Ke Aloha Aina, Volume VIII, Number 14, 5 April 1902 — Page 3

This text was transcribed by:	Kate Motoyama
This work is dedicated to:	with aloha for lena machado

KE ALOHA AINA

KE ALOHA AINA, POAONO, APERILA 5 1902 8

HE WAHINE OPIO ONA MI-

LIONA MAKUA OLE.

Nu Ioka, Mar. 21. O Frank Conger i make hikiwawe ma keia mau la pokole i hala aku nei maloko o ka Hotele Detroit, ua hooili aku oia i kona waiwai a pau maluna o kana kaikamahine hookama Cress Stewart Conger, ka mea ana i hoopakele ai mai ka poli mai o kona makuahine make ma kekahi ulia kaaahi poino ma Hamburg, Nu Ioka, he waiwai paa o $6,000,000.

O ka nui o na makahiki o keia kaikamahine i keia wa ma kahi no ia o 14 makahiki. No 12 makahiki o kona kuhihewaia ana he kaikamahine ponoi oia na Mr. a Mrs. Conger. O ka palapala hooilina na waiho ia aku la imua o ka Aha Hookolokolo o Ithaca, Nu Ioka, a o kona loaa makahiki ma keia hope aku he $850,000. O na makua ponoi o keia kaikamahine ola o Rev. E. E. Stewart me kana wahine a na make like laua ma kela ulia kaaahi poino, ma ka la 6 o Maraki, 1900, i ike ia ma Hamburg Nu Ioka.

He umi mau ohua i make me kekahi heluna i hoeha ia ma kela ulia poino. O ke kumu o keia ulia poino i hiki mai ai mamuli o ia o ka haki ana o ka hao e paa ana i ke kaaahi me na kaa ohua i ka wa e hoopii ana ma kekahi piina iloko o kekahi ino o ka hau e haule ana na holo hou mai na kaa i hope a he hookahi kaa ohua i weluwelu liilii.

Maluna o kekahi mau kaa e ae i poino ole o Geo. E. Allen, ka agena kaaahi o Erie, Harry T. Jaeger oia wahi hookahi a me Frank Conger, ua holo koke aku lakou e hoopakele i na poe poino.

Maluna o ke kaa poino i haawi aku ai lakou i na imi akahele ana i na poe pilikia, a iloko o ia wa i hoohikilele ia ai lakou no kekahi leo uwe bebe e oili mai ana mailoko o ke kaa poino na hoomaka koke ia ka huli ana no kela leo uwe, a he mea oiaio malalo o na apana papa ua loaa aku la ka mea nona keia leo ia Conger he wahi bebe ui uuku e moe ana iloko o ka poli o kona makuahine make ua aneane e uhi ia e ka hau (snow). Ua hoopakele ia ua bebe ala a hoihoi ia aku la no ke kaa ohua a Mrs. Conger e kau ana, ua aneane e make i ke anu.

Ua ike iho la o Conger iluna o ka aahu o ka bebe he pine o ka hui malu Masonic, a oiai, he lala oia no ua hui la ua haawi koke aku la oia i na nana aku i ke kino o na makua male, a ua noho la kou ma ka Hotele Buffalo a hiki i ka pau ana o ka Aha Korouero. Ua noi ia na kupuna o ua bebe ala e hookuu mai i ko laua kuleana maluna o ke kamaik@, a oiai aole he keiki ponoi a keia mau makua on a miliona, nolaila, ua hooili laua i ko lana waiwai maluna o keia kaikamahine hookama.

WAIKAHE NUI MA KAUAI.

Ma ka huli hoi ana mai a ka mokuahi Maki ma kela Poaono au nei ua lawe pu mai ia oia i na hoike no kekahi waikahe nui i ike ia ma ka aoao akau o Kauai.

No kekahi mau hora o ka na hoomaha ole ana ma kela po Poaha aku nei ua piha a hu ka lua hookio wai o ka Hui Mahiko Maki a ua huipu aku la ka wai o keia lua hookio me ke kahawai nana i hooweliweli i na kanaka o Kealia. O ka hale o kekahi Pukiki ua lilo i ka wai, aka, aole nae he ola i poino.

Ua lilo ka uwapo o Anahola i ka wai, a pela hoi ke alahao mawaena o Anahola a me Kealia.

Ma ka muliwai o Waimea ua ike hou ia kekahi waikahe nui a ma keia waikahe ana i lilo ai ka hale o kekahi poe Iapana e ku ana ma ka nuku o ka muliwai me ka lilo pu o kekahi Iapana i ka wai a make. Mai nui na Iapana i pakele ai ko lakou ola.

Ma Kapaa ua lilo he hale no kekahi Pukiki me $600 i huna ia e ka on a hale ma kekahi rumi o na hale ala, a me he la, aia ia mau dala ke waiho la ilalo o ka papaku o ka moana. Ma ka hoike a ko Kauai poe kamaaina he waikahe keia i ike ole ia kona in a no kekahi mau makahiki loihi.

He oiaio o ko Malevina ike hope loa ana keia i na kualono nani o kona aina kulaiwi, a waiho aku la na iwi o kamahela i ka aina malihini. Aloha no.

HOOWELIWELI IA NA LUNA

NI O KA AVALATAISA.

Ma ka Poaono nei maloko o ka hale leta ua loaa aku i ke keena o na Nupepa Avalataisa he leta i kakau ia na Lunahooponopono W. G. Kamika o ka Avalataisa, a me L. A. Kakina, ka Peresidena oia hui pa'i nupepa malalo o ua leta aole i kau ia ka inoa maoli. O ka manao o ua leta ala e koi aku ana ia i na kanaka maluna ae e hoopau loa laua i ke hoopuka ana i na manao oiaio ole e pili ana i na Lunakanawai Kaapuni a me ka hui kaa hapaumi o Pain, a ke hooponopono ole laua i keia mau olelo hoopunipuni maloko o hookahi pule, alaila he hana no ke hoohana ia aku ana maluna o laua, oia hoi, e hapala i me ka hulu moa la laua.

HOOLAHA HOOKO MORAKI

HOOLAHA KUAI A ME HOO

PAA A KA MEA MORAKI.

Ke hoolaha ia aku nei ma keia no ka hooko ana aku i ka mana o ke hoolilo ana i kekahi moraki i hana ia e Jane Clark o Honolulu, Mokupuni o Oahu, Teritori o Hawaii, i ka Pioneer Building and Loan Association of Hawaii, ma ka la 29 o Sepatemaba, 1900, a i hoopaa ia ma ke Keena Kope Aupuni, Oahu, buke 215, aoao 485 a me 487, ke hoolaha ia aku nei ma keia ua manao ka mea paa moraki e paa i ua moraki ala i olelo ia no ka hahaki ana ia o ka aelike, oia ka uku ole ia o ke kumupaa, uku panee, auhau a me ka puka i ko lakou wa uku, a o ua moraki ala i oleloia, e hoolilo ia aku ana ma ke kuai kudala ia ana ma ke keena kudala o James F. Morgan, ma alanui Moiwahine, Honolulu, ma ka Poakahi, Aperila 7, 1902, ma ka hora 12 awakea. O na waiwai i hoakaka ia maloko o ua moraki la, oia keia:

O kela mau apana aina ekolu i ikeia Apana 11, 12 a me 13 o ka pa hale e noho ia ana e William Buckle i make, e waiho nei ma Kamakela, ma Honolulu i olelo ia, i hoopuni a i hoakaka ia penei:

Ekahi--Apana 11: E hoomaka ana ma ke kihi Hikina ma ka aoao makai o ke alanui a e holo ana:

Akau 36 @ 10' Komohana 94 kapuai ma ke alanui 25 kapuai laula

Hema 22@ 15' Komohana 38 3 kapuai ma ka Kuleana Helu 724 no Keliiokaloa

Hema 34@ 30' Komohana 103.8 kapuai ma ia wahi hookahi

Hema 6@ 15' Komohana 12.5 kapuai ma ia wahi hookahi

Hema 60@ 40' Hikina 6. kapuai ma ke poo o ke alanui ololi

Hema 6@ 15' Komohana 21.kapuai ma ke alanui ololi 5 kapuai laula

Akau 53@ 50' Hikina 168, kapuai ma ka Apana 12 no kahi i hoomaka ai

a nona ka ili aina 20 100 eka.

Elua--Apana 12: E hoomaka ana ma ke kihi Akau o keia apana ma ka aoao makai o ke alanui 25 kapuai laula a e holo ana:

Hema 36@ 10' Hikina 75. kapuai ma ke alanui

Hema 53@ 50' KOmohana 235, kapuai ma ka Apana 13

Akau 13@ 45' Komohana 4.5 kapuai ma ka alanui ololi 5 kapuai laula

Akau 6@ 15' Hikina 96, kapuai ma ke alanui ololi alaila

Akau 53@ 50' Hikina 168. kapuai ma ka Apana 11 no kahi i hoomaka ai.

a nona ka ili aina o 347-1000 eka.

Ekolu--Apana 13: E hoomaka ana ma ke kihi Akau o keia apana ma ka aoao makai o ke alanui 25 kapuai laula a e holo ana:

Hema 35@ 10' Hikina 75. kapuai ma ke alanui

Hema 53@ 50! Komohana 228, kapuai ma ka Apana 14

Akau 80@ 5' Komohana 36.5 kapuai ma ke alanui ololi 5 kapuai laula

Akau 53@ 50' Hikina 235. kapuai ma ka Apana 12 no kahi i hoomaka ai

a nona ka ili aina 413-1000 eka

O keia wahi a pau he mau mahele no ka aina, i hoakaka ia ma ka Palapala Sila Nui 1985 i hookahuala ma ka Palapala Hookuleana 6245 ia Kalaeokekoi no Kalakini,

THE PIONEER BUILDING AND LOAN ASSOCIATION OF HAWAII

Ma o kona Loio ala

A. G. M. ROBERTSON.

Hanaia Honolulu, Mar. 6, 1902.

Mar. 15, 22 29, Apr. 5

HOOLAHA KUAI A ME HOO

PAA A KA MEA MORAKI.

Ke hoolahaia aku nei ma keia no ka hooko ana aku i ka mana o ka hoolilo ana i kekahi moraki i hana ia e B. P. Zabian o Honolulu, Mokupuni o Oahu, Teritori o Hawaii, i ka Pioneer Building and Loan Association of Hawaii ma ka la 28 o Feberuari, 1889, a i hoopaa ia ma ke Keena Kope Aupuni, Oahu, buke 192, aoao 179 a me 181, ke hoolahaia aku nei ua manao ka mea paa moraki e paa i ua moraki i oleloia ia no ka hahaki i ka aelike, oia hoi, ka uku ole ia o ke kumupaa, ukupanee, aihau a me ka puka i ko lakou wa uku, a o na waiwai i paa ma ua moraki ala e hoolilo ia aku ana me ke kuai kudala ma ke keena kudala o James F. Morgan, Alanui Moiwahine Honolulu, ma ka Poakahi, Aperila 21, 1902, ma ka hoar 12 awakea. O na waiwai i hoakaka ia maloko o na moraki ai , penei:

O kela apana aina a pau e waiho ana ma Kalihi, Honolulu i olelo ia i hoopuni ia, penei:

E hoomaka ana ma ke kihi Hikina o keia mau apana ma ka huina Komohana o Alanui Kamehameha IV, makai o ka Halepule Kalihi, a e holo ana

Akau 80@ 85' Komohana ma Alanui Kamehameha IV 101 1/2 kapuai; alaila

Hema 53@ 40' Komohana 118 kapuai ma na apana o Gus Cordes; alaila

Hema 36@ 00! Hikina 100 kapuai; alaila

Akau 53@ 40' Hikina ma Alanui Kamehameha IV 108 kapuai no kahi i hoomaka ai;

Nona ka ili aina ma kahi o 0.26 eka, a he mahele ia o ka aina i hoakakaia ma ka Palapala Sila Nui 3546 Kuleana Helu 10498, a i lilo i ka mea i hanaia e Lau chong ma ka la 15 o Aperila, 1896, a i hoopaa ia ma ke Keena i oleloia buke 158 aoao 428 a me 429.

THE PIONEER BUILDING AND LOAN ASSOCIATION OF HAWAII.

Ma o kons Loio ala.

A. G. M. ROBERTSON,

Hanaia ma Honolulu, Mar. 28,

1902. mar 29, apr 5, 12, 19.

Hale Hana

Pahu Kupapau Hou

Aia ma ka "Hale Elks" a ku nei

ma ke kihi o alanui Beri-

nia me Mila.

He mau waiwai maikai loa. He maikai ka lawelawe ana. He emi ke kumukuai. E kipa mai e na Hawaii e ike no oukou iho.

J. H. TOWNSEND

Luna Nui.

Telepona Blue 571. jan 31

DR. T. MOTONAGA

KAUKA KEPANI HANA NIHO

AKAMAI LOA.

E loaa no mawaena o alanui Papu a me Nuuanu. Hora hana, 8 a. m. a ka 4 p. m. Sabati, 8 a. m. a ka 10 a. m. He maikai ka hana ana. Emi ka uku. feb 17

Wm. RINGER

Eia au imua o oukou e o'u mau loa lahui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka on a, a pela me na Opelu maloo. Ua hiki ia'u ke hoolawa i na makemake o'u mau hoa hanau o na mokupuni. E loaa no au ma alanui Muliwai, kokoke i alanui Kukui. P. O. Box 483.

H. F. Wichman.

Wikimana

E loaa no na MAKAAINANA no na maka ma ke kumukuai haahaa ma ma ko makou Hale Hana Gula ma Alanui Papu.