Ke Aloha Aina, Volume VII, Number 35, 31 August 1901 — Page 3
| This text was transcribed by: | Grace M. Hu |
| This work is dedicated to: | Sheryl Daguio |
KE ALOHA AINA POAONO, AUGATE 31, 1901
UA HOOMOE@ IA AKULA
Potadam@, Aug 13. Ma ka hora 10:30 ponooi o keia la, ua kani ke mai la na bele@ e hoike mai ana i ka hoea ana mai la o ke kaa ahi hoolewa o ka Emepera Wahine Frederick ma Wild Park, aka, na kokoke nae e hoea ae i ka hora 11 i ka wa a ka leo kani e na mea kani i hoike mai ai eia ka huakai ke nee mai nei. Ua mea@ mai ka huakai me ka malie malalo o ka leo o na ohe a me ka leo kani kapailli@ o na pahu.
Ma ke poo o ka huakai e alakai ana o Mekia Kenerala Von Moltke, ke keiki hoahanau a ka ilamuku@ kaua kaulaana Bisimaka, i na kiai e ke aloalii me ka lakou laau ihe i omau ia na maka me na kahakahano@ eleele a me keokeo, me na keiki mai ke kula a'o koa mai ma Gross Lieberfelde. A mahope aku o lakou na kahuna pule kiekie loa o ka hoomana Katolika.
Ma ke poo o ka pahu e kau ana na waihooluu hoailona alii a maluna iho olaila e kau ana he kalauna alii gula@ i@ okomo ia me na pohaku makamae loa.
Mahope o ka pahu e ukali ana ka Emepera Uilama o Geremania me kona mau kulana hiehie, aka, ma kona mau helehelna nae e hoike mai ana ia i na nanaina kaumaha. O ka Moi Edewada, e hele ana ola ma ka aoao hema e ka Emepera, he noau@ helehelena maluhiluhi ke hoike mai ana maluna ona. E aahu ana ka Emepera Uilama a me ka Moi Edewada i na kahiko o ka Regimana Elua o na Deragona, ka regimana o ka Moiwahine Vitoria.
He iwakalua minute ka loihi o ka huakai o ka maalo ana ae. Ua hoomau ke kani ke ana o na bele@ a pau o Potsdam a hiki i ka hoea ana o ka huakai i ka hale kupapau, a mahope hoi o ka malamaia ana o ke anaina pule hope loa maluna o ke kino make o ka Emepera Wahine.
NUI KA PINO O NA BOA
Brussels, Aug. 12. Ua hoike aae na hoaloha o Kreuger maanei ua loaa mai nei he mau lohe aia ma kahi he 77,000 Boa a me 12,000 mau kipi Afrikanders e kue la i na Beritania, a ua hoolako pono ia lakou me na mea kaua a me na poka, aka, he uuku nae ko lakou lako ai.
Ladana,m Aug. 12. He hoike loihi kai hoopuka ia @ ae ma@ ka ponei, mai a Haku Kitehemer mai@, e pili ana i na nee kaua ana a na kolamu like ole penie:
Ke hauoli nei au i ka hoouna aku i kekahi hoike nui no hookahi pule. Mai ka la 5 mai o Augate ua loaa mai keia hoike mai na kola@ koa mai, he 89 Boa i make, 20 i hoehala@ maloko o laila o @(2-3 lines ilegible)…pio ia, a mawaena o ia heluna o Volmarens, ka lunahoomalu o ka ahaolelo mua o na Boa, 85 i@ haa wipio@ ma ia heluna o Alakai De Velliereg, a he 24,400 puni poka, 754 kaa ukana, 5,580 lio a he lehulehu wale na holoholona e ae i lawe pio pu ia.
O ka hapanui o keia mau hopupio i lawelawe la ai ma ka Panalaau Muliwai Alani. Ma keekahi hoikku e ae a Haku Kitchener e hai mai ana oia, aia o Kenerala French ma Cape Colony kahi i kipaku ai i na puali o ka enemi no ka akau.
O KUU ALOHA UA HALA
(Hoomauna)
Hiki mai makou i Koha nei i ka malama o llune, M. H., 1879. Na hana i hana ia.
He oihama@ kumukula, he kokua no ka Makua Rev. E. Bond i kona mau la, he hooikaika ma na hana pono, aole ona makemake e haule@ kekahi la Sabati, a i ole, i kekahi la i hooholo ia no na halawai paa mau, aole no hoi oia i loaa kekahi nawaliwalli kino mai ko maua mar@ ana no kankolu makahiki a oi, a akahi no oia@ a loaa i ka nawaliwali a hala aku la no elua mahina.
Ua puka mai na maua ma Kohala nei he ehiku@ keiki he 11, ewalu e ola nei me a'u, ekolu i hala mua mao, a ua hui aku la pana me ko lakou papa.
Eia hoi au me keia poe keiki e paiauna@ aku nei ma keia aoao o ka muliwai o ka make. Luuluu wale.
He aloha aina oiaio@, ua hoike oia i kona aloha aina oiaio ma kona lawe ana a hooko i ka leo o ka lehlulehu o ka poe@ aloha aina o Kohala nei, ma ke lakou kahea ana iaia i Makua Holelo@ mai ka M. H, 1895 mai, a i ka la 17 o Maraki, 1899, ua kahea hou lakou e poni ia oia i Kahu Ekalesia no lakou, a ua kahea lakou ia Rev. E. Kekoa o Hilo, e hele mai e hooko ia oihana laa maluna on a me ka nana ole ia o na keakea@, he nui wale ka poe e hoole ana i kona kuleana @ ma ia hana he mea ole nae ia mau keakea, e hoomau ana o auamoi na ehaeha o keia ola ana, e hapai ana i ke kea o Kristo @ @ @hoino ia he nui, a komo pu na Ahahui Mokupuni me na manao kanaka, oia hoi, e pani ia na puka o na hale halawai kahi e @ ia aai na kaua a ke Akua.
Aole no @ oia i hooki i ka hana a me na poe i koho iaia a hiki wale i ka la a ka Haku i kii mai la i Kona waiwai oia ka uhane, e hoomahaoia@ i kona mau luhi o na inea o @ ola ana. Nolaila, he mannao@ko'u, o na hana pono ana i hoomanawanui @ a hiki aku la i kona hooluollu ana, @ no e pele@ kona ohi@ i na hua o ka pomaikai mao me kona Haku.
No laila, he mau ohana, hipa kana ihani iho nei elike me ka Haku i ninau ai ia S,mona@. Ke aloha mai nei anei oe ia'u?
Nolaila, ke hoomanao poina ole nei au no kana mau hana maikai a pau, oiai, ua pili ia e maua ma na wahi a pau o ka hana a ke Akua, mai Kahala waho a hiki i na pali koi eiwa@ o Honokane, he kanaka hoomanawanui, he haahaa, he oluolu a waipahe ma na ano a pau, he akahai, he lokomaikai, heahea, puuwai hamama me he wahine ala kona ano, a nolaila, he ehaeha kou ma ka manao o ko ke ao nei, aka, iloko o Kristo he wahi maha no ko na poe kanaka:
Nolaila, ke hooki nei au maanei me ka walehia nui me ka hoomaikai aku i na Lani, oiai, Nana no i haawi mai a Nana no i lawe aku, E hoonani ia Kona inoa.
Owau iho no me ka luuluu,
Mrs. E. M. K. KAIMANA.
Honomakau, N. Kohala, Aug. 16, 1901
E alawa ae no i ka makou mau hoolaha e puka aku nei.
Ua hoea mai la ka moku lawekoa Meade mai Kapalakiko mai ma kona alahele no Manila. E lawe ana oia he mau kumukula a me 102 koa no Manila. Aia pu maluna ona o Kenerala Breckenridge e holo ana no na paemoku Pilipine e noii pono ai i ua hemahema o ka oihana koa malaila. Ua hookohuia@ aku la o John Kaluhi i Lunakanawai no ka apana o na Koolau, ma kahi o Rathburn. O Kaluhi ka loio kahiko i koe e ola nei, a ua loaa ka laikini lolo@ iaia i ka 1857. E paa ana o Kaluhi i ke kulana Lunakanawai i ka wa o ka hookahuli aupuni, a mamuli o kona aloha alii a me aina oiaio, ua hoole aka oia i ka noho hana ana no ke aupuni kuikawa.
KA HOOKUAUMAU@ O NA PUA-ALII E NOHO NEI I KE ALO@
O KA MOIWAHINE LILIUOKALANI.
KO MYRA KEKAAKAUALANI HELELUHE
KANE WAHINE KEIKI
Kihaapiilani, Hilima, Keaweau,
Moemoe.w.
Uli, Moemoe, Kumukoa, k.
Kumukoa, Hina, Keakamahana@, w.
Nailima Keakamahana, Kaakaualani, w.
*Mookini, Kaakaualani, Keakeokalanimainuu@, w.
Kanakeawe, Keakaokalauimainuu, @, w.
@, w.
Uilanihiimoe,@ w.
Nakuahineailoa,@ w.
Nailima, Keawenuikauloa,@ Keaiwaiwaokalani, w
Ka@ Keaiwaiwaokalani@, Luela,
Ululanihilimoe, w. 2
Muole, Ululanihilimoe, Paoakalani, k.
Myra Kekaakaualani Hele@
Ke kumu o keia mookuauhau@ oia no ka Moi o Maui. He kahuna nui o *Mookini i ka wa kahiko. He@ Palena@ o Myra Kekaakaualani Heeluhe@.
No ka piha loa o ka pepa o keia la, nolaila, ua kaulluaia ko JohnLamaki Aimoku, Kaiponohea Aea a me ko Lilian Kalahiki Kamohailani mookuauhau a ka pepa o keia pule ae e hoopukua aku ai. (L. H.)
HUI HAWAIIAN REALTY A ME
MATURITY KAUPALENAIA.
HUINA KUMU, $50,000.00
500 Mahele, $10 Pakahi Uku Piheia@
Na Lunanui: - L K. Kenewela-Preresidena, W. J. Robinson-Hope Peresidena L. Ahlo-Puuku, P.H. Burnette-Kaakauolelo.
Ke haawi aku nei ka Hawaiian Realty a me Maturity kaupalenaia i ka lehulehu i kekahi hana maikai loa no ka malama ana a hoouluuia ana hoi na wahi kenikeni i kela a me keia mahina. E kukulu no makou i hale nou a hoopuka: i $200 ma kou inoa, a haawi aku makou ia oukou i 75 mahina e uku mai ai i keia mau dala me ka loaa ou aku o kekahi mau palapala no lakou ka waiwai pakahi he $50. ua like ia me 19 mahina e uku ia ai o ka pepa hookahi, ala ila@, kaa@ keia mau dala. He elua wale no au d ala e uku ai i kela a me keia mahina a i ka pau ana o 75 mahina ua ukuia@ e oe he $150, oiai no nae, he $200 i loaa aku ia oe.
He 45 apana aina i kupono ko ke@ kukulu hale a makou i keia manawa.
No na mea aku i koe e hele ae i ka makou keena.
HUI HAWAIIAN REALTY A ME
MATURITY KAUPALENAIA.
Maluna ae o Kakela a me Kuke
Alanui Moi.
Aia kekahi keena o makou ma Hilo.
O M. E. Silva ko makou Agena
OLELO HOOLAMA@
Owau o ka mea nona ka inoa malalo iho nei, ke hoopau aku ne au i ko Hee Feart noho hope ana no'u@ ma ka malama@ ana i ko'u mau waiwai ma Waipouli, Apana o Kawaihau, Mokupuni o Kauai. Aohe ona kuleana i koe e malama a hooponopono ai i ko'u mau waiwai ma kahi i olelo ia maluna.
Mrs. Wahine Kaiu@
Lihue,Kauai, Aug. 10, 1901.
HOOLAHA
KE PAPA LOA IA AKU NEI na kanaka a pau aole e komo wale maluna o na Aina, Hanai Holoholona o Puuhue a me Kahua no ka huli ana i na holoholona me ka loaa@ mua ole mai o ka palapala ae mai na Luna Nui mai o keia mau Hui Hanai Hololona, a o na poe o@ hoolohe ole ana i keia e hoopii ia no ma ke kanawai.
Me ke kauoha,
P. WOODS
S. F. WOODS.
A. N. SNFORD.
KAUKA MAKA
Lumi 906 me 207 Boston Building
Alanui Papu, mawaena o Hotele
& Moi@ Honolulu.