Ke Aloha Aina, Volume VIII, Number 14, 5 April 1902 — Page 2

KE ALOHA AINA POAONO, APERILA 5, 1962

 

LOKAHI NA LEMOKALAKA

ME NA HOME RULA

 

Oiai ka aoao Demokalaka ua @ele me ka moho no kela koho balota kuikawa o ka Apana Eha, ua hoike ae lakou i ko lakou manao makee maoli no ma ka aoao o ka lahui ilihune ma o ko @akou huli ana a kakoo i ka moho a na Home Rula, oia hoi, o August Dreier.

 

Ma ka Poaono nei na malama ae na alakai o ka aoao Demokalaka he halawai no ka noonoo ana i na mea e pili ana i moho na ia aoao no ke koho kuikawa.  Ua hoole o Makalanahana i ka wae ana i moho maoli na ia aoao a ua manao oia he hana maikai loa ka noho ana mawaho me ke komo pu ole aku iloko o na ha koko o keia kau koho kuikawa. Ua wai@o mai o W. S. Withers e kakooia @a inoa o August Dreier e ia halawai i moho ne na De mokalaka, a ua @pono ia aku keia nei e na lala a pau.

 

O na poe i hiki ae ma na halawai ala eia ke Keikialii Kawakanakoa, E B Makalanahana, E H Haka, C J Makate, Shanks Mokimans, Eugene Sullivan, L D Timmons, W H Johnson a me W S Withers.

 

E NOI ANA I UA MA KA PULE

 

He nui na hopena poino a ka ikiiki wela o ka la e ikeia ala ma Auseteralia.  Ua nui a lehulehu wale no ola uhane i make, pela me na holoholona a me na mea ulu.  Wahi a ka olelo ia o keia ka papaala weliweli loa i ike ia malaila aole ia i ikeia mai kinohi mai.

 

O ke kiaaina o Nu Wale Hema e ike kumaka ala i na hana hoopoino a ka la, ua hoopuka ae la oia he kuahaua pili aupuni e hookaawale ana i la hoano no ka lehulehu e nonoi aku ai i ke Ak@a Kiekie Loa e hookaawale aku i na poino a lakou e ike ala.

 

Ua noi ia aku na kahunapule a pau e malama lakou i pule hoalohaloha i ke Akua ma ka la i hookaokoa ia maloko o ko lakou mau halepule no ke nonoi ana i Kona lokomaikai e haawi mai i ka ua.

 

HE HOOMAIKAI

 

Ke haawi aku nei au i ka hoomaikai i na makamaka ame na hoaloha a pau i huipu mai me a’u a me ko’u ohana iloko o ke kaumaha no ka’u wahine aloha, a me na makana pua a me ka lei i hoouna ia mai e lakou, a me na poe i ukali pu aku ma kona huakai hoolewa.  F. R. Harvey.

Honolulu , Mar. 26, 1902

 

Eia ka halekuai o Whitney a me Marsh ke malama nei he kuai hoemi nui o na wai a pau.  Aole keia he man haanui olelo, aka, he oiaio.

 

NUI KA HOOPAAPAAIA O

KA INOA O DREIER

 

He nui na hoopaapaa i hana ia e na Repubalika no ka inoa o August Dreier, ka moho holo balota a na Home Rula.  Ke kue nei na Repubalika iaia malalo o na kumu aole ia he kanaka i paa ka inoa ma kela kau koho balota nui aku nei.  He mea oiaio, aole he mana koho balota i loaa ia Dreier ma kela kau hoopaa inoa aku nei, aka, he manao nae ko na poe ike kanawai ua hiki no ke loaa keia kulana i ka moho a na Home Rula ina aole he mau kue e hana ia aku ana e kekahi man aoao kalaiaina e ae.  Aka, e like me ke ano mau o na Repubalika he akeakea mau i na hana a ka ili ulaula pela no iakou i waiho mai ai i ka lakou kue ma o W. W Harris la ia Kiaaina Kupa aole e hookomoia ka inoa o Dremier maluna o ke tikiki koho balota.  Ua waiho ia aku la e na Republika he hoopii kue i ka inoa o August Dreier i ka lilo ana i moho imua o ka Aha Kiekie, a o ko lakou loio oia no o B@bikana a me McCants Stewart.  O ka lolo ma ko Dreier aoao oia no na Demokalaka Makalanahana, Kini a me Baloa.

 

E HOI IO AKU ANA ANEI O

KALAUPAPA ILOKO O

KA HOHONU

 

E like me na lono i loaa mai ianei mai kekahi mau ma’i o ka panalaau o Kalaupapa, ke hopohepoia la, e hoea mai ana no he la e hoi aku ai ua panalaau ala no lalo o ka hohonu e like me ke kahi mau wahi o ka honua nei i nalo aku ilalo o ka hohonu.  O na poe e noho ana ma Kalaupapa ua hoike ae lakou na hiki ia lakou ke lohe moakaka i ka owe o ke aki malalo ae o ka honua a me he la, ina e hala ana @e mau makahiki e po’a mau ai ke kai ma@ale o keia wahi e hoea mai ana no he la e emi ao oia a nalowale keia kahua holookoa ilalo o ka papaku o ka moana.

 

Ua olelo ia ae o ka manawa e lohe moakaka ia ai ka leo halulu o ke kai malalo ae o Kalaupapa mamua a mahope no ia o ka wa pii oke kai.  O ke koho wale no a kahi poe na puni o lalo o Kalaupapa i ke kai, a he wahi nuku wale no koe a o kona holoaia no ia i ke kai o Manila.  He wahi mea hou no keia e lelele ai ka oili o na poe e noho ana ma ke kahua ma’i lepe@a ina @ he oiaio.

 

O na poe a pau he man kino make ke lakou e makemake ana e kanu ia e hui ae me J. H. Townsend ma kona hale @ana ma ke kihi o alanui Beritania a me Mila. He makaukau oia i ka lawelawe ana i na poe make a he emi pu me kana auhau.

 

HALA NA LALA O KA PAPA

OLA

 

Maluna o ka mokuahi Lehua i haalele iho ai i@ Honolulu nei ina ke ahiahi Poakahi nei i kau aku ai kekahi mau lala o ka Papa Ola, no ka huli pono ana i ka oiaio o na hoike mai ke kahua ma’i mai no ka hoomainoino ia ana o kekahi kanaka nona ka inoa o Pilipo e ka @nna nui o ke kah@a ma’i.

 

Ma na lohe i loaa mai ua hoopaa ia keia kanaka iloko o ka hale paahao no ka hewa aihue, aka, ua hoole nae oia, a no keia hoole loa ua hoopaahao wale ia aku oia iloko o ka hale paahao i wahi nona e ae ai.  Mamuli o kona malama kupono ale ia ua loaa oia i ka ma’i, aka, aole, no nae oia ia nana ia aku.  Ua moe @ iloko o kona ino. A hiki i ka nawaliwali loa ana na hookuu ia mai la oia mawaho e malama ia ai e ka Hui Naita Ulauia, oiai he lala oia no ia abahui.  Ak@, ua i@aika @ae ka ma’i a make aku ia o Pilipo.  Ua hoop@ mai na ma’i no keia hana hoomainoino a ka Luna Nui Lalana @a Pilipo. A pela ke kumu o keia holo o na lala o ka Papa Oia. O na lala i kau aku oia o Kauka Pratt, Moore a me Loio Kuhina E. P. Dole. Ua holo aku o L@nakanewai Wilikoki ma ke ano mahele olelo, a o D. H. Case @e kakau pokole na ka Papa Ola.

 

LA 11 O IUNE

 

He elua ia lealea i apono ia e ke komite mana hooko o ka HuiHeihei Lio Hawaii no ka mahina o Inne ae nei, oia ka Poakolu la 11 o Iune a me ka Poaono, Iune 14. Ma ka la 11 o Iune e hoomaka ana na lealea heihei i ka hora 10 o ke kakahika, a he eiwa ka nui o na lealea heihei @io e malama ia ana ma ke kahua heihei o Kapiolani Paka.

 

Ma ka ia 14 e hoomaka ana na lealea heihei i ka auina la.  Maluna aku o $2000 i hoolilo ia e keia e keia Hu Heihei no ke kuai ana i na kiaha makana a me na eke dala maoli. Ua manaola e nui ana no ua lio e komo ana ma na lealea heihei e like me kela makahiki aku nei.

 

Eia ka halekuai o L. B. Kerr ke malama nei he ku@ hoem@ lo@ o na papa@ wahiue n@ni.

 

HOOLAHA HOAHUI

 

Ke hoolahia aku nai m@ keia o na mea no laua na inoa malalo iho nei ma ka la 11 o @laraki 1902, ua hoohui ae la ia la@ helalo o ka noho hoahui no ka lawelawe ana i ua hana Kukulu Hale a me Aelike, ma Honolulu, Mokupuni o Oahu, Teri @ o Hawaii malalo o ka inoa hui “Knight & Jordans”

 

FREDERICK W. KNIGHT

FRANK H. JORDAN

Honolulu , Mar. 29, 1902

 

HOOLAHA MANA HOOKO

HOOLAHA HOOILINA WAIWAI

 

Ua makemake ia na hooilina o na poe Ma’i Lepera i make ma ke Kahua Ma’i Lepera, Molokai no lakou na inoa malao nei, e waiho ae ma ke Keena o ka Papa Ola, me na HOOIAIO KUPONO, i ka lakou mau koi no ke koena dala o ka waiwai o na mea i make, iloko o na mahine eono mai keia ia ak@, a i ole e lilo loa no ia mau dala no ka pomaikai o ka waihona o ke Aupuni.

 

AH PAT (k) no Lahaina, Maui, 50 makahiki, lawela Malaki 22, 1893 make i Feberuari 6, 1901.

KUKUEWA (k) no Kona, Hawaii, 30 makahiki, laweia Dekamaba 15, 1898, make Aperila 14, 1901.

ROBT. KAAOAO (k) no Olowalu, Maui, 37 makahiki laweia Iune 24, 1896, make Aperila 21, 1901.

HAOE (w) no Nawawa, Hawaii, oo makahiki laweia mai Aukake 17, 1889, make Aperila 11, 1901.

KAUWAINONA (k) no Waialua, Oahu, 68 makahiki laweia Mei 23, 1900, make Iulai 20, 1901.

KEIKI LA WELIILII (k) no Kamalino Niihau 20 makah ki laweia Aukake 13, 1901, make Dekemaba 20, 1901.

IEHU KALUA (w) no Kahua Hilo, Hawaii, 40, makahiki laweia Feberuari 15, 1896, make i Ok@toba 26, @091.

SILVER (k) no Kipahulu, Maui, 42 makahiki laweia Ianuari 17, 1899, make Dekemaba 12, 1901.

KEAHO (k) no Kahaluu, Hawaii, 16 makahiki laweia Iulai 5, 1893, make Ianuari 8, 1902.

No na mea i koe e ni@au i ke Kakauolelo o ka Papa Ola.

 

C CHARLOCK,

Kakanolelo o ka Papa Ola. Honolulu, Mar 25, 1901.

Mar 29. Apr 5, 12.

 

PALAPALA HOOIA HOAHU

 

E@ke me ia i Hoopukaia e ka

 

HUI HAWAIIAN REALITY AME

MATURITY KAUPALENAIA

 

Hoahu Maraki 30, 1901

Huina Waiwai $50,000

5,000 Mahele, $10.00 Pakahi; Uku Pau Ia

 

Heaha na Kumu?

 

1.       Aole makou e koi aku ana ia oe e uhaai i kao dala.

2.       E haawi ana makou i kekahi ala hele palekana e hiki ai ke hoopuka pula a loaa ke dala mamuli o ka hoohui i na huina liilii i kela a me keia @ahina, a mamuli o la mea, e koe ana @e hulna dala mai ka hoolilo i ama kekahi ano e ae, a e loaa ole ana ia oe kekahi wahi pomaikai mai loko mai oia mea.

3.       O ka nui o na makahiki a me ka oihana a hana a ka m@a hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i po hoahu.

 

            Hooia Hoahu

 

4.       Na makou e kukulu i mau home no oukou a e hoopuka no hoi makou i Huina Hoahu          Hoopukapuka e hookaa ia iloko o 75 mahina, me eha (4) Palapala (Coupons) Hooia o

$50 pakahi i hoophipula, oka averika no ka puunaue iloko 19 mahina, a e ohi ana makou $150, a e loaa ana la oe $200. O kou puka $33.33 no kela a me keia olala pakuhi i hoahu ia e loaa ana ia oe he 33-1-3 keneta puka.

 

5.       No ka mea aole oihana hoopuka puka i ikeia i oi aku mai i na hoa kake piha.

E hauoli mau ana ka Hui e hoike a e hoakaka piha aku i na mea a pau a me na laweiawe ana ke unakemake ia, ke kakau ia mai ma ka leta a ke ninau kino ia mai.

  

            HUI HAWAIIAN REALTY A ME MATURITY KAPALENAIA.

                  McIntyre Hake kihi o na Alanui Papu a me Moi, Rumi 3 a me 4. Pahu Leta 262.

 

                                                                                         L.K KENEWELA

                                                                                                       Pareadena