Ke Aloha Aina, Volume VII, Number 13, 30 March 1901 — Page 7

KE ALOHA AINA, POAONO, MARAKI 30, 1901.

HE KAAO KAILI PUUWAI

:NO KA:

UI MINEWA

:A ME NA:

Kaikunane Eiwa

A Hooliloia i mau Manu Nene Ahiu a i ole na keiki i Hoehaehaia

Kakauna no KE ALOHA AINA.

            E na poe aeahaukae aole, aole loa au i ike i ka oukou mea e kamailio mai nei. He wahine au i hana ole aku i kekahi mau hana hoomainoino ia hai, aka, i ka poe wale no i manao ino mai ia`u. nolaila, e pane mai owai oukou, a pehea oukou i ike ai ua hana hoomainoino aku au ia hai?

            E ka makou pio, aole e hiki ia oe ke huna mai ia mea, wahi a ka muli loa o na alii opio i pane aku ai, aka, e ike aku ana no nae oe ma keia ope owai makou, a e mihi pu ai hoi oe no kau mau pane kikoola.

            MA keia wahi i huli ae ai ua opio nei a haawi aku la i ke kauoha paa i na koa e nee aku lakou a pau imua me ka hopo ole a lawepio ae hoi i ka halealii ina maka mea kaua wa ie no e hiki ai, a o na poe hoi e kue mai ana e hoihoi aku ia lakou no ka lua puanuanu o ka make, aka, o ko lakou haku moi nae e hoopakele ia kona ola.

            A i ke kuu ana iho o ka leo o ua alii opio nei, oia no ka wa i hooko aku ai kona mau kanaka, aka, ma mua nae o ko lakou hoea ana aku i ka paepae o ka halealii ua puni ae la ka halealii i na kanaka o kona mau hanau mua.

            Aole he mau hoouka kaua i ma lama hou ia, no ka mea, ua kulou haahaa mai la na enemi imua o na opio me ka haawipio mai hoi i ka lakou mau mea kaua.

            Iloko pu hoi okeia wa aia na koa malihini ke huli la i na moi o ua aupuni la, a i ka hoea loa ana aku o ka lakou huli ana, i ka aleo o luna loa, aia hoi, ua hoopomaikai ia mai la ka lakou huakai, no ka mea, maluna o kekahi noho pulu e noho ana kekahi kanaka elemakule i hele aku kona umiumi a hiki i kona umauma ilike hoi ke aiai me ka hau a ma kona a ia e owaka ana he puupuu daimana.

            I kona ike ana mai i na koa e hele aku ana imua o kona alu ua ike ia aku la ka naka haalulu ana ae o kona pauku kino me ka piha makau a ninau mai la.

            Owai keia poe e hele mai nei imua o`u he hoaaloha a i ole he enemi anei? E pane mai i keia wa ano. no ka mea, ua makaukau au no ka haawi pio aku iloko o ka poho o ko oukou mau lima i kuu nohoalii, kuu aupuni a me kuu lahuikanaka holookoa.

He hoaaloha a he enemi pu nou, a e ka moi e hoopau ae i ka naka haalulu ana o kou pauku kino i ka makau no makou, no ka mea, aole makou e hoopoino aku ana i kou ola, aka, malalo o ke kauoha a ko makou mao haku opio e hele mai makou e huli i kou wahi e noho nei pela makou i hiki mai la imua o kou alo.

            A ma keia whi i huli ae ai kekehi mau koa a haalele iho la i ka aleo kahi a ka moi aoo e noho ana no ka hoike ana aku ina alii opio ua loaa ka lakou mea i iini ai e ike.

            Oiai, na opio e hoomaha ana i ko lakou maluhiluhi maluna o na noho pulu nani o ka halealii e nana ana hoi i na kinohinohi oloko o ka rumi a lakou i kamaaina ai i na la i hala, a ma ka lakou hoomaopopo ae aole no he mau mea ano hou a lakou i ike ae, aka, o na mea hoonani kahiko no a lakou i haalele iho ai he mau makahiki lehulehu i hala ae nei, aia hoi, na hoea mai la na koa o ua mau alii nei a hoike mai la aia ka moi i ka aleo o luna.

            Na keia mau olelo a na koa i ho opau ae i ko na opio noho ana malaila, a hahai aku la hoi lakou ma hope o ke alakai ana a na koa, no ka mea, ua huekoni koke mai la no ke aloha makua iloko o ko lakou puuwai.

            A iloko o na minute pokole, aia hoi, ua mau opio nei ke ku la mamua o ke alo o ko lakou makuakane me na hiohiona kahaha, no ka mea, o na oho ulili lipolipo a lakou i kamaaina ai e kahiko ana maluna o kona poo, aole ia me ka hau ke aiai ke kahiko ana maluna ona.

            Oiai, lakou e ku ana me ka maopopo ole o ko lakou makuakane no keia, aia pu hoi na manao pahaohao iloko o ua moi aoo nei, no hea la keia mau kanaka opio ui ana i ike ai, a ikeia aku la hoi kona mau kulu waimaka i ka hiolo ana iho, no ka mea, ua komo mai la na hoomanao ana iloko ona no kana mau keiki i hookaawale ia aku ai mai kona alo aku e kana wahine hou. A ina paha eia no lakou imua o kona alo, aole loa kona aupuni a me kona nohoalii e lilo aku i kahi poe e.

            Iloko o ka wa a ka moi e noho ha mau nei me kona mau maka hoi maluna o ka papahele, a o kona lima akau hoi e paa ana ma ke kuau o kana pahikaua me ka makaukau no ka haawi pio ana mai, ua poha aku la ka leo o kekahi opio i ka ninau ana aku ma ke ano hoomaoe me ka leo olu waipae.

            O oe anei e ke kanaka aoo e noho nei iluna o ka noho pulu nani ka moi o keia aupuni?

            Ae, owau no ia, wahi a ka moi me ka leo haalulu.

            Aole anei o oe o MoiMiro, ka mea nana na keikikane eiwa a me hookahi kaikamahine i hookaawale ia mai a oe aku e ka manao puuwai lokoino o kau aliiwahine hou e noho nei?

            E pane mai ano a mai huna iho i kekahi hunahuna o ka oiaio.

            Na keia mau huaolelo a kekahi o na opio i hoohaikea aku i ka helehelena o ua moi nei, no ka mea, ua komo koke mai la na noomanao ana iloko ona ua ikeia ka laua mau hana lapuwale i hana ai me kana wahine he mau makahiki mamao i hala ae nei.

            Aole oia i pane kokemai, aka, ua ikeia aku la kona poo i ke kulou ana iho, a hiolo mai la hoi kona mau waimaka e hoopulu ana hoi i kona mau papalina i hele alu`a. A i ka hala hope ana ae o kekahi mau minute akahi no a ike ia aku kona poo i ka aea ana ae pane mai la me ka leo malie.

            Ae, he oiaio kau e pane mai nei, ua hana au a me ka`u aliiwahine ia mau hana limakoko.

            Alaila, e pane mai ane, ua like anei kou manao lokoino me kau wahine, a ua hoohele ia anei oe me ke aloha no kau mau keiki?

            Aole e ka opio, aole i kaawale aku na manao aloha mai a`u aku no ka`u mau keiki, a ina eia lakou maanei e poili aku no au me ke aloha oiaio o ka makua i ke keiki. aole no na`u ka makemake e hookaawale i ka`u mau keiki, aka, na kuu wahine, a mamuli o ka oi ae o kona mana i hiki ole ai ia`u ke kue aku.

            He aihua kai komo ae maloko e kekahi halekuai Iapana ma ke alanui aala a lawe aku la he mau apa lole ailika i hiki aku ka waiwaiio i ka $130 me $2 maoli ma ka po Poalua nei.

            Ua waiho ia aku la he hoopii oki mare imua o ka aha Kaapuni a David Kaonohi  i kana wahine Kealoha no ka haalele wahi moe, Ua mare ia laua ma Hilo i ka 1891, aka, ua kaawale nae ko laua noho ana mai ka 1895, a pele i manao ai ke kane ua kupono laua e hookaawale ia e ke kanawai.

W. & M. Ltd.

            O na kauoha a pau o $500 a pii aku mai na mokupuni mawahe aku nei e uku no makou i na auhau moku ina e hoouna ia mai ana ke kauoha me ke dala kuike.

BATISTIES, PERCALES ME DIMITI

            He mau loa aahu nani o na waihooluu like ole, i hoouna pololei ia mai na hale hana lole mai o Nu Eneiani. No ka i a………….15c ame 20c

TISSUES ME ZEPHYRS

            He mama a he nani, a he paa hoi ma ka aahu ana. No ka ia…………………………………………………………………….30c, 35c, 40c, 45c

            FRENCH COTTON FOULARDS

            Ua like loa ko lakou nanaina me ka allika i kupono no na holoku. No ka i a ………………………………………………………………..35c

            NA LIHILIHI FARANI

            I hana maiau ia no ke kahiko ana i na lole nani loa, keokeo, eleele ame melemele o na paikini hou, No ka i a …………………………$5 ame $6

            E hoouna la no na apanapana lole (samples) me ka uku ole ma ka hale leta i na poe e kauoha mai ana, no ka wae ana i kokua e ui ae i ko makou

KEENA HANA AAHU

            A malaila e hooko ia ai ko lakou makemake i na he iini ko lakou e hana ia i mau holoku no lakou maanei

WHITNEY & MARSH,

I KAUPALENAIA

1045 Alanui Papu

Ma ke Kinau aku la i huli hoi aku ai o Mr a me Mrs. Simon K. Kahana, no ka lana home ma ka Ua Kanilehua, mahope hoi o ka hoohaia ana iho nei kekahi mau la i ka uluwehiwehi o ke kapitala eni.

KAUHAUA ILINA KUPAPAU O KALAEPOHAKU.

            Ke hai ia aku nei ka lohe i na mea`a pau, he kuleana kanu kupapau kp lakou ma ka ilina o Kalaepohaku, Honolulu. Ua makemake ia oukou e akoakoa ae ma ua ilina kupapau ala ke hiki aku ma ka Poakolu, Aperila 3, 1901, ma ka hora 9 a.m. oia la, a e lawe pu ae me na mea hana no ka hoomaemae a oki ana hoi i na laau Mikinolia e ulu ana maloko o ua ilina ala. A ma ia la no hoi e hoike mai ai kela a me keia i ka inoa o kana kupapau e waiho la ma ua ilina ala, oiai, ua hookohu pono ia mai au e ka Agena o ka Papa Ola o Honolulu nei i Luna Nui nana e malama i ua ilina la, aia a loaa aku ka palapala ae mai a`u aku, alaila, ae mai ka Papa Ola e kanu ia ke kino kupapau ma ka Ilina Kupapau o Kalaepohaku, Honolulu. Nolaila, o ka poe e hoolohe a hooko ole elike me keia hoolaha, e hoopau loa ia aku ana kona kuleana e kanu i kana kupapau ma ka Ilina Kupapau o Kalaepohaku, Honolulu.

            E mana keia hoolaha ana mai keia hoolaha ana mai keia la aku no ka wa mau loa.

            Owau no me ka oiaio,             JOSHUA KEAU.

            Luna Nui Malama Ilina Kupapau o Kalaepohaku, Honolulu.

            Kunawai, Honolulu, Maraki 27 1901.

NA LAKO GULA HOU LOA

            I hoea mai nei maluna o na mo kuahi mai Kapalakiko mai.

            Ma ko`u Halekuai, malaila e hana ia ai na Pine, Komo, Kupee Lima, Uwati, a pela aku.

            H. C. Biart

            Alanui Papu, Helu 404*.

            KA HALEKUAI LOLE HOU

O

WingSing Loy Co

ALANUI MOI, KOKOKE I KE ALANUI

AALA,

            Eia me makou no Lole MAselina e na Waihooluu like ole, na Kalakoa, Pale Pakaukau, Lilina, Lihilihi Paku Keokeo, Victoria Lawns, Oganadi, Mauu, Pahu Lole, Silika Pake, a pela aku. E kipa mai a e wae no oukou iho i keia mau waiwai hou. He emi na Kumukuai.  mar 12.