Ke Aloha Aina, Volume VIII, Number 15, 12 April 1902 — Page 4

KE ALOHA AINA, POAONO, A#E#A 12, 1902

 

Ke Aloha Aina

Hookumuia no ka

Pomaikai o ka Lehulehu, a he Nupepa na ka Lahui Hawaii

 

EDWARD L. LIKE.

Lunahoononopono.

JOSEPH K. LIKE.

Luna-Hoopuka

ALEX. NAWAHI.

Luna Hoohana.

EMMA A. NAWAHI

Puule# o KE ALOHA AINA

 

PUKA PULE

E hoopuka ia ana ma na kakahiak

Poaono a pau.

 

No ka Makahiki      $2.0

No ka Eono Mahina        1.00

No ke Kope Hookahi      .05

 

KEENA HANA.

        Ma alanui Moi, Leleo, Helu 370,

Kokoke ma ka Hale Hoolulu Kaaahi.

Pahu Leta 513

 

HONOLULU  APR. 10, 1902

 

        E LIKE no me ka makou hoakaka mau ana, o na koho balota kuikawa a pau i pani ma na makalo# hakahaka o na moho e make nei, aohe manao nui i a e na poe Demokalaka.

 

        MA ME kau koho o 1900 i hala au ike mua ia no ka lanakila o na Repubalika o ka Apana Eha ma ka puka ana o ka lakou moho A. F. Gilfilana, a haule ka ka Home Rula a me ka ke Demokalaka; oia haule mua ana ma ia kau, a haule hou iho a ma kela, aole no ia he mea no na aoao lahui e waia ai; na akaka paha ka haule he haole wale no ka hapanui e noho ana ma ia apana, a ua like ka lahui ma keia koho balota ana, me ka kanaka e hoonahoa ana e au aku imua o ka waikahe ikaika.

 

UA IKE MUA IA NO.

 

        O ka haule ana o A. Daraea ma keia koho kuikawa ana o ka Apana Eha, aole no ia he mea ano hou, oiai, au ike mua ia no e ka lehulehu o ke kulanakauhale nei o ka pana koho ia i noho nui ia e na poe haole, a o lakou ka hapanui ma ia aoao mai ka laina pololei ma Waikiki o ke alanui Nuuanu a hala iwaho o ke alanui Beritania a Makiki; o na kauhale nunui nani e ku nei ma ia mau wahi a ke kaa uwila e holo nei a hiki i ka palena pau iwaho o Punahou, he haole wale no; a nawai no hoi e ole ka haule o ka moho a ka lahui Hawaii, no ka mea, he lahui maka alohilohi wale no ka hapanui oia aoao.

 

        E weheia ana he kuai hoemi nui ma kahi o Kerr i keia Poakahi aku.

 

        Ua hoopaneeia aku la ka paikau hookuku nui mawaena o na puali a pau o ka Regimana Koa Hawaii mai ka la 26 aku o keia mahina a hihi i ka la 10 o Mei,

Mai # aoao i mai

Apana Elua, Mokupuni o Maui -- O William White ka i okiia ae la, he eika wale no on a mea makahiki, no ka mea, he 636, wale ona balota, a koe aku ia o Senatoa H. P. Baldwin, he Repubalika, nona na balota he 711 a me S. E. Kaiue, he Home Rula, nona na balota he 746.

        Apana Ekolu, Mokupuni o Oahu. -- Ma keia apana he hookahi Home Rula i okiia a he elua Repubalika. O Senatoa Kanuha ka Home Rula nona na Balota he 1871, a o Senatoa Achi a me Senatoa Kaaka na Republika, so laua na balota pakahi he 2017 a me 1984. O ka poe e noho anano eha makahiki oia o Senatoa Kalauokalani, he Home Rula, nona na balota he 1994, a me Senatoa Kikila Balaunu a me Papai, no laua na balota pakahi he 2017 a me 1934.

        Apana Eba, Mokupuna o Kauai -- Ua loaa ia Senatoa Kahilina he elua wale no makahiki, oiai, he 299 wale no on a balota, O ke Senatoa e noho ana no eha makahiki malaila oia o Senatoa L. Nakapaahu, he Home Rula, a nona hoi na balota i hiki aku i ka 317.

 

NA KE ALOHA I KONO MAI E MAUNAUNA I KONA OLA.

 

        Ma ka hora 6 o ka Poakolu nei, ua hoao ae la he Hawaii opio nona ka inoa o Antone Kapaoa e lawe i kona ola, ma kona home ma Kewalo ma ke ki ana iaia iho me kekahi pu panapana. Aka, mamuli o kekahi ulia laki aole i kapoo aku ka poka ma kahi ona e make ai, aka, ua pahia wale no a paa ma kona iwi poo. Ua lawe ia aku ka mea poino no ka haukipila, a na manaoia aole i kukonukonu loa ka palapu i loaa iaia.

        Ma ka hoike a ka mea poino he hookahi wale no kumu nui nana i kono iaia e lawe i kona ola, oia kona haalele ia ana i ke anu e ka mea a kona puuwai i aloha ai. au hoao oia ma na ano a pau i kahi e hoi hou mai ai kana aloha iaia, aka, i kona ike ana he hana paakiki loa ia, na hooholo iho ia oia he mea pono ka make ana mamua o ka hoehaeha mau ia ana e ka wahine opio ana i hiaai nui ai. He mau pule ae nei i hala au paa oia ma ka papa inoa o na poe i hoohuoi ia ua loaa i na haawina luuluu a ka ma'i hookaawale ohana, aka, ua hookuu ia mai no mahope mai. E au Hawaii mai maunauna i ke ola makamae a ke Akua i haawi mai ai. He mea loaa wale no ka wahine ke huli aku a #, o ke ola he mea hiki ole i ke akamai o ke kanaka ke imi.

 

EIA KE LIULIU MAI NEI

 

        He halawai ka i malama ia ae e na kapena o kekahi mau hui hukihuki ma ke keena halawai o ka Hui Hooikaika Kino Honolulu no ka noonoo ana i na mea e pili ana i ka pono o ko lakou mau hui hukihuki kaula. O ka la e hoomaka ai ka hukihuki ma ka la 26 no ia o keia mahina. O ke kahua pae e malama ia ai keia hana ma ka hale hoahu ukana no ia o Asia. O ka loihi o ka papa kahi e huki ai he 100 kapuai, a ma ke noi a na kapena ua hooloihi ia aku i umi kapuai hou aku a au like me 110 kapuai. O na hui i maopopo loa ke komo oia ka hui o na Hana Hou, C. Costa; Lako Hao Pakipika, D. Kekaulike; Afericans, (Paele) Sydney Boyd; Amerika, H. Fliut; Pukiki, J. Machado; Poola, W. J. Moss Kanekau, E. Devancuelle.

        Eia keia mau hui ke hoomaamaa mai nei no ko lakou la e hoea mai ai imua o ka lehulehu a hoike ae i ka wikani o ko lakou mau aahuki.

 

KOI A NA MISIONARI.

 

        Wasinetona, Mar. 31. Aole he mau mea i noonoo ia e ke Komite Haawina o ka Hale o na Lunamakaainana no ke apono ana o ka Peresidena e ukuia ka haawina $2,100,000 no na koi a na misio-i hoea mai ma kela haunaele o Kina me na Boxer. O ke kumu o keia noonoo ole ia mamuli no ia o ka manao ia ana he hana kupono ole ka haawi wale ia ana aku o keia puu dala me ka maopopo ole o ka nui o ko lakou poino, a o ka elua o na kumu aole i uku mai o Kina i ke koi a ke aupuni he $25,000,000. O ka hopena a na noonoo akahele ana a ke Komite au hooholo ia e huli ono ia ka poino o keia poe misiona mamua o ka loaa ana ia lakou o keia puu huahelu nui.

 

HE BUKE MOOLELO HAWAII

 

        Malalo o ka loko maikai o Moses Nakuina ua manawalea mai la oia ia makou i kekahi kope o kana buke moelelo i hoopuka iho nei nona ka iaoa o Pakaa; he nani keia moolelo i kupono na na poe puni moolelo e heluhelu ai. Aia maloko o keia moolelo ka mea e pili ana i ka ipu makani a Laamaomuo. He 25 wale no keneta ka auhau o ke kope hookahi.

        O na poe makemake i keia moolelo a pau e waiho ae i ka lakou noi i ka ona o keia buke a i ole i ke Keena nei o KE ALOHA AINA.

 

        He maluhia loa ka la koho baloka i malamaia ai ma ka Poakolu nei.

 

HE UA KOKO

 

        He hiona ano e ka i ikela ma ka aoao hema o Europa, a o ka oi loa aku ma Sicily, oia hoi, ma ka la 10 o Maraki aku nei, ua ikeia iho la he ua koko. O na kula laula, na kaupoku hale a me na kumulaau ua uhiia lakou me kekahi mau wai ulaula e like me ke koko. Ua nui a lehulehu na poe i hooweliweli ia me ka manao kuhihewa ana he mau hoailona keia no kekahi hopena poino e hoea mai ana. Ua ana ia keia ua ula e na poe akeakamai ua ikeia he 60 pa keneta lepo ula a o ke koena iho he lepo palolo, a me 5 pa keneta wai maoli. Malalo o na ohe hoonui i ke ua ikeia iho la na opala o na mea ulu.

        Ua hoomaopopo ia o keia mau lepo ulaula aole ia he lehu no kekahi luapele, aka, he lepo no ia no ka Waoakua o Sahara, a na na kikiao makani i puhi hele mai ia lakou mai keia waoakua mai o Aferika no Europa. Kupaianaha no na hana a ke Akua.

 

MOKU LAWEKOA SHERIDAN ME KA MA'I SAMOLA POKI

 

        Ua hoea mai la ma ke kakahiaka Poakolu nei ka moku lawekoa Sheridan mai Kapalakiko mai, ma kona alahele no Manila. Ua kipa mai oia me ka hae melemele e pulelo ana e hoike mai ana aia he ma'i maluna ona. Ua hoea koke aku o Kauka Amerika Cofer i kona wa i pili mai ai i ka uwapo, a mahope o kona nana akahele ana au haawi ae la oia i kana kauoha e hoonee hou ia aku ka moku koa no mawaho aku o kahi a na mokukaua e ku mau ai. O ka mea ma'i maluna ona he koa paele no ia a na loaa oia i ka ma'i samola poli i ka wa o ka moku he elua la ma ka moana mai Kapalakiko.

        Ua hoolele ia aku ke koa ma'i ma ke kahua hoomalu o ke aupuni ma Mauliola, me na koa a me na ohua o keia awa, a e hoomalu ia ana lakou malaila no 15 la mamua o ka hookuu ia ana mai.

        E lawe ana ka Sheridan i ka Regimana 27 me 250 koa hou no hoopihapiha ana i na puali i hoohoohakahakaia ma Manila, a no lakou ka huina a pau ma kahi o 1674 a me kekahi heluna ohua mawaho ae.

 

        Ohuohu mau no KE ALOHA AINA i na mea hou.

 

        Mamuli o ka pilikia loa o Mr Coelho ka mea kakau o na Hawaii ma Buffalo, nolaila, ua nele kakou me kana moolelo a hiki i keia pule aku. E hoomanawanui iho ka ono a oili hou aku.