Ke Aloha Aina, Volume VII, Number 30, 27 July 1901 — Page 8

KE ALOHA AINA

 

(Mai ka aoao 7 mai)

 

        ka ua maka@k@u nei i kakau a hoo@@@ iho ai, alaila, mai ke kakau ana i kona inoa, ua lole ae la oia i na aoao mamau iho no ke ake e ike wale iho i ka inoa o Haku Danekota. Akahi aoao i huli ae la he nele wale no, a i ka lua o na aoao, aia hoi, @@@@ iho la he inoa i malihini iaia aole hoi o Haku Danekota.

        Eia anei ma kou hotele nei ke kauna Farani kahi i noho ai? wahi a  Beleneham me kana ninau mahaoi o ka oi a me ka w@ni.

        Ae e ke keenimana, ua ike a kamahina anei oe iaia?

        Ae, ua ike a kamaaina loa au iaia aole nae ma Amerika nei, aka, maluna o kekahi o na mokupuni ailana o ka moana Atelanika, wahi a ka pane, aja, inahea nei kana hiki ana mai ianei?

        Ma ka auina la iho ia no inehinei oia, kana wahine a me kekahi kanaka ukali, wahi a ka pane.

        Aha! O ua poe lawehala mahuka nei keia a'u, wahi a ua Beleinehama nei i namunamu ino ai me ka nana hou ana aku i ka mea malama buke a ninau hou aku la: Aia mahea ko lakou mau keena kahi i noho ai?

        Aia no ia ma ka aoao like me kou a he elua hoi rumi ke kaawale mawaena o ko lako@ a me kou, a ke manaolana nei au e loaa ana he launa maikai ana mawaena ou a me ua hoaloha kauna nei ou?

        Ua haawi aku ka maka@kiu opio i na mahalo a me na hoomaikai ana no kela mau hoike i loaa wale mai la iaia malalo o na koi mahaoi ana o kana mau ninau, alaila, huli ae la a ukali aku la mahope o ke keiki elele lawe kauoha o ka hotele no ka lawe ana aku iaia e hoikeike a e kuhikuhi i kona mau rumi.

        Alaila, maloko o kela keena ua ike a hoomaopopo ia oia o Heneri Auwana, ke kanaka e imi ana i kona pono ma na lua nanau o ke komohana, aka, iaia i oili mai ai i na hora molehulehu poeleele o ke ahiahi, aia hoi, ma kahi o Heneri Auwana e ku ana he keonimana opio i hiki ke koho ia aku me ka hoohewahewa ole, he keonimana ia i piha kona mau pakeke me ka poepoe keokeo a ulaula, a maloko hoi o ke keena in@ rama o ua hotele ala, e ikeia no ua opio nei e wehe hamama ana i kona puuwai lokomaikai no kela a me keia e inu ana no ke ola o ke keiki eli lua nanahu a o ka moi dala hoi o keiapo a ke kuhao a me ke kupaianaha nui wale.

        Iwaena o na poe e inu a e hauoli ana i ka lokomaikai o ka opio, o ka makaikiu hapa Sekotia me ka ike a moeuhane mua ole o ua hapa Sekotia ala o ke kanaka nona ka lokomaikai ana e hauoli nei, o ka makaikiu Heneri Beleinehama no ia, ka mea nana e haawi aku ana ke kalo paa paakiki e hua kukui ai kona mau maka iloko o ka makapaa.

        Nolaila, iloko o ke mau min@@@ o ka hauoli e hoohala ia ana e ka noe @ahio, aia na olelo hookaau a me na moolelo ke hoopukapuka ia ae la, a o ka makaikiu hapa Sekotia kekahi i hoikeike ae i na mea e pili ana i kona home, (aina hanau) a ua hoomau ia pela a hiki wale i ka hora umi, alaila, hoi aku la kela a me keia no ka hooluolu ana i na maka, no ka hiki ana e loaa ka oluolu maikai e halawai pu aku ai me ka mea a kekahi la ae e hoike mai ai.

        Ua meha iho la ka nakeke, a ola @@@@@@ a me ka hakanu oia wale no na mea e hoalu ana ia mau minute aumoe, aka, ina he mau maka kiai o ka makaala kekahi e hiki i ke ike aku ia pouli o ke aumoe, e ike ia no aia he mea kino kanaka ke kolo ae la me ka makie a me ka palanehe e hoike ana hoi he hoohalua a he enemi lokoino ia, a o ua mea kino ala, owai la ia? E haawi ana ana ia i na hoolono ana a kona mau pepeiao a i na alawa ana hoi a kona mau meka me ka makaala mao a maanei i na he mea kekahi e hookolo aku ana mahope ona.

        E make oia e pono ai i keia po, a o kona kino palaho wale, na ka palaho a me ka lehu no ia e kanu.

        O keia ae la na olelo i hoopuka ia ae la e kela mea kino hoohalua o ka po, a iaia i hoea aku ai mawaho o ka puka o ka rumi a Heneri Auwana e hiolani ala i ka moe, ku ae la ia a maloeloe, a me ka mana nui lele aku la oia imua me ka hoopuka ana ae i keia huaolelo: DIES!

        Elike me ka hikiwawe o ka lele ana aku o ua mea kino hoohalua ala a me ka awiwi o kela hua olelo dies, i hoopuka ia ae ai, pela no hoi ka emoole o kekahi leo panai i pane mai ai iloko o ka pouli.

        Simelota! Nee hou mai oe imua i hookahi iniha, he kanaka make oe ia'u. Ua ike au ia oe he kuma k@ia a he hohewale, ua manao oe e pewa ia'u, aka, ua kue ia nae kou makemake e na lani. Nao, huli aku maluna o kou mau kapuai wawae komohewa a haalele koke mai i keia keena, a i ole, e hooko no au i ka'u olelo.

        E aloha mai ia'u a e kalamai hou kau hoopakele ana no keia komohewa ma kou kuleana, ua kuhihewa loa ia au ko'u keena no keia, wahi a ka pane a ke kanaka hoohalua, a o ka mea hoi i kahea ia mai ai o Simelota.

        Kuhihewa, he wahahee oe, ua komo maoli mai nei no oe me ka manao e powa ia'u. Nao hele koke aku iwaho, a i ole, e hooko no wau i ka'u mea i olelo mua iho nei.

        Ae, ae, e kala mai, eia au ke hele nei, a ia wa i hemo koke aku ai ua kanaka al@, a iaia no a puka iwaho, ua uwa koke ae la ia me ka leo nui e kahea ana, he kanaka pupule o Heneri Auwana a e makemake ana e lawe i kona ola.

        Na kela leo kahea o ke apuka i kauoha awiwi ia Heneri Auwana (Beleinehama) e alualu koke aku oia mahope o kela kanaka @aepaa e noke ala i ke kahea, a haawi i kekahi pa'i mahanahana ma kona mau lehelehe. Lalau ae la oia i ke ki e a ai o ke kukui uwila a kaomi akula, aka, o ua ki ala a ka makaikiu i lalau aku la iloko o ka pouli a kaomi, oia ka wehe ia ana o ke kukala o kona auhee mua loa ana mai ke kahua aku o kana hana hooko kauoha, oiai, o kela ki a ua makaikiu ala i lalau aku ai e kaomi, aole ia he ki e a ai o ke kukui uwila, aka, he pihi ia e wehe ana i na pa@a huna o ua hotele ala i piha hoi me na mana o ka uwila, a o ke pihi hooko@akupua hoi i hoike ia ma ke poo o keia mokuna. Aole i pau.

 

 

KE ALAHELE MAALAHI LOA

 

        O na poe o na kuaaina i hiki ole ke hoea mai i ko makou hale kuai, ua hiki ia makou ke hoolawa aku i ka lakou kauoha ma ka hoouna ponoi ana aku maluna o na mokuahi i ka wa e loaa mai ai o ka lakou dala, a o na lilo uku moku e ili no ia maluna o makou.

        O na poe kauoha apana i makemake e ike i ka makou mau lole e waiho nei ma ko makou halekuai ua hiki no ia makou ke hooko aku me ka uku ole.

        Ua @@ki no ia makou ke ae aku i na ale i na poe i hiki ia makou ke hilinai aku ia lakou.

        E hoouna mai i ka oukou mau kauoha i ko makou halekuai.

        WHITNEY & MARSH, Ltd.

 

E HOAO IA ANA NA KAA UWILA

 

        O ke kaa uwila mua loa o ka Hui Kaa Uwila Rapid Transit, e hooholo ia ana ia ma keia Poaono mai ka hale hoolulu kaa mai, no ka hoao ana i ke kulana hoohana o ka uwila. Ina e holopono ana keia mau hoao ana, aole e loihi na la a oili mai no na kaa a pau e kapili ia nei maloko o ka hale hana kaa o ua Hui ia ma keia mua koke iho, no ke aumeume pu ana me ke kaa hapaumi i na ohua.

        O ka hora e hooholo ia ai o keia kaa aole i maopopo, a o ke alanui e hooholo ia ai ma ke alanu Alapai, mawaena o ke alanui Beritania me Moi. E kupilikii auanei paha ke kaa hapaumi i keia hui kaa uwila.

       

 

        Ua poha hou ae la ka ma'i korela ma Iapana, pela na lono hope i loaa mai nei.

 

        Ua loaa mai la he leta maluna o ka Nippon Maru, mai ia Sam Parker mai, i ka ohana aole oia e kau mai ana ma ke Zealandia me ke kino puanuanu o kana wahine, aka, e haule aku ana laua a ma ka mokuahi Peru mai.

 

        Ua haawi ia ae he paina luau nui ma ka home o Senatoa Kalauokalani na na Home Rula.

 

        Aole i hoea mai ka Elele Wilikoki maluna o ka moku lawekoa Grant e like me na mea i lohe wale ia mai nona.

 

        He nui a lehulehu no na poe i hiki ae ma ka paina luau nui a ka Hui Kui Lei Lehua a na Wahine o Kakaako, ma ka Poaono nei.

 

        E malamaia ana he hookuu kinipopo mawaena o na limahana o na Keena Aupuni Iolani Hale a me Aliiolani Hale ma keia mua koke iho.

 

G. W. K. KAUIMAKAOLE

 

        He Nokali no ka Lehulehu no ka Mokupuni o Maui, a he mea haawi Palapala Mare no ka Apana o H@na oia Mokupuni hookahi no.

        He waipahe hoi ma na kukai olelo ana a he eleu ma na hana a pau ke hiki mai imua i ko'u alo. A e loaa no au i na poe a pau e makemake ana ia'u ma ko'u hale noho ma Makaalae, Hana, Maui.

iulai 26.- 1 @@

 

ORPHEUM CLOTHING STORE

 

Ina oe e Makemake e Hookoeia Ke kahi o kau Mau Wahi Dala e kipa i Makou nei.

 

        Ua loaa mai nei ia makou he heluna nui o na Waiwai Aahu a me na Papale, na Palule a me na Lei Ai o keia au hou. Lolewawae 50c, Paleili 25c. Eia me makou he @@@ na Paa Lole Huluhulu Bolu. E kipa mai e ike no oukou iho ma ka Orpheum Clothing Store, e pili pu ana me ka halekeaka Orpheum, a i ole ma ke Alo Ulaula, 104 Alanui Kalepa, e pili kokoke ana i ka Halewai.

 

GOO KIM.

(KUKIMA)

Helu 210.                        Alanui Nuuanu.

 

Ma Kela Pule Aku Nei ua Loaa Mai la Keia Mau Waiwai Hou

 

Na huluhulu Moe o na ano a pau.

Na Papale Bebe o na ano a pau.

Na Muumuu me Palekoki.

Na Lole Kamalii o na ano a pau.

Na Kualole ano hou keokeo a eleele.

Na Kaliki o na ano a pau.

Na lihilihi o na pa@kini hou.

Na Pila G@@@ a pela aku. E naue mai a e ike @@ oukou iho i ka emi o ko lakou mau m@m@@@@.