Ke Aloha Aina, Volume VIII, Number 13, 29 March 1902 — Page 5
| This text was transcribed by: | Dorothy Stocking |
| This work is dedicated to: | To the People of Hawaii |
KE ALOHA AINA
POAONO, MARAKI 29, 1902.
I ke kii, ua like loa no me ke ku ana iloko o ka luapele a huli aku a nana ia Maunaloa a me Maunakea, a ke huli ae hoi i kai, e ike aku ana hoi i ka waiho kahela mai o ka ulunahele o Hilo a me Puna. He nui ke aloha i ka aina ke ike i keia kii i ka aina e.
Maloko o keia hale au me ka’o mau keiki himeni.
O kahi mea hoikeike wale iho la no hoi keia o keia hale. Ke piha mai i ka poe makaikai, alaila, e haiolelo ana ka haole. A pau kana hoikeike ana i ke ano o ka kii, alaila, pili ae la makou iloko o ka luapele a himeni ae la no hoi i kahi mele a makou e manao ai. Aia no a piha, alaila, hoohimeni au i ka’u mau keiki i na mele loihi a ni no hoi; aka, ina no e ano hakahaka mai ke anaina, he hookahi no wahi leo hui o “Hiu” a i ole o “Moani ke Ala,” a o kekahi mele pokole e ae.
He mama loa ka hana maloko o ka’u hale.
Maanei e ikeia ai ka hupo o ka haole i ka puni wale i ka wahaheeia.
Mamua ae o ko makou wa e himeni ai, e hoopouliia ana na kukui uwila, a oia ka wa e olapa ai o ka uwila a kui ka hekili, a helelei mai ka ua. I ka wa e uliki ana keia mau ino o na ouli, oia no ka wa e puka mai ai o Pele (Kini Kapahu) a olioli mai ma ke ano o Pele. Mamua ae nae hoi o kona puka ana mai, e oli mua aku ana kahi o makou, me ke koloka loihi a olioli wale aku no. Aohe oli maoli, aka, he pono no i ka namu i wahi no ke anaina e manao mai ai he oli maoli. I ka wa o keia mau hana e lohe ia aku ai ka haole e ninau ana ina paha he Pele oiaio kela e ku nei, a he kahuna maoli hoi ka pule ana.
He nui ka poe makaikai i kipa i keia wahi, a ua nui no hoi ka mahaloia mamuli o ka maikai no o kela kii.
Maloko o keia hale au i lulu lima ai me Kenerala Otis, ua oluolu no hoi oia i ke kono ana mai ia’u a me ko’u mau hoa e kipa aku ma kona home, ke hiki i Los Angeles.
KA HAWAIIAN THEATER
O ko makou wahi keia e noho mau ai. Ua pili pu no keia i ka hale luapele. He elua hale ma keia kahua. O ka hale mamua, oia ko makou hale noho. He 4 hale kona kiekie. O ka hala ilalo, o kahi ia o na mea kuai a Kini me na mea hoikeike kahiko a ka Moiwahine Liliuokalani i haawi ai ia John Wilson.
O ka hale maluna ae, malaila ko makou poe wahine e moe ai. I ka hale maluna ae, malaila makou na kane. A i ka hale maluna loa, malaila ko ma kou wahi e paina ai. He kuke no hoi ka makou. Aole o makou lawelawe aku i ne mea ai.
Ma keia mea o ka ai, na lawa kupono no makou. Mamuli o ka alunu o kekahi mau keiki, ua
E nana ma ka aoao 8.
- - - - -
HOOLAHA HOOKO MORAKI
HOOLAHA KUAI A ME HOOPAA
A KA MEA MORAKI.
Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana ia e B. P. Z@blan o Honolulu, Mokupuni o Oahu, Teritori o Hawaii, i ka Pioneer Building and Loan Association of Hawaii ma ka la 28 o Feberuari, 1899, a i hoopaa ia ma ke Keena Kope Aupuni. Oahu buke 192, aoao 179 a me 181, ke hoolahaia aku nei ua manao ka mea paa moraki e paa i ua moraki i olelo ia no ka hahaki i ka aelike, oia hoi, ka uku ole ia o ke kumupaa, ukupanee, auhau a me ka puka i ko lakou wa uku, a o na waiwai i paa ma ua moraki ala e hoolilo ia aku ana ma ke kuai kudala ma ke keena kudala o James F. Morgan, Alanui Moiwahine, Honolulu, ma ka Poakahi, Aperila 21, 1902, ma ka hora 12 awakea. O na waiwai i hoakaka ia maloko o ua moraki ala, penei:
O kela apana aina a pau e waiho ana ma Kalihi, Honolulu i olelo ia i hoopuni ia, penei:
E hoomaka ana ma ke kihi Hikina o keia mau apana ma ka huina Komohana o Alanui Kamehameha IV, makai o ka Halepule Kalihi, a e holo ana.
Akau 30@ 35’ Komohana ma Alanui
Kamehameha IV 101½ kapuai; alaila
Hema 53@ 40’ Komohana 118 kapuai ma na apana o Gus Cordes; alaila
Hema 36@ 00’ Hikina 100 kapuai; alaila
Akau 53@ 40’ Hikina ma Alahui Kamehameha IV 108 kapuai no kahi i hoomaka ai;
Nona ka ili aina ma kahi o 0.26 eka, a he mahele ia o ka aina i hoakakaia ma ka Palapala Sila Nui 3545 Kuleana Helu 10498, a i lilo i ka mea moraki ma kekahi palapala kuai i hanaia e Lau Chong ma ka la 15 o Aperila, 1896, a i hoopaa ia ma ke Keena i oleloia buke 158 aoao 428 a me 429.
THE PIONEER BUILDING AND LOAN ASSOCIATION OF HAWAII.
Ma o kona Loio ala.
A. G. M. Robertson.
Hanaia ma Honolulu, Mar. 28, 1902. mar 29, apr 5, 12, 19.
- - - - -
HOOLUHA KUAI A ME HOOPAA
A KA MEA MORAKI.
Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hanaia e Kahuia a me Kaolulo no Honolulu. Mokupuni o Oahu, Teritori o Hawaii, like laua, i ka Pioneer Building and Loan Association of Hawaii, ma ka la 14 o Maraki 1889, a i hoopaa ia ma ke Keena Kope Aupuni, buke 182, aoao 488 a me 490, ke hoolaha ia aku nei ma keia ua manao ka mea paa moraki e paa i ua moraki la i oleloia no ka hahaki i ka aelike, oia hoi ka uku ole ia o ke kumupaa a me ka ukupanee i ka wa uku, a o ua moraki i oleloia e hoohio ia aku no ma ke kuai kudala ia ana ma ke keena kudala o James F. Morgan, ma alanui Moiwahine, Honolulu, ma ka Poakahi, Aperila 21, 1902, ma ka hora 12 awakea. O na waiwai i hoakakaia maloko o ua moraki la, penei:
O kela apana a pau e waiho ala ma Kauluwela, Honolulu i oleloia, i hoopuni a i hoakaka ia penei: E hoomaka ana ma ke alanui e hoohui ana i ke a me na @ana e pili pu ana me ke Alanui Kul@ a e holo ana ma ka Apana 1, Hema 38@ Hikina 92 kapuai, alal’@, Hema 57@ 30’ Komohana 75 kapuai, alaila, Akau 38@ Komohana 86 kapuai, alaila, Akao 52@ 30’ Hikina 74 kapuai, holo ma ke alanui i oleloia no kahi i hoomaka ai. Nona ka ili aina o 6286 kapuai kuea oi a i ole emi, i ike ia o ka Apana 2 ma ke aia ana a S. M. Kaaukai, a he mahele ia o ka Apana 1, Palapala Sila Nui 2101, Kuleana Helu 794 i lilo i na mea moraki i oleloia ma kekahi palapala kuai i hanaia e C. Afong ma ka ia 24 o Auga@, 1892, a i hoopaa ia ma ke Keena i oleloia buke 135, aoao 493 a me 494.
THE PIONEER BUILDING AND LOAN ASSOCIATION OF HAWAII
Ma o kona Loio ala;
A. G. M. ROBERTSON.
Hanaia ma Honolulu, Mar. 27, 1902. mar 29, apr 5, 12, 19.
- - - - -
HOOLAHA KUAI A ME HOOPAA
A KA MEA MORAKI.
Ke hoolahaia aku nei ma keia no ka hooko ana aku i ka mana o ka hoolilo ana, i kekahi moraki i hana ia e William Henry a me Kaipo, kana wahine, o Honolulu, Mokupuni o Oahu, Teritori o Hawaii, ia Helen Boyd o Honolulu no, ma ka la 16 o Sepatemaba, 1898, a i hoopaaia ma ke Keena Aupuni, Oaku, buke 192, aoao 73, 74, a me 75, ke hoolaha ia aku nei ma keia, ua manao ka mea paa moraki e paa i ua moraki la i oleloia no ka hahaki ia o ka aelike, oia, ka uku ole ia o ke kumupaa a me ka ukupanee i ka wa uku, a o na moraki la i olelo ia e hoolilo ia aku no ia ma ke kuai kudala ia ana ma ke keena kudala o James F. Morgan, ma alanui Moiwahine, Honolulu, ma ka Poakahi, Aperila 21, 1902, ma ka hora 12 awakea. O na waiwai i hoakakaia maloko o ua moraki la, penei:
O kela apana aina a pau e waiho ana ma Kauluwela, Honolulu i oleloia, i hoopuni ia penei:
E hoomaka ana ma ke kihi Hikina o keia 149 5-12 kapuai mai ke kihi Komohana mai o ka aina o Kamakau a e holo ana
Hema 57@ 30’ Komohana 108 kapuai ma Kalaauwalu
Akau 57@ 00’ Komohana 85 kapuai ma Kamakela
Akau 50@ 30’ Hikina 136 kapuai
Hema 57@ 00’ Hikina 91 kapuai no kahi i hoomaka ai.
He mahele ia no ka aina i hoaka kaia ma ka Palapala Sila Nui 2101, Kuleana Helu 794 Apana 1 no Naihe, a oia pa hale hookahi ua lilo aku i na mea moraki i oleloia ma kekahi palapala kuai i hanaia e na Kahuwaiwai o ka Luakini Kaumapili i ka la 27 o Aperila, 1893, a i hoopaaia ma ke Keena i oleloia buke 155 aoao 59 a me 60.
HELEN BOYD,
Mea Paa Moraki.
Hanaia ma Honolulu, Mar. 21, 1902. mar 29, apr 5, 12, 19.
- - - - -
HALE HANA
Pahu Kupapau Hou
Aia ma ka “Hale Elks” e ku nei
ma ke kihi o alanui Berinia
me Mila.
He man waiwai maikai loa. He maikai ka lawelawe ana. He emi ke kumukuai. E kipa mai e na Hawaii e ike no oukou iho.
J. H. TOWNSEND
Luna Nui.
Telepona Blue 571. jan 31
- - - - -
DR. T. MOTONAGA
KAUKA KEPANI HANA NIHO
AKAMAI LOA.
E loaa no mawaena o alanui Papu a me Nuuanu. Hora hana, 8 a.m. a ka 4 p.m. Sabati, 8 a.m. a ka 10 a.m. He maikai ka hana ana. Emi ka uku. feb 17
- - - - -
HOOLANA MANA HOOKO
HOOLAHA HOOILINA WAIWAI
Ua makemake ia na hooilina o na poe. Ma’i Lepera i make ma ke Kahua Ma’i Lepera, Molokai, no lakou na inoa malolo nei, e waiho ae ma ke Keena o ka Papa Ola, me na HOOIAIO KUPONO, i ka lakou mau koi no ke koena dala o ka waiwai o na mea i make, iloko o ua mahina eono mai keia la aku, a i ole e lilo loa no ia mau dala no ka pomaikai o ka waihona o ke Aupuni.
AH PAT (k) no Lahaina, Maui, 50 makahiki, laweia Malaki 22, 1893, make i Feberuari 6, 1901.
KUKUEWA (k) no Kona, Hawaii, 30 makahiki, laweia Dekemaba 15, 1898, make Aperila 14, 1901.
ROBT. KAAOUO (k) no Olowalu, Maui, 37 makahiki, laweia Iune 24, 1896, make Aperila 21, 1901.
HAOE (w) no Nawawa, Hawaii, 55 makahiki, laweia mai Aukake 17, 1889, make Aperila 11, 1901.
KAUWAINONA (k) no Waialua, Oahu, 68 makahiki, laweia Mei 23, 1900, make Iulai 20, 1901.
KEIKI LA WELIILII (k) no Kamalino, Niihau, 20 makahiki, laweia Aukake 13, 1901, make Dekemaba 20, 1901.
IEHU KALUA (w) no Kahua, Hilo, Hawaii, 40 makahiki, laweia Feberuari 15, 1896, make i Okatoba 26, 1901.
SILVER (k) no Kipahulu, Maui, 42 makahiki, laweia Ianuari 17, 1899, make Dekemaba 12, 1901.
KEAHO (k) no Kahaluu, Hawaii, 16 makahiki, laweia Iulai 5, 1893, make Ianuari 8, 1902.
No na mea i koe e ninau i ke Kakauolelo o ka Papa Ola.
C. CHARLOCK
Kakauolelo o ka Papa Ola.
Honolulu, Mar. 25, 1901.
mar 29, apr 5, 12.
- - - - -
Palapala Hooia Hoahu
Elike me ia i Hoopukaia e ka
HUI HAWAIIAN REALITY AME
MATURITY KAUPALENAIA.
Hoahu Maraki 30, 1901
Huina Waiwai $50,000
5,000 MAHELE; $10.00 PAKAHI;
UKU PAU IA
- - - - -
Heaha na Kumu?
1. Aole makou e koi aku ana ia oe e uhaai i kau dala.
2. E haawi ana makou i kekahi ala hele palekana e hiki ai ke hoopuka puka a loaa ke dala mamuli o ka hoohui i na huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai ola mea.
3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.
HOOIA HOAHU
4. Na makou e kukulu i mau home no oukou a e hoopuka no hoi makou i Huina Hoahu Hoopukapuka e hookaa la iloko o 75 mahina, me eha (4) Palapala (Coupons) Hooia o $50 pakahi i hoopilipuia, oka averika no ka puunaue iloko 19 mahina, a o ohi ana makou $150, a e loaa ana ia oe $200. O kou puka $83.33 no kela a me keia dala pakahi i hoahu ia e loaa ana ia oe he 33-1-3 keneta puka.
5. No ka mea aole oihana hoopukapuka i ikeia i oi aku ka pomaikai ma mua o keia. E kakau mai i na hoa kaka piha. E hauoli mau ana ka Hui e hoike a e heakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.
HUI HAWAIIAN REALITY A ME
MATURITY KAUPALENAIA.
McIntyre Hale kihi o na Alanui Papu a me Moi. Rumi 3 a me 4. Pahu Leta 262.
L. K. KENEWELA.
Peresidena.