Ke Aloha Aina, Volume VI, Number 51, 22 December 1900 — Page 8

KE ALOHA AINA

POAONO, DEKEMABA 22, 1900

 

HE KAAO HAWAII NO HAINAKOLO

 

            Ka Ui Nohea o Waipio,  Ke kai kamahine Nana i Wawahi i na Pani Paa o Kuaihelani a Haule Kona Kapu Ihiihi.

 

            Aole a’u olelo hou ana no Luukiaikaihuhikapu, ua hooko oa ka hana me ka maemae o oukou no na hoike no ia mea, aka, no kuu akua, kuu milimili, kuu akua, kuu aloha poina ole, kuu pula kaumaka aia no oia ke maalili la.

            E Leimakani, elike me ka oi ana ae o kou kulana imua o kou makuakane, pela o loaa ia na heamaewaewa ana no kaua mai a oe ae oia ka iko a kuu papakonane, me ou la e huli pu ai kawa aole nae ma ko’u kokua ana ia oe no kau hewa au e pee poli la.

            O kou hoike oiaio oia ko kawa maemae noho mau ia nani iluna ou aohe mea nana @ kaili ia nani @@@ ia oe ae.

            E kuu keiki, hookahi oe, elua maua, mai hookiekie oe imua o ke akua, ua oiaio na olelo ana a maewaewa ana oia mamuli o kau mau hana, e hooi oe i kou kulana aloha i kau wahine ia Luukiaikaihiihikapu, ua like a like olua, aohe ou oi ua like no, nolaila, e paa oe a paa ia Luukiaikaihiihikapu.

            Pane mai ka moiwahine, e Leimakani kuu akua a makua oiaio.  I kuu lohe ana i na olelo a kou akua, ka mea e noho akua ana no kakou, ua oiaio kaua mau olelo nou e haul@ ana oe, nolaila, e hoopau oe no keia mea, oia ko’u ike ina e haule io ana oe, aole maua a noho hou ana no Keaoolino nei.

            Pane mai o Lonokaiolohia imua o kona makuakane he mea ehaeha a kaumaha a luuluu no kau mau hana @ kulai ana a kaawale olua o oe hookahi paha oia nae ko’u ike e maewaewa ana ke akua nui o kakou ia oe haule ka nani o Keaoolino.

            E Leimakani mai hoomakua i keia mau hana lokomo au i ke akua nui o kakou, no ka mea, ua oi ae kona aloha ia oe mamua o makou a me kana wahine ka weli i makau ia e haule ana ma ou la.

            Pane mai o Leimakani imua e kona akua nui a makuakane hoi a imua o lakou.  Oiaio ke hoohiki nei aole loa au e malama hou ia puolo iloko o’u no ka wa mau loa.

            Wahi a Keaniniulaokalani ua ola kuu akua maemae kakou a pau.

            Amama ua noa, no kuu akua o Leimakani.

            A ma keia wahi e ike ana kakou i na mahele a mana hana.

            E Kuahailo, ua loaa ia oe ka lanakila, ua komo i na halelau o Kane a me Kanaloa, ua ku i ka nua kapu o Kane, oia hookahi ke komo ne hookahi makahiki, aka, ia oe ua lilo ia oe, a o oe ke pani ma ia wahi no ka wa mau loa.

            E Leimakaniikekapuakua ka inoa ka inoa kamahao a’u i ana ai nou a no’u no hoi.  E malama i ke kookoo kamahao lua ole aohe hoowalewale hou ana no ka wa mau loa .

E Haunakolo, molia iluna o ko akua, na’i ia i loaa ka puuwai ola ka mea nana i huna na paemoku o Kukukuokahiki nalo, mai makau a hopohopo aohe hope e hoi mai ai imua a lanakila oia kou kulana no ka wa mau loa.

            E Lonokaiolohia paa ia i paa i @@@ kuleana oialo, mai haalele a hoi hope, imua a lanakila, ua ike ia he @eo ka aina ka papaku o lalo a ma ka lani maluna aku oia kou kukeana no ka wa mau loa.

            E ka moiwahine o ka papaku o @lo, ola na iwi i ka makau ole, i ka hope ele imua o ko akua makuakane i ka pane pela.  O ka maemae e kou aupuni a me kou lahuii, oni paa kou aupuni aohe mea nana e hoonaue no ka wa mau loa.

            E Luukiaikekapuihiihi nou ko’u olioli, nou kuu mahalo, nou kuu hooiaio ana.

            Nou ka mana palena ole aohe mea nana e kaili ae, no ka mea, ua maemae oe ma na ano a pau, no ka mea ua huikala aku au ia oe me kuu mana nui no ka wa mau loa.

            Ua ku keia mana ou iho mai ka hoailona mai, aole mai a’u aku e kuu akua.  Elike me ia maemae e @@@kuli mai ka poe manao ma keia ano he akua oe no lakou no ka wa @@@ loa.  A pela no hoi na aupuni @@ i hoolaupai ai e olioli nui ana kou mau aupuni ke ike mai ia oe i @@ lakou moiwahine, nolaila, e malama i ka maemae.

            I keia mau hana ana a Keaniniulaokalani imua o lakou, ua piha @@@ lakou i ka makau a me ka weliweli nui, no ka mea, ua ike lakou he akua oiaio, akahi no lakou a ike a hoomaopopo ana i kona akua, nolaila, ua moe lakou imua ona me ke @@@ ana e kala mai ia makou no ko makoou mau hewa.

            Pane aku o Keaniniulaokalani imua o lakou ka mea i hoomaemae ia mai ma keia mau olelo a’u e kamailio nei imua oia kai kalaia.

            Pane mai o Luukiaikekapuihiihi eia au malalo o ka hoailona mua @@ ko ke kanaka kulana he poino mau.

            No ka hopena o ka hoailona elua @@ komo au ma ia inoa lehulehu i olelo ia aohe make hou ana, ua mamao au ua kala ia mai.

            Amama ua noa, no kuu akua o Keaniniulaokalani.

            Pane mai o Keaniniulaokalani, ua kala ia oe a ua maemae.

            E kuu akua nui,

            Kuu akua i ke kapu nui,

            I ke alaula maawe ike a Kane me Kanaloa,

            Homai I ike nui,

            Homai i mana nui,

            Mai Kealohilani mai,

            Kuu la main a pukolu o Kaena,

            Kuu ia ka la o ka laula,

            Ou kino lau e kuu akua,

            Amama ua noa,

            No kuu akua,

            E Ku hailoikekapu hui a Kane me Kanaloa,

            Maihi ia ulaa ia,

            Paa o Kane me Kanaloa,

            Pani ia na puka i Kaehuna,

            Huna ia ka ne’a ikeia e Kuahailo

            Aia ka mana nui i ka Nuu,

            Amana ua noa,

            No kuu akua i ka Nuu,

Pane mai o Leimakani imua o kona makuakane, ke nakoko nei kuu ike me ka olua mau hana wiwo ole e hana mai nei.

 

Olelo mai kkona makuakane iaia, olioli loa au no kou kemo pu ana ma keia hana kiekie a

Kuahailo eia ko’u manao ia oe, imi ia na poopoo a Kuahailo i noho ai, a loaa ia noho ana ia oe o ke ola no ia o keia mau iai aole @ kau ia i ka lele @ kuu akua nui kuu haku no ka wa mau loa.

Amama ua noa, no kuu akua o Leimakaniikekapuakua.

            Pane mai o Hainakolo imua o Kane kona akua hoi, ua hoomalani ia ko’u kahua no ka hana a me ka mana ka’u lawelawe ana.  Nolaola, ka ninau nei au ia oe pehea la i nee ai ko’u kulana.

Pane mai o Keaniniulaokalani, o kou kulana no ia.

Aka, aole i pau ke’u manao ao keia mea, ua ike au me ko’u mana kilo, ua hoohaahaa ia

au malalo o kahi mana e ae aole ma ka mana o ka hoailona.

Pane mai o Lonokaielohia imua o Hainakolo, ua pono na hoonohonoho aole i paewa.

I na ua maemae oe heaha kou mea i makau ai a weliweli hoi, nolaila, e hoopau oe ia

manao ou.       

Olelo mai e Leimakani ia Hainakolo, ua pololei na hoonohonoho ana a ka mana nui

maluna o kakou no ka mea, ua haule oe i ka hewa aole i kala ia.  A o ai hewa hookahi oia ka’u i manao ai e hooko i keia, nolaila, ua huikala ia au no ia hewa.

            Pane mai o Keaniniulaokalani imua o kana keiki a me kana moopuna, aole e hoi hope kana olelo akua no Hainakolo, ua paa.

            Pane mai o Kuahailo ia Hainakolo, ua mana keia hoonohonoho ana he akua ma na ano a pau kana olelo, pane hope o Hainakolo ina oia ka oiaio e waiho ia’u pela no ka wa mau loa.

            Maanei kakou e ike ai i na hunahuna hope loa a Keaniniulaokalani a hookuu aku ia lakou elike me na ike i loaa ia lakou ma ka hoailona.

            A ke waihe nei au imua o oukou i ninau na oukou e hulu ai.

            Akahi.  Owai ka mea nana a ku@@i o Keaoolino nei a lilo i mea ole?

            A ma keia ninau a Keaniniulaokalani aohe i pane ia mai, olelo mai o Keaniniulaokalani imua o lakou na ka hoailona e hoike mai ko oukou kuleana.

            E kuu akua nui, ka mea nana i hookiekie ia’u a hiki i ka nuu kapu ou mau kupuna, ua nele au ma na ano a pau, ua pohohihi ina kuu mana kilo, wahi a Kuahailo.

            Pane mai o Hainakolo, ua hilinai au maluna o kuu mana kilo a hoailona hoi aohe maopopo ia’o.

            Olelo mai o Leimakani, he pohihihi ke alanui, he mea maopopo ole oia na hoike a kau mana kilo a akua hoi.

            Pane mai o Lonokaiolohia, ua pohihihi a @@@ uikau na ike i loaa ia’u mai kuu mana kilo a hoailona.

            Pane mai ke moiwahine ua pohihihi no keia ninau, no ka mea, iloko o na ike ekolu i loaa ia’u, aohe loaa, no ka mea, he ninau akua keia, nolaila, aohe i loaa ka haina ia’u.

            Pane mai @ Luukiaikaihikapu, ma ka mana nui o ka hoailona a me keia inoa kiekie i  kau ia maluna o’u ka mea i loaa ole mai ko’u mau kupune mai.

            Pane hou mai o Luukiaikaihikapu imua o lakou me ka wiwo ole hookahi no mea nana e kulai o Ke@@@@@@ nei o Hainakelo no aole he mea @ ae, oia no kela hewa iloko ona e pa@ la, aole i kaawale a hiki i ka wa a’u @ olelo nei, oia kuu ike kilo mai kuu papa konane mai.

            Pane mai o Keaniniulaokalani imua o lakou, ola o Keaoolino, ua loaa kuu ninau ia Luukiaikaihikapu, ua kuu akea ia oukou elike me ko oukou mana i loaa ma ka hoai lona.

 

No ke Ola meka Olu o ka puu E Inu I ka RAINIER BEER.

 

He laau maikai keia no ka hooikaika ana i ke kino.  Na poe nawaliwali a me na poe luhi i ka hana e hooluolu ia no.  E loaa no keia bia ma ka ha le inu rama CRITERION.

                                                                        Alanui Papu.

 

CAMARA & CO.

           

            Halekua!  Kukaa Waiena & Waina Alanui Alakea kokoke i ke Alanui Ma o mai oka Hotele Occidental.  Eia makou ke kuai nei i na Waina Kaleponi maikai loa, a he Age na no kekahi mai Wisike maikai maloko o keia makeke, Seattle Beer, Palm Tree a me Honey Sue- @le Gin, @ loaa no ma ke kumukuai haahaa.