Ke Aloha Aina, Volume VIII, Number 3, 18 January 1902 — Page 8

KE ALOHA AINA, POAONO, IANUARI 18, 1902.

 

Mai ka aoao 7 mai.

 

Kuu Aloha i na Pua, Kuu Ipo o na Launahele!

        Ae,- ua paa a makapo maoli no ua moiwahine ia i ka mana o ka pule a keia keikialii a e ike mau ia ana laua mai ka hoomaka ana o keia hulahula makapo (a hiki i ka pau a hookuu ia ana o na lealea) e hoolalao mau ana o laua wale iho no, a o ko laua mau lima hoi e hooheno ana me na wiliau a ke aloha e punuku ia ai ko laua mau ihu a elua.

        O ka hora umikumamalua ponoi o ua po la ka manawa i pau ai na lealea @o ka hoi ana o kela a me keia o na hoa hulahula no ko lakou mau home, a mamua o ka hiki ana mai o ia minute e hookaawale ia ai ke keikialii a me kana moiwahine, ua hoike aku ua keikialii la, ua hiki mai i kona minute e haalele iho ai ia Leisikela Paka Holo a huli hoi aku me ka awiwi no kona home mamua o ke kani ana o ka hora umikumamalua, a ke ole pela, alaila aole laua e halawai hou aku ana ma ia mua aku.

        Ua lilo keia mau olelo a ke keonimana keikialii i mea pahaohao no ka moiwahine, a ala koke mai la iloko ona no hoomanao ana no ka moolelo o Ciniderila a maila o keia paha kekahi oia ano. Nolaila, me na huaolelo kue ole mai ma ka aoao o ua moiwahine la, haliu mai kana nana an amaluna o kona kokoolua a pane mai la.

        I mea e hoomau ia aku ai ko kaua kamaaina ana, alaila, e ike oe ia'u o Miss Lidona ko'u inoa a eia au ma Kalivi hale nei, a o kou hoi owai la kou inoa e kuu keikialii?

        Aole au e hoike koke aku i kuu inoa ia oe i keia po, aka, i ka po au e lohe ai i kuu leo i ke kuluaumoe, alaila, ia wa auanei oe e ike ai i ko'u inoa. Nolaila, i ko kaua wa e hookamaaina hou aku ai e ae mai ia'u e lawe aku ia oe e ike i ka hale kahi au e lohe ai i kuu leo i ke kuluamoe, a o kahi hoi e hooko ia ai o kou makemake i noi mai la e ike i kuu inoa. Ke pono keia noi imua ou, alaila, e hoea ae oe no ka puka pu o Kalivi Hale pa i ka hora 9 ponoi o ka po o ka la apopo, a e hoea mai no hoi au maiaila la manawa like. Nao, e hoomanao e kuu moiwahine adieu.

        Alaila me keia mau olelo a ua keonimana ala haawi mai la ia i ke aloha salura no ka lede, a huli ae la maluna o kona mau kapuai a haalele iho la i kona hoa hulahula e ku ana ma ka puka o ka Holo iaia i nalo a huna ia aku ai iloko a ka pouli me ka hikiwawe a kani koke ae la no hoi ka hora umikumamalua i kela manawa.

        Ua lilo kela haalele ana iho o ke la hoa huia o ka lede Moiwahine a me na olelo a ua keonimana i mea na ua moiwahine e niele ai me kona mau noonoo. E like me ka pohihihi o kona hoea ana mai pela ho me ke pohihihi o kona hala ana aku la.

        Ua hoike a hai aku nei au i ko'u inoa, a oia nae aole ia i hoike mai nei i kona. Apopo ahiahi hora 9 e hui a halawai hou ai maua. Oh mighty heavens who it is my mysterious Prince, and what part of our domain he resided. Ua pau ae la ka hula ke hoi ala kela a me keia me na hoomaikai hope no na haku hale, a me na mahalo akena ana no na paa hulahula makapo o ke ku lana keikialii a me moiwahine, a na na nupepa puka ia Nuhou, Kekake a me Pou i hai ae ma ko lakou mau kolamu i ka oi a me ka ui oia no. Aka, o ka inoa nae o ua mau oi ala a ka nani, aole loa i hiki i ua mau pepa ala ke kaauilo ae, a no kaua e ka mea heluhelu ua loaa pono ka moiwahine ia kaua e like me kana i hoike aku ai imua o ke keikialii, oia hoi, o Miss Lidona ia, a ina o Miss Lidona keia, aole anei o ka ui Silevia no ia. Sua me ka hoopaapaa ole ia o ua ui Silevia Lidona nei no keia moiwahine haaheo o ka hulahula makapo.

        Alaila, owai hoi kela keikialii? He wahi ninau pohikihi po kela oiai, aohe aweawea e hoike mai ana ka hiki ana ke ike owai la oia. Aka koe wale no paha kela po e lohe ia ai ka leo o ua keonimana o ke kulana keikialii e like me kana hoike.

        Nolaila, ua maopopo ae la ia kaua e ka mea heluhelu o Silevia no keia me ke kulana o ka moiwahine Vitoria o Beritania e hoolalao ana i ka makemake a ka manao a me na wiliau aloha a ka lima o ka hulahula makapo. Ua hala a maalo ae la na hauoli ana oia lealea hoohai kino a me ka hoohehelo pihapiha lo e, aka, o na hoomanao ana aole loa ia e poina i na he loea kamailio ia ma na mea kaao o ka poe i huikau like i na lealea o keia po.

        Ua hoea aku kela a me keia o na hoa hula no ko lakou mau home iho iloko o ka luhi maopa i na hana hooponiniua wawae a me ka hoopokakaa kino a iwaena o ia heluna o na poe luhi a maopaopao, o ka ui Silevia kekahi, aka, ua hoomama ia ae na mauluulu o kona mau wawae iaia i ala ae ai ma ke kakahiaka a hoomanao ma ia ahiahi iho ehoea mai ai kona hoa hulahula a lawe aku iaia no kona hale e lohe aku ai i kona leo i ke kuluaumoe. Ua hooikaika loa ia ae na manao o ua ui ala i kona ike ana iho maloko o ka Nuhou e haawi ana o Madame la Barone, ka lede Farani puukani ma ka himeni i ahamele a me na hana keaka ku i ke kaii koi maloko o ka Hale Opera Ladana ma ua ahiahi, ala, a oia ka ua Silevia nei i hoomanao ae ai ilaila paha laua e hele aku ai.

 

 

MOKUNA XXIX.

Ka holokaa o ke Aumoe- Ka Hale Opera Ladana- Ka Paku Pena a ka Noeau.

        O ka hora 9 ponoi ia o ke ahiahi ma ke hoike a ke kuhikuhi hora a me minute o ka uwati a ke kalaiwa kaa, a o ka manawa like hoi a ua kaa ala a me Silevia, i hoea iho ai no ka puka pa, alaila, me na olelo mua o ka hoolauna, aia ua Silevia ala ua kau aku la iluna o ke kaa malalo o na hookipa ana a ke keomana nana na olelo kauoha o ke kono. Alaila, me ka leo kauoha a ke kalaiwa aia ke kaa ke holo puahiohio ala malalo o keia moto- Ka holo kaa o ke aumoe. E owe ana ka huila me ka ikaika, e kani ana ka huila me ka ikaika, e kani ana na puka ihu o ka lio ma ka holo puahiohio ana imua, a ma ka hora 9:30 aia ke kaa ua ku iho la mawaho o kekahi hale nanin a keikei e hoomalamalama ia ana e na tausani kukui, a e haluku ana o loko me na tausani wawae e wawahi a e hehihehi iho ana me na hana kuli o ka mahalo a me ka paipai.

        O ka hale Opera Ladana keia, a o Madame la Barone kela paipai a e hehihehi ia mai la ka lede Farani puukani ma ka himeni wahi a ke keonimana nona ke kaa, me ka lele ana iho ilalo a kokua ia Solevia i ka lele ana aku.

        Hauoli loa au i kou lawe ana mai nei ia'u i keia wahi, ua ike au i ka Madame la Barone hoolaha ma keia kakahiaka maloko o ka nupepa Nuhou, a ke hauoli nui nei au e ike a e lohe iaia, i pane mai ai o Silevia.

 

 

HE MOOLELO WALOHIA

-:NO NA:-

KEIKI O ABE

        Aia ma kahi kokoke i ka papu a na koa e hoolulu ana e ku ana kekahi hale nui nani a kahiko a na poe oia mau la e kapa ana he Abe, o keia hale no ka Dunarita no ia, o na puu kiekie e aneane ana e hoopuni iaia, ua uhipaa ia e na laau, a o ko lakou mau hoopouli ana ua hooanoano aku ia i na paia o ua hale ala.

        O ka haku nona ua hale nei i ke ia wa oia no ka Ela Dunarita nona na la e hoookokoke aku ana ma kela aoao o keia ola kino ana, he elua ona manawa i mare ai me ka iini nui ana hoi iloko o kona puuwai e loaa ona hooilina kane no ka noho haku ana maluna o kona mau waiwai nui hewahewa, he elua manawa o kona halia a me ke kuko ana iloko ona e haawi mai na lani i na kokua ana iaia ma ka hoopomaikai ana mai i kona kihapai me kekahi keikikane, aka, he elua no na manawa ona i hoonele a hoohoka ia mai ai.

        O kana wahine mua ua make oia mahope mai he kaikamahine. Aia ma lalo o ka pulama ana a ua haku wahine ala e noho ana he wahine opio ilihune, a i ka make ana o kona kuleana i noho aku ai, ua haalele iho la oia i ka Abe a hoi aku la no ka home o kona ohana e ku kokoke ana ma keia wahi.

        O ke kaawale ana aku o keia wahine opio na hoomahuahua ae ia i ko ka Ela mau kaumaha a komo mai la na noonoo iloko ona e kikoo aku i ui ala i koolau nona no ke koena aku o na la o kona ola ana. He mea oiaio, i ka aui hope ana ae o kona mau la o ke kanikau a me ke luuluu ua noi aku la oia i ka lima o ka wahine opio, a ua loaa hoi iaia ka lanakila o ka ae ia ana mai.

        Iloko no oia manawa ua lilo ae la ua wahine ilihune aia i haku no ka Abe. E like me kona pii ana ae ma keia kolana oi kelakela ua pii pu ae la me kona mau manao hookeno a haakei a poina ae la na hana aloha a kona haku wahine i haawi mai ai maluna ona i na la i hala aku, a e like me kona hoopoina ana i na hana lokomaikai a kona haku wahine, pela no oia i poina pu ai i ke aloha a pulama ana aku i ka opuu a ua haku ala i waiho iho ai e ike i na inea o keia ao luhi. Ua hoohemahema ia aku oia me ka hoehaeha pu ia, a ua hooi ia ae ia i ka wa i hanau mai ai o kana kaikamahine nona ka inoa Augusta, a oiai aia ka waiwai a pau o ka Ela maluna o Malevina kana kaikamahine i hooilina ia ai, na komo mai la na kuko lokoino o na wahine ala, e hookaawale ae i ke alohao o ka makua a me ke keiki, a e hoea io mai ana no hoi he la e hooko ia ai o keia mau upu ana.

        Mamuli o na hana lokoino a ka makuahine kolea ua kaawale aku na nanaina hauoli mai iaia aku, la o na nanaina o ka luuluu a me ke kaumaha olua na hoina e ike mau ia ana ma ko Malevina helehelna, a i ka wa o ka Ela e ninau aku ai i keia mau hiona kaumaha, e pane mau mai ana o Lede Dunarita na hoea mai ia malalo o kona nuha a me kona hoomauhala, a he nui ae na olelo wahahee a ua wahine ala e epa mau aku ana no ka hewa o ua kaikamahine ala. Aka, o kana kaikamahine ponoi ua loaa iaia ka noho oluolu a hauoli ana, me ke a'o pu ia aku i na kiina e lilo mai ai ke aloha o kona makuakane iaia hookahi wale iho no.

        A iloko o keia noho ana pilihua i ulu ae ai o Malevina he wahine ua a nohea a ka maka e hiaai ai, a ka puuwai hoi e kela a me keia opio o ka aoao oolea e hai malule ai. O Augusta hoi ua ulu pu ae oia he wahine opio ui e hiki ole ai ke kue ia, aka, ma ko laua hookuku ana ae o Malevina no ka helu ekahi o laua.

 

        Eia ke malama nei ka halekuai o L. B. Kerr & Co. he kuai hoemi nui o na kamaa ma ko lakou halekuai kamaa ma alanui Papu.