Ke Aloha Aina, Volume VIII, Number 12, 22 March 1902 — Page 1

KE ALOHA AINA

HALAWAI A NA KUOKOA HOME RULA

            Ua malama ae ka papa hooko o ka aoao Kuokoa Home Rula he halawai ma ka po Poaha nei, a o ka manao nui o keia halawai no ka noonoo ana no ia i moho na ua aoao kalaiaina ala no ke koho balota kuikawa o ka Apana Koho Eha no ka noho i hoohakahaka ia o A.F. Gilifilana i make.  He nui na hoopaapaa i hana ia no ka moho i waiho ia ae imua oia halawai a o ua inoa ala oia o F. W. Beardslee, kekahi o na kakoo ikaika o ka aoao Repubalika ma keia kau koho nui aku nei, ma ka hele ana ma na halawai a na Repubalika e himeni ai no ka ume ana aku i ka lehulehu no ka hoolohe ana i ka halawai a ia aoao. 

            Ma ka hoike a ka hapa uuku o ke komite i koho ia no ka wae ana i moho no na Home Rula ua ku mai o Emaluka a waiho mai i kana hoike.  Wahi ana ma ke kokua pu ana a Senatoa Kaianokalani, ua noi aku oia ia Beardslee e ae mai e koho ia aku i moho holo balota no ka aoao Home Rula, a ua hoike mai oia i kona ae. 

            I ka wa i lawe ia mai ai ka noonoo ana no ke apono ana aku i keia inoa a ka hapa uuku o ke komite ua halawai koke ia me na kue ia.  Ua nui na manao hoakaka no ke kupono ole e lawe koke ia mai kekahi inoa o ka aoao Repubalika.  O ka hopena ua ninau ia ka manao o ka hapanui o ke komite oia o Kalanianaole, Long a me Erving, ua hoole lakou i ka haawi i ko lakou ae no Beardslee, nolaila, ua haule keia inoa a Emaluka a me Kalauokalani i kakoo ai. 

            O ka elua o no kumuhana ano nui i lawe ia mai e noonoo oia no ka mea e pili ana i ke kulana kiaaina o Hawaii nei ina e pau io mai ana o Dole.  he nui na manao like ole i waiho ia mai, e na hoa no keia kumuhana, na makemake kekahi poe e hoouna ia ona kanaka i Waaloeotona no ka hooikaika ana e haawi ia keia kulana kiaaina i ka Elele Wilikoki a i ole i kekahi kanaka o koa aku paha a ia aoao e kakoo ai, aka, o ka hopena o na kamailio ana na hoopau ia ae ia i ka wa o kekahi hoa i ku mai ai a hoike i kona manao, oia hoi, ma aole e loaa aoa ia kulana kiaaina ia Wilikoki, alaila, e haawi ia kela kulana ia Sam. Paka.  Ua hoopanee ia ka noonoo ana i keia kumuhana a hiki i keia halawai hou ana aku. 

E HOLO PU ANA ME NA LUNAKANAWAI KAAPUNI

            Maloko o ka nupepa Avalataisa onehinei i ike iho ai makou.  Ua hoopea ia aku la mawaena o na ohua o ka mokuahi Siers e kipa mai ana maanei a hala loa aku no Kapalakiko na inoa o Lunakanawai Humepera a me Lunakanawai Gia ma ka Poaha nei.  Ua manao ia e kamoe ana ko laua alahele no Wasinetona, malalo o kekahi huakai ano nui, aole i maopopo i ka lehulehu ua loaa mai nei paha ko laua kauoha mai Wasinetona mai no ka hiki ana aku ilaila,, a ua lilo hoi keia i mea hoohikilele i ke kulanakauhale nei.  E kau like ana lakou me Dole ma ka mokuahi, a oiai, aole he maikai o ko lakou launa pili oihana aha maanei me he la pela aku ana no ke hoea aku i Wasinetona.  Ua hoole loa ae o Sam.  Paka aole loa oia e hulo aku ana i Wasinetona. 

NA DALA HAWAII

            Wasinetona, Mar. 12.  O ka bila e hoopau ana i kahoohana hou ia ana o na dala keokeo Hawaii a e panai ia ko lakou hakahaka e na dala deodeo Amerika, ua holo ia maloko o ka hale i keia la. 

UA PAA PIO O KENERALA METHUEN

            Ladana, Mar 10.  Ua hoike ia ae maanei i keia la o Kenerala Methuen a me eha pukuniahi ua hopu pio ia e na Boa e alakai ia ana e Kenerala Delarey.  Ua hoea mai keia iono me ka hikilele nui i Ladana nei.  Ua hoopihoihoi ia ka Hale o na Lunamakaainana no keia nuhou.  Ua heluhelu ia mai e Kuhina Kaua Brodick he telegarapa mai a Haku Kitchener mai e hai mai ana, ua hoeha ia o Kenerale Methuen i kona wa i hopa a lawe pio ia ai me eha pukuniahi, a ua make he 3 aliee me 38 kanaka, 5 alii me 72 kanaka i hoehaia, a ma ka pakui ana aku he 1 alii a me 200 kanaka i nahlowale.  A o ua hoike la i hoouna ia mai la no ka hopu pio ia ana o Kenerala Methuen, penei no ia:

            Pretoria, Poaono, Mar 8.  Ke kaumaha nei au i ka hoouna ana aku i kekahi nuhou maikai ole e pili ana no Methuen.  E nee ana oia me 900 koa kaualio malalo o Mekia Paris a me 300 puali hele wawae, eha pukuniahi a me hookahi pukuhiahi pompom mai Wynberg aku no Lilchtenberg no ka halawai ana me Grenfelt me 1300 koa kanalio i keia la ma Rovierainsfontein.  Ma ke kakahiaka nui o ka la inehinei ua lele kaua ia mai oia e ka puali o Kenerala Delarey mawaena o Two-Bosch a me Palmietekuill.  Ua lele kaua mai na Boa ma na aoao ekolu.  He 500 kanaka i hoea ae mai Maribogs a me Kraeipan.  A ua alualu ia mai lakou a na Boa mai ke kahua kaua no eha mile.  Ua hoike mai lakou o Methuen a me Paris, me na pu, ukena, a pela aku, ua hopu pio ia e na Boa. 

            Pretoria, La Pule, Mar 9.  Ua hoea mai la o Paris me ka koena o na kanaka mai Kraeipan mai.  Wahi a kana hoike, e nee ana ke kokua a koa iloko o na mahele elua.  He hookahi me na kaa bipi, ua haalele iho lakou ia Two Bosch ma ka hora 3 a. m.  O ka loa me na kaa hoki a ua haalele lakou he hookahi hora mahope iho.  Mamua o ka wehe ana mai o ke alaula o ke kakahiaka, ua lele kaua mai na Boa.  A mamua o ka hoea ana aku o na kokua na nahaha na kiai o hope o ke kolama elua.  Ia wa hookahi ua lele kaua mai na Boa ma no aoao elua.  I kinohi ua kue ia aku lakou e na puali o na aoao, aka, ia wa no i hoomaka ai na hoki e puiwa a holo aku la me ka pupule nui a kaalo ae la ma ka aoao o na kaa bipi i ukali ia e kekani mau koa kaualio, a o na hoao ana e paa aku ia lakou ua hiki ole.  Ua ohi ae o Mekia Paris he kanaha kapaka a holo aku ia he hookahi mile mamua o na kaa bipi e kue aku ai i na enemi, aka, na lilo nae lakou i mea ole, komo mai la na Boa iloko o na kaa bipi me ka hoeha ia o Methuen maka uha.  Ua hoopuni ia o Paris, a ma ka hora 10 a. m, na haawipio aku la oia.  Aia o Methuen iloko o ke kahua hoolulu o na Boa. 

            O ka lohe mua ia ana no Kenerala Methuen i kona wa e alakai ana i ka pualikoa i hoouna ia no ka hoopakele ana ae i kahi kauhale o Kimberley e hoopuni kaua ia ana e na Boa i ka 1899, a malalo oia kauoha na malama ia e la na hoouka kaua ana me na Boa, ma Belmont, Graspau, Muliwai Modder a me Magersfontein.  Ma ke kahua kaua o Graspan i halawai kaua mua ai oia me Kenerala Delarey, ka mea nana a paa pio nei iaia.  Mahope iho o keia mau kane aua ua hoouna ia aku o Haku Robata no ke alakai kino ana i na koa Beritania i Kimberley, a ma ka la 16 o Feberuari, 1900, i hoopakele ae ai oia ia Kimberley. 

            Eia ka halekuai o L. B. Kerr ke malama nei he kuai hoemi loa o na papale wahine nani.