Ke Aloha Aina, Volume VIII, Number 7, 15 February 1902 — Page 7

KE ALOHA AINA, POAONO, FEBERUARI 15, 1902.

MOOLELO HOONI PUUWAI

NO

Kuu Aloha i na Pua, Kuu Ipo o na Launahele!

Ka Makaikiu Kupaianaha!

MOKUNA XXIX.

Ka Holokaa o ke Aumoe-Ka Hale Opera Ladana-Ka Paku Pena a ka Noeau.

            A i ka malamalama hou ana ae o ka hale ho@ookoa, aia ua baritone a me Madame la Bar@ne nei e himeni ana ia Farewell All, a i ka pau ana ua hoomaikai mai keia mea nona ka leo i ke kulu aumoe i ke anaina no ko lakou hoopiha ana aku i ka hale ma ia po, a o na pomaikai a pau i ohi ia no ka pomaikai no ia o na ahahui kokua a pau ma Beretania me ka haawi pu ia i hapakolu o na loaa no Madame @a Barone.

            Alaila, haawi hope mai la ia i ke aloha, a puhi ia ae la ke mele kaulana ma ka lehelehe o kela a me keia kanaka Beritania God save the Queen, a kipaku kaiehu ia aku la kela a me keia e hoi no ko lakou mau home me na huaolelo mahalo a akena no na mea a lakou i lohe ai ma ia @o.

           

MOKUNA XXX.

            Ua Lohe Au i ko Leo- Ua Ike i Kuu Aloha-Ailika Lema! O oe no Ka'u Kane Mare.

            Oiai ke anaina e kipaku ia al@ e ka leo o ka bana, aia ka ohana o Kalivi Hale ua hemo aku la ma ka puka aoao a kali mawaho o ka nuu lanai e iho loa aku ai ilalo o ka honua alanui. Alaila iloko o kela @uhee hohewale o na kanaka i ka hoopalalu wale ia no e ka leo o kela mau ohe kealawe, pehea la hoi keia poe ohana o Kalivi Hale i auhee pu ole aku ai?

            He wahi ninau ano hoopohihihi no keia o ke ano hoomakeaka, aka, ina e makaikai pono ia aku ke kulana kupaa o ua ohana Kalivi nei e ike ia no aia he ekolu wale no mea kino e ku ana ia wa, alaila, auhea iho la hoi ko lakou ha? A owai ua mea ala o kela ohana i nalowale?

            Ina e helu ia ana ma ke ano kahea inoa e like me ke ano rula maa mau e ike ia no o Silevia no ua mea nei i haule hope, a o ke kumu o kona haule hope ana heaha la ia? Ina kaua e ka mea heluhelu e kiai e halo aku ana mai kela ipuka aku no loko o kela keena Opera e hopipi iho la kona nani e nalowale iloko o @a pouli e ike ia no me ka hoohewahewa ole, aia he elua mau mea kino e ku ana he kane a me ka wahine, a o ua mau mea ala, o Silevia no a me ka mea nona ka leo i ke kulu aumoe.

            Aia ma kahi pouliuli loa aku he kanaka e hakilo a e nana mai ana i ka laua mau hana, a oia kanaka e haliu mai ana iloko o ka pouliuli o ka Makaikiu Heneri Beleinehama no ia, alaila, heaha hoi ka hana a keia makaikiu hookalakupua o ke kupaianaha o ka hoea ana mai malaila?

            E ka mea heluhelu. O ka olelo hoolaha e pili ana no ke@a keoni mana o ka leo beritone o kiekie iluna lilo a me ka haahaa loa ilalo, na ia mea i kono a kauoha ia makaikiu Heneri Beleinehama e hoea ae no ka hale Opera Ladana a lohe m@ ka ikemaka no ua puukani ala. I ke mele mua no a ua keonimana nei nona-Kuu leo i ke kuluaumoe, aia hoi, me he puupuu ala i hamare a i paluku ia aku i na maka o ua makaikiu kupaiai aha nei, alaila, o kana huaolelo mua loa o ka puiwa i pane ae ai laia iho.

            Ma o na lani kiekie loa ala a me Akua o Aberahama, aole anei kela beritone o ka leo tenora kiekie o Haku Danekota? Mose Hemolele, o ka leo o ka leo no ia o Haku Danekota, aka, o na helehelena nae he mau helehelena i hoano e ia e ka wai hooluu hookahuli ili. A, e Haku Danekota ua ike au ia oe.

            O keia na olelo a Makaikiu Haneri Belemehama a no ka lua o ka manawa a ua keonimana nei nona ka leo hooheno kaili puuwai o ke kulu aumoe i hosana a i halelu ae ai i kona leo baritone o ke kiekie iluna lilo loa, aia ua makaikiu nei ua ololo aku la me ka palanehe, a mamua o ka haule ana iho o kela paku kupaianaha loa o na lani, aia oia (makaikiu), ua hoea aku la ma ke keena o ka ui Silevia a me ka ohana Kalivi e noho ana, a haawi iloko o na lima o ua ui haaheo aia he wahi apana pepa i kakau ia, a penei na olelo i kahakaha ia a ua Silevia nei heluhelu iho ai me ke akahele loa.

E ka mad@me:-

            O ke@a keonimana nona kela leo tenora a me ka baritone kiekie a me ka haahaa i ke kulu aumoe, aole ia he mea okoa, aka, o ke kanaka no ia i o ia me ka inoa o Ailika Lema, ke kumakaia a haalele wahine, a o Haku Danekota hoi o ka mare wahine lehulehu.

Kou hoaloha,

B. H.

            Aole he minute e ae i loaa ai ia Silevia he puiwa nui a me ka hikilele maloko o kela hale Opera e like iho la me keia minute ana i heluhelu ai i keia leta mai kona hoaloha makaikiu mai, a o ka huaolelo a ua ui Silevia nei iaia iho me ke pihoihoi.

            Auwe, o oe no anei keia e kuu aloha ka mea nona ka leo i ke kuluaumoe a'u i hoohewahewa aku nei?

            Aole loa o'u manaoio i kela, aka, ma ka olelo a kuu hoaloha eia au ke ku nei maluna o ko'u mau kapuai a imi i ka mea humna pohihihi e oihana ia oe. O ka leo o ka leo o ka mea a'u i aloha ai wahi a kuu hoa aloha, aka, o ke kino nae aia he pale uhi e huna ana mai kona ono hi ike aku. O @ani wale kou kapa ana mai ia'u he aloha ole a me ka lokoino, alaila, pehea @a ka hoi oe? O kuu kino nei i mamina mahope ou. O kuu aloha hoi i hahai mahope o kou meheu, a o ka laua makana au i haawi iho ai he lokoino a me ke kumakaia.

            I kela mau huaolelo e namunamu ia ana ma na lehelehe o Silevia aia ka oiwi kino o ka mea nona ka leo i ke kulu aumoe ua saluta a hoomai kai mai la i ke anaina me kona mau hopuna olelo hope loa o ke aloha, alaila, emihope aku la no ka hookaawale ana ae i ke alahele no ka paku kamahao e iho malie iho la ilalo a huna aku iaia mai na maka aku o ke anaina e haluku ala iloko o na leo mahalo a me ka hoomaikai. A i ka wa a ka paku kamahao i pii hou ae ai iluna a nalo iloko o ka lewa, ia wa i hoea hou mai ai ka mea nona na leo mahalo o ke anaina a haawi mai la i na hoomaikai ana alaila, na ka leo hooho o ka bana me ke mele-God save the Queen, i kaiehu a hpokuu aku i kela a me keia e haalele iho i ka hale Opera iloko o ke aluka a me ka huikau e like me na mea i ike mua ia, a o ka oiwi kino hookahi wale no i aa iho e noho iloko o kela mehmeha nui o ka ui Silevia no ia me ka ike a haupu mua ole o ua ai nei o kona hoaloha makaikiu kekahi ma ia kulana like o ka hoololohe mahope.

            Nolaila, i ka minute a ke kane a me ka wahine e aumeume ana me na wiliau kokoia o ka manawa, aia huaolelo a ka ui Silevia ua pae nahenahe aku la iloko o na pahu lohe o ke keonimana nona ka leo hooheno o ke kulu aumoe me keia mau olelo o ke kaii koi. Ua lohe au i ko leo a ke aie nui nei au i ka lokomaikai au i haawi mai ai ia'u a me ko ka Hale o Kalivi i keia po.

            Ke hoomaikai pu @ku nei au no ka hanohano nui au i h@awi mai ai ia'u i keia po ma kou hiki kino ana mai e lohe i ko'u leo i ke kulu au moe, a e hoomanao pu iho e ka lede owau pu kekahi i helu ia ma ia haawina like o ka a@e. Aka, maluna ae o na mea a pau, ke hauoli loa nei kuu uhane, no ka mea, ua hoohanohano loa la mai au i keia po ma ka olelo ana ae. Ua ike au i kuu aloha wahi a ke keonimana.

           

MOKU LAWEKOA THOMAS.

            Ma ke awakea La Pule nei i hoea mai ai ka moku lawekoa Thomas mai Kapalakiko mai me 1501 koa Amerika hou no Manila. Iwaena o keia poe he kakaikahi loa o lakou i ike mua ia Manila, a o ka hapanui he poe no na mokuaina Waena mai, a akahi no hoi lakou a ike ia mea he moana.

 

UA MAKEMAKEIA.

            Kekahi mau Lede Opio no ke kokua ana i na Lede o ke Komite Kuwaena Aferican. E loaa no lakou ma ke alanui Emma, helu 1418. 3t

 

HOAHU E MALAMA IKE DALA

HEAHA NA KUMU?

            1. Aole makou e koi aku ana ia oe e uhai kau dala.

            2. E haawi ana makou i kekahi ala hele palekana e hiki ai ke hoopuka puka a loaa ke dala mamuli o ka hoohui i na huina liilii i kela a me ke@a mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

            3. Aia iloko o keia Hui na mahele hoopomaikai o na ano apau o na Hui Hoahu Panihakahaia a me na Banako Hoahu Dala, a e kaupale ana na mahele kupono ole o kekahi o ia mau hui.

            4. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke ilio i poe hoahu.

            5. No ka mea, e haawi ana i ka mea ilihune a me ka mea waiwai @ manawa kupono e hookaawale ai @ mau wahi dala me ka loaa o ka huina pa keneta ukupanee oi o ka mahuahua.

            6. No ka mea, ke hoahu oe me keia Hui, ke kuai nei oe a loaa ia oe ka waiwai malalo o ke kahua hoahu liilii.

            7. No ka mea, aole oihana hoopukapuka i ikeia i oi aku ka pomaikai ma mua o keia. E kakau mai i na hoa kak@ piha. E hauoli mau ana ka Hu e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

            E makaala i na Lahui E e hana like nei i keia hana like. E malama i kau dala ma kou home a hookomo mai iloko o ka

HUI HAWAIIAN REALTY A ME MATURITY KAUPALENAIA.

            McIntyre Hale kihi o na Alanu Papu a me Moi. Rumi 3 a me 4. Pahu Leta 262.

 

OLELO HOOLAHA.

            Ke papa a ke hookapu loa ia aku nei na kanaka o na ano a pau, aole lakou e hele maluna o kuu aina e waiho ala ma Kalihi Uka no lakou na @@ oa i kapaia oia o Kapo, Namahele, Kuaiula. O ka poe a pau e loaa aku ana ia'u a me ko'u mau hope e hele ana maluna o ua mau aina ala mahope o ka puka ana aku o keia hoolaha ma ka Nupepa KE ALOHA AINA; e hoopii ia no lakou a pau e a'u ke loaa aku la kou e hele ana maluna o keia mau aina i oleloia. Ke papa pu ia aku nei na holoholona o na ano like ole aole e hle maluna o keia mau aina i olelo ia, ke ole he palapala mai ia'u aku. O ka mea e kue ana i keia e hoop@ no au ma ke kanawai. Ua kapu na aina a pau loa ma Kalihi Uka, Honolulu, mokupuni o Oahu. E hoolohe i keia o pilikia auanei.

GEORGE H. HOLT.

Kapalama, Honolulu, Ianuari 8, 1902 2m

 

Alfred Williams a me J J Williams

He Mau Mea Hana Kii Pihi.

E hana ia no ua Kii Pihi a pau e

a waiho ia aku ana na kauoha

me ka eleu nui a me ka emi o

ka auhau.                                             jan 7

 

KAA BAIKIKALA LOAA.

            Ua loaa i ka mea nona ka inoa malalo iho nei he kaa baikikala mahope aku o ka Halekula Kamehameha iloko o ka ulukolu. O ka mea nona keia kaa e kii koke mai ma ke Keena o KE ALOHA AINA me ka uku pu mai i na lilo  o ko'u malama a me ka hoolaha ana. A ka kii ole mai ka mea nona keia kaa iloko o na la he 15 e lilo loa no keia kaa ia'u.

KEAWE NAWAHI

Alanui Kula. Helu 165, Feb. 12. 1902

 

G P Kauimakaole

            He Loio ma ke Kan@wai, a e loaa no wau i ka Uakea o Hana ma M ka@lae, he oluolu ma ke kuka ana.

Makaalae, Ma@ea, Maui.