Ke Aloha Aina, Volume VII, Number 46, 16 November 1901 — NA LONO HAUWAWA ANO NUI O KEIA MAU LA, E PAU ANA O DOLE ME KALAUOKALANI. [ARTICLE]

NA LONO HAUWAWA ANO NUI O KEIA MAU LA, E PAU ANA O DOLE ME KALAUOKALANI.

Ke olelo nei kahi poe e pau io aku ana o S. B. Dole, a o H. M. Sewall aku ka mea e manaoia ala e ka Aha Kuhina o ka Peresidena hou o Amerika i pani a kona wahi. Eia hoi kekahi mau lono ke hauwawa pu mai nei; e hoopau ia aku ana no ka hoi o Peresidena D. Kalauokalani o ka Aoao Home Rula Repubalika. O ke Keikialii Kalanianaole a i ole o Fred Bekele aku ana paha ma kona wahi (na ko lakou poe no keia e haupuupu mai nei i kona hoopau ia aku). He mea kupanaha no keia ke ake aku nei na Kuokoa Home Rula e pau o Dole mai kona kulana ae; ke ake nei no ka hoi kahi poe Home Rula Repubalika e hoopauia o Kalauokalani. Aka, na keia mua aka e hoike mai i ke ko o keia mua mea e hawawaia mai nei a me ka ole. He nani ia o oukou Home Rula no ia. E hoomanao e ka makamaka aohe aku ka make iwaho eia iho no la i ke alo, he hoa ai pu no wahi a ka olelo. Ke mahalo nei makou no ke komo ana o kahi poe keonimana opio naauao iloko o ka Aha Hooko Home Rula Repubalika, i hiki ke alakai ia ma na han aoia aha me ka naauao; aka, e hoomanao nae, aia a komo aku ka naauao ma ka ipuka, e lele walawala auanei ka hupo ma ka puka aniani, alaila, o ka wa ia e ike ia ai ka pilikia o ka hana naaupo ana. Weheia ae nei ka ipuka e oukou a hamama no ka "Repubalika," aole hiki ia oukou ke pale aku i ke kmo ana mai o na Repubalika naauao hoakamai e kuleana pu me oukou ma na mea a pau. Aloha wale na kini o Hoolulu e. Mai poina e na makamaka i ke kipa ae ma kahi o Whitney & March ua loaa mai nei na waiwai paikini hou loa, a ke hoolilo ia nei me ka makepono loa. Eia ke malama ia nei he kuai hoemi nui ma ke halekuai o E. W. Jordan i wahi e kaawale aku ai kekahi mau waiwai, mamua o ko lakou hooponopono hou ana aku i ko lakou halekuai.