Ke Aloha Aina, Volume VIII, Number 13, 29 March 1902 — MOHO A NA HOME RULA [ARTICLE]

MOHO A NA HOME RULA

Mahope o kekahi mau la loihi o ka huli ana o na Home Rule i moho holo balota na lakou no ke koho kuikawa o ka Apana Eha e malama ia ana ma ka la 9 o Aperila ae nei, ua koho ia iho la o August Dreier i moho holo balota na ia aoao no ke pani ana i ka hakahaka o Ake Gilifilana i make. O ka apono a hooholo ana o ka papa hooko o ua aoao Home Rula ala ia August Dreier i moho na lakou ma ka lakou halawai no ia malama ia ma ka po Poaha nei ma Poka Holo. Maloko oia halawai ua heluhelu ia ka leta a Derier e ae mai ana i kona lilo ana i moho holo balota na ia aoao, a e kakoo hoi i kona mau kahua hana. Mahope o ka ninau ia ana o ka manao o na hoa ua haawi mai lakou i ko lakou apono. O Emaluka wale no kai hooikaika mai i kana inoa ia F. W. Berdslee, a i kona ike ana aole he poe nana e kakoo, ua haalele iho oia ia halawai. He haole no keia inoa hou.