Ke Aloha Aina, Volume VII, Number 45, 9 November 1901 — Page 1

KE ALOHA AINA

HONOLULU, POAONO, NOVEMABA  9, 1901

 

NA BERITANIA MAKE KA PUUWAI ELEELE.

 

            Landana, Nov. 2. Ua loaa mai la i ke keena kaua he mau hoike mai a Haku Kitchener mai no ka poino koikoi i halawai iho me na Beritania ma kahi kokoke i Bethel, ma ka lele kaua ia ana mai e na Boa, na lilo aku he elua pukuniahi, 22 alii i make a hoehaia, a he 54 kanaka i make ame 160 i hoehaia.

            Ua malama ia keia hoouka ka ua weliweli i ka wa a kekahi uhi wai manoanoa e halii paa ana maluna o ka aina. O keia mau k@a e hoomalu ia ana e Koiela Benson a na make oia.

            Ladana, Oct. 2@. He lono koi kawa kai loaa mai Pretoria no ka la 28 o Okatoba, mai a Haku Kitchener mai, e olelo ana, ua loaa mai iaia he hoike no kekahi kana hahana i malama ia ma ka muliwai Great Marcio, mawaena o na koa o Kenerala Delarey a me Kemp me na pualikoa Beritania, ua hoauhee ia aku na Boa, aka, mahope nae o ka halawai ana o na aoao elua me na poino koikoi. He 40 kino make o na Boa i loaa aku maluna o ke kahua kaua. O ka poino o na Beritania he 28 i make a me 55 i hoehaia. Ua lilo aku i na Boa he ewalu kaa ukana o na Beritania. O ka nui o na poino o na Beritania iwaena ia o na poe ki pukuniahi he 37 o lakou i make a hoeha ia.

            Ladana Oct. 29. Ua hoike mai la o Haku Kitchener he he luna o na kaua liilii mawaena o na Boa a me na Beritania, a o ke nui o na poino i loaa i na Boa i keia pule he 94 Boa i make, 16 i hoeha ia a me 353 i lawe pio ia. Ma ka pakui ana aku he 45 Boa i haawi pio mai, a ua lawe pio pu ia e na Beritania he 471 pu raifela, 75,950 puni poka, 216 kaa, 530 lio a me 8000 bipi.

            Pretoria, Oct. 29. O ka pa kele mahunehune ana mai o Kenerala Botha ma keia uhai ana mai nei a na kolamu koa Beritania ua akelekele loa ia. Ua maki aku na koa o Mekia Remington no kahi hoolulu o ke alakai o na Boa iloko o ka pouli, aka, na ike e mai la nae o Botha a mahuka aku la he mau haneri i a wale no ka mamao mai na Beritania aku, me ka haalele ana iho i kona papale, kana pu panapana a me kekahi mau palapala mahope ona. Ua hopu ia malaila he 10 Boa mawaena o lakou o Kapena Hans Botha me Landrost Schutte.

NA KOA BERITANIA HOU NO AFERIKA HEMA.

            Aldershort, Oct. 31. Ua hoomaopopo ia maanei o ka manao i hooholo ia ma ka halawai ana a ka Aha Kuhina ma ka Poakahi nei oia no ka hoouna ana aku i na pualikoa helewawae kumau a pau i hiki ke hookuu ia aku no Aferika Hema mawaena o keia mau la a me ke Karisimaka. E haawi ia ana ke kauoha i na puali koa no ka holo ana aku i Aferika Hema ma keia mau la aku o ka mahina o Novemba, me ka hookoe ana iho he hookahi wale no regimana oia ka puali kaua lio lio Kanakolu kumamakahi.

            O ke Keikialii Arthur o Connaught, kekahi o na alii kiekie o Pelekane, a e paa ana hoi i ke kulana lutanela elua iloko o ka regimana Husa Ekahi, e holo pu aku ana oia me kona mau koa no ke kahua kaua ma Aferika Hema.

 

            He ehiku mau Porto Rico aihue i lawe ia mai la mai Kauai mai no ka hoopaahao ana maanei.

            Ke kono ia nei na makaainana aloha alii e hele ae i ka ike alii i kai o ka uwapo me na wahi pua a me ka lei.

            O ka moku lawekoa Kilpatrick ke kip mai ana ianei i keia la ma kona alahele no Manila, pela na lono i loaa mai nei maluna o ka moku ahi Pekina.

            He kuai hoopau nui o na ano Silika a pau me ka niakepono loa kohu lole Kakimia, ke kuai @a nei ma ka halekuai o E. W. J@r@au ma Alanui Papu. E wiki o pawe mai.

            Auburn, Nu Ioka, Oct. 29. O Leona Zolokosa, ke kanaka nana i powa ke ola o Peresidena Makinile, ua make oia i ka uwila ma ka hora 7:12 o keia kakahiaka.

            He ekolu manawa i hookomo ia ai uwila mamua o kona ikeia ana ua make.

            Ua haawi ae o Zolokosa he haiolelo pokole maluna o ka noho uwila. Wahi a ka lawehala, aole oia i kaumaha no kana hana i lawelawe ai aka, na kaumaha nae oia no ka ike ole ana i kona makuakane.

            Iloko o na hora e hookokoke aku ana i ko Aologosa hopena aole oia i hoike mai i na manao pihoihoi. Ua hamoe oia ma ka hora 10 o ka po nei, a ma ka hora 4:45 ua ala ae la oia a haalele aku la i kona pune he maikai kona moe ana ia no, a i kona puoho ana mai aole oia i hoike mai i na manao kaumaha.

            Ma ka hora 5 ua hiamoe hou aku la oia, aka, aole nae oia i moe. Ma ka hora 6 ua hoouna ia aku la kona aahu e make ai, ua ala ae la oia a komo iho la. A he mau minute pokole mahope iho ua lawe ia mai ia he mau mea ai no kona keena paanao.

            O ka aahu i hoouna ia mai ai no Aolokosa he lole wawae eleele, he palule ahiehie, a he paa kakini, oia wale no na mea i haawi ia aku iaia, aole hoi he kamaa a i ole he mau pale ili i loaa aku iaia. O ka aoao hema o ka lole wawae ua uhae ia i wahi no ka uwila e komo ai iloko o ke kino. O ke alo o kona palule ma ka a i, ua hoohamama ia i wahi no na kauka e haha ai i ka pina o kona ai.

            Ua akoakoa mai na poe makaikai i wao ia ma ke keena o ka Luna Paahao i ka hora 6:45, a ma ka hora 7 i lawe ia aku ai lakou no ke keena kahi e make ai o Zolokosa, a i ko na makaikai hoea ana aku i ua keena la ua haawi mai la ka Luna Paahao i na ao ana i na malihini, ua hoea aku lakou malaila no ka ike ana i ka make ana o kekahi kanaka pepehikanaka i ahawa ia e ke kanawai, a nolaila, ua haawi ia ke kauoha i na poe makaikai nia na ano a pau, aole loa lakou e haalele i ka lakou mau noho a i ole e hoaia ae paha i kekahi haunaele.

            I keia wa i hookau aku ai o Davis he 22 kukui uwila ma na pale aoao o ka noho, hoomalamalama ia ae ia o loko o na ua keena la, a hoomoe ia aku la he elua uwea uwila maluna o ka noho i laina ia me na limu huahuakai i hoopulu ia me ka wai paakai i wahi e a ole ia ai ka io o ke pio.

            Ua alakai ia mai ka paahao e eha kiai a hoonoho ia iho la iluna o ka noho uwila, a imua o kelanaina i akoakoa aku i hoike mai ai oia i kona mau manao hope. Na'u i pe pehi i ka Peresidena, no ka mea he enemi oia no na kanaka maikai- na kanaka hana. Aole o'u kaumamaha no ka'u hewa i hana ai. A i ka wa i hoopa ia aku ai kona poo iluna o ka noho, ua pane hou ae la oia. Ke kaumaha nei au no kuu ike ole i kuu makuakane. I ka paa pono ana o Zolgosi i ka hoopaa ia oia no ka wa i hookuu ia mai ai o ka uwila, ua nakanaka a uuina ua noho la i ka ikaika o uwila e holopuni iaia, a iloko hoi o na minute pokole ua make iho la ka powa.

            Auburn, Nu Ioka, Oct. 30. Maloko o kekahi he i hoailona ole ia e waiho nei ke kino lepo o Zolgosa, maloko o ka ilina o ka hale paahao, ke kanaka nana i powa ke ola o Peresidena Makinile. O ke kino make o ke kanaka nana na olelo e hapai ana i ka anakia, ua palahe oia i keia wa. Ua nininiia ka puna a me kekahi mau wai a@ida ikaika e ae iloko o ka pahu kupapau mamua o kona kunuia ana. Ua olelo ae o Luna Paahao Meade me keia mau wai i hookomo ia e hiki@uwe no ka palaho o ke kino make o Zolgosa maloko o 24 hora.

            HAUOLI NA ANAKIA O LADANA.

            Ladana, Oct. 30. O na ahahui

(E nana ma ka Aoao o.)