Ke Aloha Aina, Volume VIII, Number 4, 25 January 1902 — Page 6

KE ALOHA AINA, POAONO, IANUARI 25, 1902

 

NA OIWI I KA AINA MALIHINI

 

            Me ke ku ana mai o ka Pekina i keia Poaono iho nei i loaa mai ai keia mau wahi leka i ko kakou makamaka, a ke hoopuka ia aku nei no ka pomaikai o na hoaloha lehulehu o keia mau oiwi e kaahele la i ke anu o Maleka.

 

LEKA 1.

New York, Jan. 3, 1902

Dear Friend Coelho,

            Me ke aloha:--

            Ua halawai mai au me kau leta me ka mahalo no kou hoomanao ana i lalani hua palapala na kou hoa o neia aina malihini.

            He mau pule neia o makou e apa nei, no ka piha loa o ka Hale Keaka Keith. Aia a ka la 20 alaila makou hana. Ua manao no makou e holo mua i Wahinekona. aka, e pono no makou aia a keaka i neia hale keaka, alaila manao aku na wahi e ae, no ka mea, ina e keaka i keia hale, alaila holomua i na wahi a pau o Amerika nei. Eia no nae kahi mea lapuwale, a ua ano like no me ka iea o ka Pan-Am (Bufalo), no ka mea, e hoomaka ana mai ke awakea a hiki i ke aumoe, me ke keaka a pau ka program alaila hoomaka hou aku a aumoe.

            He oki loa ke Kalikimaka me Hape Nuia o Nu Ioka nei. Aole i like me ko kakou o Honolulu. He oi aku ia mamua o neia wahi.

            Ike Club makou o na loea kaha kii o Nu Ioka nei i ka po Hope Nuia iho nei kahi i haawi ai i ka momona i na lede me na keonimana o ia hui. Ilaila makou i halawai ai me ke kaikuahine o Coney kakau nupepa Buletina. (Kaikamahine a Haalelea) Me kana kane. Nui ka hauole. I ke kani ana o ka hora 12 ua kuku like makou a himeni i ke mele lahui, Hawaii Ponoi, mahope iho ua hoohaia makou i kekahi mau hora ma na hana hoolealea i ke anaina.

            Ua lawa kaua me ke aloha,

            James Kulolio.

 

LEKA 2.

New York, Jan. 3, 1902

Dear Mr. W. J. Coelho,

            Aloha nui kaua:--

            Ua launa mai au me kau leta, a ua heluhelu iho i na manao a pau.

            Nui no ke aloha o ka Haku ia oukou, i ka malama ana me ke kiai ana mai i ko oukou huakai hoi ka home.

            He maikai ko makou ola kino a pau, aole omaimai. Aole a makou hana e noho nei. O ka makou hana e noho nei. O ka makou hana ana no i ka pule mau o keia mahina, a eia makou ke noho wale nei, a i ka la 20 i keia mahina makou e hana ai i olelo a Ki@iaila." Ke ike wale aku hoi i ko'u ohana a me na hoaloha. e haawi i ko'u aloha a nui loa.

            Ua pai iho nei au ia Lei Awapuhi, a i ka la 15 ae nei e paa ai. He 500 kope. E pa'i pu aku ana au ia "Eo e ka Ua Kanilehua" a me kuu himeni hou loa, "Onaona i ka Maka ke ike aku." Aia a makaukau na kope, hoouna aku au na ko kaua mau hoa hoohenoheno o ke kulu aumoe e uhene iho ma na pila kaulana o ka aina o kaua.

            E aloha aku i na hoa aukai o kaua a me na hoaloha. Ke aloha pu aku nei na oiwi o kaua maanei ia oukou a pau loa.

            Owau no me ka oiaio,

            Kou hoa luhi,

            Mekia.

 

LEKA 3.

Charelston, S. C., Ian. 2 1902

            Aloha kakou a nui loa:--

            Ua nui ae nei na ia o ko kakou kaawale ana, akahi no a lana mai ka manao e kau leka aku nau.

            Eia no makou ke hana nei iloko o ke kulanakauhale o Kalekona nei. Aohe iloko o ke kahua hoikeike. Aohe waiwai o loko o laila, no keia kumu, aohe nui o na wahi kanaka e komo nei iloko. Ua nui loa ka pilikia o ka poe hui. Laki loa ke loaa i ka la hookahi he $25. No ia kumu, ua hoao ia e hemo wale ka puka, aohe no nae he komo ia. No makou iho, aohe o makou pilikia, oiai, eia makou i waho nei. He noho maikai makou e like no me ko kakou noho ana i Buffalo, i ka malama i ka haipule.

            Ua malama iho la makou i ka halawai i ka po ia ekahi iho nei o Ian. 1902. Hoomaka na hana ma ia po, ma ka pule ana a kahi elemakule a kaou. Pau keia, himeni makou ma ke mele ana ia Hawaii Ponoi. Ia makou i hoomaka ai i keia mele, ua hiolo mai na waimaka i kela a me keia. Hu mai la ke aloha no ka aina, a me oukou pu kekahi. Pau keia, hoomaka o Joe Puni e haiolelo mai e pili ana no ka makahiki i hala. Hai mai oia i na mea e pili ana i ko kakou manawa e noho ana i Buffalo, no ia humu, ua nui loa ke uwe o na keiki, a me a'u pu kekahi. A hiki ole ia Puni ke kamailio iho, mahope iho o keia, ua malama makou he wahi piani mea ono a me ona wahi paina mea ono a me ona wahi kope. Ia manawa ua haawi ae ia makou i ekolu huro no oukou a no makou pu hoi kekahi Ekolu no na kaike i New York. Ua noho iho la makou e hoonuu i na wahi mea i hoomakaukau ia. I kahi ia mai, @a hele makou i ka pule i ka Y.M.C.A. o na hale, a ua nui ko lakou hauoli no makou i ka ike maka ana i na hele e wehe ahamele no ka pono o kekahi halepule, a ua ae aku makou, a eia makou ke hana nei.

            Ua lawa kana maanei me ke aloha a nui loa ia oe. A hai aku wau i na mea hou o Kalekona nei.

            James Haiku

            324 Meeting Street,

            Charleston, S. C.

 

LEKA 4.

Charelston, Jan. 2, 1902

Mr. W.J. Coelho,

            Aloha kaua a nui loa.

            Ua loaa mai kau leta ia'u me ke aloha. I kuu ike ana i kau leta, ua kaumaha ko'u noonoo a ua kulu pu iho kuu waimaka no ke aloha ia oukou a me ka aina.

            I ke makahiki hou hora 12, ua haipule makou a pau loa. Na Makee i pule. O Hawaii Ponoi ka makou himeni i mele ai no ka makahiki hou. Pau makou i ka uwe no ke aloha i ka aina. Aole no i nui ka makou mau wahi mea o ka makahiki hou. He wahi kope me ka mea ono. Aohe no hoi a makou wahi puaa me ka poi. Minamina i ka loaa ole ana oia mau mea i anei. E hoomanawanui no makou i ka ono ia mau mea, oia hoi ka puaa, kukui me ka poi.

            Aole makou maloko o ke kahua hoikeike. He hoikeike no ka makou mawaho nei, aia ma ke alanui King. O King St. ke alanui nui o keia wahi. Ua pomaikai makou i ke komo ole ana maloko o ke iea o Charleston nei. Aohe nui o na kanaka e komo nei iloko. He uuku loa i kekahi wa he 50 no, a i kahi wa he ole loa no. Ua pau loa ka poe "Waha a" i ka neo i keia wahi. O makou wale iho no ka poe e ohi wahi dala nei. He like no ka makou papa hoonohonoho me ka kakou i Buffalo ai, kahi a kakou e hoomanao mau ai.

            He oluolu maikai no makou a pau. Ke aloha aku nei na keikekane me na kaikamahine ia oukou a pau loa.

            E oluolu hoi e hoouna mai i mau wahi pepa Hawaii na makou me na pepa haole. E hoike mai no hoi i na mea hou a pau o Honolulu.

            He maikai no kahi elemakule a me kahi keiki uuku, me Kaluna.

            He loaa mau mai no ka'u wahi leka a ka Brother Alohikea, a pela e maopopo mau ai ia makou ko iakou kaahele ana.

            I ko makou haalele ana ia Buffalo, na hele mai makou na aikane a kakou a pau loa e ike ia makou i ke depot. Nui ko lakou uwe ia makou. Pela no hoi makou a pau loa. Nui no ke aloha ia lakou. Ua kukulu wahi hui o ka inoa: "Buffalo Haawaiian Club" He wahi ano ole loa o Charleston nei. Nui ka poe @anako o keia wahi.

            He holopono no ka makou wahi hana maanei.

            Ua lawa paha kana maanei. E oluolu e haawi aku i ko'u aloha ia Ben Keawe, a i na hoa Hawaii a pau loa i alo pu ai i ke anu o Buffalo.

            Me ke aloha nui loa ia oe,

            Kou oiaio,

            Geo. Kia Nahaolelua

            324 Meeting St.

            Charleston, S C

            [Nui ka hauoli me ka mahalo pu i na keiki e noho mai la i Kaletona no ke lakou mau hoomanao ana i ko lakou puukalahala e ola mau loa ai. He hana maikai loa keia a e hoomanao mau e na oiwi i ka aina malihini, o ka hana wale no ia e kau mai ai o ke aloha o Iehova maluna o kakou a pau. L.H.]

 

O KA MAX KA MAKU I HOOKUI AI ME KA WALLA WALLA.

 

            Kapalakiko, Jan. 6. Me ka laau ihu a me ka ihu i ulepe pu ia, o ka maku kalepa Farani Max nana i hoihoi aku i ka Waila Walla Walla no lalo o ka papaku o ka moana, ua kolo ia mai la oia no loko nei o ke awa e na mokuahi Acme a me McCulloch ma ka po nei.

            Wahi a ka hoike a ke kapena o ka moku kalepa Max. O na kukui hoailona a pau o ka Max e a ana lakou me ka moakaka a na ike aku makou i ka mokuahi he manawa loihi manua o ka hookui ana. Ua hooko ia na rula a pau o ka oihana holo moana no ka hoopakele ana ae i ka hookui ana, Aka, ua hiki ole nae ia'u ke pale aku. E holo ana ka Max ma kona alahele ma na manawa a pau a ka mokuahi e hookokoke mai ana, a i kona wa e hoao ana e holo ae mamua o makou i kamumu aku ai ka ihu o ko makou moku iloko ona.

            O ka moku kalepa Farani Max na ba@@ele aku oia ia Glasgowa he 120 la ma ka moana i kona wa hookui ai me ka Walla Walla, a e holo mai ana hoi oia no keia awa. O ka nui o na ola o kamokuahi Walla Walla i hoomaopopo ia ua ale ia aku e ka opu lokoino o ka moana ma kahi no ia o 40 ohua a me lui@n.

 

            Ua hoopanee ia ke kudala ana i ka aina o Mrs. Arnold a i keia Poano.

            Eia ke malama nei ka halekuai o L. B. Kerr & Co. he kuai hoemi nui o na lole koena. He kuai nui keia i ike mua ole ia, nolaila he mea pono i na mea a pau k@