Ke Aloha Aina, Volume VII, Number 18, 4 May 1901 — OLOHANI NA SELA O HILO. [ARTICLE]

OLOHANI NA SELA O HILO.

I na hoa a me na makamaka o ka papapa'i o KE ALOHA AINA; Anoai kakou:—

E oluolu mai kou hanohano kiekie e hoike ae ma ke akea i kela poomanao e kau ae la maluna i ike mai ai na kini a me na lehulehu o kaua e noho mai la mai ka la hiki a ka welona a ka la i lehua, oia keia malalo iho nei. Ma ka Poaha i noho ai ka halawai a ka ahahui Home Rula o Hilo Hema Taona ma Puueo, hora 10 a. m., i moho lunahoomalu ia e R. D. H. Kualii. He ku maoli i ka eehia na lawelawe ana a ka ahahui ma ka lakou mau hana a pau. 1. Na ka lunahoomalu i ka hoike aa ke kakauolelo o ka halawai i hala. 2. Ka hoike a na komite i waiho mua ia. 3. Ka hoike komite o na mea hou. Aia malaila i komo ai ka hoike a ka Elele D. M. Kualii. Pau ka hoike a ka Elele, na ka lunahoomalu i waiho ae i ka ninau ana iwaena o ka halawai no ka hoike a ka Elele D. M. Kualii, lawe ka hale a apono i ka hoike a ka Elele. Na kekahi hoa o ka hale i hoi ae i ka lunahoomalu e noonoo ka hale i keia ninau penei: Ua mana anei na Elele he 31 me 7 kue no ka ae ana aku ma keia ino penei, "Kuokoa Home Rula Repuablika" aole paha? Na ka lunahoomalu e pono e lawe keia aha e noonoo no keia ninau, lawe ka hale e noonoo a apono i ka ninau e lilo i kumuhana, ia wa i ku mai ai na hoa o ka hale e wehewehe ana i ka loa o a me ka laula ka kekahi e ae ana, ka kahi e hoole ana, unuhi kahi ma ke kahua hana o ka aoao Kuokoa Home Rula a hoakaka i kona manao kalai malaila. Pii na na aoaoa kalaiaina iluna, elike me ka uila e holo ana i ka akau a i ka hema, a pela wale aku, me ia ikaika no o na aoao paio a elua e hou ana io ianei, iluna, ilalo, i ka hoopunipuni o ke kahua hana i hoike akea ai imua o ka lahui, eia nae ke koi mai nei aia ka a Repubalika alaila mokuaina kakou. Nolaila, olelo hooholo. Hooholoia. Ke kue loa aku nei makou na lala o ka Aoao Kuokoa Home Rula e hui pu aku me ka manao hooko o 31 elele i ae Repubalika ia 7 kue e mau ia Kuokoa Home Rula. No ka aoao i ae ole i Repubalika ma ia aoao makou, aole makou he mau bebe a hoonana ia ai me na kii leo ole, a pela aku. Ke hoole loa nei makou ma na ano a pau a hiki i ka hulihia ana o ke ao nei ilalo, o ka aoao malalo maluna ia i luku pu ia ka hoopunipuni, ke satana, moo talagona, a pela aku. E kala mai ia'u he nui ana na mea i koe i pau ole i ke kope ia e a'u o na mea ano nui keia. Kou oiaio, C. Toma Hilo, Hawaii.