Ke Aloha Aina, Volume VII, Number 25, 22 June 1901 — Page 7

7

KE ALOHA AINA POAONA, IUNE 22, 1901.

 

( Mai ka aoao 6 mai.)

 

aku no Stanefila Hale, a malaila la ua e hoohala ai i kekahi mau la o keia pioloke a me ka pihoihoi.

 

MOKUNA XII.

KA LEDE O KA UMIMAKA MANOANOA

KE KANAKA MONEKA O KE KENETURIA.

 

            O ka lawe ana mai o ka makaikio Heneri Beleinehama ke kupaianaha o na kupaianaha a hooko i kana olelo i hoike e aku ai imua o Silevia oia no ke kakahiaka o ka la mahope iho o ka hoonu leta elua ana a ua makaikiu ala, wahi a ua makaikiu nei i haliu ae ai iluna o na paia poiuiu o ka llewa lani, a hoopuka ae i keia mau olelo:   Ua hoole mai oe e Haku Danekota aole ae o Ailika Le ma ke kanaka i mare ai me Silevia Ladona ma Sekotia he mau makahiki i hala ae nei, aka, ke olelo nei o Beleinehama o oe no e Haku Danekota ua kanaka hookahi ala. O kau mau hoole wahahee ana o ka hoopunipuni, he kuhihewa nui loa ia ma kou aoao, no ka mea, aia no he la aole e loihi loa a e ike no auanei oe, o ka wahine au i haalele iho ai me ka manao kolohe o ka hoowahawaha e hiki aku ana ia imua o kou alo a koi aku i kela kuleana hoohui mare i hoopaa ia ai olua e lilo i hookahi io, a na ka make wale no e hookaawale a hoopau ae i kona mana.

            Ae e ka mea heluhelu, o keia na olelo a ua makaikiu opio kaulana nei o Enelani, ka olohe hookolo meheu kupaianaha hoi nana e hahai nei ka meheu haalele wahine o Ailika Lema a i ole o ka Haku Danekota hoi ma kahi olelo ana.

            Nolaila, i ka hooko ia ana o kela olelo, aia ua hoea aku la no Danekota Kakela he wahine pilalahi me ka aahu eleele piha o ke kanikau a ma kona mau helehelena hoi e uhi a e huna ia iho ana ia e kekahi uhi maka eleele manoanoa.

            O ka huaolelo hoolauna mua a ua lede ala o ka uhimaka manoanoa, oia no kona ninau ana aku no ka Haku opio Danekota, a o ka pane i loaa mai, ua hala aku oia no ka hoomaha ana i Stanefila Hale, me kana lede ui o la nani, a me he la, he mau la liuliu e hala ana mamua o ko laua huli hoi ana mai no ke Kakela.

            O keia pane i loaa mai la i ke lede uhimaka manoanoa, ioa kana i huli hoi aku ai me na manaolana i hoonele ia me na pomaikai, a na kana hoike imua o ka makaikiu Belemehama i hoike mai aole ua lede ala o ka uhimaka manoanoa he moa okoa aku, aka, o ka ui Silevia no ia.                                              Aole i pau.

 

 

            Ua loaa ia G. W. K. Kauimakaole, ka mea pulumi hale o ka Hale o na Lunamakaainana, ka laikini no ka haawi ana i na palapala mare no ka mokupuni o Maui. Ua waiho aku oia i kana noi i laikini loio, a eia oia ke kali nei no ka pane a ka Iunakanawai. Eleu no ia Hawaii.

 

 

OKAIKAI MA KA HOME RULA

 

            Ua ike ia aku he mau nanaina okaikai ma ke keena pa’i o ka nupepa Kuokoa Home Rula ma kekahi la o ka pule i hala aku la. Oiai, o Kamaliikane, ka ona o Ka Loaa Kalaiaina i hoololi ia ae nei i Kupkoa Home Rula, i hoea aku ai i ua keena la a  kauoha aku la i na mea a pau e hele i waho.

            Ua kue mai o E, C. Seymour, kekahi o na limahana o ua Kuokoa Home Rula nei i keia kauoha, a o ka hopena i ke ia  ua lalau ia ako la oia a kulai ia aku la iwaho. O Puuku Kailimai hoi, ua hoao pu aku o Kamaliikane e lawelawe oolea iaia, aka, mamua nae o ka hooko ia ana o kona lima i ke pakaukau. Mahope o ka hele ana o na mea a pau iwaho, ua holu aku la ua Kamaliikane nei i ke kakia i ka puka o ke keena pa’i.

            Ua hoopii koke ia o Kamaliikane ‘e E. C. Seymour no ka hoeha, a eia kona hihia ke waiho nei imua o ka aha. Ma ka ninau ia ana aku o Kamaliikane i ke kumu i ulu mai ai o keia mau manao inaina iloko ona. Ua pane mai oia, ua lawa kona hoomanawanui ana i na hana apakee ana a na Luna Nui o a Nupepa Kuokoa Home Rula. No ka mea, mai ke kaawale ana aku o ka papapa’i mai ia’u aku aole wahi dala i haawai la mai ia’u, oiai, nae lakou ua ae mai e uku mua ia mai kekahi mau dala o ka papapa’i.

            Ua lohe mai makou eia o Kamaleekane ke makemake nei e hoihoi ia mai kana papapa’i ina e hiki ole ana i keia poe ke uku i kekahi mau dala a lakou i aelike ai. Ea, wehe auanei paha ka piko la o na hoahanau.

 

 

            KAHOOMANA KARISTIANO NAAUAO.

 

            E noho ana ka halawai a ka Ahahui Nui o ka Paeaina o ka Hoomana Karistiano Naauao ma ka Luakini o Ke Alaula o Kamalamalama, ma Koula, Honolulu nei, i ka la 22 o Iulai ae nei. E hoomaka ana na hana i ka hora 10 a. m., a ua makemake ia na hoa a me na lala a pau e akoakoa mai ia wa, oiai he hana nui ka lakou i manao ia no ka mahiki ana i na daimonio, hoola ana i na ma’i o kela a me keia ano, a me ka hoopaa loa ana i ke kahua o ka Hoomana Karistiano Naauao mai Hawaii a Kauai, maluna o ke kahua o na Lunaolelo a me na Kaula. O Iesu Karisto no ke poo o ko kakou Ekalesia, aole e ae.

                                                Rev. W. S. Makekau.

                                                            Kakauolelo.

 

 

            E kipa mai ana ka mokukaua Piladelapia i Honolulu nei ma ke alahele no Pagpago, Samoa.

 

            Ua wehe ia ae nei he hale ai hau (Ice cream) ma Leleo nei e C. A. Gett, e aiawa ae i kana hoolaha e puka aku nei.

 

 

EIA NO KEIA ULIA POINO O KA MOANA.

 

            Kapalakiko, Iune 4.   He elima mahina i hala ae nei maloko o ke awa o Kili mawaena o na moku like ole e ku ana malaila na mokupea Beritania Belfast a me Stronsa a me ka mokupea Farani Psyche. Ua hoea mai ka moku Belfast i anei me ka ukana paakai, a o ka Stronsa hoi ua hoea mai ia me ka ukana ole ma kela mahina aku nei me ka halawai ole me kekahi ulia poino ma ka moana. O ka Psyche ua haalele oia ia laila no Enelani me ka piha paakai, aka, i kona wa hookahi mahina ke kaalele aku ai ua liu oia a piholo iho la. Ua hoopakele aku na luina i ko lakou mau ola maluna o na waapa mamua koke iho o ka holoaia ana aku o ka moku no lalo o ka hohonu.

            He eono ka nui o na luina iluna o kekahi waapa, a he umikumamakahi iluna o kekahi. A o ke kauoha a Kapena To@nerre o ka moku poino i haawi aku ai i kona mau kanaka e holo pili like na waapa i ole e nalowale kekahi, aka, mahope o ka hala ana he ehiku la maluna o ka moana, a i ka po ana iho ua malowale aku la kahi waapa uku me kona mau kanaka a pau me ka lohe hou ole ia o na hoike no lakou. I ka 14 o na la o na poe i koe maluna ka moana ua kokoke e pau loa na mea ai a lakou, a i ka hala hope ana he ekolu pule, aole he mea ai i koe, a ua ai pu hoi lakou i na ili o ko lakou mau kamaa. Ma kekahi la ae ua loaa iho la i kekahi luina he mano, ua ho@ piha ia na tini i kona koko, a o kona ia ua maheleheleia iwaena o lakou. Na keia mea i hooikaika hou ae ia lakou, a no ehiku la ko lakou ai a me ka inu ana i ke koko o na mano e paa ana ia lakou ua kaalo ae la ka mokupea Beritania Andromeda ma ka lakou wahi e paia lewa ana a hoopakele ae la ia lakou. Aole e hiki ia lakou ke hele pono i ko lakou wa i hookau ia aku ai iluna o ka moku a me ia kulana nawaliwali no lakou i hoolele ia aku ai i Cape Town, aka, ua pakele nae ke ola.

 

 

OLELO HOO@AHA

 

            Oiai, ua haalele kumu ole mai ka’u wahine mare ia’u nona ka inoa o Pawaina, ma ke ahiahi La Pule nei mai ko maua wahi noho mauka o Kalihi-waena, nolaila, ke papa loa nei au i ka ohana o ka’u wahine aole e malama mai, a pelu pu hoi ka ohana o ke kane ana i holo pu ai, nona ka inoa o Kaelele, kaikaina o Makaimi. Ina eia laua ke noho nei me  ia ohana e hoike ae i ke akea, a ina huna ka ohana ma ko lakou wahi i keia mau mea a loaa aku e pau no lakou i ka hopu ia na ka huna hewa. Ke papa pu aku nei hoi au i na halekuai a pau, aole loa e ae mai i kekahi wahine a kane paho ae ma kuu inoa, a o ka poe e hoolohe o lakou na paho a pau. O ke kuli ka make, a oa ka lohe ka ola.

            Owau no me ka oiaio,

                                    S. MAILEHUNA,

Kalihiwaena, Honolulu, Iune 19, 1901          

                                                                                                            3ts.

 

 

MOKU LAWEKOA BUFORD.

 

            Ma ka Poalima o kela pule aku nei i hoea mai ai ka moku lawekoa Buford mai  Manila mai ma kona alahele no Kapalakiko me ka regimana 41 maluna ona e hoihoi ana no Kapalakiko no ka hookuu ana ia lakou mai ka oihana kaua aku, mahope noi o ko lakou noho ana mai nei ma Pilipine no e’ua makahiki. E huli hoi pololei ana ka Buford no Kapalakiko me ka manao kipa ole mai i keia awa, aka, mamuli nae o ka ino a me ke pakuikui aku o ka makani ma kona alahele, ua ike ia iho la e pau e ana kona nanahu mamua o ka hiki ana aku i Kapalakiko, nolaila, ua hooholo ke kapena e lawe mai i kona moku i keia awa no ka hoopiha hou ana me ka nanahu, @ ma ka Poakahi nei hoomau aku ai oia ma kona alanei.

 

 

HE HUI KEAKA NUI.

 

            He haawi ia ana e ka hui keaka Flying Jordans he hoikeike nui o ka lakou mau hana hookalakupua iluna o na kowali, kaula uwea, na kuwalawala ana iluna o ka lewa a pela aku ma keia po Poakahi iho, Iune 24. Oiai, he uu@u loa na halekeaka ma keia kulanakauhale no keia puali keaka, nolaila, e haawi ana lakou i ka lakou mau keaka lealea no hookahi pule maloko o kekahi halelole e kukulu ia aku ana ma ke kahua paikau o Haimoeipo. Mamua o ka hoomaka ana o ke keaka, e malama ia ana he hoikeike kuwalawala mawaho no ka ume ana aku i no kanaka no keia wahi. O ka uku o na noho he 25, 50, a me 75 keneta, a e loaa no na tikiki ma kahi o Wali, Nichols & Co.

 

 

PALAMA ICE CREAM PARLOR

 

            Maanei e loaa ai na Hau Kilima ono loa. No ke pa hookahi me ka mea ona 10 keneta Hau Kilima hehee 5 keneta. Na ano wai momona a pau 5 keneta o ke kiaha.

            O na poe a pau e waiho mai ana i  kalakou kauoha e hooko ia no me ka elua nui, he $1.75 o ke galani. E loaa pu no na Mea Ono.

            Nolaila, e na makamaka Hawaii mai poina i ke kipa mai i kahi e loaa he olu i kou puu. Eia keia hale malalo iho o ka Oahu Lumber C.

                                                                        C. A. GETT.

                                                Honolulu, Iune 19, 1901.

                       

 

S. I. SHAW & CO.

AGENA NO KA

Lemps’ St. Louis Beer

Oia ke Pookela o na Bia a pau

 

 

CULMBACHER

He Bia keia i mahalo nui ia e na ka uka a Inau hooikaika kino no na poe nawaliwali i oi ae kona maikai mamua o ka Malt Extracts. Ke hooiaio aku nei makou i na poe a pau he laau hoonoono ai  maikai. E hoouna ia aku no na kauoha ma na wahi a pau o ke kulanakauhale me ka uku ole.

TELEPONA MAIN 174.