Ke Aloha Aina, Volume VIII, Number 11, 15 March 1902 — Page 3

KE ALOHA AINA, POAONO, MARAKI 15, 1902.          2

 

HE KINO MAKE ILOKO O KE AWA.

            Ma ke awakea o ka La Pule nei ua loaa aku la i kekahi kanaka Hawaii he kino make no kekahi haole e lana ana iluna o ka ilikia ma kahi kokoke i ka uwapo Amerika a mahope pono o ka moku lawekoa Warren. Ua lawe aku oia i na kino make aia no ka uwapo o Burua, a malaila i lawe loa ia aku ai ke kino make no ka hale kaha kanaka o ke aupuni.

            Ma ia wahi i nana pono ia ai ke kumu i make ai o keia haole, a ikeia iho la ua pepehi maoli la e kekahi kanaka a mau kanaka paha. Ma kona lima hema e kau ana kekahi mau palapu a pela hoi ma kona mahamaha poo, i koho wale ia ua hana ia ia e kekahi pauku laau. He mau la ka make ana okeia haole mamua o o ka loaa ana aku, no ka mea, ua eleele na helehelena, aka, na ke oiai nae o na lima i hoike mai he haole oia. Ma kona mau aahu e e komo ana ua hoomaopopo ia he kanaka oia no luna o kekahi o na moku e ku nei maloko o keia awa.

            Ma ka hoike a kekahi o na kuene o luna o ka moku lawekoa Warren nona ka inoa o Perry ma kela wanaao Poaha aku nei ma ka hora 1:30 ua ala mai oia mai kona punee mai a hele aku la no hope o ka moku, a iaia e ku ana maluna o ka oneki ua lohe aku la oia i ka owe o ka kai me he la he mea i kiola ia. Ike aku la oia he elua mau kino kanaka e holo ana he hookahi he lole wawae keokeo kona e komo ana mai luna aku o ke kao nanahu i piha me ka nanahu, a o ke kola o na kanaka aole ia i haalele koke iho i ke kao.

            Mahope iho okeia owe aole mea i ike i ka oili hou ana mai iluna o ka ilikai ma kahi a ka wai e aleale ana. O keia ke hoike moakaka nana i hoahuwale ae ua powa maoli ia ke ola o keia haole, aka, o keia mau puuwai eleele o ke kuluaumoe he mea pohihihi loa no ia ke imi aku. O ka mamao o ke kino make mai ke kao aku he 30 wale no kapuai i kona wa i loaa aku ai. Eia ka oihana makai ke hooikaika nei ma na ano a pau e loaa ka moku o keia haole, a i ole na poe nana i lawelawe i keia hana pepehi kanaka, a ua pau na moku a pau o ke awa nei i ka huli ia, aka, aole he wahi meheu i loaa no ka moku hea la oia. Ke manao ia nei no nae no ka moku lawekoa Warren a i ole no ka moku nanahu Amerika Alexandra keia haole, a na kekahi no o kona mau hoa aukai i powa lala. O ka elua keia o na kino make pohihihi i loaa aku iloko o ke awa o Kou ae nei iloko o kela mau mahina pokole, o Herman Lubeck ka mua a o keia hoi ka elua. Kau ka weli o ka hele hookahi ana ma na uwapo i ka po.

 

HOOPAI IA O MAKAI NUI ANABU.

            Ua loaa mai nei he mau hoike mai Hilo mai, ua hoopai ia o Makai Nui Anaru o Hawaii he $100 no hoowahwaha aha. O kona hihia i ahewa ia ai oia no kona hoihoi ole a na i na dala a pau i loaa iaia ma o ka hoopai ia ana a me na koina o na lawehala e ka aha kaapuni iloko o ka lima o ke kakauolelo oia aha. Aka, ua hoouna mai la nae ua makai nui ala i keia mau dala i ka Makai Nui Baraunu ma Honolulu nei. No keia hewa ua hookolokolo ia oia ma kela pule aku nei e Lunakanawai Liilii, a ua ike ia ua kue oia i ka kauoha a ia aha e uku ia aku ia mau dala i kona kakauolelo, a nolaila, ua hookau ia mai ia he hoopai maluna ona o $100 i ole ai oia e kue hou i ke kauoha a ia aha.

 

MALAMA IA KE OLA.

            Ma ka la 21 o Feberuari i hoopuka ia ae ai he nota dala nona ka waiwai io o $100 ia Paahao, makuahine o Alohikea i make ai i ka uwila 1899, na ka Ilamuku o Molokai ka hooponopono ana no Paahao me Ben Namakaokeahi e noho nei laua ma Pukoo, Molokai, e malama ana ke aupuni i ko laua ola a hiki i ko laua hopena me ko laua malama pololei ia e ka ohana, loihi no ka ai ana i ke dala o ke aupuni he $200 hookahi makahiki $100 eono mahina $50 ekolu mahina, pomaikai ka mea e malama ana i keia mau elemakule o ka hooilina oiaio o ke koko pololei.

 

HE MAU HUI HUKIHUKI KAULA.

            Eia ke hoolala ia nei e ka hui hooikaika kino Honolulu kekahi hukihuki kaula nui. O ka hale hoahu ukana ma Aala ae nei ka hale i manao ia ai no keia mau hana lealea. He nui na makana e haawi i ana i na hui hukihuki lanakila, a he ewalu mau hui i waiho aku la i ko lakou mau ae no ka hukihuki ana oia o Welakahao, Alukauwea, Amerika, Makai, Paele, Pukiki, Koa Hawaii, a me kekahi hui Beritania. He eono kanaka huki a me hookahi heleuma i ae ia no ka hui hookahi.

-

            Ua haawi ia aku la ia A.S. Mahaulu he laikini loio no ka lawelawe ana i na hihia a pau maloko o ka Aha Apana e Lunakanawai Gia ma ka Poalua nei.

 

HOOLAHA HOKO MORAKI

HOOLAHA KUAI A ME HOOPAA A KA MEA MORAKI

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hanaia ia e John H. Van Gieson o Honolulu, Mokupuni o Oahu, Teritori o Hawaii, i ka Pioner Building and Loan Association of Hawaii, ma ka la 30 o Sepatemaba, 1899, a i hoopaaia ma ke Keena Aupuni, Oahu, buke 199, aoao 191 a me 192, ke hoolaha ia aku nei ma keia ua manao ka mea paa moraki e paa i na moraki la i oleloia no ka hahaki ia o ka aelike, oia, ka uku ole ia o ke kumupaa, ukupanee, auhau a me ka puka i ko lakou wa uku, a o ua moraki la i oleloia, e hoolilo ia aku ana ma ke kuai kudala ia ana ma ke keena kudala o James F. Morgan, ma lanui Moiwahine, Honolulu, ma ka Poakahi, Maraki 31, 1902, ma ka hora 12 awakea. O na waiwai i hoakakaia maloko o ua moraki la, oia kela apana aina e waiho ala ma Punahou, Honolulu, Mokupuni o Oahu, nona na palena penei: E hoomaka ana ma kekahi pa pohaku ma ka Hema o ka palena o ka apana o E Lyons a me ke kihi Akau o ka @@pana o Waiwaiole ma kahi 53 5 kapuai e kau ana Akau 52* 14! Hikina, mai ke poo Hikina o alanui Dole, oia ke kihi Komohana o keia apana, e holo ana

Hema 55* 10’ Hikina 109 kapuai ma kekahi alanui i oki oleia;

Akau 51* 40’ Hikina 76.1 kapuai ma ke alanui oki oleia i oleloia

Akau 55* 10’ Komohana 107.8 kapuai a ka pa pohaku o E. Lyons

Hema 52* 40’ Hikina 76.5 kapuai e holo ana ma ka pa pohaku i oleloia no kahi i hoomaka ai.

            O keia pa hale ua lilo mai i ka mea moraki i olelo ia ma kekahi palapala kuai i hanaia e N.S. a me Fanny Sachs, ma ka la 1 o Okatoba, 1896, a i hoopaaia ma ke Keena Kope Aupuni buke 165, aoao 163, THE PIONEER BUILDING AND LOAN ASSOCIATION OF HAWAII

Ma o kona Loio ala:

A.G.M. ROBERTSON.

Hanaia ma Honolulu, Mar. 7, 1902

mar 8, 15, 22, 29.

 

HOOLAHA KUAI A ME HOOPAA A KA MEA MORAKI.

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hanaia e John H. Van Gieson o Honolulu, Mokupuni o Oahu, Teritori o Hawaii, i ka Pioneer Building and Loan Association of Hawaii, ma ka la 6 o Novemaba, 1899, a i hoopaa ia ma ke Keena Kope Aupuni, buke 196, aoao 470 a me 472, ke hoolaha ia aku nei ma keia ua manao ka mea paa moraki e paa i ua moraki la i oleloia no ka hahaki i ka aelike, oia hoi ka uku oleia o ke kumupaa, ukupanee, auhau, a me ka puka i ka wa uku, a o ua moraki i olelo ia e hoolilo ia aku no ma ke kuai kudala ia ana ma ke keena kudala o James F. Morgan, ma alanui Moiwahine, Honolulu, ma ka Poakahi, Maraki 31, 1902, ma ka hora 12 awakea. O na waiwai i hoakakaia maloko o na moraki la, oia kela pa hale i hoakaka ia ma ka moraki i oleloia, koe ka hapa i hookuu ia malalo o kekahi palapala kuai i hanaia me ka Pioneer Building and Loan Association ma ka la 25 o Iune 1901, a kope ia i ke Keena Kope Aupuni, buke 225, aoao 95, a i hoakakaia malalo iho nei.

            O ka pa hale i olelo ia maloko o ua moraki ala. O kela apana aina e waiho nei ma Punahou, Honolulu i olelo ia, a i ike ia ka Apana Helu 11, penei. E hoomaka ana ma ka aoao ma Ewa o kekahi alanui ololi 30 kapuai laula 262.3 kapuai make @@ ai o ka hookui na o ua alanui ololi ala i oleloia a me ke alanui Beckwith, a oia ke kihi Hema o ka Apana Helu 9, a e holo ana:

Akau 55* 10’ Komohana 107 kapuai e holo ana ma ka Apana Helu 9 i oleloia a ka aina o E.     Lyons

Hema 52* 14’ Komohana 58.5 kapuai e holo ana ma ka aina o E. Lyons i olelo ia a ke kihi Komohana o ka Apana Helu 13

Hema 55* 10’ Hikina 107.8 kapuai e holo ana ma ka Apana Hel 13 i oleloia

Akau 51* 40’ Hikina 53.1 kapuai e holo ana ma ke alanui ololi no kahi i hoomaka ai.

            O keia pa hale ua lilo aku i ka mea moraki i olelo ia ma kekahi palapala kuai i hana ia e A. Tullett ma ka la 26 o Iune 1899.

            O ka hapa i hookuu ia mai ka moraki aku. O kela hapa a pau i hoakakaia o ka pa hale a e hoopuni ana penei:

            E hoomaka ana ma ka aoao ma Ewa o kekahi alanui ololi 30 kapuai laula 262.3 kapuai makai mai kahi hookuina o ke alanui ololi i oleloia a me ke alanui Beckwith, a oia ke kihi Hema o ke Apana Helu 9 a e holo ana:

Akau 55* 10’ Komohana 107 kapuai e holo ana ma ka Apana Helu 9 i olelo ia a ka aina o Lyons.

Hema 52* 14’ Komohana 25.5 kapuai e holo ana ma ka aina o E. Lyons a ke kihi;

Hema 55* 10’ Hikina 107.4 kapuai e holo ana ma ka aina o J.H. Van Gieson no ke alanui ololi i oleloia mamua.

Akau 51* 40’ Hikina 25.1 kapuai e holo ana ma ka alanui ololi i oleloia no kahi i hoomaka ai.

Nona ka ili aina 2675 kapuai kuea oi a emi mai paha.

THE PIONEER BUILDING AND LOAN ASSOCIATION OF HAWAII.

Ma o kona Loio ala

A.G.M. ROBERTSON

Hanaia ma Honolulu, Mar. 7 1902

mar 8, 15, 22, 29.

 

HOOLAHA KUAI A ME HOOPAA A KA MEA MORAKI.

            Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana ia e J. Palaile ia Antonio Souza, ma ka la 14 o Ianuari a i hoopaaia ma ke Keena Kope Aupuni, Oahu, buke 214, aoao 411 a me 413 ke hoolahaia ia aku nei ua manao ka mea paa moraki e paa i ua mau moraki i olelo ia no ka hahaki i ka aelike, oia hoi, ka uku ole ia o ke kumupaa a me ka ukupanee, i ko lakou wa uku, a o na waiwai i paa ma ua moraki ala e hoolilo ia aku ana ma ke kuai kudala ma ke keena kudala o Will E. Fisher, kihi o na Alanui Kalepa a me Alakea, Honolulu, ma ka Poakahi, Maraki 31, 1092, ma ka hora 12 awakea o ka la i oleloia, o ka waiwai i hoakaka ia ma ua moraki ala oia keia i hoakaka ia malalo iho nei.

            No na mea i oe e ninau ae ia C.R. Hemenway, Loio, Keena 406 Judd Building, Honolulu.

ANTONIO SOUZA.

Mea Paa Moraki.

Honolulu, Mar. 15, 1092.

 

            O kela apana aina a pau e waiho ala ma Kamaole, Kula, Mokupuni o Maui, hoakaka ia ma ka Palapala Sila Nui 2227 no Kekahaui nona ka ili aina o 71 eka, a i lilo ia Kaina he mahele uuku ma kekahi palapala kuai i hanaia ma ka la 5 o Augate, 1896, a i hoopaaia ma ke Keena Kope Aupuni, buke 164, aoao 361, ili aina 3 eka.          mar 8, 15, 22, 29.

 

Wm. RINGER

            Eia au imua o oukou e o`u mau hoa lahui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka ona, a pela me na Opelu maloo. Ua hiki ia`u ke hoolawa i na makemake o`u mau hoa hanau o na mokupuni. E loaa no au ma alanui Muliwai, kokoke i alanui Kukui.                P.O. Box 483.