Ke Aloha Aina, Volume VIII, Number 26, 28 June 1902 — Page 3

KE ALOHA AINA

 

NA HUNAHUNA MEA HOU O NA AINA E

 

LUKU WELIWELI IA NA ILIKINI.

 

            Tuscon, Iune 11.         He eono haneri koa Mekiko mai ka puali mai o Kenerala Torres, e alakai ia ana e Kenerala Augustin Hernandez, i luku weliweli aku i na Ilikini kane, wahine a me na ke iki i keia kakahiaka nui poni poni. O keia mau Ilikini e hoolulu ana lakou i manao io ai ua pakele lakou mai na enemi aku.

            Ua loaa aku na hoike ia Kenerala Hernandez mai na kiu aku no keia puali o na wahine a me na keiki e kiai ia ana e 100 Ilikini kane. Iloko o ka aaki paa o ka pouli i lawe aku ai na kiu i na koa Mekiko no kahi a na Ilikini e hoolulu ana.

            Mamua o ka oili ana mai o na kukuna malamalama o ka la aia na koa Mekiko e hoopuni ana i ke awaawa maluna o na kakai pali a e kiai paa ana i na alahele apau e pakele ae ua enemi. I ka wa, o ke alaula o ka malamalama i pahola mai ai, oia koke no ka wa a na koa Mekiko i ki papa aku ai maluna o na kane, wahine a me na keiki.

            He uuku loa na kane i lako me na mea kaua, nolaila, ua hiki ole ia lakou ke hoopakele i ke ola o na wahine me na keiki. Ua pau loa na kane i ka make, a i ka hoomaha ana o ke kipu he 130 wahine a me na keiki liilii e waiho makaki ana maluna o ke kahua kaua, mawaho o na kane he 100. O na wahine a me na keiki i pakele mahunehune mai ua emi iho ia malalo o 300.

            He nui na Amerika e noho ana ma Sonora a me Arizona i kue loa i keia mau hana puni koko a na koa @lekiko, oiai, ma ko lakou ike he pololei ke kue a na Yaqui i hana aku ai i na Mekiko.

 

OHOHIA NUI IA DEWET.

 

            Ladana, Iune 15.        He lono kai loaa mai la mai a Haku Kitchener mai mai Pretoria mai, no ka Poaono nei, Iune 14, e olelo ana he 2594 Boa i haawi pio mai mai ka Poalima mai nei.

            O ka hoea ana aku o Kenerala Dewet i kahi hoolulu o na Boa ma Winburg ua apo ia mai oia me ke ohohia nui ia. Ua hoo puni ia oia e na kane, na wahine a me na keiki, e hookeke ana no ka haawi ana mai i na lulu lima pumehana i ke koa wiwo ole. Ua ku ae o Kenerala Dewet maluna o kekahi pakaukau a haawi mai la i kekahi haiolelo e haawi ana i na hoomaikai palena ole i na wahine i haawi i ka lakou mau kokua i na Boa i ka wa o ke kaua e pahola ana, wahi ana, ka mea nana i hooi loa aku i ka manao hopo ole o na Boa maluna o ke kahua kaua. A mamua o kona hoopau ana ae i ka@a mau olelo ua kauoha aku la oia i na kanaka e aloha i ko lakou aupuni hou me keia mau olelo.

            Malia paha he mea paakiki no oukou ka hoolohe ana mai i keia mau olelo mai ko'u waha aku, aka, ua hooholo mai ke Akua i keia mea. Ua hakaka au a hiki i ka pau loa ana o ka manaolana no ka loaa hou o ko kakou iini, a nolaila, ua hoea mai la ka wa no kakou e waiho aku ai i na mea kaua. Ma ke ano he karisitiano ke kauoha mai nei ke Akua e aloha aku kakou i ko kakou aupuni. E hoolohe aku kakou iaia.

            Aole o Kenerala Dewet i hoeha ia iloko o na hoouka kaua ana i komo ai. A he elua makahiki o kona ike ole ana i na ma ka o kana wahine.

            He elua tausani o na koa lahui i hakaka ma ka aoao o Beritania e hookuukuu ia aku ana, a e hoolako ia aku ana kela a me keia me ka lio no ka hoi ana aku i ko lakou mau home.

 

MAKE KA WAHINE A LUNAKANAWAI ESTEE.

 

            Nu Ioka, Iune 15.        O Mrs. Sarah Estee, ka wahine mare i okiia a Morris M. Estee, ke kanaka i hoao e holo no ke kulana kiaaina o Kaleponi, a i haule no elus manawa, ua loaa aku oia i keia kakahiaka ua make maloko o ka hale hoolimalima Brooklyn House, e malamaia nei e Mrs. Seymour, ma alanui Nassau 100.

            He umi makahiki i hala ae nei ua kaawale ae la o Mrs. Estee mai kana kane mai, kekahi o na alakai o ka aoao Repubalika. O ka hoopii a kana wahine ke kumu nana i hoohaule iaia, a koho ia ae la ka moho kiaaina a ka aoao Demokalaka i ka 1894. Ua haule mua no o Estee i kona hoao ana e holo ma ia kulana i ka 1882. O Mrs. Estee kekahi o na ui o Memphis, a i ike ia o Sally Phillips, a ua mare oia me keia kanaka Kaleponi. Eia no kona kona makuahine ke ola nei.

            He uku hoomau makai kona e ola ana, aka, ua @ele nae kona uhane me na manaolana hauoli me ka hooholo ana aole oia e huli hoi hou aku no Tenesi, kahi ana i paa ai i ke kulana ka ui oikelakela oia makuaina ma kahi manawa. Me ka puuwai i hoehaeha ia ua hoea aku oia i Brooklyn kahi he hookahi a i ole elua o kona mau hoaloha o na makahiki i @ui hope aku e noho ana. Ua make laua a noho mehameha iho la o Mrs. Estee me ka hoolauna ole aku me kekahi mea okoa aku a o na mea ano nui o ke ao nei, heaha la ia o kona manao mamua o kona wahi keena uuku. ua hoike ia aku ka lohe i kona makuahine ma ke telegarapa, a e hoihoi ia aku ana kona kino ma ke no Memphis i ka la apopo.

            O Estee i keia wa he Lunaka nawai Amerika ma Hawaii.

 

MAKE KE KANAKA MOMONA LOA O KA HONUA NEI.

 

            Kapalakiko, Iune 13.   O Heneri Maurice Cannon, i ike nui ia ma kekahi mau kulanakauhale ke kanaka koikoi loa ma ka honua nei, ua make hikiwawe oia ma ke kakahiaka o nehinei ma alanui Makeke 1233, kahi ana e noho a e lawelawe oihana ana.

            Ua hanau ia o Cannon ma Geremania i ka 1850, a i kona mau la opio he kanaka ola i ike ia i ka ikaika hapai i na mea kaumaha a me ka hakookoo. He elima makahiki i hala ae nei ua holo mai ia oia no keia aiana, a ia wa i pii hikiwawe ae ai kona kulana momona. O kona kaumaha i kona wa i make aku ia he 613 paona. I kona hoea mua ana mai i Kapalakiko ua lilo oia mea makahiki nui ia, a ua hookaawale ia he wahi e hoikeike ia ai oia maloko o ke Chute.

            He 52 ka nui o na makahiki i kona wa i make aku la, o kona kiekie he 5 kapuai 10 1/2 iniha, ke ana puni o kona opu he 96 iniha, kona umauma he 72 iniha, uha 54 iniha, kuli 30 iniha. Ua haalele iho oia he wahine a me na hoaloha he lehulehu wale.

            Ua like maoli no ke kaumaha o keia kanaka me kekahi pipi hulu.

 

HE MAU PIO MAHUKA MAKAU OLE.

 

            Potalana, Oregena, Iune 9.      Ma hope iho o ke kipu ana a make loa he elua mau kiai, ua mahuka aku la o Harry Tracy a me Frank Merrili, he mau pio e paa loihi ana ma ka halepaahao o Oregona ma Salem.

            Ua lawe aku laua he kiai ma ke ano he paku no laua mai ke kipu ia ana aku e na kiai, a i ko laua wa i kaawale loa aku ai mai ka halepaahao aku ua huli ae la laua a kipu iho la i ka laua pio me ka nana aku no o na kiai. Alaila, holo aku ia laua no loko o ha ululaau a nalowale aku la. Eia na makai ke huli nei i na paahao iloko o ka hihipea o @ na laau a hiki i keia aumoe aole laua i loaa.

            Gervais, Oregona, Iune 11.     O Harry Tracy a me Dave Merrill, na paahao limakoko ua hoea mai laua i ka panina o ka laua huakai mahuka eia laua ke pee nei maloko o kekahi ululaau @eenee he hookahi mile ma ka hikina aku nei o Grevais, ua hoopaa@ ia laua e 100 kanaka a me e ua paalikoa. O na alahele a pau e hiki ai laua ke puka mai iwaho ke kiai makaala ia nei e na kanaka a me na koa, a e hop@ ia ana laua no ke ola a@ o e n@ ka make.

 

MOI MAHARAJAH NO LADANA.

 

            Ladana, Iune 14.         O ka Maharajah o Jaip@r, kekahi o na moi wai wai loa, @a hoea mai la oia i anei no ka poni moi me ekolu haneri kauwa. Kia oia ko noho nei ma ka Mary Lodge, Kensington, a @e mau hale o umikumamaono e ku lalani ana i hookaawaleia no na ohua. Ua lawe mai oia he kii gula nui o ke Akua Krishna e hoomana ia nei ma Hinedu nona ka waiwaiio he $250,000. Ua hookaawale ia he rumi ma ke ano he heiau a malaila lakou e malama nei i na hana hoomana kii i kela a me keia la.

            Iwaena o kona mau @kana he 20 mau ipu lepo nunui i hoopi@a ia i ka wai o ka muliwai Ganges, a o ka na mau mea ai a pau me ka wai wale no o keia mau ipu lepo e hoo moa ia ai.

            Parisa, Iune 7. O ka Maharajah o Jaipur, i hookaulua iki iho la maa nei ma kona alahele no ka ponimoi o ka Moi o Enelani e kaahele ana oia iloko o ka nani nui. O kona mau ukali he iwakalua no ke kulana kiekie loa a me 300 kauwa. O ke kaumaha o kona mau ukana maluna aku no ia o ka 100,000 pa on a, me ke koe ae o na makana ana e lawe ana na ka moi a me kahi mau ukana no ka hoikeike ana.

            Elawe pu ana ka Maharajah he lako mea ai i loaa ole i na makeke Enelani i hiki ke lawa no eono ma hina.

            He mokuahi kuikawa ko keia moi me kona mau ukali i lawe ia mai ai mai Bomabe mai no Marseilles @ Parisa a me Calais, a he mokuahi kuikawa aku a hoea i Ladana. Nui io no ka hua pelehu a keia moi o Inia.

 

CAMARA & CO.,

Kihi o Alanui Alakea me Moiwahine.

 

MEA KUAI

Waina, Bia me na Waiona

Na Kauoha a pau e Hooko ia no.

 

NA BIA BUDWEISER, RAINIER ME PRIMO.

PAHU LETA 664. - TEL. BLUE 492

 

Eia maanei o W. Rice, kekahi o na Hawaii i noho loihi me Frank Brown.

 

S. I. SHAW & CO

AGENA NO KA

 

Oia ke Pookela o na Bia apau.

 

CULMBACHER

He Bia keia i mahalo nui la e na ka uka a he laau hooka@@a kino no na poe nawaliwali i oi ae lona maikai mamua o ka Malt Extracts. Ke hooiaio aku nei makou i ua poe a pau he laau hoonoono ai maikai. E hoouna ia aku no na @auoha ma na wahi a pau o ke kulanakauhale me ka uku ole.

            TELEPONA MAIN 174.