aku oia me ka ike ole o kona makuahine maluna o kekahi mokuahi no Kanai.

            Ma kekakahiaka Poakahi nei ua hoopuka ae la o Malia Lemaholo he palapala hopu no ka hopu ana ia Martha he wahine Hawaii no ka aihue i kana keiki O ka mea i hoopii ia a me ke kaikamahine ua olelo ia ae aia lau Kauai i keia wa.

 

INU HEWA I KA LAAU MAKE.

-------

 

            Eia ke waiho nei maloko o ka haukipila iloko o ke kuleana mawaliwali he kanaka nona kai@na o Niau, a ua like hoi kona kulana me kela mau Pukiki i make ai he mau pule i hala aku la ma o ka ina ana i kekahi wai laau make.

            Ma ka hoike a Niau i kona wa i lawe ia aku ai i ka haukipila, ma ka Poakahi nei ua inu iho la oia i kekahi wai laau ana i manao ai he alakohola, i loaa mai kekahi hale kuai laau mai no ka hoohinuhinu umeke ana. Ua ana oia ia la a i ka po ana ua hoomaka mai la oia e ike i ka eha o kona poo.

            Ua hoopouli ia ka ike, a ua hoonele pu ia hoi o Ni u me ka ohe mahope o kona hiki ana aka i ka haukipila. Aole he maopopo loa i na kauka ka palekana o kona ola.

            E na Hawaii mai hoao i ka inu ana i na wai laau mai na halakuai laau mai i mea no oukou e ona ai, a ina he makemake ko oukou ia mea aia no na hale inu rama, a malaila no hoi e hoolawa ia ai ke oukou mau nui, no ka mea, he aui a lehulehu na ola i hala aku i ka make mamuli o ka inu ana i keia mau wai laau. Ahea no hoi kakou ao kanaka mai, a waiho aku i keia mea ino.

---------

NA KOA AMERIKA NO KA HOME

-----------

            Ma ka mahina o Ianuai ae nei e hoihoi mai ai na mona lawekoa Amerika i na koa Amerika kuikawa e hakaka mai la ma na paemoku Pilipine no ka home, mahope o ka piha ana he makahiki a oi o ka hakaka ana me na Pilipine. He 30,000 ka ani o kela mau koa, ua manao ia e kipa mai ana lakou ma ke alahele o Hawaii no Amerika Huipuia. O ka moku lawekoa Grant oia ka moku mua e hoihoih mai ana i keia mau koa.

E loaa no na lole kane emi loa ma ka halekuai THE HUB, e ku nei ma ke alanui Hotele, koh@ke i ke alanui Papu.