Ke Aloha Aina, Volume VII, Number 45, 9 November 1901 — HALAWAI A KA HOME RULA REPUBALIKA [ARTICLE]

HALAWAI A KA HOME RULA REPUBALIKA

Ma ka po Poakahi nei ua malama ae na lala o ka papa hooko he halawai maloko o ko lakou hale hui mau (Foster Hall). O ka manao o keia halawai no ke koho ana no ia i mau hoa hou no ka papa hooko e hoopiha ana ma kahi o na wahi i hoohakahaka ia ma ka make a me ka haalele maoli ana. O na inoa i apo= no ia no ka hoopiha ana aku i na hakahaka o ka mana hooko ua hakahaka o ka mana hooko oia no ke Keikialii Kalanianaole, Carlos Long, William Kalhbaun, Moses Nakuina a me Kaleiopu. Iwaena o keia mau inoa i apono ia he hookahi wale no i holo lea oia ke Keikialii Kalanianaole. Ua kue ia o ko Carlos Long inoa mamuli o ka manao o kekahi poe ua pili ia Keoni Kolopana a he hookomo ana mai ia he kanaka o ka aoao Demokarata iloko o ka aha kuka o keia aoao. I ka wa i lawe ia mai ai o ka inoa o Moses Nakuina ua nui na leo kue nona, no ka mea, he Repubalika oia, aka, mamuli nae o ka hooikaika ana a F. W. Bakele me kona hoike aku he Repubalika no na Home Rula i kewa wa akahi no a ae ia mai keia inoa, mahope o keia mau noonoo ana ua haawi ia aku la na apono ana i keia mau inoa i mau lala no ka papa hooko. O kekahi mau kumuhana e ae i kamailio ia maloko oia halawai oia no ke kue ana o Keoki Makamu i ka hoopuka ana ae nei o Mrs. Owana Wilikoki he nupepa i kapa ia ka Home Rula Repubalika. Aka, ua pale mai nae o Bekele a me ka Lunahooponopono o ka Home Hula Repubalika no na olelo kue a Keoki Makamu i hana aku ai ia wahaolelo o ka lahui. Ua ku pu mai o Mrs. Wilikoki a haawi mai la i kekahi mau olelo e hehi ana ia Makamu ilalo, a o kana hana naauao i hooko ai oia kona haalele ana iho i ke keena halawai a puka aku la iwaho.