Ke Aloha Aina, Volume VII, Number 33, 17 August 1901 — Page 1

KE ALOHA AINA

[drawing of  Hilo Bay, Hawaii in an oval]

UA MAU KE EA O KA [FLAG] AINA I KA PONO

            [drawing of house]                                                                                                                                                               [drawing of steam engine]

HOOKUMUIA I MEI 20, 1895

=====================================================================================

            BUKE VII.                                                                 HONOLULU,  POAONO,  AUGATE 17, 1901.                                       HELU 33

=====================================================================================

KU DALA HOU NO HAWAII NEI.

-----

     He manaoio ko Komisina I'a Cobb eia ma kekahi mau kapakai o Hawaii nei e ulu nei na limu huahuakai maikai loa.  O keia kekahi o na hana hoowaiwai loa i ka mokuaina o Florida, a o ka loaa makahiki iaia ma kahi no ia o $600,000 i ka makahiki.  He like ole ke kumuhiki.  He like ole ke kumukuai o na huahuakai, a o na huahuakai maikai e hoolilo ia ana lakou no ka $250 o ka paona.

     O kahi e lawaia ia ai o keia limu huahuakai ma ea wahi hohonu o ke kai nona ka hohonu he kanalima kapuai mai ka ilikai iho, a me kakahi laau loihi i hoopaa ia me kekahi pahi i like me ka hua palapala S ua hiki lakou ke okiia ma ka ouiu ana a huki mai iluna o ka ilikai.

     O na poe aamai i ka lawaia ana i keia ano limu he kakaikahi o lakou e lilo no me na la malie.  O ka mea nana e hoahuwale ana kahi a ka limu e ulu ana he aniani hoohui ike.

     Ma Puualuu a ma na kapakai e ae o Kau, ua loaa mai he mau hoike no ka ike ia abna o kekahi mau lima huahuakai makiai loa malaila, he kula dala na kanaka e lawelawe aku ana hoi i keia oihana lawaia ma keia mua aku.  O ko Mr. Cobb manao he nui na limu maikai e ulu nei ma na kuaau, a o ua hui lawaia limu e hoala ia ae ana, aole loa e nele holomua.

--o---o---o--

     Mai poina i ka alawa ae i ka makou mau hoolaha e puka aku nei.

     E uku ana ke aupuni i kona mau bila ale a pau ma ka la 23 a mahope aku.  Nolaila, o na poe a pau a ke aupuni i ale ai e paa nei i na palapala kikoo dala aupuni e lawe ae i ke keena waiwai ma ka la i hoike ia ae la no ka uku ia ana mai.

=========================

[two columns wide]

HE KEIKI PAELE HANAU KUPAIANAHA

-----

     Eia ke oia mai nei ma Opelika, Alabama, Amerika Huipuia, he keiki i hanau kupaianaha e Mary Maddox, he wahine paele ma ka la 243 o Mei aku nei.  He keikikane oia, a o ka mea kupaianaha i ike nna he eha ona mau wawae.

     He elua ona mau wawae ma kahi m aa mau o ke kino kanaka, o kekahi mau wawae elua aia no ma kahi kokoke i ka lima.  O keia mau wawae hou he mau manamana a he mikiao no ko laua e like me na wawae maoli, aka, he nanaina nae o kekahi keiki ma'i, a e uuku mai no keia mau wawae.

     O kona mau wawae maoli he hiki no ko oni, aka, o keia mau wawae hou he ano lolo, aka, ua olelo ae nae ke kauka ina e ole keia keiki a hiki i kona ikaika kupono ana na hiki no iaia ke hoohana i keia mau hou wawae.

     He mau tausani o na kanaka i kipa aku e makaikai i keia keiki kupaianaha, a na lilo hoi oia i mea punahele i kona mau makua.  He nui na mea i kamailio ia

ae no ke kumu i hoea mai ai o keia keiki kamahao, o ka kekahi ua hoopiha ia ka makuahine me ka makou i kekahi bea nui eleele ma ka hoikeike alanui i malamaia ma Opelika ma kela haule lau aku  nei, a me he mea la oia ke kumu i loaa ai i ke keiki keia mau wawae eha.  O ko Kauka Williamson manao he emi hope ana aku no ia i ke au i hoomaka mai ai o ke kaawale ana mai o ke kino kanaka mai ke kino keko mai.

     O na helehelena a pau o keia keiki he like loa me na kanaka maoli o Aferika ka nui o ka waha, ka upepe o ka ihu a me ka piipii o ka lauoho.  He ikaika maikai kona ola kino.

     Eia o John Maddox ka makkuakane o ke keiki ke hoolala nei no ka hoikeike ana aku i kana keiki i ke akea, me ka manao io o ke kino kanaka kupaianaha  loa keia i ike ia ma ka honua nei.  Ke kali nei oia i ke kanaka e haawi mai ana he uku kiekie no ka lawe ana aku i kana keiki e hoikeike, a i ka wa e oolea pono ai kaua wahine a me ka laua keiki e malama ia no keia hoikeike. -

Nu Ioka Sun.

----------

[column two]

AOLE KULEANA E LIMA NUI AI.

-----

     Aole kuleana o kekahi wahine e komohewa ai na lima iloko o ke eke o ke kane a pela hoi ke kane i ke eke o ka wahine.  O keia ka olelo hooholo a Lunakanawai Crane o Yorkville i haawi mai ai maloko o kona aha hookolokolo i keia la  maluna o ka hihia o Selma Reichert o ka alanui East Eighty four i hoopii ia e kana kane Ernest Reichert.  Ua hoike aku oia ua aihua kana wahine he $57 me na pepa waiwai nui mai kona kuka aku.

     E ka  mea hanohano, wahi a Loio Lev@ [large unreadable space about two spaces in on every line in this and the next paragraph] loa keia o ko'u

loh@ @ kekahi wahine no @ iloko o ka pakek@ @ He kuleana no ko @ @oko aku ai ia mea @

     A @  @o'u manao me kou@ @ Lunakanawai Crane.  Aohe @ keia kuleana.

     Ua hookuu mai o Lunakanawai Crane ia Mrs. Reichert me ke kauoha pu aku ia Reichert e uku oia i kana wahine he $7 no ka pule i hala, a ua hooko aku oia.

     Mahope iho ua kamaiho mai la o Lunakanawai Crane, aole he huli wale o ka'u wahine a pela no hoi au i kona pakeke. -

Kikako Record Herald.

---o---o---

 

HE KUMULAAU KUPAIANAHA

----

     Ua loaa mai nei i kekahi kanaka Kili Botania, e huli ana i na mea pohipohi pili i na laau a me na pua, he wai kumulaau kupaianaha, he kunu a he kihe no.  O na hunahuna lepo e kau aku ana maluna ona e kunu ana oia, a o kona lau e kahui ana oia i ka ulaula, a mahope o kona lulilulio me he mea la ua loaa i ka ma'i e haawi mai no oia i kekahi leo kihe.  Kupaianaha no na hana a ke Akua.

===============

KUELO KE KAHUNA NUI O BUFALO.

----

     Ma kekahi nupepa mai Bufalo mai i ike iho ai makou o Kuelo ke kahuna nui o kahi kauhale Hawaii ma ke kahua hoikeike o Bufalo.  Maloko o kahi a ka lua pela o Killauea e hoikeike ia ana e ike ia no o Kuelo iloko o na kahiko o ke au hupo o Hawaii nei, a ma kona auwae e kau ana he umiumi keokeo loihi, a ma kona mau nanaina a pau aole io no he wahi lilo o ke kahuna iaia.

     O ka hana a ua kahuna nei oia no ka hoomaalili ana aku i ka inaina o Pele i kona wa e hoa mai ai i kekahi ahi ulaula maloko o kona lua ma Halemaumau, me ka hooweliweli ana e haawi mai i kekahi luku nui.  He ku i ka hiehie ka oiwi o ua kahuna la e ku ana ma ka waha o ka lua ma ka ike aku a na poe makaikai.

     O ka wa wale no a ke ahi e @ ikaika ana ko Kuelo manawa e hoea mai ai na ke kae o ka lua pele.  E ike ia kau ana kona lima i ka pii ae me ka lohe pu ia aku o kona leo pule no ka hoonalielie ana aku ia Madamu Pele.  He nani keia wahi o ka hoikeike.

     Ilojo o keia wa a Kuelo e haawi nei i na kaukau ana e ike ia aku no he wahine opio ui e puka mai ana mailoko mai o kalua ahi, he hoohalike ana hoi me ka uhane o ka maluhia.  E haawi mai ana oia e mau hoailona pohihihi u ia wa e ike ia no ka emi ana iho o ka @ ikaika ana o ke ahi, a e nalowale pu aku ana na ahi ulaula.

     Maanei e hoomaha ai ka hoikeike no kekahi nau minute no haawi ana aku i wa no ka poe i ike ole e komo mai ai e ike i ka lua ahi kupaianaha o Kilauea.  O keia kekahi keena hoikeike piha mau i na poe makaikai, a he nani no hoi na mea e hoikeike ia ana malaila.

----

E nana ma ka aoao @.)