Ke Aloha Aina, Volume VII, Number 21, 25 May 1901 — Page 1

KE ALOHA AINA

 

Ke Aloha Aina

HILO BAY, HAWAII

UA MAU KE EA O KA AINA I KA PONO

HOOKUMUIA I MEI 20, 1895

 

BUKE VI.         HONOLULU,  POAONO,   MEI   25,  1901.         HELU 21

 

ELUA  HOA  E  WAWA  IA  NEI.

 

  Ua ike iho la makou ma ka nupepa Hoku o ka Poaha nei i keia mau hoike, penei:

  Eia ke hauwawa ia nei ua loaa aku la ka meheu o elua mau hoa hanohano o ka Hale o na Lunamakaainana i ka Aha Kiure ua lawelawe i ka hana ekaeka. A o ka hui nana keia mau hana kipe e lohe ianei oia no ka hui kaa uwila Rapid Transit. Ua lawelawe ia keia hana, wahi a ka lohe la mai, i wahi e hiki ai ke haule ka bila kaa hapaumi a Penikalaka ma, i hooikaika ai no ka ae ia ana aku e loaa ka mana ia hui kaa e hoohana ai no 50 makahiki.

  Ua manao ia e lawe ia mai ana keia mau hoa hanohano e hookolokolo ia imua o ka Aha Hookolokolo Kaapuni mahope o ka pau ana o ka aha niele a ka Aha Kiure Kiekie, oiai, he nui na hoike i koe e kikoo ia aku ana. Eia kekahi mau hoa o ka hale o lalo ke pioo nui nei, owai la o lakou keia mau hipa eleele e hauwawa ia nei. E kali malie no kakou malia he mau lohe makani wale no keia.

 

NA  PILIPINE  NO  KA  HOIKEIKE

O  BUFFALO.

 

  Aia maluna o ka mokuahi Pekina i hala aku la no Kapalakiko he 100 Pilipine no ka hoikeike o Buffalo, he wahine a me na kane. Iwaena o keia poe he 15 poe hookani mea kani, he mau bipi bukalo Pilipine kekahi e lawe pu ia ana no ka hoikeike, He nui na poe i pii aku e makaikai ia lakou i na hora a ka Pekina e pili ana i ka uwapo ma ka Poakolu nei.

 

  Eia ke malama ia nei he kuai hoemi o na lole bebe ma kahi e Painapa ma.

  He kuai hoemi nui o na lole koena ke malama ia nei ma kahi o L. B. Kerr.

  E malama ia ana he kuai hoopau nui e K. Isoshima ma keia Poaono, Mei 25. O na waiwai a pau o kona halekuai.

 

PAA  O  LOIO  L. A. KAKINA  I  KA  HOPU  IA

 

  Ma ke Kakahiaka Poakolu nei i noho ai ka hihia o Loio L. A. Kakina imua o Lunakanawai Humepera, no ka hoolohe ia ana o kana hoike e pili ana no kela mea nana ke dala i haawi ai i kekahi hoa o ka Ahaolelo ana e huna loa nei i ka inoa. E like no me kona ae ole ana e hoike imua o ka Aha Kiure Kiekie pela no oia i ae ole ai e hoike aku imua o Humepera.

  Mamua o ka hoopanee ana o ka Aha ua haawi mai la o Humepera i kana olelo hooholo e ahewa ana ia Kakina no ka hoowahawaha Aha, ma o kona hunakele ana i ka moa o ka mea ana e noho loio nei, me ka hookauia mai he $100 hoopai, a e hoopaahao pu ia oia e like me ka loihi o ka noho ana o ka Aha Kiure Kiekie aka, e hoopau ia no nae kona hoopai hope ina e ae ana oia e hoike mai i ka inoa o ka mea ana e huna nei.

  Aole oia i lawe ia aku no ka hoopaa ana ma ka halewai, aka, na kiai ia no nae oia e Makai Hopkins o ka Aha Hookolokolo Kaapuni a hiki i ka paa ana o kona palapala ahewa.

  Ua hookuu ia mai o Kakina malalo o kekahi palapala hookuu kino no ka manawa e Lunakana wai Kiekie Frear me kekahi bona o $500 i noho hopeia e A. W. Pearson. Ma ka hora 10 o ke kakahiaka Poakahi ae nei e hoo loheia ai kona hihia imua o ka Ahahookolokolo Kiekie. A hoaha ana la kana olelo hooholo.

 

APONOIA  NA  HOOKOHU.

  Ma ka auina la Poaha nei i lawe mai ai ke Senate e noonoo i na hookohu a Dole i wae iho nei no ka hoopiha ana aku ma na hakahaka o na luna aupuni i kaiehu ia aku e ua Senate nei no, Mahope o ka noonoo akahele ia ana o na inoa, na apono ia aku la ka, hookohu o ka Luna Nui o na Hana Hou, Komisina Aina Aupuni, Puuku, aka, he hookahi nae hookohu o na lala o ka Papa Ola i kue ia oia o Kauka Garvin. Aole he maopopo o kona kumu i kue ia ai.

 

HOPENA  O  KA  RAMA.

 

  Ua hoopaa ia aku la o Kiki no ka hewa lawe ola, a me he mea la, e hookau ia aku ana maluna ona he hoopai koikoi. O kona hewa oia no kona hoeha ana i kekahi lawe hala nona ka inoa o Chas. Bombay, oiai laua e noopaa ia ana maloko o ka rumi hookahi no ka ona rama.

  O Kaapa ka mea i ike pono i na hana aloha ole a Kiki ia Chas. Bombay a peku a o hehi ana iaia. A i ka wa i hoea aku ai o na kokua ua ikeia iho la ua nui loa na palapu i loaa iaia. Ua hoihoi ia aku o Chas Bombay i ka haukipila. a malaila i make ai oia mai na palapu a Kiki i hana aku ai.

 

MAKE  I  KA  RAMA.

 

  Ua make ma ka Poalua nei he haole nona ka inoa o J. Schmidt e noho ana mawaho o Kewalo, ua oleloia ae mamuli no ia o ko na inu aua i ka rama ino ma ka La Pule pei. Ua loaa no oia i ka ma'i ia po no, a he elua wale no la o kona kaa ma'i ana a make iho la oia. Nolaila, e na Hawaii e makaala loa i ka inu ana i na waiona emi, o loaa auanei ka poino mau wale i ko oukou mau kino e like ae la me keia haole.

 

  E alawa ae e na makamaka i ka hoolaha a ke Komisina Poho Ahi e puka aku nei.

  E hoihoi hou ia ana o luna kiai moku Chas. Peterson iwaho o Diamana Hila mamuli o ka nai o ka nui o na hoohalahala i hana ia e na poe kalepa i kanui o na hoike lalau i hanaia e ka haole kiai moku e noho nei mawaho olaila.

 

NA  POE  I  KIKOO IA  E  KA

AMA  KIORE  KIEKIE

 

  Eia makou ke hoopuka aku nei i ka papa inoa o na Luna Aupuni Kiekie o ke Teritori Hawaii a me na poe waiwai a hanohano e ae o ke kulanakauhale nei i kikoo ia mai e ka Aha Kiure Kiekie no ka ninaninau ia ana no ka mea pili i ka hihia kipe.

NA  LUNA  AUPUNI.

  Kiaaina S. B. Dole, Kakanolelo Nui H. E. Kupa, Loio Kuhina K. P. Dole, Luna o na Hana Hou i pau, J. A. McCandless, Puuku i pau T. F  Lansing, a me Ilamuk@ Nui A. M. Barunu.

NA  BOA  O  KA  AHAOLELO.

  Na Senatoa: --N. Rusela, Kale Aki, D. Kal@uokalani, S. E Ka@uo, a me Keoki Kaaka

  Na Lunamakaainana:--W. Aileta, J  Emaluka, J  K  Penikakalaka, a me W. Mokimana.

PAPA  LOIO

  L. A. Kakina, Jas. Kaulia, a me J. M. Poepoe.

NA  POE  HOOLAHA  NUPEPA.

  Nupepa P  C  Avalataisa:.--@. W. Pearson, Luna Nui; W. G. Kamika, Lunahooponopono; J. Bea@wald, Luna Hoohana; Allan Dunn a me A. P  Taylor, mea Kakau.

  Nupepa Independent;--F. J. Testa (Hoke), Ona; E. Norri@, Lunahooponopono.

  Nupepa KE ALOHA AINA:--Mrs: Nawahi, Oua; E. L. Luke, Lunahooponopono.

NA  POE  WAIWAI  A  HANOHANO

E AE.

 

  J. B. Kakela, C. G. Ballentyne, J. A. Gilman, Bruce Kakalaika, J. H. Fisher, C. H. Atherton, J. E. Buki, C  J. Makate, Jack Luka, F. J. Lowrev, J. Kanui, J. Nolte, Ona Haleaina, Al. Moore, Kakauolelo a ka Aukukana o na koa aupuni, C B. Kane, Iapana kuene o ka rumi haawi rama o na aliikoa Hawaii a me na poe o ka Hui Kaa Hapaumi.

  Aole i na iho ka Aha Kiure me keia mau inoa ae la no ka niele ana, aka, he nui a lehulehu na poe i koe e kii ia aku ana m@ keia mau la e nee nei.