Ke Aloha Aina, Volume VIII, Number 22, 31 May 1902 — Page 3

KE ALOHA AINA

HAWAII MA BUFFALO

Ma ka aoao 2 mai.

I hoomaopopo i ke ano o ka aina oiai, ua uhi pu iho la ka pouli maluna o ka aina, me makou pu.

MAUNA PEHACHAPI.

Poaha, Nov. 21, oili ka la e kau pono ana makou i ka piko o Mauna Pehachapi, 3,872 kapuai maluna o ka ilikai. A oia makou e alaalawa ana moa a maanei hoomaka aku nei ko makou kaa e holo i lalo. Ma keia wahi kamoe loa ke alahao, e like me ka ihona o Maemae ae nei. Aole i liuliu keia iho ana o makou @oea aku nei ma kahi i kappa ia "The Loop" -(ka pio poepoe). Maanei, holo kaapuni ke kaaahi i kekahi puu oioi, a he elua manawa e komo ai malalo o ka lua pao i eli ia malalo kahi o kekahi-a he 50 kapuai ke kaawale o kahi lua malalo iho o kekahi. Mahope o keia, he ano kamoe pio pololei iki ke alahao, a hoea i ka honua o lalo.

BAKERSFIELD.

Maanei, hoomaha iki no ka pa ina kakahiaka. Haalele ia nei a holo no ka Akau. Lehulehu wale no kaona liilii ma keia alahelle, aka, ua oi aku ui o ka aina, i ka paa pono i na huiki, oka, me na mea waiwai e ae. O ka hanai holoholona kekahi mea lawelawe nui ia maanei. He ano maloo no ka aina, a no kahi mamao mai ka wai e hookahe ia ai ma an auwai nunui e like me ko Puunene, Maui. Aole hana o ko nei poe mahiai i mau auwaha auwai liilii hoopili paha. He hoohu maoli ia ka wai maluna o ka aina i manao ia e hoopulu. Ua ano like loa ka hoopulu ana me ka hoopiha ana o na loi kalo a laiki hoi. Mokaki mai ka ipu, ka waina me ka alani a ka poe mahiai, iloko o na mahina ai. O Fresno, Mersed me Stockton na kaona ano nui a makou i komo mai ai. Ua like no kahi ano me Honolulu nei, aole nae i loaa na hale nunui o kakou nei. Aole no ke kaa uwila. O ka wili palaoa me ka hana waina hoomalule kino, na oihana lawelawe nui ia ma keia mau wahi. Ia makou i hookokoke mai ai i Point Richmond, au holo makou ma ke kaekae o ka muliwai Sacramento. Nui na moku liilii e holoholo ana ma keia wahi me na ukana like ole a ka poe mahiai. Nunui ka uala kahiki a'@ i ike aku ai, e hoopihala ana iloko o na bukela huluhulu.

POINT RICHMOND.

Hora 6:45 p.m. komo makou ma keia wahi kaona, ma ke kapakai o ke awa o Kapalakiko. Maanei no pau ka holo ana i ke kaaahi, pau pu no hoi ka weli o loaa i na uila maa mau o ke alahao. Haawi ka hoomaikai i ka Makua Lani no ka palekana ana i na ulia lehulehu ma ko makou ala. Ia makou i lele aku ai i ka hale hoolulu, hoike ia mai ana, he mau kaaahi kai hookui a weluwelu liilii, ma ia ala like no a makou i hoi mai ai, he mau hora mamua iho. A e liuliu ana no e kau i ka moku no ka holo ana i Kapalakiko, loaa hou no he hoike no kekahi mau kaa ohua i pakele mai poino, mamua no o makou, kokoke i Fresno ia poino. He mau kaaahi holo loa no. He 2 mile ka mamao o kahi mai kekahi, ike na wiliki i ka holo. Hele no hoi a paa, hookui na ihu! I hakalia iki iho no, i@a ua like me na kaa i loaa mai ai ia makou e a ia ana. Akelekele wale no makou. Elima @lia mai Buffalo a hoea i Point Richmond, elima no ke aloha o na Lani i na oiwi kaahelel o Hawaii. Aloha no.

KAU I KA FERRY BOAT.

I Point Richmond kau makou maluna o ka Ferry Boat, he nui keia moku ferry he palaha ko lakou kino; akea a kiekie no hoi ma ka aoao na @uila; a he hiki ke holo imua a hoi i hope me ka hoohuli ole. Ia makou i holo mai ai a ke awa o Kapalakiko, poha pono iho la ka malamalama o ka mahina maluna; aleale ae la no hoi ke kai malino, a mapu ae ia ke ala limu o ke kai, nana aku no hoi i ke aloha i ka aina nei! Pii mai ia no hoi ka ono i ka poi, i ke ala ae o ka limu. Mo@@ wale iho ia no i ka haae.

KAPALAKIKO

Hora 7:30 p.m. pili makou i ka uwapo Ferry Landing. Lele aku nei a loko o ka hale hoolulu kakali aku o ke kaa o ka hotele. Aole no i liuliu iho, hoea ua kaa nei, a kau aku nei makou a pau, a holo no ka Hotele New Western, ma ke kihi o Alanui Kearney me Washington. Hiki malaila, auau, komo kapa a hookomo wahi ai a pau, hele aku nei e huli i na hoaloha Hawaii e noho ana ma ia kulanakauhale. Mamua ae o ko'u oili ana aku mai ka hotele, lohe, aku la au i ka leo o kekahi Hawaii a'u i kamaaina ai i ke au i hala ak@, e walaau mai ana ma ko Kualii ma lumi. I ko'u komo ana aku o Sam. Kealakaa. Haalele iaia me kona mau kamaaina, puka aku nei au a waho, loaa ia keiki o makou, a kaha aku nei e hele i ka Occidental Hotel e ike ia Kuihelani ma. Aole i hoea aku i ke kihi o ka hale, halawai ana me East kahulu, nui ka olioli, hoi hou makou a ike kela i ko maukou poe poe a pau, puka aku nei a hele no ko East hotele i loaa ka makou mau palapala o nei ae. Hiki ilaila, lilo i ka heluhelu leka me ka uwe pu i ke aloha i na ohana, ka hele ia a pau ka hora 11 oia po, hoi ana makou, aohe i kipa ike ia mau hoa oiwi maka hanohano i ka Occidental. Kakahiaka ae, kipa aku nei, a e akoakoa mai ana o Kuaihelani me kana mau kaikamahine, a o Lahilahi C@@@a no hoi me kana mau keiki; a lehulehu wale iho Mamuli o ka oluolu o keia mau makuahine maikai, na loaa ia makou ka hanohano e hoahihi me lakou ia po ma kekahi papaaina hoolaulea no ka hoi ana mai o Lahilahi me makou.

AI ALII KA HAWAII MA KA OCCIDENTAL.

Hora 7 p.m. Poalima, hoakoakoa makou ma ke keena hookipa o ka Hotele Occidental. Ma komakou hoomaopopo ana i na iwi:-o Kuaihelani me kana mau kaikamahine, Wahikaahuula me Alice me na kaikamahine liilii, Lahilahi Cunha me kana mau keiki, Rose me Clarence, Kapeka Merseberg, he haole makamaka no lakou a me kana wahine, W. Keawe, B. Waiwaiole, H. Kauhane, A. Malina, East Kahulu a me a'u. Ohuohu ka papaaina, a ohuohu pu no hoi na hoa ai a pau. He hora a oi ko makou hoopapau ana i na ono i pahola ia e ka ike me ka noeau o ke kuke me na kuene. I ka pau ana, hoomaka makou e hoolaulea ma na rula maa mau i ko kakou nei aina. himeni a hookahi pila a hiki i ke kulu aumoe hookuu i kuu iho ia maluhuluhi. Mahalo nui i ka lokomaikai o keia mau makuahine oiaio o na oiwi-Kuaihelani a me Lahilahi.

HAWAII KUU HOME.

Poaono, Nov. 23, 1901:-Mahope iho o ka paina kakahiaka, hoike ia mai la ka lono o ka hora 1 p.m. ka wa o ko makou moku e haalele ai ia Kapalakiko, nolaila liuliu iho nei makou a makaukau na wahi opeope. Hora 11:30 a.m. haalele i ka Hotele a holo aku nei no ka uwapo o ka "Ninau o ka Pakipika" -S. S. China. I ka hoea ana aku i laila, e kali mai ana o Kuaihelani ma, a me Mele Ailau no hoi. He poe oiwi okoa ae no kekahi a nui wale, aole hoi i loaa mai na inoa.

LAWE HAAHEO A KE KU'E ONI.

Hoi 1 ponoi, haawi ke oeoe aloha, ke huli hoi nei makou. Ia makou e puka nei i hope a kaa iwaho o ke awa, poloke kekahi hao paahana o ka mikini, @@@ ka heleuma. Ma keia wahi makou i ku ai a maopopo ole ka wa i holo ai; oiai i ke aumoe ana, pau makou i ka hoi e moie, i puoho ae ka hana i ka wanaao, e oili ana makou mawaho o Ipuka Gula.

SABITI MA KA MOANA.

I ke ao ana ae, au nalo ka aina ihopem a eia makou ke pa@@lewa ia nei e na aie kulipolipo o ka moana. Po@ mai ke kai mamua hao mai hoi ka naulu ma ke ihu, hao ae hoi ke poluea ma ke poo, hiki ole ke hoonioni ae. He mau la ko makou holo ana pela, ka ike hou ia i ke kakahiaka Poakolu, iwaena moana. Ia pii ana ae a luna o ka oneki, ike aku la i ka moana e aleale mai ana, hu ae la ka ono i na i'a o ka aina nei. Akoakoa like ae la na hoa aukai a luna o ka oneki, o ka hana iho la ia o ka helu i na i'a ono o kela me keia ano. Pela mau iho la makou ia mau la, a ku wale no ianei. Aole i pau.

Hoolaha a ka Lunahooponopono Waiwai.

Owau o ka mea nona ka inoa malalo iho nei, ua koho pono ia i Lunahooponopono no ka Waiwai o David Koki o Waimea, Mokupuni o Hawaii, Teritori o Hawaii, i make, ke hoolaha aku nei ma keia o na poe a pau he mau koi aie ka lakou i ka Waiwai i olelo ia e waiho mai me na hooiaio kupono ina ua loaa aku ma ka moraki a i ole ma kekahi ano e ae, i ka mea nona ka inoa malalo iho nei ma Waimea i oleloia maloko o e@@@ mahina mai keia la aku a i ole e kue loa ia aku no ka wa mau loa. A o na poe a pau he aie ko lakou i ke Waiwai i olelo ia ke kauoha ia aku nei ma keia e uku koke mai lakou i ka mea nona ka inoa malolo iho nei ma Waimea i olelo ia. Hanaia ma Honolulu, Oahu, Teritori o Hawaii. Mei 27. 1902. THERESA AIU KOKI. Mei 27, Iune 3, 10 17, 24, Iulai 1@.

CAMARA & CO.,

Kihi o Alanui Alakea me Moiwahine.

MEA KUAI

Waina, Bia me na Waiona

Na Kauoha a pau e Hooko ia no.

NA BIA BUDWEISER, RAINIER

ME PRIMO.

PAHU LETA 664. - TEL. BLUE 492.

Eia maanei o W. Rice. kekahi o na Hawaii i noho loihi me Frank Brown.

Allen me Robinson

He mau mea kuai

Papa, Na Lako Kukulu Hale, Pana ame Aila a pela pu no hoi me ka Nanahu. Keena Hana ma Alanui Moiwahine.