Ke Aloha Aina, Volume VII, Number 43, 26 October 1901 — Page 3

KE ALOHA AINA, POAONO, OKATODA 26, 1901

 

NA MOKUAHI PILIKUA O KA PAKIPIKA

 

            Kapalakiko, Oct. 11. O ka mokuahi Siberia o ka laina mokuahi Pakipika Mail e hoolana ia ana oia ma Newport News, i keia Poaono aku he hoahanau oia no ka mokuahi Korea i hoolana ia i ka mahina aku nei o Maraki, a e liuliu la hoi no kana huakai mua i keia awa.

            O keia mau moku e hooholo ia aku ana ia ma na awa o Kapalakiko, Honolulu Iapanaa me Kina. Ua papalua ia iho ko laua mau tona kaumaha i na mokuahi nunui e holoholo nei ma keia awa, na manao ia laua no ka hoohalike ana aku me na mokuahi ok Atelanika ma ka nui, ka holo a me ka nani.

            Ua hooiaio ia mai o na mokuahi wale no i oi aku ko lakou nui ia laua oia o Deushchland, Oceanic, Kaiser Wilhelm, a me Celtic. O keia mau mokuahi lawe ohua na mokuahi nunui loa a Amerika i kapili ai.

            O ka loihi o ke Siberia he 572 kapuai me 4 iniha, laula 63 kapuai, hohonu 40 kapuai, kaumaha 18,600 tons, a o ka nui o kahi e hoahu ai ka ukana he 500,000 kapuai. O kona holo he 20 nota i ka hora. O keia mau mokuahi, elua ua hiki ia laua pakahi ke lawe he 300 ohua kapena a me 1,200 ohua oneki.

            E lawe pu ana hoi keia mau mokuahi he 100 paoahi me ka papalua hou ia iho o kona mau aliimoku. O kahi e hoomaopopo ia ai ko laua nui ma ke kaapuni ana i ka moku ma ka palekai mai mua mai o ka ihu a hiki i hope a hoi hou no mua ua like me hapaha mile ka loihi i hele ia. O ka Siberia malalo o ka aelike e hoea mai ana oia i keia awa ma ka mahina o Maraki 1902 O ka mokuahi Korea i hoolana ia he eono mahina i hala ae nei e hoea mai ana oia i Kapalakiko nei ma ka mahina o Ianuari a i ole o Feberuari aku.

 

KUEIAKA HEIHEI HOUANA O KE SHAMROCK ME KE COLUMBIA.

 

            Nu Ioka, Oct. 9. Ma ka halawai hui a na komite a ka hui heihei moku kiahahi Royal Ulster a me ka hui moku kiakahi Nu Ioka no ka noonoo ana i ke noi a Sir Lipton i waiho aku ai o ka heihei hou ana o kona moku me ke Columbia, ua haawi ia mai la ka olelo hooholo, aole he kuleana o kekahi moku i haule ke komo hou e heihei koe wale no mahope o ka piha ana he elua makahiki mahope o kona haule ana e ae hou ia ai oia e heihei. I ka wa o Sir Lipton i hoikeia aku ai. Ua pane mai la oia, aole he noonoo iloko ona i kela wa no ke kapili hou ana i moku heihei. E waiho ia ana no ke Shamrock ma Nu Ioka, aka, e hoihoi ia aku ana o@ kona mau luina maluna o ka mokuahi Oceanic.

            Berlin, Oct. 9. Ua lohe ia ae la maanei ua haawi aku la ka Emepera Uilama he kauoha i ka hui heihei moku o Kiel e hoonua mai i ko lakou aa heihei ana no ke kiaha Amerika.

 

HOAUHEE IA NA AMERIKA

 

            Manila, Oct. 10. He puali o ka Regimana Iwakalua kumakahi kai halawai aku me na Pilipine i keia la ma kahi kokoke i Nipa, ma Batanagas. Ua make o Lutanela Beau a he hookahi koa i hoeha ia. Mahope o elua hora o ka hakaka ana ua ahuhee aku na Amerika no ke kali ana i mau kokua hou no lakou. O ka nui o na Pilipine ma kahi he 300, ua hoolako ia lakou me na pu raifela Manser a me Remington, a he nui ka lakou mau poka.

            He kumukula nona ka inoa o Martin no Manban, kai hopu pio ia e na Pilipine, oiai, oia e hele ana no kekahi taona e pili koke ana malalo o ke kiai ana a na makai. Ma kekahi la ae ua nakii ia oia iluna o ka ahamaka a hoihoi hou ia mai la no kahi he hookahi mile mai ke taona aku, a malaila i hookuu ia mai ai oia e hoi no kona home me ka hoopoino ole ia.

            O ka puali makai holookoa o Cabanag, ua hopu ia e na Pilipine i lako me na pahi a lawe ia aku la mai ke taona aku. Aole i haawi aku na makai ia na kue ana oiai, lakou ua lako me na pu raifela a me na pu panapana.

 

NA LIMAHANA PORTO RICO HOU

 

            Maluna o ka mokuahi Para i hoea mai nei i anei ma kela awakea Poalima aku nei i hiki pu mai ai maluna ona he 300 limahana Porto Rico a me 25 limahana Italia. E like me ke kulana nawaliwali o na Porto Rico i hoea mua mai ai, pela no keia mau limahana Porto Rico i hoea la. Iwaena o keia poe i lawe ia mai la e ka Para he poe oopa a makapo kekahi i kupono ole no na mahiko, a heaha iho la ko lakou waiwai o ka lawe ia ana mai, a na keia poe nawaliwali i hiki ole ke imi i ko lakou ola ma ka hana ka nui o na poe e hele makilo nei ma na ipuka hale, a me ka poe e aihue nei o ka po.

            He nui ka hoahewa o kekahi poe no keia mau hana a ka poe hoopae limahana no ko lakou wae ole i na kanaka kino oolea, a oia ka lakou e lawe mai ai, aole hoi o na oopa a me na makapo e like me keia e ike mau @ nei.

PAU KE KIPA ANA MAI NA MOKU KOA.

 

            Mamuli o ka nui o ka lilo e kipa mai ana ianei o ke aupuni Amerika i na moku koa e kipa mai nei a me ka lohi loa o ko lakou hiki ana aku i Manila, nolaila, ma keia hope aku ua pau loa ke kipa ana mai o na moku koa i Honolulu nei, a e holo po lolei ana lakou no Manila ma ke alahele akau. O ka nui o ka lilo o Amerika i ka moku koa hookahi e kipa mai ana ianei ma ka @ no ia he $5,000 no ka nanahu a me na poe hana, a ma o keia mau hoolilo ae la i ike maoli ia na hoonele hou ia mai la o Honolulu nie i ke kipa hou ana mai o moku koa.

 

EIA HOU KEIA MEA KULEANA INA AINA LEI ALII.

 

Maloko o ka nupepa Avalataisa i ike iho ai makou e waiho aku ana o Ema De Fries he koi i na aina lei alii iloko oo ka Ahaolelo Nui o Amerika Huipuia i kona wa e noho mai ai. O ka ekolu keia o na koi i ike ia no ke kuleana i na aina lei alii, o ka mua oia no ka Moiwahine Liliuokalani, ka elua o Mrs. Theresa Owana Wilikoki, a o ka ekola o keia koi a Ema De Fries. He mau mahina ae nei ko Ema De Fries imi ana i kona mookuauhau a ua maopopo iaia ua hoea mai kona mau kupuna mai kekahi moi mai o Maui a me kekahi moi o Hawaii, a he pili oia i ka lalani alii Kamehameha. O keia Ema De Fries oia no ke kaikamahine a Rev.Kanoa i ike nui ia e ko keia kulanakauhale i na la i aui aku ia, a i mare ia Henry De Fries.

 

MAKE KEKAHI ALAKAI O NA KIPI

 

            Middeleburg, Cape Colony, Oct. 12. O Kapena Lotter, ke alakai o na kipi, i hopu pio ia ma ka hema o Petesburg ma ka mahina o Sepatemaba, a i hookau ia ka hoopai make maluna one, ua lawe ia kona ola ma ka la inehinei e na koa Beritania.

            Ua hookolokolo ia o Kapena Lotter a ua ike ia he ewalu ana mau karaima ike ole i lawelawe ai, mawaena o lakou he kipi, ka pepehi wale ia ana o na paele kiu i lako ole me na mea kaua, ka luku wale ana i na koa iloko o ka wa kaua, ka hoopoino ia ana o na alahao, a me ka hili ia o na kupa Beritania a me Europa i ka huipa. Ua olelo ae o Lotter he makaainana oia no ka panalaau o Alani, aka, ua hooleia.

            Pretoria, Oct.. 12. He 18 mau aliikoa Boa i hopu ia mai ka la 15 o Sepatemaba i kipaku ia mai ka aina aku.

 

TELEGARAPA UWEOLE.

 

Ledana, Oct. 14. Ua hoike ae la ke nupepa Daily Telegraph i keia kakahiaka, ua hiki ia Marconi ke hoolele i na hua olelo i keia wa no aneane he 350 miie ka mamao. He mea keia i ike ole ia  mai kinohi mai.

 

KOHO BALOTA KUIKAWA

 

Ua manaola o malama ia aku ana he koho balota kuikawa ma @io no ka noho i hoohakahaka ia ma o ka make ana mai nei o J. Ewallko, a oiai, o ke kauoha a ke kanawai o Amerika Huipuia e hoopiha hou ia ka noho i hoohakahaka ia me kekahi inoa hou, i hiki ole ai ke hakahaka kekahi noho no ka wa paha e kaheaia ai o kekahi ahaolelo kuikawa mamua o ka hoea hou ana mai o kiea kau koho balota aku. Nolaila, ma keia kumu e malama hou ia ana he koho balota ma Hilo, me he mea la, ma ka la 9 o Dekemaba no ka hoophia hou ana i keia noho. Owai ana la na inoa e @ moho mai ana no keia koho balota, aka, na m@ aku nae e hoike mai.

 

HOCK SHIN &  CO.

 

            He Iapana Kemana, mea hana Aelike, Kukulu Hale, Pena, Kau Pepa, Palainapuna, a pela aku. He oluolu kaua kaki ana.

            KEENA: Helu 573, Alanui Moi, Palama, ma ka aoao makai o ke aianui. Honolulu, HT      

           

HOOLAHA HALAWAI AINA HUI O MOLOAA.

 

            Ke hoike ia aku nei ka lohE, e noho ana he Halawai Kuikawa o ka Aina Hui o Moloaa, ma ka Poaono, Novemaba 2, ma ka hora 11 a.m. maloko o ka Luakini o Anahola. E noonoo a hooholo i ka hoolimalima o ka Aina Hui o Moloaa. A e noonoo pu hoi i kekahi mau kumuhana ano nui o ka Aina Hui. Auhau Aina Hui kekahi i makemakeia. Ke kono ia nei na Lala a me na Ona Hui a pau, a i ole ko lakou mau Hope, e hoopiha i ka halawai.

Hanaia ma Lihue, Kauai, October 9, 1901.

JAS K. K. KAIWI,

Kakauolelo o ka Hui,

C.B. Makee,

Luna Nui o ka Hui

 

HE MAU RUMI HOOLIMALIMA

            Aia ma ke Alanui Puowaina maluna aku o ka Halepule Moramona, e pili ana me kahi o Robert Boyd. Elima Dala no ka mahina elua rumi nui.

            E ninau ia Kauka Alvarez,

1240 Alanui Emma kokoe i Alanui Bertania.  cot 3—tf

 

HUI HAWAIIAN REALTY A ME MATURITY KAUPALENAIA.

 

HUINA KUMU $50,000.00

500 Mahele, $10 Pakalii Uku Pihaia

 

            Na Lunanui :-- L. K. Kenewela – Peresidena, W. J. Robinson – Hope Peresidena L. Ahlo – Puuku, P.H. Burnette – Kakauolelo.

            Ke haawi aku nei ka Hawaiian Realty a me Maturity Kaupalenaia i ka lehulehu i kekahi hana maikai loa no ka malama ana a hoouluulu ana hoi i na wahi kenikeni i kela a me keia mahina. E kukulu no makou i hale nou a hoopuka i $200 makou inoa, a haawi aku makou ia oukou i 75 mahina e uku mai ai i keia mau dala me ka loaa pu aku o kekahi mau palapala no lakou ka waiwai pakahi he $50, ua like ia me 19 mahina e uku ia ai o ka pepa hookahi, ala @, kaa keia mau dala. He elua wale no au dala e uku ai i keia a me keia mahina a i ka pau ana o 75 mahina ua ukuia e oe he $150, oiai no nae, he $200 i loa a aku ia oe.

            He 45 apana aina i kupono no ke kukulu hale a makou i keia manawa.

            No na mea aku i koe e hele ae i ke makou keena.

            HUI HAWAIIAN REALTY A ME MATURITY KAUPALENAIA.

            McIntyre Hale kihi o na Alanui Papu a me Moi. Rumi 3 a me 4.

            Ala kekahi keena o makou ma Hilo. O. M.E. Silva ko makou Agena.