Ke Aloha Aina, Volume VII, Number 8, 23 February 1901 — Page 1

KE ALOHA AINA

 

IKE IA HE MAU AKA PAHAOHAO

 

ILUNNA O KE KIA POHAKU O KA LANAI O KA HALE KEOKEO.

 

O ka Moiwahine Vitoria a me Peresidena Makinile na Mea i Hoomaopopo ia--Ka Ouli i Ike ia.

 

            Wasinetona, Feb. 7. He lehulehu wale na wa iloko o na makahiki ekolu i hala ae nei i hoolaha ia ai o kekahi mau aka kupaianaha i ike ia ma ka opuu o ka lanai ma ka akau a i ole ma ke alo o ka Hale Keokeo. He hokahi o keia aka i ike ia ua like loa me kekahi wahine luahine me kekahi lima e kau ana maluna o kekahi mea pohihihi i manao wale ia he mekini hana lopi. O keia aka ua hanaia e na kukuna o ka la i komo mai maloko o ka paku maluna o kapoku o ka Hale Keokeo, a ua hoea mai maluna o ka opuu i kela a me keia la ma kekahi hora o ka la no elua a i ole no ekolu pule e ike ia ai, a ma ia wa no a ka la e hoike ana i keia aka kupaianaha o ka wahine luahine ua make iho la ka makuahine o Peresidena Mikinile, a ua lilo keia i mea noonoo nui loa ia e na poe manaoio i na oili kupaianaha o keia ano.

            O ia mea kupaianaha ua hoea hou mai ia i keia la, a ua ike ia maluna o ka lanai o ka Hale Keokeo. E pa ana ka la me kona malamalama nui, a ma ka hora 12:50 o keia awakea, ua ike ia aku la he aka i hiki ole ke hoomaopopo ia kona ano e kau ana ma ke kia pohaku e ku ana ma ke komohana akau loa o ka lanai. Mahope oia wa ua hoomaka mai la ia e moakaka po, a ma ka hora 1 ua ike ia aku ua aka nei ua like loa ia me ka helehelena a me na poohiwi o ka Peresidena Makinile. o na poe i ike i keia aka, ua olelo ae lakou ao-

 

(E nana ma ka aoao 5.)

 

WEHEIA KA AHAOLELO MUA KE TERITORI HAWAII

 

LA HANA EKAHI

HALE O NA LUNAMAKAAINANA.

            Ma ka hora 10 ponoi o keia kakahiaka Poakolu i wehe ia ai na hana o ka Ahaolelo o ke Teritori o Hawaii. O ha Hale o na Lunamakaainana ua wehe ia ae ia e F. W. Beckley ma ka manawa i hoike ia ae nei. Ua koho aku oia ia R. H. Makekau i lunahoomalu no ka wa, a hiki i ka hookahua pono ana o ka Hale, na aponoia a lawe ae la o Makekau i ka noho lunahoomalu.

            Na Beckley no he noi e koho ia o Wm. Mossman i kakauolelo no ka manawa, a ma ka ninau ia ana ua apono ia. Ua hapai mai o John Emaluka e koho ka noho i komite o ekolu no ka hele ana aku e kii i ka Lunakanawai o ka ana e kii i ka Lunakanawai o ka aha kiekie e hele mai e hoohiki i na hoa.

            Mamua o ka hookoia ana o keia noi ua ku mai la o Beckley a noi mai la e koho ia i komite o ekolu no ka nana ana i na hookohu o na hoa.

            Ma ka noonoo, ua ae ia ke noi elua. Ua kohoia o Kohn Emaluka, A. G. M. Robikana a me J. A. Akina i mau komite nana hookohu.

            Ua noi mai o Beckleu e hoomaka ka hale i keia wa e lawelawe ia nei o ia hana, a ua apono ia. Ua hoike mai na komite ua pololei na hookohu a pau.

            Ua ku mai o S. K. Mahoe a noi mai la e kohola ke komite e ka no ho no ke kii aua i ka Lunakanawai Kiekie e hele mai e hoohiki i na hoa. Ua hooholo ia a koho ia iho la o W. B. Nailima, S.K. Mahoe a me F. W. Beckley no ka hooko ana aku i keia noi.

            Ua hoea mai ke komite me Lunakanawai Kiekie Frear, a hoohiki iho la i ua hoa a pau.

            Mahope ua koho ia iho la o J. H. Wise e lilo i mahele olelo no ka manawa, oiai, ua manao ia aole he kuleana o ka lunahoomalu ma ia me o ka mahele ana i ka olelo Hawaii ma ka olelo Ene@ni.

            Ua hapai ia ke kahea inoa ana i na laila akoakoa mai, a ua ike ia he elua hoa i haule oia o J W. Keliikoa a me J. K. Kekaula.

            Ua hapai ia mai la ka noonoo ana e koho i Llunawalaau no ka hale e Beckley. Na Mahoe i waiho mai i ka inoa o J. A. Akina, Na Hoogs hoi o John Emaluka. Ua hoole o Emaluka i ka holo ana no ia kulana ; nolaila, ua koho ia iho la o J. A. Akina i Lunawalaau no ka hale o na Lunamakaainana. a haalele aku la o Makekau i ka noho hoomalu ana i ka Hale i ka wa i koho ia ai o Akina ma ia kulana.

            I keia wa ua lawe ia mai la ka noonoo ana i  Hope Lunawalaau a ua waiho ia mai ka inoa o F. W. Beckley, mahope o kekahi mau hoao ana oia hoa e kue i ka lawe ana ia kulana, aua koho ia iho la oia e ka Hale i Hope Lunawalaau.

            Ua lawe ia mai ka noonoo ana i kakauolelo paa mau, ua waiho ia mai ka inoa o Sol. Meheula a hooholoia, a hoohiki ia mai ia oia e ka Lunawalaau e hooko i kana mau hana me ka pololei.

            John H. Wise i unuhi olelo mau. Hooholoia.

            Hapai ia ka noonoo e koho i Kahunapule no ka Hale. O Rev. J. N. Kamoku a me Rev. C. B. Manase na inoa i waiho ia mai ma ke koho ana ua loaa ia Rev. Kamoku he 21 balota ia Rev Manase he balota, nolaila ua koho ia ka inoa mua.

            Noonoo ia ke koho ana i makai no ka hale, he ekolu mau inoa i

 

(E nana ma ka aoao 2.)

 

 

HOOLOHE IA KE KUE A GEAR

 

HOOLE KA ELELE A KA LAHUI AOLE OIA I KIPI IA AMERIKA.

 

Aia no he mau Manaolana Ikaika No ka Lanakila o ka Elele Wilikoki Maluna o KOna Enemi.

 

            Maluna o ka mokuahi Dorika i loaa mai ai kela mau hoike telegarapa mai Wasinetona mai e pili ana no na hana a Geo. D. Gear e hoao la e kulai aku i ka Elele a ka lahui i nele me na hoaloha malaila, a ua manaoia e haule pahu ana no keia kumu hoopii, a o keia iho na hoike i loaa mai ma ka telegarapa:

            Wasinetona, Feb. 7. O ke komite koho helu 1 ua hooholo ae lakou e lawe mai e hoolohe i ka hoopii a me na kumu kue i hana ia no ka Elele Wilikoki o Hawaii.  O Geo. D. Gear o Hawaii ka mea nana keia mau kumu kue ua waiho ia aku na ninau pili kanawai iaia. Ua ae na hoe e hooponopono ia keia kumuhana ma ka imi pono ana, a no laila, ua makemake ia e lawe ia mai na hoike a Gear a me ka Wilikoki. Ua hoike mai o Wilikoki i ke komite ma ka hora 10 o ke kakahiaka la apopo e makaukau ai oia me kana hoike, a nolaila, ua hoopaneeia @a hana a hiki ia manawa.

            I ka wa i hoomaka ia ai o ka hoolohe ma ka hora 2, na hoea ae o Wilikoki a me ka mea nana oia i hoopii Geo. D. Gear, i noho mai ma Hawaii no elua makahiki. Ua ninau aku o Lunahoomalu Taylor o Ohio ia Wilikoki ina ua heluhelu oia i na kumu hoopii. Ua ae mai ka Elele me ke kuoo. Ua olelo mai la o Taylor o kahi e piliana no ko Wilikoki mare ana e haalele ia ia , a ia wa i ninau pololei mai ai oia i ka Elele ina paha na kakau oia i na

 

(E nana ma ka aoao 5.)