Ke Aloha Aina, Volume VIII, Number 27, 5 July 1902 — Page 5
| This text was transcribed by: | Michele Anna Jordan |
| This work is dedicated to: | For my grandson Lucas Andrew Rice Jordan, who was born loving Hawaii, a land he has yet to see. |
KE ALOHA AINA
POAONO, IULAI 5, 1902. 5
HE MAU I'A MAI KA OPU MAI O KA HONUA.
––––––––
Los Angelea, Iune 21. Maloko o kekahi o na lua aila o ka hui Orade Oil Company e eli ia nei ma Whitteir, na loaa aku ia ka wai, a i ka wa e ka ia ana o ka wai ua lawe ia mai he haneri a oi aku i'a. O keia mau i'a he keo keo'ko lakou kino, a no lakou hoi ka nunui mai ka elima a ka eono iniha. E ola ana no keia mau i'a, aka, ua makapo nai. O ka hohonu o kahi a keia mau i'a e ola ana he 1.750 kapuai maloko honua a o ko lakou koko he holu. koko he holu.
O kekahi moolelo i kamailio ia ae e Kauka Stephen Bowers, kekahi o na kanaka imi minerala o ke Keena Aupuni Minerala. Ma kekahi o kana mau noii ana mawaena o ka aina hanai holoholona Malibu a me ka aina ma ke komohana akau aku o Santa Monico, ua loaa aku la na iwi o kekahi i'a nui a ka launa ole. O keia i'a he elu aona mau hiu. Aole he i'a o keia ano i ike ia i keia au, a ke hoomakaukau aia oia e hoouna aku i keia no ka hale akeakamai o na i'a no ka huli pono i kona ao io maoli. Kupaianaha no ke komo ana o keia mau i'a malalo o ka honua.
E WEHE IA ANA KA HOIKE-IKE NUI.
––––––––
Ua hoopuka ae la o Wray Taylor ke Komisina Mahiai a me Ululaau he hooiaha ma ka la 28 a me 29 o keia mahina e malama ia ai ka hoikeike anui o na hua ai, na mea ai a me na mea ulu ma ka halepaikau o Haimoeipo. O na poe a pau e makemake ana e komo iloko o keia hoikeike e waiho koke ae i ka lakou mau hoike i ke Komisina Mahiai a me Ululaau i hiki ai iaia ke hookaawale i kowa no kau mau mea hoikeike.
E haawi pu ana ka oihana kalepa o Honolulu nei he hoikeike nui ma ia mau la hookahi, a o ka lakou mau waiwai e lawe ae ana malaila e hoikeike ai, oia no na waiwai like ole e waiho ana maloko o ko lakou mau halekuai. Ke hoao nei kekahi poe e hoolilo ia mau la hoikeike elua ia mau la kulaia a e malama ia hoi on a mau lealea ma ia la. Ano, ka wa ou e ke kanaka Hawaii e noho ana ma na mokupuni like ole e hoouna mai ai i na hua ohaha o kou kihapai no ka hoikeike ana imua o na tansani makaikai e kipa aku ana e ike kumaka i na hua ai, na mea ai ulu a me ua mea ulu e ike ia nei @@a ka lepo o Hawaii aloha. E alawa ae e na makamaka heluhelu i kaua hoolaha e puka aku nei.
LA 4 O IULAI.
––––––––
Ua hoea mai la a hala aku la ka la Kuokoa o Amerika me ke ohohio nui la. Ma ka oili ana mai o na kukuna malamalama oia hakahiaka a hiki wale i na hora koliuliu oia kulu au moe ka malama ia ana o na hoomanao no ia la.
I ke kakahiaka ua malamaia ae ke ka'i huakai ma na huina alanui o ke kulanakauhale nei. H enui na poe kii hoomakeaka hele wawae a maluna o na kae, a me na kaa hana o ke aupuni a me no koa Hawaii. Ua hoopiha ia na wahi a pau a ka huakai i nee aku ai me na kanaka.
Ilalo o Ewa, ka heihei waapa mawaena o ka Matala a me ka Healani, ua kaili ae ka Matala i ka lanakila o na heihei elua.
Mawaho o PUnahou ka hookuku kinipopo mawaena o ka Honolulu a @@ Punahou, a o ka Pukaa a me Hale Dute. O na hui na laua ka lanakila oia no ka Honolulu a me ka Hale Dute, a he mau tausani i hoopiha ae ia kahua akea.
O ka panina o na hana lealea oia ka hoolele ahi keo a me ka hulahuia, a ua hoomau ka hulahuia a hoea wale i na hora pili o ke ao.
E HOOLOHEI KEIA.
––––––––
Ua makemake ia na Lunapepa a pau o KE ALOHA AINA e paipai aku a eleu mai ka hookaa ana i na koena aie o ka lakou poe lawe pepa o keia hapamua e pau ana i keia mahine, Iune 30. E hoomakaukau na Luna a pau no ka ohi ana aku i ka uku pepa o ka hapa hope e hoomaka ana mai ka la mua akku o Iulai. O na poe a pau he koena aie ko lakou aole he ope pepa e hoouna ia aku ana mai keia keena aku. E hoouna pololei mai i ka hookaa dala ana ma ka inoa o ka Puuku, a ma on a la no hoi e hookoia aku ai na kauoha nupepa a pau i makemake ia mai na wahi mai a pau. O na Kumumanao, Hoolaha, Kanikau me na Mele. E hoouna pololei mai ma ka inoa o ka Lunahooponopono.
Ma ke kauoha a ka Puuku,
Keena O KE ALOHA AINA, Honolulu, Iune 14, 1902.
olelo hoolaha.
––––––––
Ke kauoha ia aku nei o Kepola Pahau e kii koke mai i na Umeae Niu he ewalu a'u e malama nei no ehiku mahina me ka maikai, nolaila mamua o kona kii ana mai i keia mau waiwai i hoakakaia ma keia hoolaha. E uku mai oia i ko'u luhi i hana ai $6.00. Lilo aila hoohinuhinu $1 25. Lilo o na wawae umeke 50c Luhi o ko'u malama ana $3 00. Lilo uku hoolaha $1 50 A ke hala na la he 15 me ke kii oleia mai he mana ko'u e hoolilo aku ai me ke keakea ole ia. E loaa no au ma ke kihi o ke alanui Liliha a me Winia helu 15.
Owau no meka onio.
S. K. KAWAI.
Honolulu, Iune 28, 1902.
MA KE KAUOHA
KOMISINA MAHIAI A ME ULULAAU, TERITORI O HAWAII
O ka hoikeike hookuku o na hua ai, na mea ai ulu a me na mea ulu, no no makana dala a me na palapale hoohanohano.
Poakahi a me Poalua, Iulai 28 a me Iulai 29, 1902, maloko o ka Hale Paikau Honolulu.
On a hoikeike ua konola iloko o keia mau mahele like ole, i hoonohonohoia e like me keia papa kuhikuhi malalo iho nei.
MAHELE I.
Manako––Umikumamalua ano, elua makana.
Pea––Eono ano, elua makana.
Hala Kahiki––Eha ano, elua makana.
Pika––Umikumamalua ano, elua makana.
Ipu Haole––Eha ano, elua makana.
Ipu Ala––Eha ano, elua makana.
Alani––Umikumamalua ano, elua makana.
Lemi––Umikumamalua ano, elua makana.
Lemona––Umikumamalua ano, elua makana.
Papaia––Eono ano, elua makana.
Waina––Eono huhui, elua makana.
Kuawa––Umikumamalua ano, elua makana.
Piki––Umikumamalua ano, elua makana.
na.
Poha––Hookahi kuata, elua makana.
Ohia Kuahiwi––Umikumamalua ano, elua makana.
Maia––Ahui maikai loa, elua maka-
Ohelo––Hookahi guata, elua makana.
Maia––Hawaii ahui maikai loa, elua makana.
Maia––Hua ohha maikai, elua makana.
Nui––Eha ano, elua makana.
Maikai o na hua ai hoikeike elua makana.
MAHELE II
Uwale––Kahiki, umi ano, elua makana.
Uwale––Hawaii; umi ano, elua makana.
Uhi––Eono ano, elua makana.
Kapiki––Ekolu puu Kapiki, elua makana.
Kapiki––Cauliflower, ekolu ano, elua makana.
Kulina––Umikumamalua ano, elua makana.
Papapa––Hihi; elua paona, elua makana.
Papapa––Iwi; elua paona elua makana.
Beets––Eono oano, elua makana.
Ohia––KAhiki eono ano, elua makana.
Karote––Eono ano, elua makana.
Kapiki––Lettuce, eha puu, elua makana.
Tunipa––Eono ano, elua makana.
Radish––Elua huhui, elua makana.
Akaakai––Eono ano, elua makana.
Nioi––Hookahi paona, elua makana.
Kalo Kanu Maloo––Eono ano, elua makana.
Kalo Kanu Wai––Eonoa ano, elua makana.
Pu––Eha ano, elua makana.
Pue––(Palaai) Eha ano, elua makana.
Maikai o na mea ai ulu hoikeike, elua makana.
MAHELE III.
Kope––Maikai o ka hoikeike, elua makana.
Paddy––Elua paona, elua makana.
Raiki––Elua paona, elua makana.
Ko––Umi pauku ko, elua makana.
MAHELE IV.
Mauu Maloo––Hookahi pu'a, elua makana.
Mauu––Sorghum hookahi pu'a, elua makana.
Mauu Guinea––Hookahi pu'a, elua makana.
Mauu Buffalo––Hookahi pu'a, elua makana.
Mauu Alfalfa––Hookahi pu'a, elua makana.
Mauu Clover––Hookahi pu'a, elua makana.
Mauu Panicum––Hookahi pu'a, elua makana.
MAHELE V.
Pama Poho––Mea maikai loa, elua makana.
Pama Hawaii––Loulu lelo, maikai loa, elua makana.
Na Palapalai maikai loa (12) eono ano like ole moakaka loa.
MAHELE VI.
Pua Akoia––Mea maikai loa, elua makana.
Rose––Mea maikai loa, elua makana.
Ponimoi––Mea maikai loa, elua makana.
Pua Koniaka Asters––Mea maikai loa, elua makana.
Orchids––Mea Maikai loa, elua makana.
MAHALE VII.
Lei Ilima––Na mea maikai loa ekolu, elua makana.
Lei Ponimoi––Na mea maikai loa ekolu, elua makana.
Lei Maile––Na mea maikai loa ekolu, elua makana.
Lei Pomelia––Na mea maikai loa ekolu, elua makana.
On a wahi e hoahu ia ai na mea hoikeike e hooiako ia ana ia me ke kupono loa e ke Komisina Mahiai ame Ululaau, a ke noi aku nei in a mea a pau e makemake ana e komo iloko o keia hoikeike e hoouna mai i ka lakou mau hoike ma ke kakau ana mai, i ka Pahu Leta Helu 532, Honolulu. E hamama ana ka hoikeike i ka hora 10 a.m. Poakahi, Iulai 28. On a mea hoikeike a pau e waiho ia lakou ma kahi hoikeike he hora mamua ae o ka wehe ana a @ ole aole lakou e ae ia e komo aku iloko o na hookuku ana no na makana. No ka haawi ana aku in a poe ma na mokupuni mawaho aku nei i wa no lakou e maikaikai ai i keia hoikeike nui o na mea ulu, ua hoemi iho na Hui mokuahi i ka uku moku a hapalua like o ka auhau e uku mau ia nei e na ohua, me ka ae pu ana e lawe mai i na mea hoikeike me ka hahau ole, no na mea i koe e ninau ia WRAY TAYLOR,
Komisina Mahiai âme Ululaau.
Hoolaha a ka Lunahooponopono Waiwai.
–––––––––
Owau o ka mea nona ka inoa malalo iho nei, ua koho pono ia i Lunahooponopono no ka Waiwai o David Koki o Waimea, Mokupuni o Hawaii, Teritori o Hawaii, i make, ke hoolaha aku nei ma keia o na poe a pau he mau koi aie ka lakou i ka Waiwai i olelo ia e waiho mai me na hooiaio kupono in a ua loaa aku ma ka moraki a i ole ma kekahi ano e ae, i ka mea nona ka inoa malalo iho nei ma Waimea i oleloia, maloko o eono mahina mai keia la aku a i ole e kue loa ia aku no ka wa mau loa. A o na poe a pau he aie ko lakou i ka Waiwai i olelo ia ke kauoha ia aku nei ma keia e uku koke mai lakou i ka mea nona ka inoa malalo iho nei ma Waimea i olelo ia.
Hanaia ma Honolulu, Oaha. Teritori o Hawaii. Mei 27, 1902.
THEREA AIU KOKI.
Mei 27, Iune 3, 10, 17, 24, Iulai 1.
UA LOAA MAI, HE HELUNA
. . . . O NA . . . .
Pena a me na Aila Pena,
Na Hulu Pena,
Na Kapuahi Aila,
Na Kauahi Fisher,
(ua hoemiia ko kumukuai)
Na Palau na ano apau,
Na Lako Mahiai,
Ho, Oo, Kopaia, Kipikua,
Na Bakeke o na like ole
Na Ipuhao, Ipu Ti,
Na Lako Anianai,
E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau kumukuai.
Hawaiian Hardware Co., Ld.
(HUI LAKO HAO HAWAII, I KAUPALENAIA)