Ke Aloha Aina, Volume VII, Number 35, 31 August 1901 — LAWE HOU O DOLE I KE KULANA KIAAINA. [ARTICLE]

LAWE HOU O DOLE I KE KULANA KIAAINA.

Mahope a ka hoomaha ana iho nei o Kiaaina Dole no eha mahina ma o ka nawaliwali o kona ola kino, a i haawi ia aku hoi ia Kakauolelo Kupa ke kulana hookele aupuni ma ke ano he Kiaaina Kaikawa no ke Teritori o Hawaii. Ma ka Poalima nei Augate 30, ua lawe hou ae la 'oia i kona kulana Kiaaina me ka hoomau hou aku hoi i ka lawelawe ana i na hana pili aupuni o kona keena.