Ke Aloha Aina, Volume VIII, Number 4, 25 January 1902 — Page 7

KE ALOHA AINA

 

POAONO, IANUARI 25, 1902

 

MOOLELO HOONI PUUWAI

NO

Kuu Aloha i na Pua, Kuu

Ipo o na Launahele!

 

Ka Makaikiu Kupaianaha!

 

MOKUNA XXIX.

Ka Holokaa o ke Aumoe—Ka Hale Opera Ladana—Ka Paku Pena a ka Noeau

 

            O ka hale Opera Ladana keia, a o Madame la Barone kela paipai a e hehihehi ia mai la ka lede Farani puukani ma ka himeni wahi a ke keonimana no@a ke kaa, me ka lele ana iho ila@o a kokua ia Silevia i ka lele ana aku.

 

            Hauoli loa au i kou lawe ana mai nei ia’u i keia wahi, ua ike au i ka Madame la Barone hoolaha ma keia kakahiaka maloko o ka nupepa Nuhou, a ke hauoli nui nei au e ike a e lohe iaia, i pane mai ai o Silevia.

 

            Alaila, me na kuikui lima ana komo aku la laua no loko o ka hale Opera a maloko o ke keena holowaa i hookaawale ia malaila laua i haalele ia iho a@ e ka mea hookipa me ke kunou ana mai a puka aku la iwaho.

 

            Aia imua o na maka o Silevia e uhola mai ana ka nani hoohiluhilu o ua Hale Opera Ladana ala, a o kona mau wai kinohinohi ke hulali anapanapa mai la imua o ka malamalama o na kukui, a ma na wahi a pau a ko Silevia mau maka e kilohi ae ai, auwe he nani wale no a ka naau e hoohihi ai.  Ke ike pu ala na maka o ua Silevia nei i na tausani kanaka e nonoho ana a haliu ko lakou mau alo no luna o ke kahua kahi a ka loea keaka a puukani mele e hoea mai ai.

 

            Ma ke alo iho o kahi e keaka ia ai aia he paku nani i pena noeau ia e ka hulu a ke kanaka a lima noeau ma ia hana e hewa ole ai ke olelo ae aohe nani i koe ma ka paia poiuiu lani a me ka honua poepoe palahalaha i nele ke kau ole o kona mau kahoaka maluna o ua paku la. Aka o ka mea kupaianaha nae, o keia mau nani a pau a ko Silevia maka e ike nei ua hiki ke olelo ia he maka no ka maka he ihu no me ka ihu, aka, aole nae he ike, aole hoi he honi, a nele loa hoi no ka leo o ke kanaka e noho pu nei me ia a me ka ike ana i kona mau helehelena.  Ae, ma kela mau nani ae la a pau, ua ike ua Silevia nei a ua lohe hoi i na mea e kamailio ia ana aka, no na helehelena o keia kanaka aole loa e hiki iaia ke ike a hoomaopopo iho owai la oia, a @ki loa aku hoi i kona leo. 

 

            Alaila, no ke aha mai na kumu @ kona ike ole a hoomaopopo i na helehelena o keia kanaka?

 

            Aia he paku pena o ka noeau a me ka @aauao o ke kanaka i hana ai, a ke nana aku i ua paku pena al@ i hapala ia iluna o ka il@ o ke kanaka, ua hiki no ke olelo ia ae aole loa oe e ike iaia i na ua kamahina mua no oe iaia, a ua kuliu ma, oli no me ka naauao ka hana ia ana o ua paku ala me ka wai hoomaloo a hoopipili. 

 

            Oiai ka @i Silevia e hoonuu ana na maka i ka nani like ole o ka hale Opera, ia wa i hone malie ae ai ka leo o ka pila me ka nahenahe loa a pii pu ae @a hoi ka paku iluna me ka malie me he la e lawe ia aku ana ka lani a me ka honua iluna a @alo aku i ke ao ike ole ia ma kela huli aku oke ao mau loa.

 

            He haluku o ka hehihehi a me ka paipai na mea i wawahi iho iluna o ka Papahele a hoonalowale iho i kela mau leo melodia nahenahe e hoene ae la me ke anoano eehia, a i ka wa i nalo aku ai o ka paku iloko o ka lewa ia wa i olii mai ai o Madame la Berone me kona aahu i hihimanu me na mea hoonani, a o ke keaka a me ka moolelo ana i wehe mai ai oia no Ka Leta Ehaeha (The Fatal Letters.)

 

            He nani a me ka mikololohua na olelo ma ka hoomaka ana.  He walohia hoi a me ke ku maoli no i ke aloha na hookaau ana ma ka hapawaena.  Aka, ma ke hope a me ka hopena he luuluu a me ke kaumana, he ehaeha me ka mainoino na hana @u a ke aloha.

 

            I kela a me keia mahele aia ka leo o ua puukan@ Farani ala e pii ana mai ka haahaa aku o na la opio e omaka ae ana o ke aloha e ulu, a i ke kiekie waena loa o ka hauoli, alaila, mai kela kiekie waena mai ua iho malie aku la oia @ko ana ma kela huli ma o a hiki i ka haule loa ana iloko o ka haahaa, ka luuluu, ke kaumaha a me ka ehaeha iloko o ka walohia, alaila, haawi mai la i ke aloha imua o ke anaina e haawi aku la i na paipai a me ka hehihehi ana, oiai, kela paku pena o ka noeau o na kahoaka lani a me ka honua e iho iho ana e huna i ua puu kani ala mai ka ike ana aku a na maka o ke anaina.

 

            O ka mahalo ana i ka nani, ka maikai o ka moolelo a me ka leo o Madame la Barone, oia na mea paa naau i na lehelehe o ka ui Silevia, aka, ma kahi n@e o ka ehaeha o ka moolelo, ua hoike mai no na helehelena o ua ui ala i ke kaumaha a me ka ehaeha, me he la ua ala mai iloko o kona mau hoomanao ana na la aku i hala ana e noho ana me kana kane me Ailika Lema, a oia ka ua ui nei i hoomaoe ae ai i kona kokoolua no ua moolelo ala.

 

            Ae, e kuu moiwahine, he wahi moolelo kupaianaha io no keia i mahele ia iloko o na anuu like ole ekolu, aka he hookahi no apo o ke aloha.  Alaila, ua hoopohihihi ia a@ei oe @ k@la wahi moolelo, a i ole o @o an@i kekahi i loaa i na haawina kamahao a me ke kupaianaha o ke@a moolelo?  Wahi a ke keonimana kokoolua o Silevia @ ninau mai ai. 

 

            Ae e kuu makamaka maikai owau kekahi i loaa a @ ike i na haawina kamahao e like me kela moolelo i hoikela mai nei, a o na mea a pau i hai ia mai nei ua like loa ia me na mea i loaa ia’u, wahi a ka ui Silevia.

 

            Alaila e kuu moiwahine maikai pehea @a oe @a e hoea mai ana ua aloha nei au a nonoi mai imua ou no na hui ka@a ana aku, a kono mai e uhoi pu hou ae olua iloko o ke aloha e ae ana anei oe @ hooko@ like me na olelo o kela moolelo a i ole e hoole aku ana paha oe?

 

            Alia au e hoike aku i ka’u mau hooia ana a ko’u manao a lohe mua au i kou inoa e like me kau ihoike mua mai ai ia’u ma ka po nei, a malia paha me kau mau hoonaauao ana mai e paakiki mau ai no wau ma ka’u olelo mua, alaila, ua loaa ih@ la he hewa wahahee a hoopunipuni no’u imua o na lani.  Nolaila, e kali oe i ka lohe ana i ka’u haina a hiki mai ua po ala, wahi a Silevia me ka aui ana ae a nana aku @a imua o ka awai kahi a ka wahine keaka e hoea hou mai ai, oiai, ke hoike mai la ka leo hoene o ka pila a me ka paku e pii ala i ka lewa eia ae ua puukani nei a hoea mai.

 

            Emoole aia ka leo o ka pila ua hoomaha iho la, o na nakeke a me na hoohalulu ana a ke anaina ua meha pu iho la ia, no ka mea, a@a ua puukani ala ke ku lahalaha mai la iluna o ka awai me kona paikini hou i anoe ae i ka aahu mua, a o ka moolelo a ua wahine ala i keaka a hoike mai ai oia no Kuu Puuwai (My Heart).

 

            Ma keia moolelo ua loihi ka manawa a ua Madame Barone nei i hoike mai ai ma ka helu papa ana i na ano iloko o ka puuwai o ke kanaka a me na mele i pili pono ia mau ano puuwai.  Aka, he hookahi no nae puuwai i oi ae ke pookela mamua o na puuwai a pau oia ka puuwai i piha me ke aloha laahia.

 

            Ma ia puuwai e hoike ana ke kane a me ka wahine i ka laahia ana o ko laua aloha me ka oiaio o kahi me kekahi, a me ke aweawea pili paa o ka noho ana ohana, lahui, mamo a me ka hanauna o na hanauna.  Alaila, i ka hopena o na hana keaka ana a ua Madame la Barone nei, ua waiho mai la ia i ka ninau paakiki loa imua o ke anaina no ko lakou pane ana aku owai la iwaena o kela a me keia o lakou i loaa na puuwai i hoikeia ae la.

 

            Alaila, pehea kela anaina @ aa ana anei lakou e ku ae a hoike aku oia ka mea i loaa me ka puuwai ua ho@, a olelo ao hoi kahi he puuwai ma ua kona, a pela aku?  Aole loa.

 

            Alaila mahope o kela mau ninau @pa a Madame la Barone, ua himeni mai la oia ia “Ke Aloha Wela” iloko o ka nani, ka nahenahe a me ka maemae, e pii ana iluna lilo, alaila, iho mai la ilalo me ka malie, a hoo kuu aku la ka leo me ke kani moakaka, iloko o na leo mahalo e haehae ana ma kela paia a me keia paia i ka paku e iho awiwi iho ana e hupa aku i ua puukani Farani ala mai ke anaina aku, a poha koke mai la ka leo o ka bana e kaiehu ana i ka lehulehu me ke mele lahui E Ola ka Moiwahine i ke Akua, a ma ka waha o kela a me keia i hele mai e ike i na hana hoohauoli a hoopoluluhi noonoo a ua madame Farani ala, he hookahi wale no hua olelo he mahalo a me ka hoomaikai. 

 

            Aole i pau.

 

 

HELUNA LAHUI O AMERIKA.

 

            Wasinetona, Ian. 7.  I keia la i hoopuka ae ai ke Keena Helu Kanaka i kana hoike piha no ka heluna lahui o Amerika holookoa i ka makahiki 1900; maloko hoi oia heluna ua pakui pu ia aku na panalaau a pau a Amerika e noho hoomalu nei, nona ka heluna 84,233,067.  A penei ka mahele ia ana.  No Amerika Huipula wale iho no he 75,994,575; Pilipine, 6,961,339; Porto Rico, 350,243; Hawaii, 154,001; Alaska, 63,592; Guama, 9000; Samoa Amerika, 6,100; na kanaka iloko o ka oihana kaua aina a me kaua moana, 91,219.

 

 

HOAHU E MALAMA IKE DALA

HEAHA NA KUMU?

 

1. Aole makou e koi aku ana ia oe e uhai i kau dala.

 

2. E haawi ana makou i kekahi alahele palekana e hiki ai ke hoopuka puka a loaa ke dala mamuli o ka hoohui i na huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

 

3. Aia iloko o keia Hui na mahele hoopomaikai o na ano apau o na Hui Hoahu Panihakahak a me na Banako Hoahu Dala, a e kaupale ana i na mahele kupono ole o kekahi o ia mau hui.

 

4. O ka nui o na makahiki a me ka oi hana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

 

5. No ka mea, e haawi ana i ka mea ilihune a me ka mea waiwai manawa kupono e hookaawale ai i mau wahi dala me ka loaa o ka huina pa ke n@ta ukupanee oi o ka mahuahua.

 

6. No ka mea, ke hoahu oe me k@’a Hui, ke kuai nei oe a loaa ia oe ka waiwai malalo o ke kahua hoahu liilii.

 

7.  No ka mea, aole oihana hoopukapuka i ikeia i oi aku ka pomaikai ma mua o kela.  E kaukau mai i na hoa kaka piha.  E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai

 

            E makaala i na Lahui E @ hana like nei i kela @ana like.  E malama i kau dala ma kou home a hookomo mai iloko o ka

 

            HUI HAWAIIAN REALTY A ME MATURITY KAUPALENAIA.

            McIntyre Hale kihi o na Alanui Papu a me Moi. Rumi 3 a me 4, Pahu Leta 262.