Ke Aloha Aina, Volume VII, Number 24, 15 June 1901 — Page 8

KE ALOHA AINA POAONO, IUNE 15, 1901.

HE KAAO KAILI PUUWAI

-: NO KA:-

UI MINEWA

-: A ME NA:-

Kaikunane Eiwa

I hooliloia i mau Manu Nene Ahiu a i ole na keiki i Hoehaehaia

 

Kakauia no KE ALOHA AINA.

            E ka moi Miro, wahi a ke alakai opio i hooho mai ai me ka leo kuoo Aoie e hi @ ko'u mau kapuai ke hoi aku me ka nele, no ka mea, ua loaa oe ia makou, a o ka olelo kauoha wale no i loaa mai ia nakou e hoihoi koke aku ia oloa no ka hale alii no ka hookolokolo kanawai koa ana. A i ku ka hewa maluna o olua he mea oiaio e make pu ana olua, a i ku hoi ma ka aoao o kau aliiwahine wale no, he mea maopopo oia wale no ke hookau ia aku an aka hoopai.

            Nolaila, e kuu papa aloha e hoopau ae i kou mau namao hoopaakiki, a e hoi aku kakou ihope, a malalo o ka hooko kauoha aole loa e hiki ia'u kea e aku i kou manao e noho hou iho olua maanei, a ina ua piha ka lani i ka inaina no'u, he mea hiki ole no la'u ke hahaki ae i ke kauoha paa i haawi ia mau ia'u e hooko aku.

            Ae, e kuu keiki, ua pololei kau e kamailio mai nei, aka, ua hoohiki mae maua ina e loaa ole ana ia maua he mau hoopakele a i ole he mau huikala ia ana mai ia oukou mai, aole loa maua e haalele iki i keia kahua me na kino oia, a me keia pahikaua a'u e paa nei e hoopau ae ai maua i ko maua ike hou ana i na haawina ehaeha o keia ola ana.

            Nolaila, e noo noo me ke akahele mamua o kou pane ana mai i ka'u noi, e ae ana anei oe e huikala i ke ola o ka mea a kuu puuwai i aloha ai, no ka mea, ina aole oia pu me a'u ma keia ao, he mea waiwai ole no'u ke ola hou ana aku.

            O kuu aloha nona he mea hiki ole ia'u ke hoike aku ma ka olelo, aka, o na lani wale no kai ike i ka hohonu o kona mole iloko o kuu puuwai nei.

            A i ka ike ana o ke alakai opio he mau olelo kuio keia a kona makuakane, a ua hiki ole hoi iaia ke lawe ola aku i ka lakou mau pio no kahi a kona mau hoahanau e kali mai la ua kulou iho la kona puo ilalo a huliu aea ae la oia iluna a pane mai la.

            Ua hiki ole ia'u ke haawa aku i ka olelo hooholo i keia wa, aka, e hoouna aku ana au i elele ihope i o'u mau hoahanau e kali mai la, no ke kono ana aku ia lakou e hele maimua o olua a maanei hoi e hookolokolo ia ai. No ka mea, pela wale no paha e hiki ai olua ke hookolokolo ola ia, no ku hewa koikoi e kao nei maluna o ko olua mau hokua.

            Me keia mau huaolelo huli ae la oia a haawi kukeaku la i ke k@ha pupuahulu i kekahi o kona mau koa e holo aku ihope me ka mama nui i loaa lala a hoike aku i ka lohe i na alakai opio e kali mai la no ko lakou huli hoi aku, ua makemake ia lakou e akoakoa koke mai iluna o ke kahua kaua ia mau minute koke no.

            A mahope koke iho o ka hooki ana iho o ke alakai i kana kauoha i kona mau hoahanau e akoako mai ua huli koke ae la ua elele nei a haulele iho la i kona haku mahope hoi o ka haawi ana i na kunou aloha hope ana.

            Aole no hoi i huliu keia kaawale ana aku o ua elele nei malalo o kana misiona pupuahulu, aia hoi, ua hoea mai la oia me na alakai opio he ewalu, a i ke kuu ana iho o ko lakou nae ua huli mai la kekahi o lakou a ninau mai la me ka leo pihoihoi.

            E ko makou pokii aloha, heaha ka manao o ke kauoha pupuahulu au i hoouna ae nei no makou e hoea awiwi mai imua o kou alo. He enemi anei eia ke hoohalua nei I kou ola?

            Aole, aole e o'u mau hoahanau aka, o ke kumu a'u I hoouna awiwi aku nei ia oukou mamuli no ia o ka hoolohe ole o na pio i ka'u I koi aku ai e hoi hou aku laua no kahi a laua i mahuka mai ai. A mai hoo lohe ole no paha au i ka laua kue, i na aole kakahi o laua o ko kakou makuakane aloha, ina aole loa au e mahu i ka laua noi e hoopakele ia ko laua ola. Nolaila, e o'u mau hoahanau e pane mai, ua kue anei au i ka oukou kauoka i kaawi mai na'u e hooko aku?

            Aole ua hooko oe i kau hana me ka pololei a me ke paewaewa ole wahi a kona mau hoahanau i panai mai ai, a huli like ae la lakou a nana aku la maluna o na pio me na maka hulili o ka inaina.

            E ka moi Miro, wahi a kekahi o na opio i pane aku ai me ka leo okalakala. He oiaio anei nau ponoi no i hoomahuka mai nei i ko makou enemi, oia hoi, kau wahine i aloha pupule ai?

            Ae e kuu keiki, me kuu mai lima ponoi au i hoopakele mar ai i ka mea a kuu puuwai i aloha ai. Alaila, e hoahewa mai ana anei oukou ia'o no ka hoopakele ana i ka'u aliiwahine, ke mea hookahi nona ko/u ola i keia ia.

            Ae, e kuu papa aloha, ua hewa loa oe i ko makou manao, a ina he mea okoa aku oe mawaho o makou i keia sekona no he kino puanuanu kou maluna o keia kahua. Nolaila, e hoike mai i kou manao i keia @ano, heaha ke kumu o ko olua hoolohe ole ana i ka leo o ke alakai opio i hoouna ia mai nei mahope o olua.

 

KA HALE HANA PAPALE NUI

….0….

T. MURATA

Alanui Nuuanu, Honolulu.

Eia ke malamaia nei he kuai hoemi nui o na Papale i keia mau la. Ua hiki ke kumuhumu ia na papale, ka holoi ana a pela aku. Aia pu ma kona hale hana papale he heluna nui o na papale like oie a e hoohio ia aku ana hoi lakou ma ke kumukuai haah@ loa.

T. MURATA.

ALANUI NUUANU, HONOLULU.

            E kuu mau keiki aloha o ha@ ami ko oukou mau pepeiao ia'u nei, a e hoike aku no au i na mea a pau. He hookahi wale ihe ne a oia keia he mea ehaeha no maua ka ike hou ana aku i ka paia aloha a ka home a'u i hooikaika ai i ka wela o ka la no ka manao ana malaila au e hoohala ai i na la hope o ko'u ola ana me ka'u mea i aloha ai. Aka, i keia wa nae ua lilo maua me he mau aeahaukae la ke kuewa i kea la me ka loaa ole o kahi e hoomoe iho ai o ko mawa poo.

            Aole no nae o'u noonoo ia mau mea a pau, aka, hookahi wale iho no o ke oia o kuu aliiiwahine e hoopakele ae oukou. Ua oi aku ko'u pono e noho kuewa maluna o keia mau mauna mehameha kauaka ole, mamua o ko'u hoi hou ana aku iloko o na paia nanai o kuu home me ka nele i ka mea kuu puuwai i aloha ai.

            Nolaila, e pane mai e ae ana anei oukou e huikala ae iaia mai ka hoopai weliweli a oukou i hookau aku ai maluna ona?

            Aole, aole e ko makou papa aloha ua puka ka makou olelo hooholo e make oia, a oia no ka makou olelo hooholo i keia kahahiaka me ka nana ole ae pehea la ka nui o kau mau uwalo ana no kona ola, aka, o ka olelo hooholo i paa mua ma ko makou mau lehelehe ua mana ia. E make, e make no oia e pono ai, no ka mea, pela wale no e na ai ko makou manao lili nona.

            Alaila, me na maka i piha me ka luuluu i huli ae ai o Miro a nana aku ia I kana aliiwahine, aole oia i ekemu mai, aka, elike me kekahi kii mabale pela ona e ku mahe ana me na nanaina haikea e pahola ana maluna ona. Na keia mau kiohiona ana e ike nei i hoohiolo iho i na waimaka o ua moi nei, a i kona ike ana aole he maliu ia mai o kana noi e kana mau keiki, ua huli hou ae la oia a pane aku la.

            Ae, e kuu mau keiki ua ike ae la au i ko oukou mau manao lokino no ko oukou makuahine, molaila ke noi aku nei au ia oukou e ae mai ana no anei oukou na'u ponoi no e lawe i kona ola, elike hoi me ka maoa i hooholo ai na kakahi ponoi no o maua e lawe i ke ola o kahi.

            No makou iho aole a makou koe ana aku i kau noi. Aka, e pane mai ua makaukau anei oe no ka @ooko ana aku i keia hana i heia wa ano?

            Na keia mau huaolelo hope i poha mai ka lohelehe mai o na opio i hoopiha aku i ka moi aoo me ka ehaeha, a elike mo kekahi kuikele i onou ia aku iloko o kona puuwai pela no ka walania o kona naau i keia mau olelo a na opio. Nolaila, me ka hookaulua ole iho, huli ae la oia a me na waimaka e hiolo makawalu ana, lele aku la oia maluna o kana Anita a muki aku la i kona papalina, a me ka leo ehaeha ninau aku la.

            Ano, ua lohe anei kaua i na manao awaawa o na opio. E pane mai heaha ka manao e hoopiha la ia loko o kou puuwai, na ae anei oe e auamo i ka hoopai a na alii opio i hookau aku la maluna ou?

            Ae, e kuu aliikane, ua makaukau au e auamo i ka hoopai i hookau ia mai maluna o'u, a ke hauoli piha nei hoi au i ka hoomanao ae aole he mea okoa ka mea nana e hookaawale aku i ka uhane ola mai kuu kino aku, aka, o oe no ia ka mea i hoopiha ia me na manao aloha wahine oiaio.   Aole i pau.

            He heihei ko keia auina la mawaho o Kapiolani Paka.

            E hoea mai an aka puali keaka Flying Jordans mai Kapalakiko mai ma ka la 24 o keia mahina, a e keaka ana lakou maloko o kekahi hale lole.

            O ka nui o na koi i waiho la aku i ke Komisina Poho Ahi, ua hiki aku no ia i ka 2,208 no lakou hoi ka waiwai io i hiki aku i ka $1,358998.33:

            E holo aku ana o Kunakanawai Humepera no Amerika Hui puia, maluna o ka mokuahi Kina e hoea mai ana i keia Poaono iho mai Kina a me Iapana mai.

            Ma Kamoihili, Waikiki-waena, Iune 11, 1901, ua hauau mai la ka wahine a ko makou hou loha o ka oihana kakau nupepa, Jos. N. Uahinui o Kalaiakamano, he kekikane nui nepunepu, nolaila, ku makou pule e ola ke kama a kanikoo a palalauhala.

            Ua li ia mai nei ma Modee County ma ka la i o Iune nei, he makuakane me kana mau keiki eha, no ka hewa aihue, e kekahi eha no ka hewa aihue, e kekahi poe i huna i ko lakou amu helehelena ua haawi ia he uku makana i ka poe e loaa ai o keia pee limekoko, aka, a hiki nae i keia wa aohe mea i lona o lakou.