Ke Aloha Aina, Volume VII, Number 1, 5 January 1901 — Page 7
| This text was transcribed by: | Kaanana Akima |
| This work is dedicated to: | Kawika Kaʻanoi Oneha |
KE ALOHA AINA,
POAONO, IANUARI 5, 1901.
-------
Nuhou Kuwaho.
-------
NA HOIKE POINO HOU.
Cape Town, Dec 26. He puali Yeomanry i hahai aku mahope o na Boa ma Bristown kai lohe ia mai na hoopuni ia lakou e na Boa, a mahope o ka halawai ana o lakou me na poino he nui ua haawipio aku la lakou.
Maseru, Dec, 26. Aia na Beritaia ke opa la ia De Wet ma ka apana o Ladybrand.
Ladana, Dec. 25. He mau hoohiwahiwa nui ke liuliu ia nei no ka hookipa ana aku ia Haku Robata ma ka la 3 o Ianuari. He umi tausani ka nui o na koa e hoakoakoa ia ana ma Ladana no ke ku laina ana ma kona alahele a hik i ka Halealii Bakinehama.
Ladana, Dec. 22. Ua hoike ia ae na telegarapa mai nei o Haku Kitchener no ka ae ia ana aku e kipu a i ole e li i na kupa Beritania e loaa aku ana e kokua ana i na Boa mahope o ka hookolokolo kanawai koa ia ana, a na ia mea i hoopiha aku i ka weliweli iloko o na poe e haawi ana i ko lakou mau hilinai ana no na Boa. Ua olelo hou ia ae, a ua manaoio ia aole paha he oiaio, ua makemake o Kitchener e hookau aku i na hoopai koikoi i na Boa, e like me ke kaua i hanale eia i na Dervisbes, oia hoi, ko lakou pepehi ia ana mahope o ko lakou hopu pio a i ole hoeha ia ana. Ina e ae oleia ana keia noi a Kitchener no ka luku ana i na pio mamuli no ia o ka hopohopo ana o ke aupuni o Beritani Nui i na Boa o hahai like lakou ma ia alahele, a me he mea la, e hooko io aua no na Boa ia hana hookahi.
POINO NA KOA MEKIKO.
El Pade, (Texas), De. 25. O na pualikoa Mekiko, ma Sonora, Mekiko, ua lele kaua ia lakou e kekahi puali ilikini Yaqui mamua koke aku nei. Ua make he 4 alii a me 30 koa, a o Konela Francisco Peinado, kekahi o na alakai o ka pualikaua, ua ku oia i ka poka ma ka opu, a ua hoeha kukonukonu ia. Ua hoike ia mai keia lohe e C V Light o Guaymas, kekahi mea malaila i ka wa i lawe ia aku ai ka hoike ia Kenerala Torres. Ua olelo ae oia e make ana na koa ma kahi kokoke i Lamisa. A ua lele kaua malu ia mai la, he 50 mile ke kaawale o keia wahi i halawai ai na Mekiko me ka poina mai ke kahua hoolulu aku o Kenerala Torres.
PAA KE KEKIALII TUAN I KA HOPUIA.
Ladana, Dec. 25. O ke Keikialii Tuan, ka mea nana i hoala ka haunaele nui o na Boxer, ua paa oia i ka hopu ia, a e lawe ia mai ana no Pekina no ka hookau ia ana aku o ka hoopai a na mana nui i koi aku ai maluna ona. O na hoike mai Sanahai mai, no ka la 24 o Dekemaba, ua lawe ia aku la oia ma na palena o Shensi a me Shansi me ke Keikialii Chung, nona pu hoi kekahi hoopai i koi ia mai.
E MARE ANA I KA WAHINE.
Ladana, Dec. 25. E mare ana o Kenerala Pole Carew me ka Lede Beatrice Frances Elizabeth Butler, ke kaikamahine hiapo a ka Makuisa o Ormonde. He 51 ka nui o na makahiki o Kenerala Oarew, a o ka Lede Beatrice hoi malalo o ka 24 makahiki. O ka Lede Beatrice a ka ona miliona, ka Makuisa o Ormonde, oia kekahi kaikamahina ui loa ma Beritania. O kona makuahine oia no ke kaikamahine a ke Duke Westminster. E loaa ana i ka Lede Beatrice he uku makahiki o $50,000. O kona mookuauhau he loihi loa, a ua kapaia oia "ke kaikamahine a ne haneri ola."
-------
(Kukauia e Moses Palau,)
I na makahiki i aneane he 75 i hala hope ae nei, ua umii iole ia kakou ka lahui Hawaii e ka mana oikelakela o ka hookamani a me na kuko ino i kumu waiwai no ke ola a me ka pomaikai o ka mea hookahi a me ka lakou mau mamo aku mahope o lakou a kakou e ike nei.
A no ka lawa ole o na iini e ake ana no o ka pau loa o na kinohinohi kuuwelu ana ma na kipoohiwi a no ke kaulana o ka inoa ma na kihi eha o ke ao holookoa.
Ua hoala ia na hana e hoho io ae ai i ka hano haweo, ma ka la 16 o Ianuari, 1893, a ua hooko ia na iini mamuli no o ke kaki i kuhihewa o na Hawaii i ike nui ia iwaeua o na maka ponoi ou e ka lahui i kupaa mahope o ka manao hookahi mai mua mai a hiki iho la i ka la 6 o Novemaba i hala i ho la me ka lanakila hiwahiwa, no ka mea, ua paia i a o ka lahui na inea o keia mau la me ka puni dala ole a me ka puni hanohano ole, aka, he hookahi no mea nui i lohii ia iloko o na puuwai o kela a me keia o ke aloha, a ua ke aloha i kaohi mai i ka manao o ka lahui e ku no ka ilihune make a ola, a malia o loaa no he wa a ke Akua e haawi mai ai i kona aloha.
Ua maopopo o ka la 6 o Novemaba i hala iho la, oia ka la a ke Akua i haawi mai ai i la na ke ao a me ka lahui makua (Amerika) e ike iho ai i ka mea oiaio maoli i ka ae ole o na kanaka Hawaii, a e kue mau ana i na hana hoohui aina, aka, i keia wa ua maopopo loa ka oiaio oi ka mana oikelakela o ka lahui mamuli o ka lanakila i hale, a he mea oiaio i kela wa, ua ekaeka ka maunu he papai ka i ke hoi ai.
-------
The White House.
420-Alanui Papu-420
-------
NA LAKO AAHU O NA KANE.
-------
Ua loaa mai nei la makou he mau Waiwai Hou o na Kane, elike me na
Lei A-i
Pulima
Aikala
Palule
Lole Auau
Loie Hooluolu
He mau Paikini Hou no ka Hapenuia.
-------
EIA KE HOIKEIKI IA NEI MA KO MAKOU PUKA ANIANI.
The White House.
-------
A elike no ma ka loli ana o na hookele aupuni panalaau, pela no loli pu ai me na hana e nee nei imua me na manao ohohia nui no na hana o keia mua aku a hoea iho.
I koʻu wa opio ma koʻu aina hanau i na Pali Hulilua o Waipio, he nani ka aina, he nui na kanaka he nui na mea ai e ulu wale ana ma na wahi a pau, aka, i keia wa, ua nalowale aku ia mau mea mai ka ike ana aku a na maka, a pela ma na wahi a pau o ka Paeaina.
Elike me ia mau mea i nalo aku pela auanei e anai mai ai ke Akua i ka poe waiwai, ka poe hapuku, ka poe kokua i na hana hewa, mailuna aku o kaʻaina palekana a ke Akua i haawi mai ai i wahi e noho ai kona lahui oluolu a ke Akua i aloha ai.
A oiai, ua hala na kupuna o kakou eia lakou ke ike mai nei i ka kakou mau hana hemahema, a mamuli oia hemahema i loaa ai keia mau poino maluna o kakou, ka lakou mau mamo e auamo nei i na ehaeha o keia ola ana, a na lakou i hookumu i ka noho na kuokoa o kao kakou aina, a na kakou hoi i hoohemhema.
Aole i pau.
-------
CAMARA & CO.
-------
Halekuai Kukaa Waiona & Waina Alanui Alakea kokoke i ke Alanui Ma o mai oka Hotele Occidental.
Eia makou ke kuai nei i na Waina Kaleponi maikai loa, a he Age na no kekahi mau Wisike maikai maloko o keia makeke, Seattle Beer, Palm Tree a me Honey Suckle Gin, e loaa ae a e ke kumukuai haahaa.
-------
No ke Ola
me ka
Olu o ka puu
E inu i ka
RAINIER BEER
-------
He laau maikai keia no ka hooikaika ana i ke kino. Na poe nawaliwali a me na poe luhi i ka hana e hooluolu ia no. E loaa no keia bia ma ka ha le inu rama CRITERION.
Alanui Papu.
-------
OLELO HOOLAHA.
-------
Owau o ka mea nona ka inoa malalo iho nei ke hoike aku nei au i koʻu mau makamaka Hawaii. Oiai A. Williams, i ka lawelawe pu ana me aʻu i na hana pili i na kino make. Ua makaukau loa au e hooko aku i na kauoha e waiho ia mai ana iaʻu mai koʻu mau hoa oha mai me kekahi mau kanaka akamai. I hoaa mai la mai Amerika Huipuia.
Owau no me ka oiaio.
MRS. E. A. WILLIAMS.
-------
KUAI HOEMI NUI!
-------
E kuai hoemi ia aku ana na ano waiwai like apau, oia hoi na Papale Laiki like ole o kela a me keia ano, na Kalika waihooluu like ole, na Palule, Hainaka Kalika, na Lei A-i, a pela wale aku. E hoomaka ana i ka la 24 o Nov.
-------
KWONG FAT CHAN
Kihi o na Alanui Moi me Nuuanu.