Ke Aloha Aina, Volume VII, Number 49, 7 December 1901 — Page 1

KE ALOHA AINA

 

BUKE VII.                 HONOLULU, POAONO, DEKEMABA 7, 1901                4@

 

KE LIULIU LA NO KA HOOKIPA ANA AKU.

 

(Mai ke Tribune o Loko Paakai mai)

            O ka Moiwahine Liliuokalani, i upu ia e hoea mai ana oia ma keia Poalima iho no ka noho iki ana ma keia kulanakauhale, a e lilo ana hoi i malihini kiekie na kona mau makaainana maanei, na hauoli loa ia kona kipa ana mai, a ke manao nei makou o na hana hoolaulea aku iaia e lawelawe ia ana no ia e na poe a pau e hiki ae ana.  E lilo ana keia la i la hoomanao no na Hawaii maanei, a e haawi ana lakou i na kokua a pau e hoohauoli ia ai ka lakou malihini kiekie.

 

NA HAWAII I KOE AKU LA IHOPE.

            He hapanui o na Hawaii i holo aku ai no ka hoikeike ma Buffalo i noho aku la no ihope, a he umikumamaha wale no o lakou i huli hoi mai no ka home nei maluna o ka mokuahi Kina.  O keia poe i noho aku la ihope aia lakou ke hele hoikeike la ma na kulanakauhale hikina.  I ka wa i pau ai ka hoikeike ma Buffalo, he umikumamalua kane a me wahine i hoolilo ae ia lakou i hui hoikeike o na lealea Hawaii a holo aku la no ka hoikeike nui o Kaletona malalo o ka noho luna ana a Joe Puni no lakou.  O ke kahi poe hoi no lakou ka heluna he umikumamaono, a maloko o laila ka hapanai o na keiki himeni ua hana ae like aku lakou me ka hui keaka Keith’s Empire, a e hele kaapuni ana lakou ma na mokuaina o ka hikina, a o John Wilson k o lakou luna nui.

            Iwaena o na poo i hoi mai o W. Kuelo, Ben. Waiwaiole, W. Keawe a me H. Kauhane.  O Ane Hila kekahi o na kaikamahine akamai i ka hula olapa aia mee ka hui a John Wilson, a o Lily Were a me Abbie Clark o lakou aku la ka poe i hala aku la no Kaietona.

 

KEKAHI KANAKA HAWAII KUONOONO

 

E LILO ANA ANEI O KEONI INA

I KAMAAINA NO KALEPONI HEMA?

 

Wahi a ka Nupepa Ahailono Los

Angeles o Nov. 23 i

Hala aku la.

            E loaa ana ia Kaleponi Hema he kanaka waiwai e haalele aku ana i n Ailana, a e hoi mai ana e hooknonoono loa iho ilaila.  O kekahi ohana Hawaii waiwai o Honolulu e lilo ana ia i poe kamaaina no keia aina mamao.  O Keoni Ina ka Persidena o ka Hui Mokuahi Holopiliaina, he kanaka waiwai oia e noho ona ana maluna o kekahi mau aina ma Hawaii; e waiho aku ana oia i kona kulana ana e paa la ma keia Maraki ae o keia makahiki, no ka hoi loa ana mai a noho paa ma Kahakai Loihi (Long Beach) me kona ohana i hoohala manawa iho ai i ke kau makalii no kekahi mau mahina ekolu.  Aole kona ohana he poe malihini ia Amerika nei; o kana mau keiki ehiku ko lakou nui elima kaikamahine a me elua keiki kane, aia ma Kaleponi Akau ko lakou wahi e poho nei i ke kula, a ua loaa ka hapanui o ko lakou hoonaauao ia ana malaila, a e hoohala mau ana i ko lakou wa hoomaha o ke kau makalii a me ka hooilo ma ko lakou home nani ma Kahakai Loihi.

            O Keoni Ina he Hawaii ponoi oia ma ka hanau ana (hapa pake nae), na hoomaka kona kulana holomua me na ouli laki o ke au o ka manawa, ua pii ae oia mai ke anuu o ka haahaa a kau ana i kaupoku o Hanalei “wahi a ka olelo,” mamuli o kona hooikaika ponoi ana ma ka hana.  Ua hoomaka mua oia e lawelawe i ka hana nana i hoopii ae i kona kulana iluna ma kona noho ana he kakauolelo no ka Hui Mokuahi o P@ka ma, i ka wa e noho ana o T. R. Pok@ka Peresidena o ka hui ia manawa; ua noho paaua oia no 20 makahiki i hala ae nei, a mai ia manawa i hoomnaka ai o Keoni Ina e hoomakaulii i keia mea he huli waiwai ana.  Ua kuai oia i kekahi mau mahele o lo ko o ka hui mokuahi, a ua lilo oia kekahi hoa o ka hui a pela oia i pii liilii ae ai mai ke anuu o lalo a kau ae la ma ke kulana Hope Peresidena no ua hui la, (he elua wale no nae ona makahiki i hoonaauao ia ai ma ke kula o Ahuimanu).

            Mamuli o kona hilinai ia hoohanohano aku la kona noa hui ona miliona iaia ma ka haawi ana i kela kulana kiekie ana e paa nei, he Peresidena Nui no ka hui; ua ike ia oia no hoi kekahi o na hui holomua ma ka puka, i ka wa e mahele ia ai ua pii aku a ka 25 pa keneta ke kiekie no kekahi mau makahiki.  Ua hoomahuahua mau aku o Keoni Ina i kana loaa ma ke kuai ana i keekahi mau apana aina nona ponoi iho, a pela i pii mau ai kona kulana a lilo oia kekahi kanaka waiwai loa o Hawaii.  Ke manao la oia e waiho i ka hana i ke 57 o kona mau makahiki.  He elua ona mau home noho ma Honolulu, me ke koe no o kona mau mahele kuleana iloko o ka hui.  He elua ona mau home nani ma Kaleponi nei, hookahi ma Berkeley kahi o na keiki e hoonaauao ia nei, a hookahi ma Kahakai Loihi; mawaho ae o keia aia he 640 eka aina hanai holoholona e ae ma ke okana aina o Kern a me kekahi mau kula nanai holoholona e ae e pili la ma Kahakai Loihi.

            O kana mau keiki ehiku, he poe puukani ma ka himeni, a he loea ma na mea kani like ole, ka piano, vailina, gita, banjo, a me kahi mau mea kani e ae.  Ua hiki i keia poe kaikamahine ke mele ma na leo like ole, a ke

(E nana ma ka Aoaoa  5.)

 

KINO PAHAOHAO MALOKO O

KA PA ILINA

            Kenosho, Wis, Nov. 24.  He keko i kahiko ia me kekahi papale kapu ulaula ma ke poo a e aahu ana he kuka keokeo ke hele lanakila nei maloko o ka ilina kupapau, na lilo oia he kino hoopahaohao a kekahi poe i manao kuhihewa ai he uhane lapu, a ua kau hoi ko lakou weli nona.  No hookahi pule i hala ae nei he nui na hoike i kamailio ia nokeia kino hookalakupua a kekahi poe i hoohalike ai me he kino ola la no kekahi bebe, a e ike ia ana maloko o ka ilina i ka po, a o kona leo uwe ua like me kekahi bebe pololi.  Ma ka po nei, oiai kekahi mau kaikamahine ekolu i kaalo ae ma keia ilina ua hooweliweli loa ia lakou i ka ike ana aku i kekahi kino kona kanaka e kau ana iluna o ka @.  O kekahi o keia mau kaikamahine nona ka inoa o Matilda Borger, ua lele kona hauli a ua kokoke loa hoi oia e pupule a @ malalo o na malama ana a ke kauko.  I keia la ua hoala ia ae la kekahi puali o na poe huli i keia kino hoopahaohao o ka iliha a ike ia iho la aole ia he uhane lapu, aka, he keko i hoaahu ia @ ko o na kahiko i hoike ia ae nei.  E hoolilo ana hoi i kekahi lua pao i home nona, ua hoao ia na hana e loaa ai oia, aka, aole nae lakou i halawai me na ulia pomaika o ka paa ana o ke keko i ka hopa ia.

 

HOOMAHUAHUA HOU O

BERITANIA I KONA

MAU MOKUKAUA

HOLOMAMA

            Ladana, Nov. 16.  O ka papa kuhikuhi hou no ke kapili ana i mau mokukaua i manao ia no ke ia mua koke aku he iwakalua, ua makaukau ke dala no lakou.  O ko lakou manawa e paa ai ma ka makahiki 1903.  Pii mau no ke Bertania ikaika.