Ke Aloha Aina, Volume VII, Number 6, 9 February 1901 — Page 1

KE ALOHA AINA

 

HE UMI MILE I UHIIA E NA MOKUKAUA

 

No ka Haawi Ana i ko Lakou Mau Hoohanohano i ka Moiwahine Vitoria.

 

            Maluna o ka mokuahi Kina i hoea mai la i keia auina la Poalima i loaa mai ai ia makou keia mea hou makamaka loa a makou e kuupau aku nei no ka pomaikai o ko makou mau makamaka heluhelu me ka awiwi nui penei:

            Cowes, Ian. 31. He olinolino o na kukui kai ike ia maai Cowes aku a hiki i Portsmonth. Aole ia no kekahi e okoa aku, aka, no na laina mokukana Beritania, Geremania a me Farani no ia i wae ia nona ka loihi o umi mile. E kali ana lakou no ka haawi ana i na hoohanohano ana aku i ka Moiwahine Vitoria, nona ka nohoalii i ike ia ka holomua o ka oihana kaua moana. Aole mamao aku o ke ku ana o kekahi mokukaua i kekahi. Me ke poo o ka laina mokukaua e ku ana ka moku alii holo lealea kahiko, ua laina ia no ka mokukau Beritania ma ke kolamu pakahi, a mawaena o ke alahele e hiki aku ai i Portsmonth ua papalua ia aku la na mokukaua nunui o Beritania a me ko na aina e, no ke kali ana no ka haawi ana mai i  na kipu aloha ana i ka Moiwahine o Pelekane i kona wa hope e kaalo ae ai ma ko lakou aoao ma kana huakai puanuanu no Ladana e hii ia ana e ka moku ahi Albert.

            Me he mea la, ma ka hora 4 o ka auina la apopo e haalele iho ai ka Albert ia Cowes me ko kino mako o ka moiwahine.

NA HOOLALAL ANA NO KA HOOLEWA.

            Ladana, Ian. 32. Ua hoopuka ae la ka Ela Ilamuku (Duke o Norfolk) i keia papa kuhikuhi:

            Ma ka Poaono Feb. 2 hora 9 e hoonee ia aku nei ke kino make mai Portsmonth aku no Ladana. Ma kona hoea ana aku ilaila e lawe ia aku ai oia mai luna aku o ke kaa e kekahi aliikoa me 12 kiai mailaila aku no luna o ke kaa pukuniahi e like me ka hoolewa ia ana o na koa make a maluna o ka pahu e kau ia ai kona kalaunu alii maluna o kekahi uluna, a e hoomaka aku no ka huakai hoolewa, penei:

            Na pualikoa  kelewawae, pukaa, kiai kino, kaua lio, na kahunapule o na koa, na kaua lapaau, a me na koa kaua moana.

            Ma hope o ke kaa pukuniahi me ka pahu kupapau e ukali aku ai ka Moi, maluna o ka lio, ma kona aoao hema ka Duke o Connaught a ma kona aoao akau ka Emepera Williams maluna like o na lio, na ohana alii Pelekane mai, a me na moi a me na hooilina moi o na aupuni likeole o Europa, na luna like ole a me ka lehulehu.

HE ALIHIKAUA KA EMEPERA NO BERITANIA NUI.

            Cowes, Ian. 27. I keia kakahiaka, ua loaa aku la i ka Emepera Williams mai ka lima aku o ke Duke o Connaught he pahikaua no kona koho ia ana he Alihikaua no na pualikoa o Beritania imua o ke alo o ka Moi Edwwada a me ka Moiwahi i make, a imua hoi o na aliimaku Beritania a me Geremania. Ua apo aku ke Emepera i keia hookohu me kona ohohia nui.

KA MAKA MUA O NA MOI I KANU IA I KE AO.

            Ladana, Ian. 29. Ma ka hora 3 o keia la i hoea mai ai ka Moi Edewada VII me ka Duke o Cambridge i Ladana nei. Ua apo ia aku ka Moi me ke ohohia nui ia.

            O na hoakaka a ka Moiwahi Vitoria e piliana no kona hoolewa ua kakau ia ma ka 1862, wahi a ke Truth, a aole hoi he wahi hoololi i hana hoe ia. O kona makemake e hoohalike ia kona hoolewa me ke Keikiahi Alabati. A oia hookahi ka mua loa o na moi o Beritania aole e kanu ia ana i ka po malalo o ka hoomalama ana a na ipu kukui.

 

BILA TELEGARAPA

 

            Ma ka mokuahi Kina i loaa mai ai keia hoike no ka bila telegarapa a me ka elele Wlikoki:

            Wasinetona, Ia. 28. He aha kuka o na Luna makaainana Kaleponi kai malamaia i keia la, a malaila pu ae ka Elele Wilikoki o Hawaii no ka noonoo ana i ka bila telegarapa Pakipika a me ke alahele e lawe koke ia mai ai i keia kau. Ua hoomaopopo ia me he mea la, aole no e lawe ia mai ana keia bila e noonoo, aka, e haawiia aku ana no nae na hooikaika ana i kahi e loaa ai he hooloheia ana o keia bila e Luna Walaau Henderson.

 

NA KEIKI NO KE KULA KOA.

 

            wainetona, Ian. 27. Ua koho aku la ka Elele Wilikoki i kana keiki no ke kula a'o koa West Point. oia o Joseph Kaiponohea Aea me Daniel Yowell mahope aku ona. O keia mau keiki ua aponoia ia e ka aoao Kuokoa me kekahi poe e ae.

            O ke keiki no ka oihana kaua moana o Annapolia, ua lilo i ke keiki a Kapena Pond.

           

            Nui ke ohohia ia o ka nupepa KE ALOHA AINA i keia mau la ma Honolulu nei a pela pu ma na Mokupuni o Hawaii, Maui, Molokai ame Kauai. Nui a luna pepa hou loa o keia makahiki no ke ako nui ia e ike i ka hana o ka Ahaolelo.

KA LETA A KA ELELE IA DAVID KALAUOKALANI

 

(Hoomauia mai kela pule mai.)

            Ua hooholoia ka bila kokua i haawina no ke kula a'o mahiai he $12,000, a ua manao au mauka o Olaa ke kahua kupono.

            Ke hoouna nei i ke kanawai o Okolahama, kekahi Teritori o Amerika nei, oia ka oukou e hooholo iho ai i kulike me ke kula nui a'o mahiai o Agriculturist College, a hooholo oukou i puu dala no ia kula. A e hele ana au e hui me ke kuhina a'o mahiai no keia ana hana nui o ka aina, a na oukou no hoi ia e noonoo he kula keia no na keiki Hawaii e hapai ia ai he anuu hou.

            Ua nui ko'u kuka ana me na Lunamakaainana a me na Senatoa no na mea pili i na aina aupuni, o ka'u hana o ka lawe koke aku i bila ikeia kau aku, a e loaa na home kupono i ka poe ilihune ma ke ano hookuonoono me ka haawi wale no a e ko ana ia manao o ka lahui. O ka'u i hooikaika iho nei i komite ahaolelo, a na hai mai ka lunahoomalu ia'u owau no ke komite no ia hana a ina pela ola no Hawaii.

            Ua manao nui au e hoololi i ke kanwai e pili ana i na kiure hawaii a ua makaukau ka bila, aka, i kuu kuka ana me na hoa Lunamakaainana a me Senatoa ua olelo mai lakou, ina pela kou manao o ke kulana o kela pauku ua manaoia ina pela ke ana e lilo koke no oukou i mokuaina. E nana ae i Nu Mekiko he 50 a oi makahiki o lakou i noi mai ai i mokuaina, aole lilo, no ke aha ! Eia ke kumu, he olelo Paniolo wale no, nolaila, lilo ole, no ia mau hoakaka naauao hoololi hou au i ko'u manao, a ua hoihoi hou au, a aua makakau kakou e lilo i mokuaina e like no me ka kakou kumuhana. Ke manao nei au e hapai i ka uwea moe moana mawaena o Hawaii a me Kaleponi, a ke manao nei au e hookui no ia regona me Wasinetona, alaila, hana like makou no keia ku

 

(E nana @ ka aoao @)