Ke Aloha Aina, Volume VIII, Number 26, 28 June 1902 — Page 8

KE ALOHA AINA

 

8                                              KE ALOHA AINA, POAONO, IUNE 28, 1902.

 

MOOLELO HOONI PUUWAI

 

---: NO :---

 

Kuu aloha i na Pua, Kuu Ipo o na Launahele!

 

Ka Makaikiu Kupaianaha!

 

            He halulu wawae ana ia o ke kanaka o hookahi wale no kino, ka halulu hoi nana i aneane e kipaku aku i na powa mai ke kahua aku a lakou e ku ana a naka haalulu iloko o ke p@h@ ihoi o ke auhee, aka, i ka wa a ko lakou lohe a i hooiaio ai he hookahi no ua mea ala, alaila, me ka leo oolea o ke kauoha aia he ekolu kanaka e ukali ana mahope o Loio Hon Wiliama Wabila a pii no ka hale maluna kahi a ka halulu wawae e nehe ana, a me na kapuai mama o ka palanehe aia ua poe powa ala ua hoea aku iluna a o ka mea mua loa i halawai mai me lakou oia no ka waha o na pu panapana elua e hamama mai ana a i kau pololei ia mai hoi imua o lakou e kekahi kanaka keonimana opio kulana hanohano.

            O ka huaolelo mua loa o ke kukaia i weheia mawaena o na aoao elua, oia no ka leo bang o ka pu panapana a ke keonimana opio no elua manawa nana i hoouna aku he elua o na powa e walawala pahu no ka hale malalo, a he owa hou ana no elua kani pu panapana, aia o loio Hon Wiliama Wabila a me kona kokoolua ua walawala aku la ilalo.  Alaila, e like me ka mama o ka popoki aia ka makaikiu e ku ana maluna o kona mau kapuai ma ka hale malalo a haawi i kana mau nana ana ina paha aia no he wahi hanu i koe no na kanaka ana i hoouna mai ai ma ka waha o kana mau pu panapana, a no lakou hoi na kino e waiho ana iluna o ka papahele.  Aka o ka haina i loaa ae mahope o ka nana akahele ana ua haalele mai ke ola i ko lakou mau kino.  He elua o laua aia na pu’a poka ma kahi o ka puuwai, a o ke kolu aia ma ka maha akau o ke po o a o Hon Loio Wiliama Wabila, aia ke alina pau ole a ka poka pu panapana ma kona maka akau, a o ka onohi hua aniani hoi ua nohaha a okaoka liilii, alaila.  o ka huaolelo hope a ua makaikiu nei i hoopuka ae ai ua pau loa lakou i ka make, a o ke ko ana o kana olelo mua o ka hooia.

            Mahope o na nana akahele ana a ua makaikiu ala, ua hoouna aku la oia i kana hoike i ke keena oihana makaikiu a mamua ae o ka uhi ana mai o ka pouli, aia na kino make eha e waiho ana maloko o ke keena kaha kanaka o ke aupuni no ke kali ana no ka hoike a ke kauka a me ka aha niele o na kiure.  O ka hoike nui wale no o keia hihia, o ia no ka makaikiu Heneri Beleine hama ka olohe a o ke kaeaea nana i hanu a i hookolo ka meheu o keia poe powa a loaa pono o Hon Wiliama Wabila ka loio no i no ka lehulehu aole ia he mea okoa, aka, o Kauka Buruke no ia malalo o ka inoa kapakapa o Kilaveta, a me Hon Wiliama Wabila, a o kela ka uka kaulana loa hoi nana ka palapala hooia make o Haku Ioane Berenada i hoopaahao ia ma Nugeta no ka hewa pepehikanaka ma ke degere ekahi o ka lawe oia o kona ma kuakane Haku Baroneka o Kalivi a o ke kauka aupuni hale paahao o Ngueta i nalowale loihi mai na he lehelena aku o Ladana mahope iho o kana waiho ana aku i kana pepa hoike pili oihana e pili ana i ka ma ke ana o Ioane Berenada.

Ano e ka mea heluhelu ma keia wahi e ike iho ai kaua mamuli o na hoike a me na hooia ana a na poe lehulehu i hoea ae o kauka Buruke io no keia ke kaeaea nana i hapala na ma ka o ka mana hooko kanawai, a o ka olehe i huna a i hoonalowale iaia iho mai na maka aku o ka Ladana no kekahi mau makahiki lehulehu, a e like me ka loihi o na ia o ko Haku Ioane Perenada ola ana pela no ko ua kauka ala ola ana a i ole o makaikiu Heneri Beleinehama ike ia ae la ua kauka nei.

Nolaila, i ka wa a makaikiu Heneri Beleinehama i lawelawe a i hooko iho la i ka hanohano o kana oihana ma ka hoouna ana i na powa e komo uhane i ke aupuni lani, a mamua ae hoi o kona hoouna ana aku i kana hoike no keena oihana ua noii e aku oi no ke poo a alakai nui o na powa ka mea i kapa iaia ioho ka Haku o ka Make – (Loane Berenaba) Aka, a pau na poopoo a me na kuono aole loa he meheu i ike ia no ua kupueu ala o ka pahi poniada. aH

Alaila, wahi a ua kiu nei.  He kupaianaha o na kupaianaha!  O ka hora a me ka manawa keia a ua Haku powa nei e hooko ai i ka hopena o ka make maluna o’u aka ke ike nei au aole oia i hoea mai a kakoo i ka hanohano o kana hoohiki.  Ina, ua mahuka aku oia a holo no ka hoopakele ana i kona ola, alaila e hookolo aku ana au mahope o kona meheu a kukala aku he pio hohewale ia na ka waha o ka’u pu panapana e hoouna pu ia oia me kona puali lima koko e komo kino uhane i kela ao poluluhi o ka make.

O keia na olelo hope a ka makaikiu mahope iho o kona halawai ana me ka makapaa, alaia huli ae la maluna o kona mau kapuai a pii no ka hale oluna a hoouna loa i kana lipoka no ke keena oihana makaikiu a mahope o kana mau olelo hoike o ka hooia e pili ana i na kino make aia oia ua haalele iho la i ke keena oihana iloko o na leo mahalo o ko lakou poo a me kona mau hoa makaikiu ma ka oihana.

O ka lono e pili ana i keia hihia ki poka a ka makaikiu Opio ua holo awiwi ae la ka Iohe ma na pipa alanui ma ua ahiahi ala a na na kolamu o ka nupepa Manawa Ladana i hoolaulaha loa ae ma ke kakahiaka ana ae a ia wa i ike iho ai ko Ladana mau kiu o kauka Buruke a lakou i haohao ai ua hoi mua i ke aupuni lani aole ka oia i make a inehinei iho la no kona komo a hoea ana aku la i ua aupuni alii.  Ua hooiaio loa ia mai keia mau olelo a ua a ua nupepa ala e na olelo ike a hooia a ka poe i ike a i kamaaina loa iaia, iaia e waiho ana me kona mau hoa ma ke keena kaha kanaka o ke aupuni.  Aole wale o ke kino nalo wale kupaianaha o kauka Buruke ka kela ame keia i loaa mua na lohe ana ma ia ahiahai ka lakou i hoea aku ai e ike a e makaikai, aka, o kela wahi hale paahao kamahao kekahi (Pahu-huina-ha) nana i hoopaahao ia Heneri Beleinehama no eono hora e waiho ala ma ke keena oihana makaikiu a nona hoi ka moolelo hoomakeaka e puanuau ai na aakoko a e poina ole ai ma ko Beritania moolelo oihana kiu.

Ae ua lilo kela pahu huina ha a me kona moolelo o ka hoopaahao ana ia Heneri Beleinahama i mea kamailio nui ia a ma na lehelehe o kela a me keia i ikemaka i ua halepaahao weliweli nei, aia he mau leo mahalo ka i puai ae e hoike ana i ka piha makee a me ka hilipai o ko lakou mau manao no na hana koa a wiwo ole a ke kanaka kiu Opio.  imua na hana puuwai elele a ka poe lima koko.

O na leo mahalo o ka hoomaikai i papahi ia maila maluna o ua kiu ala, aole loa ia i lilo i mea nona e haakei a e uilanai ae ai o na manao mawaho ae o ka hanohano o ka oihana ana i lawe ai i ka hoohiki e hooko i kona ihiihi a hiki i kona haule make ana he lua ahi na ka make mai na lima mai o ka enemi a i ole mai ka uila pakalaki mai a kona mau hoaloha ponoi.

Nolaila i ka hookolo ana ma ka meheu o Ioane Beranada ke ala kai nui o ka hui pahi poniada e like me kana kiu i kahoahoa mua ae ai he mau hora pokole wale no i hala ae, alaila e ike ia no ua makai kiu Opio nei e oili mai ana mai loko mai o ke keena oihana makaikiu a kamoe i kona mau kapuai no kahi o na Haku Baroneka o Kalivi Hale no ka haawi ana aku i kana mau hoomaikai maluna o ka Ela Opio Kalivi, oiai, oia e haalele iho ana i na kaiaulu o ka aina ma ke kakahiaka la apopo me ka Elele Emeb sedoa Haku Bekonafila no ka aha elele uwao ma Berelina.

Ua hoea ae ma ka home o ua mau Haku Baroneka ala he mau hoaloha o @a Ela Opio no ka haawi ana aku i ko lakou mau leo kanaenae, a pela no hoi me na makua ka Haku Kane a Wahine o Dan@kota, a oiai ka manawa o ua ahiehi ala e nee awiwi ana imua me na minute o ka hauoli e hoohala ia ana e na hoaloha i hiki mai aia hoi ua hoohikilele ia kela anaina e kekahi leo poha pu panapana i paea lo ae no elua manawa, alaila namau iho la iloko a ka hakanu a me ka meha.

Kuu Akua!  He kipa @@le wahi a ka leo hikilele o ka Eli Opio, Aia anei he mau hana h@o@@lua maloko o na palena aina o Kalivi nei ?  O na ehaeha a p@u i ke kanaka nana i lawelawe keia mau hana; a ke hoino nei au iaia no na manawa he mau tausani.

Me keia mau olelo i hoopuka ia ae e ka Eli Opio o Kalivi, aia oia ua haalele iho i ka hale a holo pupule iloko o ka pouli me kekahi o kona mau hoalaho e ukali a hahai aku ana mahope ona.  Ua hahai pu aku mahope o ka meheu o ka Ela Opio, na kauwa o ka hale me na kukui hel@po e lamalama hele ana iloko o ka pouli o na u@nalu laawe hoheia iho ana i ko lakou mau lala me he koloka pouli ala. a o ka hualolelo mua loa nana i hoopaia ae na paia o ua ululaau pouliuli oia no na huaolelo i hoopuka ia ae e ka Ela Opio.

Kuu hoaloha oiaio !  Iwaena o ka hanohano o kau mau hana wiwo ole eia oe ke waiho nei he luahi na ka puuwai eleele.

 

O ka Gealic me ka Alameda na moku o keia Poaono mai Kapalakiko mai lana.

 

Palapala Hooia Hoahu

E like me ia i Hoopukaia e ka

 

HUI HAWAIIAN REALTY A ME

MATURITY KAUPALENAIA.

Hoahu Maraki 30, 19@1

            Huina Waiwai $50,000

            5,000 MAHELE; $10.00 PAKAHI;

            UKU PAU IA

 

Heaha na Kumu

1.       1.   Aole makou e koi aku ana ia oe e uhaai i kau dala.

2.       2.   E haawi ana makou i kekahi ala hele palekana e hiki ai ke hoopuka puka a loaa ke dala mamuli o ka hoohui i na huina Hilii i kela a me keia mahina, a mamuli o ia mea.  e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

3.       3.   O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

 

Hooia Hoahu

1.       4.   Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palanala (Coupons) Hoola o $50 pakahi i hoopli@@@la. oka, averika no ka puunaue iloko 19 mahina, a e ohi ana makou $150 a e loaa ana ia oe $200.  O kou puka $33.33 no kela a me keia dala pakuhi i hoahu ia e loaa ana ia oe he 33-1-3 keneta puka.

2.       5.   No ka mea aole oihana hoopukapuka i ikeia i oi aku ka pomaikai ma mua o keia.  E kakau mai i na hoakaka piha.  E hauoli mau ana ka Hui e hoike a e hoakaka piha aku i na mea a pau a me na lawelawe ana ke makamake ia, ke kakau ia mai ma ka leta a ko ninau kino ia mai.

 

HUI HAWAIIAN REALTY A ME MATURITY KAUPALENAIA.

 

      McIntyre Pale kihi o na Alanui Pa@@ a me Moi. Rumi 3 a me 4. Pahu Leta 262

      L. K. KENEWELA.

      Peresidena