Ke Aloha Aina, Volume VII, Number 19, 11 May 1901 — Page 5

KE ALOHA AINA

 

Nuhou Kuwaho.

            Maluna o ka Nippon Maru i loaa mai ai keia mau nuhou  makamaka loa a makou e kuupau aku nei no ka pomaikai o ko makou poe heluhelu penei:

            MAKAUKAU NA HAWAII NO KA HOIKEIKE.

            Buffalo, Mei 1.  Maloko o ka Midway, na holoholona a Bostook, na ilikini, ke kauhale o na Hawaii a me kekahi mau mea hoikeike e ae, ua makaukau lakou no ka hoikeike, a ua lilo lakou i mea makaihai nui ia e na poe malihini.

            HOOUNA IA HE MOKUKAUA NO KA HOOPAI ANA.

            Sidane, Apr, 28.  O Herr Mereke, he Geremania ona miliona e holoholo ana maluna o kona moku a me Herr Caro kana kakauolelo ua pepehi ia mai nei laua e na kanaka o Nu Beritania ma ke kapakai hikina akau o Papua, a ua ai ia ke kiao o Herr Care.

            Berlin, Apr. 28.  Ua haawi aku ia o Emepera Uilama he kanoha ia Kapena Passchew o ka mokukaua holo mama o ka papa elua Hansa no ka lawe ana mai iaia mai Kina mai a hookau aku aku i ka hoopai maluna o na kanaka nana i lawe i ke ola o Herr Mereke.

            HE OIA MAU KA HAKAKA MA AFERIKA HEMA.

            Cape Town, Apr. 28.  he hoike kai loaa mai ianei e olelo ana, he 25 Beretaina no ka puali kaua lio Wales Light Horse i kue aku he 400 Boa no ewalu hora ma kekahi wahi he 15 mile mai Kroonstadt aku.  A mahope oia wa ua haawi pio aku la na Beritania, aka, mahope nae o ka pau ana o ka lakou mau poka.  Aole Beritania i hoeha ia.  Mahope o ka haawi pio ana, ua lawe aku na Boa i na lako kaua a hookuu mai la i na pio.

            HALAWAI HOU ME NA PILIPINE.

            Manila, Apr.  =28.  Ua lele kaua malu aku o Kapena Wilson Chase me kekahi puali o ka regimana 20 i ke kahua hoolulu o na Pilipine ma ka la 26 iho nei.  Ua pakele aku o Kenerala Cailies o na Pilipine, a ua hopu pio ia e na Amerika ka aukukana kenerala, elima alii me umikumamalima kanaka.  Ua make o Mekia Valo o na Pilipine a me Kopala McGill a me Tipps o na Amerika.  Aia na kolamu koa Amerika ke uhai hoomaha ole la mahope o Kenerala Cailles.

 

            Maluna o ka mokuahi Nippon Maru a lohe ia mai ai ka haalele ana aku la o Peresidena Makinile ia Wasinetona ma kana huakai kaapuni ia Amerika Huipuia.

 

 

MAHUKA MAI KE KANE AKU.

            O kekahhi wahine Iapana nona ka inoa o Kiku, mahope o ka pee ana iloko o na ulunahele o Kalihi no hookahi pule, ua hoea mai ia oia i ka halewai ma ka po Poalua nei, a noi aku la i ka oihana makai e ae ia mai oia e hoi aku i ka halepaahao o hoohala ai i ke koena o kona mau la o keia ola ana.

            Ma ka hoike a keia wahine ua hoea pu mai no oia me kana kane i keia mau mokupuni, a mahope o ka pau ana o Kinataona i ke ahi, ua lawe ia aku laua no ka hoomalu ana ma ka pa hoomalu ma Haimoeipo.  Mahope o ko lana hookuu ia ana mai ua nui ka pilikia o ko laua noho ana.

            Mamuli o ka molowa o ke kane i ka hele ana i ka hana, ua koi aku ia iaia e hele e haawi i kona kino i wahi e loaa ai ko laua ola.  Ua kue aku oia i keia manao, a ua hoeha mau ia oia a hiki i kona ae ana aku i ka manao o kana kane a hoi aku la i Iwilei.

            No elima mahina o kona noho ana malaila, ua loaa iaia he $200 no ka uku ana i ka laua ai a me ka noho hoolimalima ana, aka, o ka mea apiki nae aole i loaa iaia he wahi keneta o keia noho hoomanawanui ana iloko o ka hilahila, a ua lilo aku la kana kane ma ka piliwaiwai.

            Ma kela mahina aku nei ua loaa oia i ka ma’i aka, aole nae i nana aku kana kane i kona kulana a koi aku la iaia e hoomau aku i ka lawelawe ana i na hana pelapela elike me kinohi me kona hoeha pu mai iaia, a i ka hiki hou ole ana iaia ke hoomanawanui na mahuka aku la oia no loko o na ulunahele o Kalihi a pee iho la malaila.  A malalo o ka lokomaikai o kekahi mau wahine Iapana e noho ana malaila, ua haawi lakou i na kokua ana iaia, a i ka hiki hou ole ana iaia ke hoomanawanui i keia mau ehaeha ua hoi hou mai la oia no ke taona nei a pee iho la ma kekahi rumi o ka pa hoomalu e ku nei ma ke alanui Vaina.  Malaila, ua loaa aku oia i kana kane e huli ana iaia a hoao aku la e hoeha iaia, ua holo mai oia no ka halewai a haawipio aku la iaia imua o ke aupuni.  Ua hoopuka ia he palapala hopu no kana kane ia po no.

 

            He emi loa na mea kuai o kahi o L.B. Kerr.

            Ma ka hoike a kekahi mau hoa Home Rula e okioki ia ana ka uku o kekahi mau luna aupuni, aole o makou mau kue malaila, aka, he mahalo makou ia mea ina ia o kekahi alahele e hoopau iki ia ae ai kekahi mau haawe kaumaha a ka lahui e awamo nei.

 

 

HE HOOMAIKAI.

            Mamui o ka ahamele nui i wehe ia e na Hoahanau o ka Ekaleaia Huiia o Kalihi a me Moanalua, ma ka po Poaono, Mei 4, 1901, no ka pomaikai a me na mea e hooholomua ia ai o keia Ekalea a.

            Nolaila, ma keia, ke haawi aku nei makou, na Hoahanau a pau a me na hoapaahana po, e hooikaika pu ana i na hana pono iloko o ko kakou Haku aloha o Iesu Karisto, ma o ko makou mau komite ala, i na hoomaikai palena ole a me na mahalo he nui oikelakela, mamuli o na hana ku i ke aloha Karistiano iloko o ko kakou noho na hoomana ana iloko o ko ke Akua oiaio mau loa, mamuli o ko oukou kakoo po ana mai a me ka hoomanawanui pu iloko o na inea a me na kuia o ka po i hala aku, aka, mamuli o ka noho alii ana mai o ke aloha oiaio iloko o ko kakou mau puuwai, pela pu kakou a pau i akoakoa ai ma keia hana maikai, me ka iini nui e auamo pu i na kaumaha o kekahi.

            Nolaila, ma keia ke hooi loa aku nei makou o ko makou mau mahalo nui ia Mr. Moses Nakuina a me na lede o kau ahahui himeni, ka mea nana i hoone i ke anaina holookoa iloko o na minute o ka hauoli palena ole.

            A ia Mr. Sam. Kamaiopili, iloko o kau mau olelo wai meli e hoomomona ana i na pepeiao o ke anaina.  A nou hoi makou e hoopoina ole nei.

            A la Prof. Ernest Kaai a me Kaholokahiki, Jr., na loea o ka pila Guitar a me ka Mandolin, ka mea hoi nana i haawi mai i na hoonanea maikai ana i ke anaina, a oi wale aku.  No olua auanei ka makou e hapai mau ae ai.

            A ke haawi pu aku nei makou a pau i na hoomaikai he nui i ke anaina holookoa i akoakoa mai, a i hoomanawanui mai hoi iloko o ka ino nui i panola iho ma keia ahiahi, aka, aole no nae ia he mea e hookuemi mai ai i ko kakou ikaika, a no ka mea, o na mea maikai a pau aole loa ia e pono, e hoolei wale ia,

            Pela pu no hoi makou a pau e haawi pu aku nei i na hoomaikai i na lede a me na keonimana i kakoo a kokua pu mai ma keia hana, no ka pomaikai o ke anaina i akoakoa mai ma ke kino, no ka pahola ana aku i ko oukou lokomaikai piha a palena ole, ma ka haawi ana i na mea ai mama.

            Nou e Mrs. Emma Nakuma, ka makuahine e kakoo nui nei no ka holomua o keia ekalesia; Mrs. Sol. Mahelona; Mrs. Capt, Bowers; Mrs. I.H. Sherwood a me na kaikamahine o ke Kula o Kamehameha.

            No oukou a pau loa ka makou e noi nei i ke Akua Mana Loa e kau mai Kona aloha ahonui, palena ole maluma o oukou, a o kakou a pau, a Nana no auanei e haawi mai i na pomaikai he nui ma ke kino a me ka pomaikai oi loa aku, no ko kakou mau uhane ma keia ao.

            Ma o ko makou mau komite

                        J.K Malno, Jr.

                        L.H. Sherwood,

                        Hoapili Kaauwai,

                        Joseph Heleliilii,

                        Peter P. Davies,

                        Sol. Paaweia.

            Kalihi-waena, Mei 4, 1901.

 

 

UA HALA IA MAKUAHINE

I ka Nupepa KE ALOHA AINA,

                                                            Aloha kakous

            E oluolu mai ia’u i kau wahi e kou kino lahilahi e hookomo iho i keia mau manao walohia malalo iho nei, a nau hoi ia e uwila mama aku i ike mai ai o’u mau kini e noho mai nei i na Honoapiilani.

            Ma ka la 24 o Aperila, 1901, aka nei, i haalele mai ai i keia ola ana o Mrs. Nahuina, ka’u wahine ma@e ma Kalihi uka, Oahu, a hele aku lama ke ala hoi ole mai.

            Ua hanau ia oia ma Honuauie Maui, i ka malama o Augate, 1813- a ua piha iaia na makahiki i ke 37 na me mahina keu o kona oia ana, a haalele mai la ia’u e noho hookahi mahope nei.  Ua mare ia o Mrs. Nahuina ia Nawahei i ke 63 makahiki, ma Kalihi-uka ae nei.

            Ua malamaia kona anaiana hoolawa ma Kalihi-uka, a kanu ia @2 Kaloiki, ma Kalihi-uka no.

            Owau iho no me ka luuluu,

                                                                                    P.H. NAWAHIE.      

            Kalihi, Honolulu,  Mei 7, 1902.

 

 

AHAHUI EUANELIO.

            E malama ia ana ka halawai makahiki o ka Ahahui Euanelio o ko Hawaii Paeaina, maloko o ka Loakini o Haili, ma Hilo, i ka Poahe Iune 6, 1901, hora 10 a.m.  A ua makemake ia na iaia a pau o ua Aha la e hiki ae mamua o ka manawa.

                                                                                                O.P. EMEKONA.

                                                                                                            Kakauleia.

 

PAKELE MAHUNEHUNE KA MOKU EA ECLIPSE

            Ma ka hora 9 ka po Poakolu nei, ua hoohikilele ia ke kulaha kauhale nei i ke kani palalu ana mai o ke oeoe pauahi e hoike mai ana he ahi aia ma ka uwapo Burna.  Ua hoea aku na kaa kinaiahi malaila, a ike ia aku ia ka uwahi e panohu mai ana ma ka ihu o ka mokukuna ea Eclipse.

            Ua haawi koke ia na kokua ana e na poe me na pakeke wai a me ka oihana kinaiahi a mamua o kona palahalaha loa ana aku ua pio loa iho la ia.  O mua wale no o ka ihu kahi i hoopoino ia, o ke kumu i hoea mai ai o ke ahi mamuliia o ka hoohemahema ana o ka luina i koe maluna ona i kona ahi paka.

 

 

LOLE HAE HANA LEI

            Eia makou ke kono aku nei i na makamaka e naue ae ma ko makou Halekuai e ike a kuai nona iho i na “Lole Hae Hana Lei” no ke kumukuai haahaa loa, he Hapaha (25c) o ka I-a.  Eia na waihooluu, Ulaula Melemele, Keokeo, Bolu a me ka Eleele.  Mai hoohala i keia pomaikai o nele auanei ka iini a loke.

                                                                                                B.F. EHLERS & CO.                        

                                                                                    (Painapa Ma.)

                                                                                                Alanui Papui.