Ke Aloha Aina, Volume VII, Number 40, 5 October 1901 — Page 1
| This text was transcribed by: | Cyndi Defenbaugh |
| This work is dedicated to: | Kaelene Puananai Ahu-Rey |
KE ALOHA AINA
(in banner...) HOOKUMUIA I MEI 20, 1895
BUKE VII HONOLULU, POAONO, OKATOBA 5, 1901 HELU 40
KA PUANA O KE AKA PAHAOHAO I IKE IA ALAKAI KE COLUMBIA I KA HEIHEI
MUA
Ma ka Nupepa KE ALOHA AINA o ka la 23 o Feberuari o keia makahiki no, ua hoopuka aku makou i kekahi mau aka pahaohao i ike ia ma na paia o ka Hale Keokeo, ka home a Peresidena Makinile i noho ai, oiai kon amau la e ola ana. Ua lilo keia mau aka i ike ia i mea kamailio nui ia e ko Wasinetona ia mau la, aka, aole nae i manao ia he hopena poino ke loaa ana i ka Peresidena. No ka pomaikai o ko makou mau makamaka heluhelu, ke lawe hou mai nei makou a hoopuka i ua mau aka pahaohao la i kamilio nui ia ia mau la, a i hoolaha ia maloko o na nupepa o Wasinetona, penei.
Wasinetona, Feb. 7. He lehulehu wale na wa iloko o na ma kahiki ekolu i hala ae nei i holaha ia ai o kekahi nau aka kupaianaha i ike ia ma ka opuu o ka lanai ma ka akau a i ole ma ke alo o ke Hale Keokeo. He hookahi o keia aka i ike ia ua like loa me kekahi wahine luahine me kekahi lima e kau ana maluna o kekahi mea pohihihi i mamao wale ia he mkini hana lopi. O keia aka na hanaia e na kukuna o ka la i komo mai maloko o ka hakahaka o na pa laau hoonani o luna o kaupoku o ka Hale Keokeo, a e hoea mau mai ana ia maluna o ka opuu i kela a me keai la ma kekahi hora o ka la no elua a i ole no ekolu pule e ike ia ai, a ma ia wa no a ka la e hoike ana i keia aka kuapaianaha o ka wahine luahine ua make iho la ka makuahine o Persidena Makinile, a ua lilo keia i mea noonoo nui loa ia e na poe manao io i na ouli kupaianaha o keia ano.
(continues after next articles in first column)
MANAOIA AOLE E LOAA ANA
Ua loaa mai nei he mau hoike mai Wasinetona mai, me he mea la, aole he lunakanawai ekolu e haawi ia mai ana i ka Aha Kaapuni o ke Teritori nei. O keia ke kulana i manaoia e loaa ana ia Loio edgar Caypless ina e ae mai ana o Amerika Huipuia i ekolu lunakanawai o ka Aha Kaapuni.
KEIKIALII CHUN O KINA
Ua loaa mai nei he hoike ianei ma ka mokuahi Nippon Maru e kipa mai ana ke Keikialii Chun ke kaikaina o ka Emepera o Kina, ma kona alahele e huli hoi ana no ka home. O keia ke Keikialii i lawe aku i na mihi a ke (continues after completion of first article)
(completion of first article)
O ia mea kupaianah aua hoea hou mai ia i keia la, a ua ike ia maluna o ka lanai o ka Hale Keokeo, E pa ana ka la me kona malamalama nui, a ma ka hora 12:50 o keia awakea, ua ike ia aku la he aka i hiki ole ke hoomaopopo ia kona ano e kau ana ma ke kia pohaku e ku ana ma ke komohana akau o ka lanai. Mahope oia wa ua hoomaka mai la ia e moakaka pono, a ma ka hora 1 ua ike ia aku ua aka nei na like loa ia me ka helehelena a me na poohiwi o ka Peresidena Makinile. O na poe i ike i keai aka, ua olelo ae lakou, aole he kii like loa i hana ia no Peresidena Makinile e na poe kaha kii akamai e like me keia a na kukuna o ka la i hana ai.
No elua minute o ke kau ana o ua kii aka nei ua loli ae la ia e like me ka nee ana o ke kulana o ka la, a ma ka hora 1:10 ua ike ia aku la, aole o ke kii aka o Peresidena Mikinile ke kau ana aka, he mau nanaina i kulike loa me ko ka Moiwahine Vitoria ke kau ana, a maluna o ke poo e kau ana kekahi mea i like me ke kalunu.
Ua kau kela mau hiohiona o ka moiwahine i make no elua a ekolu paha minute na emi malie aku la ia a hiki i k analowale ana.
He elua hora mahope iho ua ike hou ia aku la ua mau aka la e kau ana ma ke kia pohaku ma ka aoao hikina akau, ma kahi hoi he kanaha kapuai mawaho aku o ka lanai.
a mai ia manawa mai a hiki i keia wa, akahi no a ikeia ae la ka puana o keia aka pahaohao i ike mua ia ma kela mau mahina i kaa hope aku la.
(continue next article)
aupuni o Kina i ke aupuni o Geremania no ka powa ia ana o ke ola o ke Kuhina Geremanaia Baron von Kettler ma Pekina, aia o Chun ma Geremania i keia wa.
KUAI IA NA IO KANAKA
He leta malu mai Chefu mai no ka la 19 iho nei, e hoike mai ana, o ka wi ma Hsinfu he koikoi loa, a aia ke kuai ia la na io kanaka. O ka wi ma Shansi he nui ka poino e ike ia la malaila. O na dala i lawe ia mai e Mr. Allen o Sanahai, he 10,000 @aels e hoouna ia ana i ka hema o Shansi a me Shensi e Mekia Pereira a me Duncan a me Smith. He nui na apana e ae ae noho nele la, a o ka oi loa aku o na kauhale ma na mauna , a ke kali no ka hoea aku o na kokua---Star.
Nu Ioka, Sept. 26. He puulu kanaka nui kai holo aku iwaho o ka hale ipukukui o Sandy Hook i keia la no ka maikaikai ana i ka heihei mawaena o ka Shamrock II a me ke Columbia, e aumeume ana i ka lanakila o ka paa ana i ke kiaha heihei, ua huli hoi mai lalakou me na manao poho, ua hoea aku na moku kiakahi iluna oi ke kahua heihei, aka, ua hoole mai nae na ale o ke kai i ka haawi ana mai i kekahi o lau i ka lanakila. He aheahe loa ka pa ana a ka makani ma kekahi wa ua hoea aku i ka eiwa nota a ma kahi wa ua emi mai a ka ekolu nota, a no ia kumu u ahiki ole i na moku no laua ka pahu holo he 30 mile ka hoea aku i ka pahu eo mamua ae o ka wa i kaupalena ia. I ka piha ana he 5 hora, ka manawa i haupalena ia
(CONTINUED ATER NEXT ARTICLES)
E MAKE ANA O CZOLGOSZ.
Buffalo, Sept. 26. O Leon F. Cozlgosz, ke kanaka nana i powa ke ola o Peresidena Makinile, ua hookau ia aku l aka hoopai maluna ona i keia auina la e make oia maluna o ka noho uwila pepehi kanaka maloko o ka Halepaahao Auburn ma ka la 28 o Okatoba, 1901. Mamua o ka hookau ia ana aku o ka hoopai maluna o ke pio, ua hoao mai la oia e kamailio ma ka hawanawana ana a i unuhi ia mai e kona loio imua o ka aha.
Aole he mea e ae, aka, owau hookahi, wahi a ka lawehala i hawanawana ae ai. aole he mea e ae i kauoha mai ia’u e hana, aole no hoi he mea i uku mai ia’u. Aole au i kamailio ia mai no keia karaima, aole hoi i manao mau a hiki he mau la pokole mamua o ko’u lawelawe ana i keia karaima.
HOOKUU IA KE KALAIWA O
KE KAA UWILA.
O ke kalaiwa o ke kaa uwila e hooholo ana i ke kaa uwila i hookui ai me ke kaa hapaumui helu 13, u ahoolohe ia kona hihia e Lunakanawai Apana Dickey i ke kakahiaka Poalua nei, a o ka olelo hooholo a ua lunakanawai la, aole i hewa ke kalaiwa kaa uwila, nolaila, ua hookuu ia mai la me ka haule o ka hoopii a ka hui kaa hapaumi.
(CONTINUING EARLIER ARTICLE)
ua hoopau wale ia ka heihei, a kolo ia aku la na moku no kula.
I ka wa i kani mai ai o ka pu hoailona mai ka moku mai o na lunakanawai e hoopau ana i ka heihei, he elima mile ka mamao o ka moku Amerika mai ka pahu eo aku, o ke Shamrock he ekolu hapaha mile kon ahaule mahope aku o ke Columbia.
He nui ka hauoli o na Amerika no keia kulana alakai a ke Columbia i hana ai, aka, aia no nae kekahi poe ke hoomanao la i ka heihei i malama ia mawaena o ke Columbia me ka Shamrock I i ka 1899, iloko o k amakani aheahe ua haaleleia ke Columbia he haplua mile, aka, aole nae he eo i loaa i ka Shamrock, a i ka wa i komo ai na moku iloko o na kikiao makani ikaika ua haalele aku la ke Columbia i kon ahoa i hope.
NUI NA KOKUA A IA LEDE.
O na ahahui kokua manawalea like ole o ke kulanakauhale nei na hoowaiwai ia ae lakou e na hana kokua aloha a Mrs. W. G. Irwin ma ka haawi manawalea ana i kekahi puu dala mahuahua no ka pono aia mau ahahui. O ka nui o na dala kokua ana i haawi ai ma kahi o $5,000, aka, o na ahahui nae i maopopo oia ka makou e hoopuka aku nei, penei:
Ahahui o ke Aloha, $500; Ahahui Kokua Mawalea Amerika, $500; Kula Pake a F. W. Damon, $500; Ahahui Kokua Manawalea Beritania, $500; Ahahui Hoaloha o na Malihini, $500; Ahahui Kokua Manawalea Pukiki, $500; Ahahui Kokua Manawalea Katolika, $500; Ahahui Kokua Manawalea Hawaii $500; Kula Hoomaamaa o na Opio (Free Kindergatens), $50; Misiona Peniela, $100; i kekahi mau hui kokua liilii he $150.
Ma ka aoao o na Hawaii ke haawi nei KE ALOHA AINA i na hoomaikai palena ole no na hana kokua aloha a keia lede i na ahahui kokua o k apoe pilikia. Mahalo a nui.
E lawe nui i KE ALOHA AINA i ike mau i na mea hou o keia mau la e nee nei.
Ua nana ia na poka i ki ia ai o Makinile, a ua ike ia aole ae mau laau make i hana ia maluna o lana.