Ke Aloha Aina, Volume VII, Number 4, 26 January 1901 — Page 6

KE ALOHA AINA

 

KUPILIKII HOU NA BERETANIA

 

ELIMA TAUSANI BOA E NEE LA ILOKO O CAPE COLONY.

 

Pioo ke Kulana ma Aferika Hema - Aia na beritania ke Haa lele la i ko Lakou mau Home.

 

            Maluna o ka mokuahi Miowera i loaa mai ai keia mau lono makamaka hou i hoea mai mai Vanekona mai:

            Ladana, Ian. 11. He elima tausani Boa i manao ia e nee ana no ka hikina mai Vryburg aku, wahi a ka hoike a ka mea kakau o ka Daily Mail, i manaoia aia lakou iloko o ka naele o Cape Colony, a ua hopu ia e lakou he lehulehu wale o na pa kaua ma ko lakou alahele.

            Ladana, Ian. 11, hora 5 a.m. O ka nanaina ma Aferika Hema ua hoea ae la ia iloko o ke kulana poino mamua o ka maikai.  O na hoike mai a Kitchener mai ua oi ae ke pihoihoi mamua o ka wa ia haku Robata a he uuku loa hoi na mea i hoike ia mai i ke akea.  Aole he keehina i laweia e noonoo no ke koi a Haku Kitchener no ka hoouna ana aku i mau kokua.

            I keia kakahiaka ua loaa mai la na hoike ua hoohahani aku kekahi puulu uuku o na Boa a lawe mai la i na bipi ma kahi kokoke loa i ka papu ma ka hikina o Pretoria, a o Kenerala Kreitringer me 900 Boa aia lakou ma kahi he 15 mile mai Richmond aku.

            Ladana, Ian. 9.  O ka nuhou o keia kakahiaka aole ia i loaa mai me ka maikai.  Ua hoopuka ia ae la ke kanawai koa ma Malmesburg, a e hoopuka pu ia aku ana ma kekahi mau apana e ae, aka, ma ka halawai ana a ka Aha Kuhina aole lakou i lokahi ma ka ae ana aku.  Aia na makaainana o Cape Colony ke kahea mai la e hoouna ia aku kekahi puali ikaika mai Enelani aku, maluna o ke kahua o na kanaka o Kitchener, aia lakou ke kiai la i ka laina kukai a me na lua maina Rand, no lakou ka lohi o keia mau maina he kanalima mile.

            He nui na Beritania i haalele aku i ka noho ana maloko o na taona Holani, ma kahi kokoke i Cape Town mamuli o ko lakou hopohopo i na Holani.

            Ua halawai ka Iwalani me ka ino nui ma keia huli hoi ana mai nei, a ua manao ia aole oia e pae hou ana i ka aina nei ma o ke komo ana o ke kai ma kekahi mau wahi i hoonukaka ia o ka moku

 

O KE ALANUI MOIWAHINE AIA PAHA IA MAWAHO O KOU

alahele, aka, mai poina nae i ke kipa i ka Halekuai

Lako Aahu o

L. B. KERR & CO. Limited.

 

            He poe kuai nui makou i na waiwai, nolaila, ua loaa ia makou ma ke kumukuai emi loa, a oia hoi ka makou e pa nee aku nei i na waiwai ma ke kumukuai i hiki ole ke hoohaliko ia mai.

 

            OGANDI 15c, 20c, 25c, 30c, 35c o ka i.a.

            DIMITI 8 1/3c, 10c, 12 1/2c, 15c, 17 1/2 1.2c, 20c, 25c o ka i.a.

            CHALIS 25c, 30c, 35c, 40c o ka i.a.

            KINAMU 8 1/3c, 10c, 12 1/2c, 15c, 17 1/2c, 20c, 25c o ka ia.

            ZEPHYRS 10c, 12 1/2c, 15c, 20 o ka ia

            LAWNS 5c, 6c, 7c, 8 1/3c, 10c, 12 1/2c, 15c, 20c o ka ia.

            FALANELE 7c, 8 1/3c, 10c, 12 1/2c, 15c, 20c, 25c, 30cs, 40c, 50c o ka ia.

 

            I na he makemake ko oukou i na Lako Lilina e kipa mai eia pu me ma kou heluna waiwai nui o na ano like ole na HALII MOE, ULUNA, HULUHULU MOE, PAKU MAKIKA, KIHEI PUU.

            NA PALULE WAHINE o na Waihooluu like ole, na paikini Hou, he 700 kakini eia ke hooliloia nei me ke emi loa.

            NA PAPALE SELA he nui na ano like ole, e hooko ia no na kauoha me ka ulolohi ole.

            NA RIBINE iloko o na Waiholuu like ole he nui wale.

           

E KIPA MAI A E WAE NOU IHO MAMUA O KA HELE I KAHI OKOA.

 

L. B. KERR & COMPANY LiMITED.

ALANUI MOIWAHINE.