Ke Aloha Aina, Volume VII, Number 49, 7 December 1901 — Page 2

KE ALOHA AINA POANO DEKEMABA 7, 1901

HONOLULU DEC. 7, 1901

 

HALAWAI A NA REPUBLIKA

            Ua malama ia ae ma ka po Poakahi nei, Dec. 2, @e halawai nui e ka Aha Kuwaena o ka aoao Republika, no ka noonoo ana i kekahi mau kumuhana ano nui, aka, aole nae i loaa he holopono i kahi o lakou a hiki i ka hookuu wale ana o na hana oia po.  O kekahi o na kumuhana ano nui loa i lawe ia mai e noonoo, he olelo hoohole ina e hoea io mai ana ka wa e haalele mai ai o Dole i ke kulana kiaaina ana e paa nei alaila, e haawi mai o Peresidena Res vela o Amerika Huipoia na lakou e wae aku i ke kanaka kupono ma ia wahi.  A o ka mea nana i lawe mai i keia olelo hooholo oia no o McCants Stewart, aka, aole nae i hooholo ia a h@@kuu koke na hana oia po, a penei kona heluhelu ana:

            Oiai, eia ke manaoio ia nei e hoe mai ana ka wa e hoohakahaka ia ai ke Keena o Ke Kiaaina ma keia mua aku a

            Oiai, he hana paakiki ke kahea aua i lakawai no keia komite, no ka mea, he kaawale loa ka noho ana o na hoa mail Honolulu aku.

            E hooholoia e ae ia keia komite e koho balota i ke Kiaaina i ka wa e hiki mai ai kona hoohakahaka ia ana.

            E hooholoia, no ka pono o keia komite e hoouna ia aku i leta i ka Peresidena, ma o ke Komite Lahui la, e noi aku ana i ka Peresidena e haawi mai i manawa no keia komite e lohe ai i ka wa e haalele io ai ke Kiaaina, a i ole i ka wa paha e hakahaka ai kekahi keena o ke Teritori.

            He nui na hoa i akoakoa ae ma keia halawai i hoea mai mai na mokupuni mawaho aku neo o Oahu.

            Ua hoopanee ka halawai a noho hou i ke ahiahi Poalua ae.

 

AOLE O DOLE E WAIHO AKU ANA I KONA KULANA

            Ma ka Poakahi nei, ua hoike ae la o Kiaaina Dole, aole he manaolana iloko ona i keia wa e waiho aku i ke kulana kiaaina ana e paa nei, oiai, kona ola kino he maikai.  Aole hoi he oiaio o na olelo e wawa ia nei, o ka mea wale no nana e kono mai ia’u e waiho aku oia ka nawaliwali o ko’u ola kino, aka, no keia mau la he maikai ko’u ola kino.

            Ma keia mau olelo ae la a Dole i hoopauia ai na manao kuhihewa o kekahi poe e walaau hele nei ua kokoke o Dole e haalele aku i kona kulana kiaaina.

 

KA LA WEHE AHAOLELO

            O ka Poakahi iho ia Dekemaba 2, ka la i wehe mai la ka Ahaolelo Nui o Amerika Huipuia no ke kau kanalima-kumama-hiku, aka, aole no nae he mau ea ano nui e hana ia ana maloko o keia mau la a hoomaha hou no elua pule no ka hookuu ana aku i kona mau hoa kau kanawai e hoi aku no ko lakou mau home e hoohala ai i ko lakou la Karisimaka a me Hapenuia, a mahope aku oia manawa e noho hou mai ai lakou e lawelawe i na hana maloko o na Hale Kaukanawai Elua.

            O na mea ano nui a pau e hana ia ana maloko oia mau Hale elua, no ka pono o Hawaii nei e lawe mai ana no makou a huai aku i ke akea no ka pomaikai o ko makou poe heluhelu.  Nolaila, e lawe nui i KE ALOHA AINA i keia makahiki aku ka ipukukui pio ole i ka makani i malamalama ai kou home me na nee ana o ko kakou wahi waa aupuni o keia moa aku.

 

 

UA HULI HOI MAI LA KA MOKUKAUA WISCONSIN

            Ma ke kakahiaka La P@le nei i hekau hou mai ai ka mokukana Wisconsin mawaho o ka nuku o Mamala mai Samoa mai ma kona alahele e huli hoi ana no Amerika Huipuia.  Ua hoea mai no ka Wisconsin ianei he elima ae nei pule i hala e holo ana no Pagopago, Samoa, no ka hoolohe ana i ka hihia o Kiaaina Kaua Tilley i hoopii ia ai no ka ona, aka, mahope nae o kona hookolokolo kanawai koa ia ana mai nei malaila ua ike ia aole loa i ku ka hewa ma kona aoao e hoopai ia oia, nolaila, ua hookuu ia mai oia.

            He elua pule o ke ku ana o ka mokukana Wisconsin ma ke kahua hoolulu o America ma Pagopago, aka, aole nae i loaa he manawa maikai no kona mau kanaka e makaikai ai i ka nani oia aina, no ka mea, he mau la ua loa ia ma Samoa, a o ka mea nae i paakiki loa ai ka lele ana aku o na keiki aukai no uka o ka aina ma o ka laha ana ia o ka ma’i puupuu ulalii iwaena o na luina.

            Ma ha hoike a na aliimoku o Pagopago kekahi o na wahi hoolulu moku maikai loa i loaa ia America.  He wahi taona uuku kona nona ka heluna lahui ma kahi he elua a i ole ekolu haneri, aka, he elua a i ole ekolu no ili keokeo e noho nei malaila mawaho ana o na aliikoa Amerika.  Ua haalele aku ka Wisconsin ia Pagopago ma la 18 o Novemaba no Apia, a noho oia malaila no elua la, aka, aole no nae i hoolele i kona mau kanaka no uka o ka aina. Ma ka la 21 o Novemaba i haalele aku ai oia ia awa a kamoe hou mai la kaua huakai no keia awa.

            Mamuli o ka manao ia aole he hohonu kupono o ke awa no kona komo ana mai e hooili nanahu nolaila, eia no oia ke hoopiha nanahu nei mawaho mai na kao nanahu aku.

 

HE HANA NO KE KUMU O KEIA HUAKAI

            Ua hala aku la maluna o ka mokuahi Alameda o ka Poakolu nei, o Lunakawai George D. Gear i ukali ia e Loio George Davis no Wasinetona.  O ke kumu o keia huakai pupuahulu a keia mau keonimana i ke kapitala o Amerika Huipua he nane huna no ia a na poe o keia kula nakahele e koho aku ai.  Ua hana ia ka laua huakai ma ke kakahiaka no o ka la a ka Alameda e haalele iho ai ia Honolulu nei no Kapaiakiko, a ua lilo hoi ia i mea e hoohikilele ia ai ko laua mau hoaloha.

            O na kohokono ana a kahi poe o keia huakai awiwi a Gear a me Davis no ka ouou ana aku ia H. M Sewall ma kahi o ke kulana kiaaina no Hawaii nei @ na e pau io ana o Dole.  He mau koho wale no keia, aka, mai Wasinetona mai nae e loaa mai ai na hoike oiaio o keia huakai pupua hulu a keia mau ili keokeo.

 

HOLOPONO KA FEA A ME KA LUAU

            O ka fea a me ka paina luau i haawi ia ai ma ka Poaono nei, no pa pomaikai o ka halekula kaikamahine Katolika e kuklu ia nei ma kona kahua mua ma ke alanui Papu, aole ia i halawai me na kuia, aka, o ka holopono o na hana oia ka mea i ike ia mai kona wehe ia ana i ke awakea a hiki i kona hookuu ana ma na hora kulu aumoe oia po.  Ua hoopiha ia ke kahua fea a me luau e na mano kanaka nui hewahewa ie iu ana i ka lakou dala me ka minamina ole ma ke kuai ana i na mea nani o kela a me keia ano e waiho mai ana iluna o na pakaukau malalo o ka noho hookele ana a na le@e eleu.  Ma kahi hoi o ka papaaina luau he piha kanaka okoa malaila e haupa ana i na ono like ole a ka Hawaii i hele a poha kuineki iluna o na pakaukau.  Aole he mau le hoohalahala i lohe ia malaila, a ua ai na mea a paa a lawa.  He papaaina no kekahi o na mea ai haole, a ma@@@e ona ha ono lika ole a ka haole, a ua hoopiha ia ae no hoi ia mau pakaukau e na haole.  O kekahi keia on na fea nui loa i haawi ia ma Honolulu nei, a o ka nui o na loaa aia no ia maluna aku o $3000.

 

E HOOLOHE!

Ua wehe ae nei au he hale kuai Papale hou ma ke alanui Hotele, a Ua makemake au i na mea a pau e he’e ae e nana a wae i kau Papale i makemake ai, he emi ke kumukuai.  Ua hiki no ia makou ke humuhumu i na Papale, ka holoi ana i na Papale kahiko o kela ame keia ano.  He mau waiwai e ae no hoi kekahi a makou e hoolilo aku ana ma ke kukukuai haahaa loa i ike ole ia ma keia kulanakauhale.  Nolaila, e kipa mai i loaa ia oukou na Papale nani.

E. MORIKUCHI ALANUI HOTELE

 

AOHE AHA ELELE I MALAMA IA MA HILO

 

            Ma ka po o ka Poaha, Oct 24, na noho ka halawai a ka Mana Hooko o ka aoao Home Rula Republika maanei a hooholo na na elele o Hamakua, Hilo a me Puna e wae i ka inoa a aka aoao Home Republika e hele balota aku ai ma kahi o ka mea hanohano J. Ewaliko i make.  Aka, o ka apiki nae aole loa i noho he aha elele ma Hilo no ka wae ana i moho hele balota na lakou.  A he hoike maopopo ana mai ia aole he mau elele i koe o keia aoao Home Rula Republika e noho nei ma keia mau apana koho ae la.  O D Ewaliko o Hilo a me J.M. Kauwila o Puna e holo Lunamakaainana nei, aole laua ua keia aha i wae, aka, malalo ponoi no ia o ke noi ana a ko laua mau hoaloha e holo no keia kulana.

            O keia Poalua iho ka la e malama ia keia hoho balota, a he ana naauao na kekahi o keia mau inoa ma ka aoao o ka lahui e hookuu aku i hookahi e holo keu i ka moho Republika, no ka mea, o ko laua holo like ana he mau hana wawahi balota wale no ia e puka mai ai ka moho a na Republika.