Ke Aloha Aina, Volume VIII, Number 8, 22 February 1902 — Page 6

KE ALOHA AINA

POANO, FEBERUARI 22, 1902

 

NUI KA POINO O BERITANIA

          Ladana, Feb 6. O ke kena kaua ma keia po ua hoopuka ae la ia he hoike uo ka nui o na poino o na Beritania ma Aferika Hema. A hiki i ka la 31 o Ianuari o ka emi o ka ikaika iwaena o ka oihana kaua ma o ka make a i ole ma ka nalowale ua hoea aku no ia ma kahi he 25,305. A ke hui ia na poino a pau me na poe i hoeha ia e ola nei e hoea aku no ia i ka huina mahuahua o 5,240 alii a me 100,701 kanaka.

          Ladana, Feb. 5. Ua hoouna mai la o Haku Kitchener i keia mau hoike mai Pretoria mai. Ua hoohikilele aku ka puali o Mekia Leader i na kanaka o Kenerala Delarey, a mahope o ka make ana he ehiku Boa ua hopu pio ia he 131 o lakou, aole nui o ka poino ma ka aoao o na Beritania.

          O na Beritania e uhai la ia Kenerala Dewet ua halawai lakou me na ulia pomaikai a o ka pukuniahi hope loa a Dewet ua lilo mai ia i na Beritania me ka make ana o Kapena Wessels kekahi o na alakai hopo ole o na Boa.

 

KA MOKUKAUA PHAETON

          Ma ke kakahiaka Poakahi nei i hoea mai ai ka mokukana Beritania Phaeton a makou i hoike mua aku ai ma kona alahele huli i kekahi o kona mau hoa aukai i manao ia i keia wa ua holoaia i ke kai o Manila oia hoi ka mokukaua Beritania Condor. Ua haalele aku ka Phaeton ia Kapalakiko he 21 la i hala aenei a holo huli mai la me ka malie ma kahi i manao wale ia malaila ke alahele moana i motio mai ai ka ihu o ke Condor no keia awa.

          O ka mokuponi Fannings ka pahu hopu o keia huakai huli a ka Phaeton i holo mai nei. Aka, mamuli nae o ka nui o na hoike i loaa mai la maluna o na mokuahi Kaleponi no ka pae ana aku o kekahi waapa a me kekahi mau waiwai e ae i na kapakai o Amerika Huipuia i manaoio ia no ua moku poino ala, na ia mea no ua moku poino ala, na ia mea i hoopau koke ae la i kana huakai huli. E hoohakalia ana ka Phaeton maanei no ka hoopiha nanahu ana a h@i hou aku no Esquimalt.

          O ka manaoio o na poe o luna o ka Phaeton ua piholo ke Condor me kona mau kanaka a pau iloko o kela ino nui i halawai ai me ia. Ua haalele aku ke Condor ia Esquimalt ma ka la 2 o Dekemaba o kela makahiki aku nei o keia awa, aka, aole nae he wahi mea i lohe houia no na a hiki i keia wa.

          He mokukaua holomama ka Phaeton no ha papa elua, he 4000 tona koua kaumaha. O ka nui o, koua mau kanaka he 350, aka, he lehulehu wale o lakou i pau i ka mahoka. O kona kapena na kamaaina oia ma keia mau kai, a ma kela makahiki aku nei na hoea mai no oia i anei maluna o ka mokukaua Icarus. O ka huakai mua loa keia a ka Phaeton no keia awa. Ma Panama kona wahi hoolulu, aka, i kela mau mahina koke aku nei no kona hoi ana ae no kahi hoolulu o ua mokukaua Beritania ma Esquimalt. Aloha no ia mau ola he 130 i poino aku la maluna o ka mokuakua Beritania Condor.

 

PEPEHI KANAKA POHIHIHI

          Kapalako, Jan 11. O ka hopena i halawai me Eleanor Fuller i nalowale ma ka la 11 Januari, a na makaikiu hoi i huli ai me ka pauaho ole, ua ikeia ae nei ia. Ua loaa aku ke kino make o keia kaikamahine maloko o kekahi rumi mahope o ka hale kiekie e

ku nei ma alanui Sutter ma ka auina la o nehinei. O ka mea nana i lawelawe keia hana puuwai eleele ua hiki ole ia ke hoomaopopo ia.

          Ua nana ia ke kino ma ke ahiahi nei e Mrs. Alice Maud Fuller ka makuahine o ke kaikamahine a me kona loio Hugh C. Grant. Na ka aahu e waiho ana maloko o ka rumi ma kahi o ke kino make i hoopau ae i ke pohihihi no ka mea nona ua kino make ala, a ua i ke ia iho la o na aahu no ia o Nora Fuller.

          E waiho ana ke kino make maluna o kekahi moe me ke olohelohe maloko o kekahi rumi i nele me na mea hoonani hale, a o kona mau aahu a pau e waiho ana maluna o ka noho. Ua manao ia ma kahi o umi la ka make ana o Nora, aka, aole nae he wahi meheu maloko o laila i ike ia o ke ano i pepehi ia ai keia kaikamahine opio. O ka nanaina maloko o na keena ala, e hoike mai ana ua lawelawe ia he hana pepehi kanaka, a aole hoi na ke kaikamahine i lawe i kona ola ponoi iho. O ka mea nana i lawelawe i keia hana ua hoomaopopo ia na kekahi kanaka no ia nona ka inoa o Hawkins. Aka, ua nalowale kahiko nae oia he mau ia mamua ae o ka loaa ana aku o ke kino make.

          He 15 ka nui o ka makahiki o ke kaikamahine, a ma ka la 10 o Ianuari ua ike ia iho la oia he hoolaha ua makemake ia i kaikamahine malama bebe a me ka malama ana i ka hale. Ua hele aku o Nora no ke noi ana i keia hana ma ke ahiahi o ka la 11 o Ianuari, a mai ia manawa mai kona nalowale ana a hiki i ka loaa ana aku ua make.

 

WELIWELI NA HANA A KE KAI

          E Mr. Lunahooponopono,

          Aloha oe:

          He mea hou weliweli ka'u e hoouana aku nei, a nau ia e hookomo iho ma na kolamu o ka kaua milimili KE ALOHA AINA. Oia iho keia:

          Ma ka po o ka la 14 iho la @ pa mai ai kekahi makani ikaika, mai ke komohana hema mai, me ka hapai pu ana mai i na ale kawahawaha, a me ua nalu o ka moana.

          A e like me na pualikoa e makemake ana e hoopio i ka enemi, pela ke kai i nee papa mai iluna o ka aina, a wahi mai la i na pa pohaku, a me na waa, a me na mea a pau e loaa mai ana i ka inaina o ke kai.

          He po hana nui ia o na mea a pau o keia wahi, e hapai ana i na waa i kahi e loaa ole mai ai i ke kai, a pela me kahi puolo o kauhale. He anu hoi kau.

         

HE WAA ME KE KANAKA

          Poaono ae ia 15, ua ike ia aku ia mawaho o Hoopuloa, he waa me ke kanaka, iloko o na ale e popoi ana, mawaena o ka hora 9 a me 10, ua kaalo ae la ua waa nei me ke kanaka ma kai o Waikini, kahi a kou mea kakau e noho nei. O keia kekahi awa kupono loa no ka wa kai, a ka poe i kamaaina.

          Aia ma keia wahi, he lehulehu wale na kanaka e hahai hele ana me ka manao ina e kokoke iki mai iuka, alaila, hoolei aku ke kaula, i keia wahi na piho ka waa a e hoe mai ana iuka, aole nae he hiki, ua ano nawaliwali, pela ka makou nana aku.

          Ua aa no kekahi poe, ina he waa kupono, aole hui e hihi ua poke ia mai na iaia o na waa ma ia po, nolaila hiki ole na kokua ana.

 

HE HIONA WELIWELI

          O ka hora 11 ia, kaalo ae la ua waa nei ma kai o Laeloa, he hapalua mile mai Waikini aku.

          Ua ike ia aku la kekahi nalu nui, a na ia nalu i onou mai i ka waa me ka ikaika a pae ae la i ka aina, o ka waa wale no.

          A o ke kanaka hoi, aole iho la,. he manawa ia no na mea a pau e hahai nei, me ka weliweli a me ke aloha pa.

          Ua nana pono kou mea kakau i ka waa, aneane no 15 kapuai o ka loa, he puipui no, kupono ole nae no ka hoohoa ana i ka wa ino.

          O na ukana o ka waa, he upena, opelu, he palaka lole, a he pahi pelu, ua nahaha no ka waa aole i weluwelu. Ua hauhoa ia no ka upena a paa i ka waa a he elua hoe i loaa.

          A o ke kino kanaka hoi, aole i hoopae ia mai i ka aina a hiki i keia la.

          Ua lohe ia mai nei nae i keia la, o Nu, ka mea i lilo me ka waa no Opihali ae nei no ia kanaka. Aole nae i maopopo loa.

          I ke ahiahi Poalima nei ka holo ana i ka opelu, i ka hoi ana aku, aohe wahi e pae ai, ua p@ i ke kai.

          Ua au no ka moopuna iuka, minamina paha kea i ka waa me ka upena. Oia nae, make aku la ia koe mai la hoi ka mea ana i @ aku la i kona ola. O ka ekolu iho la keia o na kanaka @ make i ke kai ma keia wahi.

          Ka mua o J.D.B. Kuakahela o ka lua iho, o Keola, a o ke ko@ iho la keia.

          O ko Kuakahele kino, ua loaa no i ka la i make ai, a o ko la@ nei hoi, aole.

          O keia ae la na mea hou ku @ ka weliweli a me ke aloha.

          E aloha ananei e Mr. Lunahooponopono,

          P.M.

          Waikini, Kona Hema, Feb. 17. 1902

 

NA LIMAHANA PILIPINE

          Ua ae aku la o Kuhina Kau@ Root i na hoolala ana a ke Komisina Kivila o Pilipine e pili ana i ka hookomo ia ana mai o na limahana Pilipine iloko o Hawaii nei. Ua hookuu akea ia na poe kanuko e ohi aku i mau limahana Pilipine, no ko lakou mau mahiko ina e makemake.

          O ko lakou mau uku hana mai ka $18 a ka $20 o ka mahina, a @ noho hana lakou maloko o k@ mahiko hookahi no ekolu makahiki. Ma ka manaoio o ke Komisina Kivila e loaa no he ma@ hoonaanao maikiia ana o keia poe Pilipine i ke ano o ka noho ana a me ka hana ana ina lakou e la we io ia mai ana i Hawaii nei, @ i ko lakou wa e huli hoi aku ai no ko lakou mau home, ua hiki ia lakou he hoomaopopo i @ ano o ko lakou noho ana ma keia mua aku. Aka, ke hopohopo nei kekahi poe mahiko i ka lawe ana mai ia lakou, no ka mea, malia @ like ana no ke ino me na limahana Poto Rico i ike ia iho nei.

          Nu Olina. Ian. 30. O Kau@ A.J. Fulton e hana ana no @ poe kanuko o Hawaii, eia oia ke hoao nei e loaa i 20,000 mau limahana Italia no ka hana ana m@ loko o na mahiko o Hawaii.

          Ua hoopau na poe kanuko Hawaii i ka hookomo hou ana aku i na limahana Poto Rico, aka, mahope nae o ke komo ana he 8000 Poto Rico.

          He heluna nui o na Poto Rico i lilo i poe aeahaukae ma Honolulu, i haalele aku i ka hana @ ma na mahiko no kulanakauhale kahi o lakou e hopu ia ala no ka hune a me ka pololi. He @ wale o lakou e noho ala maloko o na halep@ahao.