Ke Aloha Aina, Volume VIII, Number 5, 1 February 1902 — Page 8

KE ALOHA AINA

POAONO, FEBERUARI 1, 1902

 

MOOLELO HOONI PUUWAI

NO

Kuu Aloha I na Pua, Kuu

Ipo o na Launahele!

 

Ka Makaikiu Kupaianaha!

MOKUNA XXIX.

Ka Holokaa o ke Aumoe        Ka Hale Opera Ladana           Ka Paku Pena a ka Noeau.

            O ka ui Silevia ua hemo aku la laua me kona hoaloha kane a kau aku la maluna o ko laua kaa, alaila, na ke kalaiwa aku la ka nana ma ke kaohi hoomalo ana I na kaula laina o kona lio, a owe aku la ka huila me ka ikaika a kela a me keia kanaka helewawae e haawi ai I na makaala ana o ka hoopakele iaia iho mai ka hehi ia ana e na wawae lio e holo aku ana a holo mai.  Emoole aia ua kaa holo pupule nei o ke kulu aumoe ua maalo aku la ma kela aoao o ka uapo Lanada kahi hoi a ka ui Silevia I ano hikilele ae ai, ua hoomau aku ke kaa I ka holo ana imua, alaila, ua huli hou me kekahi kihi, a he ma n@awa pokole mealo hou ae la ua kaa nei maluna o ka uapo o Ladana a I ke kaa ana aku ma kekahi aoao na hoemi iki mai la ke kalaiwa I ka holo paukiki ana o kona lio, a ia wa I lohe ia aku ai ka uwati o ke towers Ladana I ke kanike ana mai I ka hora 11 o ke aumoe, a ia wa I pane se ai o Silevia.  Hora 11 keia a eia la kaua ihea e hele nei?

            Eia kaua ma kea la huli hoi no kou home e kuu moiwahine a o Miss Lidena hoi, mahope iho o ka hala ana ae la o kekahi mau minute o keia holokaa aumoe ana a kaua.  Aka, e kala mai ia`u e kuu moiwahine ina ua hala loa keia hele ana a kaua mawaho o ka palena kupono?

            A`ole e kuu makamaka maikai, aole kaua I hala aku mawaho o na rula hookeonimana.  Aka, ke hauoli nei nae au no ko kaua alahele o ka huli hou, wahi a Silevia.

Me keia pane a Silevia e ike ia iho ai ke kuhihewa nui o ua ui ala I olelo ia he kupaa a me ka paakiki no ka mea, ua maopopo no iaia me ka hoohewahewa ole aole loa he kuleana no kekahi wahine I mare ia e hele pu ai me kekahi kanaka I malihini a I ike oleia kona mau ano eia e loaa ai na nema ia ana mai e ka lehulehu I ike iaia.

            Nolaila, I ka hookuu ana aku I ua mau makamaka maikai nei o ka holokaa o ke aumoe mai na nunui leo ana a I ka nanahe malie loa, alaila, e ike ia no aia ka laua mau hookaau olelo ana no na keaka I moolelo ia mai ia po, a iloko oia mau hoohali olelo ana, aia laua ke komo liilii aku la iloko o ke nenelu o na olelo e hooheno ana kahi I kekahi, a iloko oia kulana wilau holokaa nei o ke aumoe, aia lakou ua maalo ae la mawaho o ka pa o ke Kakela Danekota, a ia wa I puoho ae ai ka leo auwe o ka puiwa o ka lede Silevia a kulana mai ia oia ihope o ke kaa me @he la ua lapu a I ole ua ike aku paha oia I kekahi kepolo, a oia ka ke keonimana hoahele o na Silevia nei I haawi iho ai I kani mau ninau me ka awiwi, a o ka pane a Silevia e awiwi aku ke kaa imua.

            E kuu moiwahine heaha keia ou@ wahi a ke keonimana I ninau hou iho ai I ka wa I hala hope aku ai o ke Kakela Danekota.  Ua puiwa a hikilele anei oe no keia kakela?

            Aie e kuu makamaka, o ka hale kakela o ke kanaka a`u-I kahamaha koke iho ai o Silevia me ka leo liilii.

            Ah ke ike ala au o Haku Danekota kau-

            Huss! Silence? I kahamaha koke aku ai o Silevia I na olelo a kona kokoolua.

 

 

HE MOOLELO WALOHIA

NO NA:

KEIKI O ABE

            O Fitizilana iloko o keia po o ka aha hulahula e malamala nei, aia no oia iloko o kona mau la o ke kanaka ui, a he mea oiaio oia hookah wale iho no ka maoli huapala o ua po ala e hai malule ai na ulu I ka wekiu.

            O ka hula mua loa ia a o ka hope loa hoi I malama ia mawaena o Malevina a me Fitizilana ma ia po, no ka mea, I ka hoomaha ana oia hula, ua hao aku la na lima o uahi lilo o Fitizilana ma ko Augusta pili aoao, a aole hoi he wa maikai no ua mau opua hiki ahiahi nei I hui a halawai hou ai no ke koena o na lealea oia po.

            Aka, iloko o keia mau akeakea e alai nei ma kea lo o Etizilana aia no kona mau onohi ike ke imi a ke hookolo la mahope o ka meheu o ka na mea I hiaai nui ai.

            Mahope iho o ua po ala ua kipa a hoolauna mau aku la o Fitizilana ua Abe ala, aka, o Augusta wale no nae ka mea e halawai mau ana me ia, a oiai, ua hookuu laelae ia aku o Augusta e kona makuahine e hana I kona mau makemake a pau me ke keakea ole ia ua nui a lehulehu kona mau hoaloha o ke pakaua e kipa mau aku ana e ike iaia.  No Lede Malevina he kakaikahi loa kona wae hoea aku ai imua o na anaina hooluana o keia ano, a o kana hana mau oia no ka heluhelu ana imua o kona makuakane I na mea hou o na ano like ole, a ke loaa ole oia malaila aia no oia maloko o kona keena kahi I lawelawe ai I kana mau mea hana punahele, aka, I nele loa oia ma keia wahi, alaila, aia oia ma ua lae kahakai e hoolono ana I ka leo hoene o ke kai iaia e popoi mai ai no luna o na puu pohaku, a mailaila a pahee loa aku ana oia no kahi o na kanaka no ka hoolohe ana I ka moolelo walohia e pili ana I kona makuahine maikai I hala mua aku I ka make.  E ike ia aku ana na waimaka o ke aloha makua e hiolo mai ana mai kona mau lihilihi, a o kea no iho la ia o ko Malevina hoohala ana I keia mau la o kona ola.

            A I kekahi kakania@ a Fitizila lana I kipa aku ai I ka Abe, aia hoi ua hoohikilele ia oia I ka ike ana aku e kau ana ma ka paia o ka rumi hooikeike he elua mau kii pena nani o na kaikamahine o ka Eia, hana maiau ia e ka hulu pena a kekahi kanaka pena kii Akamai loa malalo o ke kauoho @a na Eia aia, a ma ia kakahiaka no hoi I kau ia ai ma ka rumi hoikeike.

            O ke kii mua I halawaimai me ke Fitizalana mau maka oia no ka oiwi nani o ka lede Augusta e hili nei ana iluna o kekahi noho koki ua kahiko ia oia iloko o kekahi aahu hihiu@ loa I hoea aku kona mau kuu welu ana iluna o ka paphele, e ike ia aku ana na keiki cupida liilii e peahi ana I kona mau oho uliu I lipolipo, a e lu pu ana hoi I na pua rose maluna o ka uluna o ua ui aia.

            O ka lua o ke kii a ka onohi ike o ke koa opio I haule aku ai oia no na nanaina haaheo o ka lede Male vina@, aole he mau aahu nani e kahi ko ana maluna ona, aka, o ka aahu o ka makaainana haahaa oia n aka hiko a ke kii e hoike mai ana, a maluna o kekahi wahi kipapali e hoouliuli ia ana e na mauu e hilinai ana ua ui ala, o kona mau wawae e hoopulu ia ana e ka wai o kekahi wahi auwai e kahe ana, a ma a aoao o kekahi kumulaau kahiko e aoao o kekahi kumulaau kahiko e moe ana kana ilio, nona na lala e hihipea ana maluna ae ona, a ma na hiohiona a ua ui ala e hoike ana me he la, e hoohala ana oia I kekahi mau hora ikiiki o ke awakea.

            He nani a he ui maoli keia kii a`u e ike nei, wahi a Fitizalana I puana malie ae ai.

 

Wm. RINGER

            Eia au imua o oukou e o`u mau hoa lahui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole@, wai momona, paka Hawaii o Kailua Kona paka ona, a peia me na Opelu m@loo.  Ua hiki ia`u ke hoolawa I na makemake o`u mau hoa hanau o na mokupuni.  E loaa no au ma alanui Muiliwai, kokoke I alanui Kukui.  P.O. Box 483.

PHOTOGRAPHER

Alanui Papu.

He emi loa ke paikii ana ma kahi o Wiliama, e loaa no na KIINANI mai ke 4.00 aku o ke kakini.

Jan 7

 

HOAHU E MALAMA IKE DALA

HEAHA NA KUMU?

1.        Aole makou e koi aku ana ia oe e uhei I kau dala.

2.       E haawi ana makou I kekahi alahele palekana e hiki ai ke hoopukapuka a loaa ke dala mamuli o ka hoohui I na huina liilii I kela a me keia mahina, a mamuli o ia mea, e koe ana he huina dala mai ka hoolilo ia me kekahi ano e ae, a e loaa ole ana ia oe kekahi wahi pomaikai mai loko mai oia mea.

3.       Aia iloko o keia Hui na mahele hoopomaikai o na ano apau o na Hui Hoahu Panihakahak@ a me na Banako Hoahu Dala a e kaupale ana I na mahele kupono ole o kekahi o ia mau hui.

4.       O ka nui o na makahiki a me ka oihana a hana a ka mea hoahu, aoio loa ia he kumu hoanoe a hoololi, no kea inea, ua hiki i na kane, na wahie, a me na keiki ke lilo I poe hoahu.

5.       No ka mea, e haawi ana i ka mea ilihune a me ka mea waiwai I manawa kupono e hookaawale ai I mau wahi dala me ka loaa o mka huina pa keneta ukupanee oi o ka mahua hua.

6.       No ka mea, ke hoahu oe me keia Hui, ke kuai nei oe a loaa ia oe ka waiwai malalo o ke kahua hoahu liilii.

7.       No ka mea, aole oihana hoopuka puka I ikeia I oi aku ka pomaikai ma mua o keia.  E kakau mai I na hoa kaka piha. E hauoli mau an aka Hui e hoike a e hoakaka piha aku I na mea a pau a me na lawelawe ana ko lota a ke ninau kino ia mai.

 

E makaala I na Lahui E e hana like nei I keia hana like.  E malama I kau dala ma kou home o hookomo mai iloko o ka HUI HAWAIIAN REALTY A ME MATURITY KAUPALENAIA.

McIntyre Hale kihi o na Alanui Papu a me Moi.  Rumi 3 a me 4.  Pahu Leta 262.

 

OLELO HOOLAHA.

            Ke papa a ke hookapu loa ia aku nein a kanaka o na ano a pau, aole lakou e hele maluna o kuo aina e waiho ala me Kalihi Uka no kakou no inoa I kapaia oia o Kapo, Nama hele, Kuaiula. O ka poe a pau e loaa aku ana ia’u a me ko’u mau hope e hele ana maluna o ua mau aina ala mahope o ka puka ana aku o keia hoolaha ma no Nupepa KE ALOHA AINA; e hoopii ia no iako a pau e a’u ke loaa aku la kiu e hele ana aluna o keia mau aina I oleloia.  Ke papa pu ia aku nein a holohulona o na ano like oe aole e hele maluna o keia mau aina I olelo ia, ke ole he palapala mai ia’u aku.  O ka mea e kue ana I keia e hoopii no au ma ke kanawai.  Ua kapu na aina a pau loa ma Kalihi Uka, Honolulu, mokupuni o Oahu.  E hoolohe I keia o na kia auanei.

 

 

GEORGE H. HOLT.

Kapalama, Honolulu, Ianuari 8, 1902

Alfred Williams a me J.J. Williams

He Mau Mea Hana @ii P@h@

            E hana ia no na Kii P@ a pau a e waiho ia aku ana na ka@ha me ka eleu nui a n@ ka emi o ka auhau.       Jan 7

 

OLELO HOOLAHA.

            O na a@e a pau e hana ia ana ma keia mau @n@a o Mrs. SC. Bertelamann a I, ole Mrs. I.H. K@mana, aole loa e @l maluna o`a ke koikoi o ka uku ana aku ia mau ale@,

            MRS. I.H.KAHILINA.

Honolulu, Ian, 13, 1902.