Ke Aloha Aina, Volume VII, Number 25, 22 June 1901 — Page 5
| This text was transcribed by: | R Jiggy Sai |
| This work is dedicated to: | Sai Ohana, generations to come |
KE ALOHA AINA POAONO, IUNE 22, 1901
UKU O KA OIHANA MAKAI.
(Mai ka aoao 1 mai)
Hookahi kapena, Waimea 50
Eono makai, Waimera 40
Apono la. J.A. Akina,
S.W. Wilikoki,
J.K. Kaauwai,
R. Puuki,
HAWAII
Hilo Hema:
Kapena 120
Lutanela Ekahi 60
ekolu makai, pakahi 50
Hookahi makai 40
Lutanela Elua 60
Lutanela Elua 18
Kapena 100
Hookahi makai 35
Elua makai 50
Hookahi makai, Mokuola 5
Hookahi makai, Waiakea 50
Hookahi makai Pukiki 60
Hookahi makai Iapana 75
Hookahi makai Pake 15
Kupakako po 55
Kupakako hale paahao 60
Makai holoholona 50
Elua makai kuikawa 40
Kuikawa 17
Kuikawa 10
Kuikawa 12
Kuikawa 7
Kuikawa 5
Kuikawa 3
Kuikawa 13
Kuikawa 20
Kuikawa 10
Kuikawa 50
Elua Kuikawa 16
Kuikawa 15
Lunapaahao, Hilo Hema 50
Elua kiai paahao, Hilo Hema 30
Luna kiai paahao, Hilo Hema 40
Kohala Akau:
Kapena 75
Ekolu makai, pakahi 40
Luna paahao 40
Hookahi makai (hou) 40
Kohala Hema:
Hookahi makai 45
Hookahi makai 35
Hookahi makai (hou) 35
Hamakua:
Kapena makai 60
Ekolu makai, pakahi 45
Luna paahao me kupakako 50
Hookahi makai (hou) 45
Hilo Akau:
Elua makai 45
Hookahi makai 40
Makai kuikawa 10
Kuikawa 2
Kuikawa 6
Luna paahao, H. & H.R. 90
Elua kiai, H. & H.R. 40
Luna paahao, Hilo Akau 25
Kona Akau:
Kapena makai 60
Ekolu makai, pakahi 45
Hookahi makai (hou) 45
Luna paahao 35
Kona Hema:
Kapena makai 50
Ekolu makai, pakahi 40
Hookahi makai kuikawa 25
Luna paahao 30
Kau:
Kapena makai 60
Ekolu makai, pakahi 40
Luna paahao 35
Hookahi makai (hou) 40
Puna:
Kapena makai 45
Ekolu makai, pakahi 35
Luna paahao (hou) 25
Apono ia R. H. Makekau,
H.M. Kaniho,
J. Monsarrat,
J. Ewaliko,
J. W. Keliikoa,
J. K. Kekaula,
W. B. Nailima,
S. H. Haaheo,
MAUI,
Wailuku:
Kapena makai 65
Lutanela makai 55
Umikumamalua 50
Lunapaahao 50
Kiai paahao 40
Makai kuikawa --
Makawao:
Kapena makai 40
Eha makai, pakahi 40
Lunapaahao 35
Hana:
Kapena makai 35
Lunapaahao 30
Elua makai, Hamoa me
hana, pakahi 30
Hookahi makai, Wailua
me Keana 25
Hookahi makai, Nahiku 25
Makai, Kipahulu 30
Makai, Kaupo 25
Lunapaahao 30
Lahaina:
Kapena makai 50
Ehiku makai, pakahi 40
Ekolu makai 15
Lunapaahao 40
MOLOKAI.
Eha makai, pakahi 30
Lunapaahao 30
Kapena makai, Kahua Ma’i 30
Eha makai, Kahua Ma’i 20
Hookahi makai, Pelekunu 25
Aponoia F.W. Beckley,
J. Ahulii,
Sol. Kawaihoa,
J. K. Hihio
HAULE HE LIO MA KA PALI O NUUANU
Ma ke awakea o ka Poakolu nei ua halawai aku la he lio me kona hopena weliweli ma o ka haul@ ana mai ka nuku aku o Nuuanu no lalo o ka pali, a ua manao@a ua make loa o@a.
E kalaiwa ia ana keia lio e kekahi pake nona ka inoa o Ah Fat, maluna o kekahi bage, a me ia pu he elua mau wahine Hawaii, a no ka Waikiki Inn keia lio a me ke kaa i lawe ia mai ai. He maikai na mea a pau i ike ia a hiki i ka nuku ua halawai mai la lakou me na kikiao makani mai na huli Koolau mai. Ua hoao aku lakou e hoonee i ka lio no ka iho ana ilalo o na Koolau, aka, ua hiki ole nee ke neeu aku imua, nolaila, ua lele iho la lakou a nele wawae aku la me ke alakai ana o Ah Fat i ka lio no lalo o ka pali.
Aole i loihi ka lakou iho ana aku ilalo, ua puiwa ae la ua lio nei a lele aku la maluna o ka pa e paku ana ma ke alanui no lalo o ka pali kunoho, a mamua o ka hiki ana ia Ah Fat i ke hoopakele i ka lio, ua nalowale aku la ia me ke kaa no lalo.
Mamuli o ka manao io o Ah Fat ua poino ke ola o ka lio a me ke kaa, ua huli hoi hou mai la oia no ke kulanakauhale nei me kana mau lede, a hiki i kahi i loaa ai he telepona, ua telepona mai lakou i kaa no ka hoike ana mai i keia ulia pak@laki i halawai ma ko lakou alahele. Ua olelo ae o Ah Fai nana e uku na poho o ka poino ana o ka lio a me ke kaa.
PAUAHI MALUNA O KA MOKUPEA OLYMPIC.
Ma ke aumoe o ka po Poakolu nei, ua hoopiha ia ae ke kulanakaukauhale nei me ka pioo i ka wa i kani mai ai o ke oeoe o ka mokuahi Hanalei i ukalua mai e ke oeoe hoailona pauahi e hoike mai ana aia he pauahi nui maluna o ka mokupea Olympic e ku nei makai o ka uwapo Irmgard, a ua manaoia ua hoea mai ka hopena o ka alo hou ana aku o ka Olympic i na ale hanupanupa o ka moana. Ua holo koke aku kekahi poe iloko o ko lakou mau aahu moepo no kai o ka uwapo kahi o ka hoike pauahi i hoea mai ai. A ike ia aku la na mea a pau o luna o ka moku e holoke ana i o a ianei me na helehelena pioo, a o na k@lamu uwahi i ukaliia mai e na lapalapa ahi ua ike ia aku ia ma ka lua ukana mamua o ka moku, a pela pu ho@ me ka lua ukana mahope.
Ua hoea aku na kaa kinaiahi ma kahi a ka moku pauahi e ku ana a haawi aku la i na kokua ana iaia, a no hapalua hora o ka paio ana o ka oihana kinaiahi ua ike ia iho la ua pio ke ahi, a ua palekana hoi ka moku mai ka ulupa ia ana aku e na alelo ana ole o ke ahi. o ka mokuahi Hanalei e pili ana ma ka aoao o ka Olyimpic ua haawi pu oia i na kokua ana iaia me kona iliwai.
Aole he maopopo o ke kumu i hoea mai ai o keia ah@ ma na koho wale ana a kekahi poe he ahi puhi kolohe maoli ia no keia. O ka nui o ka poino o ka moku aole loa ia i maopopo loa, aka, me he mea la ua nui no ia mai ka hoopoino ana a ke ahi a me ka wai. O ka mea nae i oi loa aku ai ka laki, ua pau na ukana o ka moku i ka hoolei mua ia, a e liuliu ana oia no ka hoopiha kopaa ana mai ka mokuahi Hanalei mai.
Ua haawi ia aku la ia Kale Wilikoki he kulana kupakako maloko o ke keena o na Hana Hou e Luna J. H. Boyd oia keena. Mahalo no i ka ike ana iho ia kakou hoakanaka.
MAKEMAKE I MOKUAHI.
Ma ka noho ana o ka Hale o na Lunamakaainana, ma ka aina @ Poaha nei, ua hooholoia iho la e hookaawale ia i haawina o $35,000 no ke kuai ana i mokuahi no ka Papa Ola, oiai, ua manaoia he hoemi lilo ia mamua o ka hoolimalima ana aku i na mokuahi o Waila ma e lawe nei i na ai, na ukana a me na ma’i no ke kahua ma’i lepera o Molokai.
He nui no na poe i kue i keia manao, no ka mea, ua maopopo aole wale o keia huina ka ke aupuni e bhoolilo ai, aka, e lilo hou aku ana i na kanaka hana maluna one, na lilo ai no keia poe, a no ka nanahu e holo ai ka moku, a me na hoolilo liilii e ae e hoea aku no ia i kekahi heluna hoolilo nui hewahewa; a o ke ala e hoi hou mai ai kekahi mau dala he pohihihi loa no ia. No makou iho ke kakoo nei makou i ka manao o ka hapa uuku he mau hana hoopau dala wale no keia.
NA LETA.
Aole e ili maluna o makou ke koikoi o na ahew ana no kela mau manao i hoopuka ia malalo o keia poo, aka, e ili no ia maluna o na poe na akou i kakau mai.
AOLE NO PAHA I LAWA LOA.
I ka Nupepa KE ALOHA AINA,
Aloha oe.—
E oluolu oe e huai ae i ke akea i ko’u mau manao hoowahawaha no ka Nupepa Kuokoa Home Rula me he mea ala, aole no paha i law@ loa kahi ike o ka mea nana e hoopuka nei i keia nupepa. Aole au i hoowahawaha i ka nupepa, aole hoi i ka inoa o ka nupepa, oiai, o ko’u kahua ia e ku nei, aka, o ko’u kumu e hoowahawaha, no ka piha mau o ka nupepa i na manao i pakua kahiko. Aole makou i makemake ka poe lawe nupepa e ike mau i na manao i popopo kahiko, aole loa, aka, o ka mea hou i ike mua oleia, na mano waiwai hoi o kela a me keia ano, na manao hoonaauao, a pela aku, oia wale no.
No ke aha ke kumu e ohohia nui ia nei o ka Nupepa KE ALOHA AINA@ Aole anei no ka piha mau o na kolamu i na namao ano hou waiwa nui, aole hoi ona manao i kuluma i ka ike mau a ka maka. pela no hoi i ono no hoi ka’u ai ana iho i ka nui o na mea ai, e noke iho ai oe a luhi ko kino, pela no ka nupepa.
Nolaila, mai huna hoi paha i ke kukui malalo o ke po’i, o pouli hoi ka hale a pau, aka, e huai ae hoi a pau i ke akea, aka, i na no aohe i lawa, e ano no ka waiho i ka hana hoopau dala a ka lehulehu.
Nolaila, i na aole e hooko ia mai keia kui e pahu pono ia aku nei, he oiaio, aole loa ia e kipa hou ma ko’u home no ka wa mau loa.
Owau no me ka oiaio,
S. W. KONA HEMA,
Hoopuloa, Iune 19, 1901.