Ke Aloha Aina, Volume VI, Number 50, 15 December 1900 — Page 2

KE ALOHA AINA

 

 

HONOLULU . . . . DEC 15 1900

 

NA LONO NO KA ELELE WILIKOKI

 

            Maluna o ka mokua Sierra e hoea mai ana ma ke ahiahia Poakolu ae nei a i ole ma ka Poaha aku e loaa mai ai na lono no ka @ ana aku la o ka Elele R W Wilikoki a me kona mau hoa i ka ulu wehiwehi o Kapalakiko, a me ko lakou haalele ana iho ia kulanakauhale no Wasinetona.

            He mea nui no kona komo ana aka iloko o ka Hale Ahaolelo ma mua o ka pau ana o keia kau @ o ka Ahaolelo Kanalima kumamaono o Amerika Huipuia i keia mahina no.  A o ke kau Ahaolelo e wehe ia ana i na la mua o Maraki o keia makahiki ae o ke kau mua no ia o ka Ahaolelo Kanalimakumamahiku.  E hoike aku ana no makou ina e loaa mai ana he mau mea e pili ana nona.

 

HAWAII ILOKO O KA AHAOLELO

 

            Wahinetona, Dec 5, O na huina dala no kekahi mau bila haawina a hiki i ka makahiki 1902 ua waiho ia mai la ia e ke Kuhina Waiwai iloko o k hale o na @ i keia la.  Malolo o ke Keena Kalaiaina he bila haawina kai noi ia mai no ka Haukapila Marine, ma Honolulu, $200,000; Kahua Hoolala Oihana @ Moana ma Hawaii, $107,300, no ke kukulu ana i Hale Ipukukui, $25,000; ana ana i na kapakai Pakipika, me ke @ o Hawaii a me Alaska $177,500.

            Mawaena o na bila i hookomo ia mai iloko o ka Hale, he hookahi ma Mr. Littlefield o Maine, e hookupu ana i ke kuai ia ana o na lako pu, opiuma a me ka waiona i na kanaka hanau o ka @ @ @ Pakipika.  A ua komo pu ka lahui Hawaii iloko o keia mau hookapaia ana.

            Wasinetona, Dec. 5.  Ua hoouna aku o Peresidena Makinile i ke Senate i ka inoa o Roy H. Chamberlain o Iowa, i luna ohi i na loaa kuwaho, no ka apana o Hawaii, ma kahi o Wailliam Haywood i waiho mai.  O T. B. Lycas ua hookohu ia aka la i luna leta no Wailuku, Maui, ma kahi o W. T. Robinson i haalele mai.

            Ua hoea hou mai ka mokukuna Kawailani me ka nui ole o na poino mahope o kona ili ana mai nei ma na Koolau ae nei.

            Ua hanau mai ka puhaka mai o Mrs. @ Kaawalauole he keikikane nui nepunepu i ka hora 2 o ka wanaao La Pule nei, Dec. 9, 1900, ma Niolopa, Nuuanu.  Ke kalokalo ae nei makou e uhai ia ka lei me ka ulumahiehie o ke ola kino a kau i ka puaneane.

 

NA PANINA O NA HANA IUBILE.

            Ma ka hora 10 o ke kakahiaka Poaha nei, i wehe hou ia ai na hana haipule maloko o ka halekeaka O @, e na hoahanau Moramona ka la hope hoi o na hana Iubile.  Ua hoopiha hou ia no ka halekeaka e kekahi anaina kanaka nui no ka makaikai ana i na hana e lawelawe ia ana iloko o ka maluhia.  Ua lohe hou ia na leo mele nani mai na papa himeni mai o Honolulu nei a me Laie a me ka leo o ke Kahuhipa Keoki Pukuniahi e hanai mai ana i na huaolelo o ka pono i kana mau hipa aloha.  A ma ke awakea i hookuu ia ae ai na hana oia kakahiaka.

            Ma ka hora 2 or ka auina la, ua malama hou ia no na hana haipule a me na hoolea ana i ke Akua.  A ua hoea ae ma ia anaina ka Moiwahine Liliuokalani.  Ua malama hou ia na hana iloko o ke anoano a me ka eehia.  Ua haiolelo hou mai o Keoki Pukuniahi e hoomau i ka hahai ana ma ke alahele o ka pono.

 

NA HANA MA PUOWAINA

 

            Mahope koke iho o ka hookuu ia ana o na hana haipule o ka auina la, ua pii aku la na hoahanau a me na poe makaikai e ae no luna o ka puu o Puowaina, a malaila e kuhikuhi ai o Keoki Pukuniahi i kahi i makia ia ai o ka ekalesia Moramona.  He mea oiaio, he piina ikiiki no keia ao @ lede a me na keonimana @ i loaa ole na kua e lawe aku ai ia lakou ma kekahi aoao mai o ka puu, aka, ua lilo nae keia mau inea o ka pii puu ana i mea ole ia lakou.

            I ka hora 5:15 p.m., ua hoea mai la o Keoki Pukuniahi, a ma kahi kokoke i ke kahua o ka hale kipu kahiko i ku ai maluna o Puowaina i hoakoakoa ae ai na mea a pau.  Ua wehe ia na hana me ka himeni pualu.  "E kumu paa Loa," e ke anaina.  A i ka pau ana o ua mele nei, ua huli aku la o Keoki Pukuniahi, a kuhikuhi aku la kona lima no ka pali maluna aku o Pauoa, a e kapa ia nei hoi i keia wa ke kiekiena Pakipika.  Aia mahope o kela mau hale e ku mai la i kukulu ia ai ka makia o ka ekalesia Moramona, wahi ana.  Ua hoea mai makou i ka la 12 o Dekemaba, 1850.  a ma ke kakahiaka nui o kekahi la ae ua pii aku makou no luna o kekahi wahi kiekie no ka hoolilo ana i keia mau paemoku no ke Akua.  Ma kela wahi mahope iho o na hale e ku mai la i kukulu ai makou he kuahu.  He umi ko makou nei ua hookoakoa mai makou i na pohaku a kukulu ae la he kuahu nona ke kiekie he ekolu kapuai, a malaila i kakali iho ai makou a hoomaikai aku la i ke Akua e malama a e hoolaa i keia aina no kana hana.  A owau ka hope loa i malama ai i na hana, no ka mea he opiopio loa au.  Aole hoi ma Puowaina nei i malama ia ai keia hana.  O ka mea kupaianaha i ike ia o na poe elima i haalele iho aia ia makou a hoi aku no ka home, ua loaa he @ o lakou i na make inoino loa, a he @ i make hikiwawe.  O makou hoi na poe i koe iho, ua make he hookahi o makou i ke 80 o na makahiki, a o ka elua mamua koke aku nei i ke 86 o na makahiki, a he ekolu makou i koe e ola nei, he hookahi 84, makahiki i keia wa, a o ka elua he 80 makahiki a owau no hoi.

            Mahope o kana wehe pokole ana i ka mea e pili ana i ka ekalesia Moramona, ua malama hou ia he mele a hookuu ia na hana ma ka pule ana a Peresidena Wooley.  Ma kahi he ekolu haneri kanaka i hoea ae maluna o Puowaina.

            Ma ia po ana iho i malama hou ia ai na hoolele kii aka o Uta, Hawaii, a me ko na wahi e ae, i kokua ia e kekahi mau puukani.  A ua lawelawe ia na hana a pau iloko o ka maluhia.

            Ua mana ia aole e hoi koke aku ana o Keoki Pukuniahi no Uta, aka, e kipa aku ana oia ma na mokupuni o Maui a me Hawaii, mahope o kona huli hoi ana mai Laie mai.

 

NA KAUA ELUA E HAKAKA NEI.

 

            He elua mau kaua ano nui a ulele nei i keia mau la e nee nei oia ke @ ma na paemoku Pilipine mawaena o na Amerika a me na Pilipine, a me ke kaua ma Aferika Hema mawaena o na Beritania a me na Boa.

            O ke kaua mawaena o na Amerika a me na Pilipine ua hoomaka ia ia ma na la mua o ka 1899 a ke hoomau ia nei a hiki i keia la.  O ka lahuianaka a Amerika e hakaka nei, he lahuikanaka hupo kaou, he kakaikahi o lakou i loaa na pua raifela, a o ka hapanui ua lako me na pahi i kapa ia he bolo, a he nele loa hoi i na pukuniaha.

            No na Amerika, he lahuikanaka oia i loaa na hoonaauaokiekie ia ana me ka oihana kaua, a ua makaukau me na lako kaua like ole o keia au hou e hele nei mai na pukuniaha, pu raifela, na pahikaua, na mokukaua a pela aku, aka, iloko no nae oia ulakolako, aole na Pilipine i kuemi hope aku, no ka mea aia no kela momi makamae, oia hoi, ke aloha i ka aina ke pumehana la no iloko o ko lakou mau paawai a ua lilo ka make i mea ole ia lakou.  He nui pu hoi na ola i poino mawaena o na aoao elua, aka, aole no nae i hoopau ia ke kaua.

            A no na Bertiania a me na Boa, he mau lahui naauao like laua a he mau keikikane no hoi maluna o ka oihana kaua.  Aka, e like me ka makee o Bertiania i kona inoa hanohano aole hoi e hoohaahaa ia e kekahi aupuni e, ua kukala koke ia ae la ke kaua mawaena ona a me na Boa i ka wa i hoole ia mai ai o kana mau koi i waiho aku ai imua o ka Repubalika @ ma keia makahiki no e loaa i kona mau makaainana ka mana hooponopono kaulike ana me na Boa.

            He mea oiaio ua ala mai na Keikialii na Eia, na Haku a hoea wale aku i ka makaainana haahaa, e hele e kaua no ka hanohano o ko lakou aupuni.  A ua lilo ka poka a na Boa i mea ole ia lakou na puu kiekie i mea paani, a o na ehaeha a pau o na kahu kaua, ua alo ia me ka hoomanawanui, o ka hopena i loheia mai nei ua kokoke e pio ke kaua ma Aferika Hema, aka, he nui nae na ola i hala aku mao, ke waiho la ke kino make o ka moopuna alii a Vitoria, na Kaukaualii, na Haku, me na makaainana o ka Moiwahine maluna o na kahua kaua a lakou i naʻi ai a lilo na Repubaliko o Alani a me @ i mau pananalaau no ko lakou aupuni, Beritania Nui.

            Nolaila, ma keia e ike ia ai ua hele na Beritania me ka manao hopo ole i ka make a oiaio maoli ae hakaka no ka pono o kona aina, ka nohoalii, a me kona lahui a pela pu no i loaa ai ia lakou ka lanakila, aka, no na Amerika ua hele kekahi poe o lakou no ka puni dala a no ke ake hanohano, a oia poe aole lakou i ike i na ehaeha nui o ke kaua, aka, eia lakou ke makemae nei e huli hoi no ka home ma ka pau ole o @ hana.  He makau mai hoi kau i ka Pilipine.

 

OLELO HOOLAHA

 

            E ike auanei na kanaka a pau owau o ka mea nona ka inoa malalo iho nei.  Ke papa a hookapu loa aku nei au i na ano kanaka a pau loa, @ e hele @ maluna o @ aina ma Pakeekee, Laupahoehoe, Hilo Akau, Hawaii, mahope aku o ka hora 6 o ke ahiahi, a o na poe a pau e hoolohe ole ana i keia e hopu no au a hoopaa elike me ka ke kanawai.

AH PING (Pake)

Laupahoehoe, Hilo Akau, Hawaii, Dec. 7, 1900.

 

OLELO HOOLAHA

 

Ke hoikeia aku nei ka lohe i na poe e noho ana mai Hawaii a Kauai, he mau laau Koa, Milo, Kamani, a pela aku, ka lakou ka lakou e makemake ana e hana i umeke, a i na poe hoi he mau umeke kahiko a @ ka lakou, e lawe mai ma koʻu keena hana ma Lale, Honolulu, a ua hiki iaʻu ke hoomaemae aku ia lakou me ka eleu.  No ka auhau he Emi Loa, a mai hopohopo.

            Owau no me ka oiaia,

JOHN MALAEY