Ke Aloha Aina, Volume VII, Number 45, 9 November 1901 — Page 6

KE ALOHA AINA

POAONO, NOVEMAPA 9, 1901.

 

NA LEALEA HEIHEI LIO MA HILO.

 

Aia ke hoomakaukau ia la ma Hale kekahi papa kuhikuhi  nui o na lealea heihei lio no ka malama ia ana ma ka kahua heihei o Hoolulu Paka ma ka la o Ianuari, 1902 e hiki mai ana, a ma ka la mahope iho o ka Hape Nuia.

Ua ae aku ke Keikialii Kawananakoa i kona lio heihei kau lana Wela e laweia aku i Hilo e holo heihei me ko laila lio holo loa Socialist no ka pahu holo he hookahi mile.  O ka makana no keia heihei oia no ke kiaha dala nani i kapa ia ke Kiaha Hilo Track a me $150 pakui.  Aole he mau lealea heihei lio e male na ia ana ma ka La Karisimaka.

Ua hui aku o G. S. McKerzie, ka Luna Nui o ke kahua heihei Hoolulu Paka, me na agena o ka hui mokuahi o Waila ma, no ka ae ana mai i ke Kinau e haalele iho ia Honolulu nei ma ke awakea Poakahi, Dekemaba 30 no Hilo, a e haaiele ana ia awa ma ka hora 10 o ke kakahiaka Poalima, Ianuari 3 no Honolulu nei.

E haawi ana ia i manawa no na ohua o ke Kinau e makaikai ai i na la heihei elua e malama ia ana ma Hilo, a e hoemi pu ia ana hoi ka uku moku o na poe makaikai e kau ana ma ia huakai a ke Kinau.

O keia malalo iho nei ka papa kuhikuhi o na lealea heihei o ka la 1 a me 2 o Ianuari.

 

LA 1 O IANUARI.

 

1.    Heihei lio kaa, papa 2:14, makana kiaha Holmes me ke eke o $100.

2.    Heihei lio hookahi mile, noa i na lio a pau, makana kiaha Hilo Track me ke eke o $150.

3.    Heihei lio hapalua mile, noa i na lio a pau, makana $100.

4.    Heihei lio kaa, papa 2:38 makana $75.

5.    Heihei lio ekolu hapawalu mile, makana $75.

6.    Heihei lio hapalua mile, no na Iapana i loaa na lio holo, makana $50.

7.    Heihei lio eono hapawalu mile, noa i na lio a pau, makana $100.

8.    Heihei lio elima hapawalu mile, noa i na lio a pau, makana $100.

9.    Heihei lio hapalua mile, no na Iapana i loaa na lio holo loa, makana $50.

10.  Heihei lele pa hookahi mile, eono pa e lele ai, makana $75.

 

LA 2 O IANUARI.

 

1.    Heihei lio kaa, papa 2:20, makana $100.

2.    Heihei lio hapalua mile, noa i na lio a pau, makana $100.

3.    Heihei lio hapalua mile, ao [rest of sentence unreadable]

4.    Heihei lio elima hapawalu mile, noa i na lio a pau, makana $75.

5.    Heihei lio hookahi mile, noa i na lio a pau, makana kiaha Hilo Mercentile me ke eke $100.

6.    Heihei lele pa hookahi mile me ka hapaha, ewalu pa, makana $75.

7.    Heihei lio eono hapawalu mile, noa i na lio a pau, makana $75.

8.    Heihei lio hookahi mile, makana $75.

 

E lilo ana keia he mau la piha kanaka hou no ka Ua Kanilehua e like me ka la 4 aku nei o Iulai, a ke lohe ia mai nei e pau hou aku ana no kekahi poe o ke kulanakauhale nei i ka holo makai kai i ua aina ua kaulana nei.  Ke lilo mau nei ia Hilo ke alakai o na hana lealea a ke waiho wale mai nei ke kahua heihei o Kapiolana Paka.  E malama ia ana no he heihei lio ma Hoolulu Paka ma ka Poaha hope o keia mahina, ka La Hoalohaloha o Amerika, he nui ua lio e komo ana ma na heihei oia la.  Pii no ko Hilo kulana.

 

UA HAALELE MAI LA I KEIA OLA ANA.

 

Ma Wailea, Hilo mokupuni o Hawaii, i ka hiki ana i ka hora 5:15 o ke kakahiaka Poalua, Oct. 22, 1901, ua oluolu i ka mea mana loa ka lawe ana aku i ka hanu ola o Miss Mary W. Hele-La, a waiho iho i ke kino lepo me na makua, ka ohana a me ka lehulehu eu ana iaia ma keia aoao aku o ka muliwai eleele o ka make, a eia kahi moolelo:

O Miss Mary W. Hele-La ua hanau ia mai oia mai ka puhaka mai o Mr. a me Mrs. Hele-La ma ka Poakahi, Mar. 1, 1890, a hiki i ka la i hoike ia ae la maluna i make ai oia; ua piha iaia na makahiki he 11, 7 malama a me 21 la.  Ua loaa oia i ka ma’i fiva taifuda ma ka auina la o ka Poakahi, Oct. 14, a hiki i ke kakahiaka o ka la i hoike ia maluna i hookuu mai ai ola i ka pili ana me na makua, ka ohana a me ka lehulehu iloko o na la 7 ½  o ka ma’i ana a make aku la.

Iloko e na la o kona waiho ana iluna o kahi moe, e lohe aku ana no kekahi o na makamaka a me ka ohana i keia mau hua pule, “I ka inoa o ka Makua, ke Keiki, ka Uhane Hemolele, Amene,” “E ke Akua e aloha mai ia’u, Amene.”

Ua hiki mai ke Kauka Archer Irwin me na laau i hoomaopopo ia, he mau laau ia e hiki ai e hoopau ae i na haawe o ka na waliwali e he kau ana maluna o kona kino, a he ole hoi ka hiki aku e lanakila o na hoola ana, a hala wale aku la no oia.  Na Iehova no i haawi mai, a nana no i lawe aku, e hoomaikai ia kona inoa.

Me ka Lunahooponopono, a me na keiki  hoonoho hua metala ko’u aloha.

Owau no me ka Luuluu.

[unable to read signatory]

 

KA LOAA A NA MOKUAHI NUNUI E HOLO NEI

 MA KA HUAKAI HOOKAHI.

 

O na lohe e kuai ia aku ana ka hui mokuahi Hoku Keokeo ia J. Piermont Morgan, na hoole loa ia ae ia me ka pakui ia mai aole loa i lawa kana dala no ke kuai ana i keia hui moku.  O na pomaikai nui hewahewa e loaa ana i ka hui e like me keia mau hoike malolo iho nei ke kumu o keia ae ole ia.

Wahi a ka hoike a ka nupepa Ladana Daily News, o na loaa a me na hoolilo o na mokuahi nui e like me ka Oceanic ma ka huakai hookahi e holo ai penei no ia.

 

NA LOAA.

 

400 ohua kapena, mai ka $110 a ka $750 o keena hookahi $81,004.50.

260 ohua kapena papa elua, mai ke $50 a ka $57.50 o ke keena hookahi $13,975.00.

1.039 ohua oneki, ma ka $29.50 pakahi 30,650.00.

 

Huina o na loaa no ka ohua wale no he $125,650.00.

Ma ka pakui ana aku me keia na loaa o na ukana a ka Oceanic e lawe ai ma kona lua ukana nona ka nui i hiki aku ke lawe he 2,000 tona, elike me na ukana lole, huluhulu, aniani, ili holoholona, a pela aku.

 

NA HOOLILO.

 

Nanahu, 2,1000 tona ma ka $300 o ke tona $6,300.00.

Keena Eneginia, $6,000.00.

Keena hoolako ai, $10,000.00.

Na limahana, $2,500.00.

Keena hooholo, $1,800.00

Pailata ma ke awa o Nu Ioka, $131.75.

Pailata mai Livapulu a Queenstown, $100.00.

 

Na moku kolo ma ka $10 o ka hora, dute awa, na limahana uapo, telegarapa uwea ole a me na lilo huikau e ae, $8,168.25.

Huina o na hoolilo, $35,000.00

Ma ka unuhi ana ae i na hoolilo mailoko aku o na loaa e ike ia no he puu dala mahuahua ke koe iho ana i ka hui maluna aku hoi o $90,000 no ka huakai hookahi.

 

NA MAKE O KE KULANAKAUHALE NEI.

 

O ka nui o na make o ke kulanakauhale nei no ka mahina o Okatoba i pau aku la he 66, maloko oia heluna he 43 kane a me 23 wahine.  O keia ka helu make haahaa loa i ike ia no keia makahiki, o na make o na lahui, penei:  Hawaii 28, Pake 14, Pukiki 3, Iapana 15, Amerika 3, na lahui e ae 3.  Na mare i ike ia no ia ma@ [end of sentence unreadable]

 

NA KE ALOHA I KONO IA LAUA E HOOPOINO I KO LAUA MAU OLA.

 

Kikako, Oct. 20.  Mamuli o ko laua hookaumaha ia no ka hiki ole i ke aloha e lawelawe ana iloko o laua ke hoomaalili la, ua hooholo kekahi mau mea i ike nui la o Kikako nei e lawe i ko laua mau ola i kela auina la.  He hookahi he wahine, a o keia wahine na kekahi kanaka okoa aku, ua loaa aku oia ua poanuanu kona kino.  O ka lua he kane ua kekahi wahine okoa aku, aka, ua pakele mahunehune nae kona ola a eia iloko o ka lima 6 na makai, ua pakele mai oia i ka wa e hookokoke loa aku ana ma ke kae o kona la, kupa au.  He kui papale wahine ke paa ana ma kona a-i i hou ia a puka ma kahi aoao, ma kekahi o kona lima e paa ana oia he omole laau make, a e omo ana kona mau puka ihu i na ea hohonu ikaika o kekahi mau kukui ea eono i hoa ia.

O keia wahine ola no o Mrs. Charlotte Nichol, ka makuahine o elua keiki a wahine mare a W. L. Nichol, Jr., he agena no ka hui laina kaaahi o Nashville, Chattanooga a me St. Louis me ke keena poo ma Kikako.  O ke kanaka i makemake e ukali pu aku no kela ao me kana mea i aloha ai oia no o Kauka Orville, he kauka hana niho i ike nui ia o South Side, nona ke keena hana maloko o Hotele Great Norhern.  E loaa ana iaia he maha iki e hiki ai iaia ke hoike aku i na mea a pau i ka oihana makai e pili ana no keia hana weliweli i kuka ia e laua.

 

AHA HULAHULA KOKUA.

 

Ina aole he mau kuia e haawi ia ana e na paele e noho nei ma keia, kulanakauhale he aha hulahula, a a ia po e hoikeike ia mai ana na hulahula paele i kapa ia e lakou he Cake Walk, oia hoi he hula makana meaono.  He hula nani a hiehie keia a na paele, a e hoikeike nui la nei maloko o na halekeaka o Amerika Huipuia.

O na pomaikai e loaa mai ana oia aha hulahula e haawi ia aku ana no ia no ka waihona o kekahi mau paele palupalu e manao nei e huli hoi aku no ko lakou mau home ma ua mokuaina o ka Hema.  O kahi e malama ia ai keia aha hulahula ma ka hale hoi no ia o na pukiki, Sana Antonio Hall, ma ka po o ka la 23 o Novemaba ae nei.

 

Eia ka halekuai o L. B. Kerr & Co. ke kuai hoemi nui nei i kona mau waiwai like ole, nolaila, o keia ka wa no oukou e na Hawaii e hele ae ai e wae i ko oukou makemake.  @ @ [end of sentence unreadable]